好食懶say's Profile

一個人要hea 時間，唔想去星爸爸，行過美麗華就黎左呢度。下午茶 tea set 種類都算多，要飽有意粉pizza，要吃小小野有slice cake，但價錢就一般啦。而我點左個很簡單既藍苺芝士餅+iced mocha.藍苺芝士餅 - 芝士味幾好，但質地好實，影響左少少口感。/5Iced mocha - 呢杯野要等25分鐘先上到，真係有啲火火地。賣相係無賣相。不過又幾好飲 （吹漲）。咖啡味重，帶少少朱古力味，係幾岩我口味。/5完。…Read More

偶然想找個新地方吃好一點，上OP找找就來了這間。先講吃，點了個魚手指，好吃。夠熱，夠脆，吃得出係即炸，配個黑松露醬，係好好吃 ／5再來 Nacho cheese。同上，好吃，夠熱，夠脆，夠芝士。佢係配 garlic sauce，但味道上無乜化學作用。整體都好吃，兩個人吃有點多。／5主吃，我要左個黑松露大啡菇意粉。都ok，不過不失。份量剛剛好，大啡菇多汁好味。／5內子叫左個蟹肉忌廉意粉。蟹肉份量唔算少，忌廉既份量亦控制得幾好，令意份粉唔會太杰身。／5其實主要想講多少少個環境。講真，雖然座落於商厦，但同時座落於諾士佛臺，我係對個環境有啲期望。可惜。。。我被安排坐半卡位既角落頭，原本都ok 既，因為尚未多人。啲半卡位既枱實在太密同隔離枱距離太近了吧。其次，初初人未多，播放柔和既英文歌時，傾偈係幾好。但人漸多既同時，佢又將音量提高。大佬呀，人多已經嘈嘈地，播歌又大聲，枱又密，點會可以傾到偈？冷氣亦唔夠，響呢個空間，其實好破壞心情。除左半卡位。就係圓枱+無背矮櫈。唔坐都知唔會舒服。加上勁迫，點會舒適。呢度裝潢係有稔過度過，看相片都見到“騷”字下就係有人會唱live 既位置。我想講，果個live位係非常非常非常近食客。如果我坐響果度，食食下野同歌手有眼神接觸時，會唔會太怪？如果同朋友響果幾張枱傾偈，就會好似有個人坐響我隔離向住我唱歌咁，有邊個會enjoy ?又要有啲裝潢，又要放唱live 既位，drink menu 又要有勁多種類既酒比人揀，無非都係想客人留低傾偈，chill 下，放鬆下啫。食物係好吃，但無一個好既環境。至少我唔會有下次。我地吃完咁上下就有個人開始準備彈結他唱live，想像到會更嘈，所以急急腳走左lu.…Read More

直入正題！！生蠔 - 得一款無得揀，每人每次限量3隻。不過真正無限量供應。有兩個人，一個開蠔，一個洗蠔，純熟快手但唔求其。我見洗蠔果個都洗得幾gentle。先沖一沖蠔殼背上既碎殻，再用膠掃沖刷蠔身。我當然唔係第一次見，所以好同唔好既分野在於力度，細心度同態度。我吃左唔夠廿隻，無一隻有碎殼或細碎硬物。蠔本身唔大隻，味道ok。有蠔味，小小咸。/ 5面包蟹 - 正常劈半擺出黎。好多膏，無乜肉。我個人一般般。/ 5刺身 - 有正常的，都有帶子，赤貝。不過味道麻麻地。帶子唔甜，其他都無乜味。不吃也不可惜。/ 5佐賀和牛粒 - 勁好味。又腍又有牛味。吃左幾轉。/ 5羊架 - 又係好好味。唔羶，唔un 。正。/ 5朱古力心太軟 - 會幫客人寫字畫圖案，大人細路，情侶夫妻都一定會開心既野。selfie,，記念，必然快樂。令自助餐帶點溫馨同窩心。/ 5甜品 - 正常預期既都有。旦糕仔，布甸杯，tart，果凍。味道都ok唔馬虎，唔係死甜。/ 5總體 - 幾抵吃。我吃頭圍5-7，地方闊落。人雖多，但於置食物明顯有稔過而達到分散人流既效果。人均唔過$500 ，以咁既質素，唔係好多地方做得到又做得好。…Read More

