TofuPu's Profile

最近見疫情無咁嚴重，終於可以同班frd gathering！朋友推介去左呢間樓上cafe，雖然好近地鐵站好方便，不過地面入口得一條好窄既樓梯上樓，唔留意好容易行過左🤣上到去已經見到有幾個人等緊位，好在提早book左。menu好有小店既feel，食物種類幾齊全，有拉麵、飯、意粉、甜品、小食，飲品都好齊全，叫左幾個小食share，主食就一人一個。野食黎得都幾快，落完order10分鐘內已經黎到，小食我地叫左三色雞翼、雞軟骨同薯塊，味道唔差，但如果醬汁多返d就更好。我叫左3.7牛乳拉麵，視覺效果一流😍加上湯底好傑身，做到掛響拉麵上面，而拉麵既軟硬度岩岩好，但湯底既牛奶味如果再濃返d就更好。講到我最鍾意既就係呢杯焙茶朱古力😍😍😍一直都好鐘意焙茶產品，呢杯仲要加埋朱古力口味豐富得黎又好夾，焙茶同朱古力都唔會互相搶味，而且夠濃超正😍😍😍…Read More

同老媽子出九龍做d野，問家姐深水埗有咩推薦，佢就介紹左文記車仔麵，12點左右去到已經有人排隊，好在唔算多。車仔麵聽就聽得多，食就無乜機會，住果頭附近都無車仔麵檔。過黎食既就一定要叫車仔麵必食既蘿蔔啦！仲有家姐強烈推薦既瑞士汁。等左一陣到啦！！！睇落個畫面都好震撼啊！咁既價錢叫花膠仲以為得幾片仔，點知咁大塊又勁有咬口，雞翼大大隻炆到入哂味，蘿蔔好甜唔會太淋好爽口，吸埋甜甜地既瑞士汁真係好正😍😍😍你見張相足料到見唔到麵咁制，但麵既份量絕唔偷工減料，保證食得飽。最最最重要係呢碗麵既性價比好高！！！打打下呢篇食評又掛住想食啦🤤…Read More

同一班朋友gathering，佢地推介去川婆婆食，一於跟隊去試下～顧及有幾位朋友唔食得辣，我地叫左鴛鴦鍋（雖然最後都撈埋一齊🤣），同埋料以海鮮為主。老實講，成餐價錢實在偏貴，因為唔係任叫而係逐樣嗌，但料又確實好新鮮，完全無果種任食、放響度擺左好耐既感覺，蝦上到枱仲要識得郁既！！味道因為海鮮多，唔會好難食。湯底方面，如果鐘意麻辣既朋友都幾推介，因為好夠麻好夠辣。除左邊爐之外竹地仲叫左個酸菜魚，係我鐘意既酸菜魚啊😍😍😍味道唔錯，但魚就唔算好滑，整體ok。…Read More

成日經過都見到好多人排隊，心郁郁同阿媽搵日lunch響度食。壽司種類幾多，如果唔食魚生既人都有飯同熟食選擇，而我就梗係要食壽司啦🥰我同老媽子幾款壽司都叫1-2舊，材料新鮮十分唔錯，飯唔會大大舊同魚既份量比例岩岩好，好易入口，鰻魚壽司仲大大條啖啖肉超正😍😍😍除左壽司之外仲叫左2款小食鵝肝同牛舌，鵝肝正就肯定嫁啦，最surprise係呢碟牛舌串燒，牛舌厚身juicy，食得出用牛油煎過，加埋調味真係超級超級正啊！！！😍😍😍絕對encore之選！！！比多2碟我都食得哂啊！！…Read More

夜晚同屋企人近近地去新港城食dinner，最近食得清想食返d濃味野於是就去食泰國菜。3個人食叫左3個餸一個甜品，當然唔少得我最愛既泰茶！不過就略嫌太多冰味道唔夠濃。蟹肉金邊粉，蟹肉比我想像中多，調味方面幾好唔錯，但蟹肉唔算好夠甜味。軟殼蟹，略嫌咸左少少。3樣餸入面我最鍾意就係呢個炒飯，臘腸夠香，飯炒到粒粒分明，調味方面帶少少甜，吊起成碟飯既香味，添左幾次😍最後食埋甜品芒果糯米飯，芒果或者唔係當造唔算甜，佢一碟有糯米同紅米，但我個人都係鐘意糯米～…Read More