陸陸雞煲。有朋友試過幾次都話唔錯。我地今次要左小辣，因為我唔係好吃得辣，但味道已經好惹味。雞既份量好好，可以點多幾樣送。芝心百花油條。見個配搭幾得新頴，味道都不錯，油條有百花中和番個油膩感吅時油條有油條既脆，百花有佢既彈牙。手切牛。不過不失，唔un 無根，有牛味。份量都適中。牛栢葉併金錢肚。乾淨，爽口，再yarm 啲雞煲汁已經好好味。泡菜餃。朋友比較吃得辣，所以叫多個辣野喎。都好有泡菜味，同埋好大隻囉。…Read More

是晚情人節。已經唔想比千幾蚊吃西餐，見又未吃過殿大喜屋，價錢亦合理，所以一試。先講下食物。傳說中既海膽手卷，的確好多海膽。見師父半板海膽剷上手卷，係顯得出手好豪爽既。不過可惜啲飯一樣豪爽。我只吃了一個，因為實在太多飯，而本人絕不建議只吃海膽不吃飯。刺身一貫正常，但其他食物未見突出之處。就算賣相好似好得體，其實萬變不離其中，無甚特別。串燒種類比極上大喜屋少很多，有啲失望。吃後感係，殿大喜屋既定位係比極上大喜屋高一級，不過高一級既地方並唔係食物質素，而係整體配套上。比如極上大喜屋只是按人頭分配一個雪糕，而殿大喜屋則任吃雪糕（注意！每個牌子只供單一口味。）又比如殿大喜屋增添甜品區任吃（即旦糕仔，小杯甜品等），但味道不要太有期望。這些都給人升級左既感覺。反而飲品選擇很多很多。而愛好清酒的我當然有試佢地既清酒任飲。冷熱皆可十分貼心。以任飲既角度看，品質也不錯。總括，咁既價錢，咁既配套，咁既質素，同咁既環境等都是相乎合既。不過我自己就試過就算，我唔需要任吃甜品。清酒係讚，但任飲我又飲唔得多。壽司上，我又唔覺加左一小點所謂燕窩同黑松露會令啲食物變得更好吃。所以我下次係會去番極上大喜屋…Read More

。同朋友吃生日飯，例牌上op搵食。觀塘區日式，最好少少高級。挑選下就試下呢間。。香草玉子海膽卷 （左下）/5。名字，價錢，仲要係寫響推介餐牌上都令人期待。可惜，落差太大。蛋是軟熟的，夾心芝士沒有芝士味，夾心海膽也沒有海膽味。這個卷上枱時，熱唔熱，涼唔涼，偏偏係微溫，完全唔知係想熱食定凍食。每件要＄30 好貴。。特色沙律 （左中）/5。 對辨，蔬菜新鮮，酸微酸汁，同埋夠凍，開胃。上面兩片豆腐，好味而特別，good。。自選了4款刺身，三文魚腩，劍魚腩，阿拉斯加大蝦，甜蝦 /5 。刺身夠厚，肥美。大蝦好大隻，多肉而爽甜。刺身好滿意。。壽司，皇帝蟹柳，海膽，帶子 （左右上）3/5。海膽其實只屬不過不失。其他也只屬正常。。軟殼蟹雙色卷 （/5）。蟹肉比想像既多，正常卷物。整體都ok既。是晚客人唔多，傾偈剛好。坐得好舒適，亦好闊落。可以有下次。…Read More

又吃韓國野。之前黎過同一幢野吃日式放題，果間環境一般般，又小小烏燈黑火咁，都預左今次都差唔多。殊不知勁有驚喜，裝修好骨子，燈光柔和，色調令人舒服，感覺已經先relax。都唔明樓下間間都係黑沉沉。餐牌款色幾多，好多都想試，見隔離枱啲份量適中，點菜都放膽啲 （上次吃完劉在石炸雞後都有小小陰影😂😂）。最後點左雙拼炸雞，七色沙律，炸軟殼蟹，五花腩串，三色烤腸。睇落好似好多咁，但我地係吃晒架！！雙拼炸雞 /5。口味自選兩款，要左蒜香同辣醬 （入門辣）。兩款都幾好味，炸得ok，上枱夠熱。唯獨入門辣都辣到我死下死下。三色烤腸/5。 麻麻地。三款腸有兩款無乜腸味，接近無味，有啲失望。五花腩串/5。其實呢個係追加，大家仲有肚吃。賣相幾吸引，醬汁都好惹味。一人一串作結岩岩好。其實仲有啲鍋物，小食想試，要留待下次。用差唔多既價錢，今次比上次真係開心同滿足好多囉。…Read More

其實黎之前都有朋友同我講過唔好期望太多。今晚睇完戲，順便試試。得三個人，望人地張枱碟碟都鬼死咁大碟。一場黎到，都點左三個送。點左一個辣湯海鮮意粉 /5。覺得吃韓食係要辣辣地先有feel. 可惜一啲都唔辣，味道亦普通得很，但足料既。又點左個芝士旦卷/ 5。呢個係幾好味。入口軟熟，有旦有芝士味。不過超“漏“，一件起兩件止。份量都好大份，成呎長既旦卷三個人吃剩1/3.點多個必吃既炸雞 /5。我地揀左甜酸汁，無骨。講真，唔係炸得特別好吃。甜酸汁正常。好大碟，吃剩一半。同埋三支啤酒 Hite (宋仲基代言)總括而言，食物味道確實唔係好吸引，加上份量很大，起碼 4 - 6 個人至比較化算。每碟起碼百幾蚊，份量大都覺得好貴。我都係因為鍾意劉在石先幫襯下。…Read More

今晚吃慶生飯，第一次黎呢間野。地方寛敝，裝修也令人舒服。點左黑松露薯角，芝麻雞亦，小食拼盆，美式漢堡，黑松露湯，一個明太子意粉，五杯特飲。黑松露薯角一般，因為只係炸薯角點黑松露醬。咁只係薯角配黑松露醬。芝麻雞亦一般，純粹夠熱，無乜芝麻味。其他食物亦只屬正常，無乜特別。特飲相信係好多人睇openrice其他食評而期待既野，我點左杯首爾塔（柚子藍柑）。味道無乜特別，最特別係有支野倒插住杯野度，所以只係打咭野（為打咭而叫）。友人都有點其他既特色飲品，全部都係打咭野，味道沒有特別。特別想講下服務，態度好麻麻，問佢可唔可以幫我地將個漢堡切開幾份，佢竟然囉我地枱面個餐具籃裡面把刀出黎遞比我地（示意呢度有刀，要切自己切），無講過一句說話，用表情同行為表達，好過份。明明成間野成晚都只係有1/3 坐滿，又有排先打烊，無啦啦走埋黎問我地有無last order。我稔我可以理解為想趕我地走囉。最重要係，我地一早知有限時，book枱時已經問左佢無客人等位可唔可以坐耐啲，佢地話可以我地先考慮吃呢度。總括而言，食物夠熱，味道正常。但服務態度差囉。雖然坐落尖沙咀核心地帶，但成晚都只係得幾枱客，總有其原因。…Read More

偶爾吃下放題，心情都好啲。啲野吃種類都算算多。雖然間間放題啲野食講真都差唔多，對我黎講分高低就好睇有無特色野或者一啲你有人地無既小食。而呢度有豉汁炒蜆，放題黎講都算特別。炭燒雞亦好好味，吃左幾隻，叫完又叫。佢呢度啲小吃細細碟，同壽司都係細細件，令人可以試多幾款。其實佢啲串燒野都好熱，完全感受到係岩岩燒完就上枱，味道未必樣樣特別，但夠熱既話都唔係間間做到。…Read More