同朋友去九龍灣睇戲，去大渣哥食lunch，去到好多人排隊，不過唔算等好耐就到我地。Menu好多都好吸引樣樣都想食，最後叫左個麻婆豆腐火腩飯同美祿紅豆冰麻婆豆腐雖然麻辣既香味差少少，但勝在料夠足！豆腐同火腩都大大舊😍唔似出面食汁多過食料！飯雖然睇落好多，但一路食餸都食得哂，份量岩岩好！！再黎不得不提呢杯美祿紅豆冰真係好正！！好耐無飲過正既紅豆冰，絕對可以為左佢返轉頭幫襯！紅豆夠多不特止，仲要大大粒好有咬口，美祿粉一路飲一路溶，由第一啖到最後一啖可以係唔同風味但超夾！！美祿粉、淡奶同紅豆比例岩岩好，唔會搶左任何一邊既味好正啊😍😍😍另外朋友叫左炒蛋，試左少少都好好食啊🤤熟度炒到岩岩好係我心目中完美既炒蛋🤤🤤下次一定要黎encore食炒蛋飲紅豆冰🤤🤤🤤…Read More

到底有幾耐無出去食野，繼母親節之後終於都出關啦！見有新餐廳開，於是去試下，本身食開沙田mr steak 但執左之後就搵唔到性價比高既牛扒食，但食完呢間又多個選擇啦！！星期六可能因為早去未算好多人需要排隊，入坐前職員先量度體溫，入到去每個卡位都有透明膠簾圍起，安全感十足。餐廳主要食扒，但唔食扒都有其他飯類選擇，而我呢個食肉獸梗係食扒！！響多款扒入面最後揀左198既200g M7澳洲和牛，佢另外有300g選擇，但唔知份量幾多所以叫個細既算。餐廳貼心咁提供圍巾以防油彈到成身都係。等左一陣，塊扒到啦！！！張墊紙有教學，可以先切開少少睇下熟度岩唔岩，唔岩既可以再煎一煎，到ok先淋汁上去。好在無叫大份，因為細份都唔細🤣🤣🤣加上牛扒本身既油份食到後面都會略為膩，大家叫既時候就要衡量自己既胃口～入正題，塊扒牛味好足！油脂均勻，食落軟身得黎又唔會太韌，最緊要牛味真係好足😍😍如果覺得膩可以同伴碟既菜一齊食，即時fresh哂繼續食牛😊呢塊扒性價比真心好高，必定會回頭再食😎…Read More

好耐未食過正統西餐，朋友介紹呢間西班牙菜，一於去試下。舖頭雖然響尖沙咀，但位置響小巷入面，而且響2樓，所以好寧靜，方便得黎岩哂想遠離塵囂既都市人。唔單止店舖位置，舖頭以黃色燈光做主調，配合埋木質枱櫈，感覺真係好舒服☺️至於食物方面，超多選擇，有飯、意粉、漢堡、小食、甜品、飲品種類都唔少，花多眼亂，如果多人黎食就可以試多幾樣😆首先黎既係鵝肝黑松露意粉，店員一放隻碟落黎已經超級香！！意粉軟硬適中，忌廉汁包住每條意粉、啖啖黑松露味真係好正！！好老實講我從來未食過咁重黑松露味既意粉，其他舖頭好多時第一啖食落有之後就愈食愈無，但呢間舖頭既黑松露絕對由頭食到尾都仲有！！而我最想highlight既係塊鵝肝！超！級！好！食！煎到真正外脆內軟，切開仲有汁流出黎好juicy，因為夠軟身，所以幾乎入口即溶！就算吞左都仲有陣鵝肝味響喉嚨殘留，正到呢🤤之後就到黑松露意大利飯，係！又係黑松露！因為朋友係黑松露痴所以應佢要求點左2味🤣今次呢個意大利飯因爲配埋火腿所以係另一個風味。本身火腿味道偏咸，所以廚師好細心地將意大利飯既咸度降低返，所以火腿夾飯一齊食就岩岩好！再配埋大菇清一清口腔，即時fresh哂😍另外叫左水果茶，有熱情果、橙同蘋果，酸酸甜甜暖暖地超級開胃😍岩哂喜歡養生、天然、唔想飲咁多凍野既朋友最後既最後梗係要食甜品！呢個甜品極度打卡able！真係超靚！主要係伯爵茶mousse、白朱古力、生果、啫哩、黃豆粉裝飾而成，樣樣野都食得，有種食自助餐既滿足感😆小小既貝殼朱古力真係好可愛，貝殼mousse好有心思，總之成個甜品睇得出廚師既誠意🥰呢間舖頭無論係人少少地談心定大班人gathering都一樣咁適合！…Read More

帶父母去機場睇展覽，早去到就醫下肚先，就揀左呢間泰國菜。初初見佢menu好似好多野揀，點知行到去收銀樣樣都無😅父母就揀左湯粉，我自己揀咖哩飯。因為睇落有三色咖哩又好似幾抵。等左一陣就有得拎嗯？圖片只供參考？😂得返一色咖哩，我自己就無乜所謂既畢竟黎得機場附近都唔期望有好高質既野食，但多少有被誤導到。講返味道，咖哩就唔特別，但有d surprise佢比好多牛筋，牛筋多過腩。而牛腩我覺得唔錯，肥瘦比例岩岩好，又炆得夠淋唔洗點咬，牛腩質素係有驚喜既。至於蝦餅，我就覺得一般，無醬點都幾dry，或者我應該問下會唔會有泰式醬😅總括而言，質素唔算好高，但填飽肚都ok既。…Read More