之前睇某免費電視台介紹過呢間野，覺得環境，氣氛同主題都好似唔錯，就黎試下。一黎到，已經好多人，坐滿晒，要囉籌等。雖然我地係第一張籌，但唔駛10分鐘，已經有好多人，成5,6張枱排響後面。等左15分鐘，有得入了，但係係全部等緊枱既人都有得入，因為原來佢有....二樓...講番轉頭，一樓啲枱櫈好密，好迫。坐滿人時係好鬼死嘈。傾偈實會好似嘈交咁。裝橫，一早知佢係用懷舊校園風，會有好多懷舊野做deco. 觀乎一樓，只有舊既感覺，無乜懷舊既感覺。漫畫好多，但全部都唔方便囉黎睇（可能都唔比你囉黎睇)。上到二樓，環境好好多，寛敞好多，空間感多啲，相對無咁嘈。雖然書櫃擺設多左，裝潢都比一樓骨子，不過仍然係舊既感覺大過懷舊既感覺。叫左個台式牛肉飯+紅豆奶茶，由於無套餐，所以要成 $80 , 貴貴地。味道正常，無乜特別。/5無乜特別事都會搵其他地方吃。確實期望同現實落差大左啲。…Read More

好耐冇吃過School food. 今晚同3 個友人聚聚, 發覺多左很多種類和食品選擇. (可能我真係好耐冇幫襯過)是晚叫左- 烏卒卒 (墨魚汁紫菜卷) . 好味, 基本上佢既紫菜卷係必叫, 爭在叫邊款.- 沙律 . 普普通通啦. 無乜特別.- 芝士拉絲雞亦  熱食幾好吃. O的芝士有o的溶溶地又有o的因為鐵板既熱力而燶燶地好好味~- oppa 豬肉彈彈涼麵 o 麻麻地. 唔係好夠涼.- 五湖四海燴飯 (海鮮辣汁燴飯)  幾好味, 不過對我黎講好辣, 但o的飯整得幾好. 有意大利飯既感覺. 唔太稀, 亦唔太稠. 小小粘粘的, good.- 炸雞件伴大葱 普通炸雞塊, 夠熱咁囉.- 橘子艾菲 (橙汁特飲囉)  普通得可以. 如果唔想飲水, 又想叫o的野飲, 呢個一渣裝都係一個選擇.總括黎講都ok既, 因為今晚唔限時, 之前我去沙田果間限時. 所以可以同朋友吹水吹耐o的都得.…Read More

是晚仍然有 citybank 信用咭晚餐~ 包括~ 餐酒 (可轉果汁), 沙律, 餐湯, 石板燒 (main course), 雪糕, 餐飲. 沙律~ 是凱撒沙律, 幾好味...不過我個人喜歡caeser dressing 可以再多少少~ o的面包粒好脆, cheese, bacon bits, 同菜既份量都冇問題, 好好味. 絕對唔似一般餐廳既餐前沙律細細碟咁比你. 是日餐湯~ 有瑞士雜菜湯 同 蟹肉南瓜湯. 我揀左蟹肉南瓜湯, 又係好好味. 南瓜味好有, 亦有蟹味. 有o的真蟹肉碎, 份量亦ok~ 唔太少唔太多~ 主菜石板燒~ 有牛肋扒, 雞扒, 同三文魚扒. 上菜時侍應會教你點大概點樣燒, 同有乜野要注意等等. 之後就自己動手玩~~ 除左雞扒經過調味外, 三文魚同肉都冇經餐廳調過味. 碟既左上方有杯for 牛扒既汁. 再唔夠味既既餐桌有生磨胡磨同生磨海鹽. 成個過程, 好玩, 好吃, 好忙...幾特別~ haha~ 之後有 haagendazz 雲喱拿雪糕~ 如常好味, 夠凍. 仲有般餐飲一杯. 原本驚兩個人唔夠吃. 再另外單點左一個 seafood basket. 有half potion 同 full potion. 我點左full potion. 好好味...熱辣辣. full potion 有, 四件尤魚圈, 四件洋葱圈, 兩件大帶子, 兩隻大蝦, 兩件大蟹肉餅~~ 比我想像中豐富~ 炸皮唔係一般表面係凹凹凸凸果隻炸皮, 呢隻表面係平既 (睇圖好似會易明o的). ha~ 唔識形容, 但脆口好味~ good …Read More

響附近返工, 經常光顧呢間野, 一來我覺得好吃. 二來又幾化算. 三送套餐包凍飲 (熱飲加兩蚊, 無錯!! 熱飲加兩蚊), 都只係 $20 仲要好耐都冇加過價. 一份(食送)既份量 : 雲吞兩大粒, 好好吃, 蝦多爽口 / 丸類兩粒一份 / 芝士腸三條 / 午餐肉兩塊半圓形 / 蟹柳兩條食指咁長左右 (這個唔太抵食) 其他數唔到既送例如: 豬腸, 羅白, 牛柏葉, 牛腩/筋, 紫菜, 魚肉等等...就有o的算多, 有o的好少....難以盡錄, 但整體係好吃的我覺得. 汁都可以叫佢加 腩汁 / 沙嗲 / 咖喱 / 辣汁 / 齋清湯推介: 魚肉 (份量多, 幾好咬口) / 羅白, 煮得真好味/ 午餐肉 (抵食, 兼佢會兩面煎一煎脆少少比你, 雖然有時會煎燶少少 / 沙嗲汁 (要叫佢加) )其實都係佢地自家生意, 小店一間, 服務同衞生都預左超級平民架喇....…Read More

之前睇openrice好似好多人讚咁. 尋晚, 終於同內子去左天機棧. 冇訂台, 一切隨緣心態. 去到門口, 見裡面已經有好多人, 侍仔問我地有冇訂台, 我地話冇, 好彩等左一陣佢就帶我地上樓上 (原來有樓上….驚訝.). 樓上格局原來有party book 就for party, 冇就堂座. 老實講, 氣氛真係唔多浪漫, 又多人, 又嘈, 台與台其實好近. 雖然每張台都有一個小臘燭, 但由於環境太黑 (佢地以為響o的燈較得暗就叫浪漫?!), 睇menu 都好唔夠光…但dun都未坐暖, 門口帶位先生上黎同我地講話介唔介意坐番樓下, 因為想我地張坐合埋另一張做四人台…fine, 我地落, 但落到樓下竟然要我地又等…..但我expect 佢應該要set 好一張二人台先叫我地落去坐, 而唔係再等…勁無奈…講番吃. 一般西式餐廳, 選擇頗多, 有意粉, 有扒之類, 全部跟餐湯餐飲. 我地點左個二人set. $23x頭盆4選 2: 點了『藍青口』 同 『螺肉酥皮盒.』. 前者得兩隻藍青口, 煮得個肉身好林, 林都有o的梅既感覺, 一o的都唔好吃. 後者幾好吃, 細細既酥皮盒夠脆夠熱, 入面有o的忌廉汁螺肉, 口感幾好, 唔錯. 餐湯: 3選 2: 我揀左 『南瓜湯』 , 內子揀 『周打魚湯』. 前者, 都算幾好味既, 不過我唔太鍾意南瓜味 (想試多個湯嘛~ 所以鍾意南瓜既人個湯陣味幾該幾好. 後者周打魚一o的都唔好飲, 冇料, 冇味, 似稀左既普通忌廉湯, 差!!主菜 10 選 2: 我揀左 『香橙干邑三文魚』, 內子揀 『海鮮龍蝦汁天使面』. 前者, 三文魚算大舊, 但隻碟仲大隻, 上菜時十分有吃法國菜既感覺. 三文魚算好吃, 有肉汁唔乾身, 但伴碟既香橙干邑就只係香橙味. 正常一位女仕, 呢個主菜吃完都應該唔飽. 後者, 都幾好味, 蝦勁有蝦味, 讚! 但我覺得龍蝦汁可以再濃o的, 海鮮都好多. 甜品: 4 選 2: 都係因為o的人話 『心太軟』好好吃所以先黎試試. 另外點左個『蘋果批』. 心太軟, 好吃, 完全符合一個心太軟既要求, 好味. 蘋果批, 內子話好吃, 我唔太喜歡吃蘋果批. 『普通餐飲兩杯. 』總結: 環境, 樓上烏燈黑火 (我唔會覺得浪漫), 嘈, 嘈, 嘈, 講野一定要大聲o的. 樓下, 光暗適中番o的, 但都係嘈~ 食物overall 都ok 既, 起碼都有第二o的野可以試試. 但價錢老實講唔係化算~ 坊間仍然有好多好多更好既選擇. …Read More