返工經過唐記，發現新出左柯華田包同奶茶，作為華田派梗係要試下😎第一啖咬落去仲未咬到流心，但麵包外皮食落已經有少少華田味。再咬落去嘩！！不得了！本身咁既價錢唔期望好流心，以為會好似酒樓奶黃包咁一舊奶黃既狀態，點知完全超出我所料！！華田漿充滿哂成隻包，每啖咬落去都要爆出黎咁制，要好小心食。包入面既漿仲可以浪下浪下🤣正係正，不過亦因爲太多流心漿食左一隻已經好膩，但絕對值得返轉頭！！至於華田奶茶，本身唐記既奶茶已經好濃郁，所以華田味會稍為比奶茶味掩蓋，飲到落底搖勻華田味先會比較出，但整體都係高質。…Read More

夏天個口dry dry地，難免想搵d野飲，於是去左茶狼！因為唔想飲珍奶令個口太甜，所以就揀左個清新之選：水果四季春。茶底味道幾濃幾香，篤下生果，生果既甜同香味會滲入茶度，而且有好多種生果，味道好豐富，感覺超fresh，好解渴！…Read More

食完lunch又到甜品時間，新港城都開唔少蛋糕舖，經過開就去左呢間！好在比較casual可以坐低慢慢食！食過唔少種類既蛋糕，始終生果海綿蛋糕永遠無得輸！😍呢間舖頭淨係士多啤梨蛋糕已經有幾種，花多眼亂！面頭酸酸甜甜既士多啤梨同甜度岩岩好既cream味道超夾，蛋糕夾層仲有好多士多啤梨果jam，果jam酸味多少少，中和左蛋糕既甜膩感，令到食哂成隻都唔覺膩，好好食！！…Read More

開左咁耐依家先去食，因為次次都勁多人唔想等咁耐。今次終於都食到啦！食得薩利亞都係貪佢平夾好食，質素都預左係快餐既味道，但真係好抵食🤣同樣質素比佢貴既通街都係，呢間CP值真係奇高2個人食，知道餐廳份量唔多，所以特登叫多幾種食物。首先上周打海鮮湯，幾香忌廉味，又有唔少蔬菜粒幾有咬口。明太子蝦魷魚意粉，蝦同魷魚每種都有2舊咁大把（咁既價錢我原諒佢🤣），意粉軟硬適中，明太子都唔算少，食得出明太子既香味，醬汁起碼可以做到掛響意粉上面，所以唔會好乾，唔錯。雞翼就比較細隻，可能因為呢知原因肉質唔算juicy，會乾少少，不過好彩唔係炸雞而係烤雞翼，未至於會超乾，尚可接受。多利亞因爲比較後期先上，所以食到6成飽，最後食有少少膩🤣不過咁唔代表唔好食，基本上每一粒飯都比醬汁、肉醬同流心蛋包住，真係超正🤤多利亞都算薩利亞名物🤣最後！我特別想highlight呢個布甸！本身唔抱太大期望，只係想食甜野先叫，點知我最鐘意就係佢！面頭焦糖香不特止，布甸食落仲好香蛋味！！又唔會太甜，真係好好食！！我決定每次黎食都要叫一個！！😆😆😆…Read More

食完飯想飲下野就去左春水堂，雖然天氣熱但成日飲凍野唔好，所以叫左杯熱珍珠紅豆鮮奶茶，佢地既珍珠比一般舖頭細粒，好處係易吸，而壞處都係因為太易吸好容易吸入喉嚨🤣 紅豆味唔算太濃，整體感覺一般。因為見觀塘店成日排長龍所以期望幾高，但飲落又唔係咁surprise，質素實屬一般。…Read More

新港城開拉麵舖梗係要試下。呢間既拉麵種類都幾多，由濃味至清淡一應俱全，岩哂唔同口味既朋友。今次我食左黑蒜油熟成濃湯拉麵。麵黎到梗係飲一啖湯先，湯底除左本身既豬骨湯夠濃之外，仲有超濃郁黑蒜味！超香！基本上飲落去由口腔至喉嚨都充滿蒜味，可想而知有幾濃🤣不過隱約有少少由蒜頭產生既苦味，我自己接受到所以唔覺得有太大影響（飲左半碗🤣），但唔食得苦既朋友叫呢碗麵之前就要諗諗。另外配料如果唔另加既話就只有一隻溏心蛋、一片叉燒同一小撮波菜，我自己就略嫌dry左少少（至少期望叉燒有2塊🙈），不過味道係正既☺️以後食拉麵又多個選擇啦😍…Read More