古早味蛋糕's Profile

🥑Cold Cuts & Salad Bar今次嚟嘅主要原因係俾佢個salad bar吸引 有至愛parma ham加蜜瓜🧡 芝士同沙律菜都有唔少選擇 沙律菜新鮮👍竟然仲有燒波蘿🍍🍤Starters Combo海鮮拼盤配魚子醬 魚子醬鮮味十足 蟹肉啖啖肉得嚟嫩滑 蝦就普普通通🍳Eggs Benedict中規中矩 🫕Canadian Lobster Bisque龍蝦湯 夠香夠熱 濃稠度適中 🥩USDA Superior Farms Lamb Rack 8oz主菜印象中有雞牛魚羊可以揀 我哋揀咗羊同牛 羊架會配蒜頭同車厘茄 羊味香 唔太羶 配埋蒜頭食一流😋 仲有少少解膩作用🥩Grilled Sustainable King Prawn & USDA Prime Rib 5oz另一道係牛扒配大蝦 呢塊牛扒就令人有啲失望啦 牛味一般 仲有少少韌 可能對Steakhouse岀品嘅牛扒有一定期望🥦Creamy Organic Spinach可以揀兩個side dish 忌廉焗菠菜穩陣 好食🍄‍🟫Mixed Mushroom雜菇就好一般 唔推介🙅‍♀️🍪Sweet Corner甜品區揀咗幾款甜品嚟試 creme brulee同Tiramisu好味 另外兩款都唔錯 甜品可以講係好睇又好食嘅👍🌟總結: 無飲酒 $988+10% 包free flow果汁汽水 洲際年代嚟過一次食扒 當年印象係 體驗新鮮 但食物質素有啲期望過高 今次裝修完再返嚟 估唔到感覺都係差唔多🤣嘢食唔會難食 有番一定質素 但未至於去到驚艷嗰隻 但整體環境係舒服嘅 weekend想食brunch都可以試一次👍至於服務方面就有待改善啦 當日帶咗把遮 入到去員工好主動話幫我keep起把遮 走嗰陣俾番我 點知我哋走嘅時候唔記得 佢又唔記得🙈 加上感覺員工唔夠留意客人 有時示意幾次先有人見到 希望之後會有改善啦💪…Read More

🌟魚蛋燒賣不過不失 無乜特別🌟腸粉今次咁多樣入面最好食 嫩滑 醬汁味道啱啱好🌟原味格仔餅味道同醬嘅份量都適中 唯獨今次個皮唔夠脆 口感似蛋糕 應該係外賣耐咗嘅原因 之前喺公司叫過 嗰次係燶少少 送到時仲有微暖 外脆內軟 嗰次好食好多🌟原味雞蛋仔另外有即場買過佢嘅雞蛋仔 新鮮熱辣辣幾好食 入面偏實心 唔似有一種係空心雞蛋仔 蛋味都ok🍍總結: 整體都ok啦 突然想食格仔餅雞蛋仔過下口癮都可以一試嘅👌但強烈建議都係即場買新鮮熱辣食好啲…Read More

🌟麵包籃🌟首先嚟一籃法包 熱辣辣 味道正常主要係成籃咁俾你試望到都開心食唔哂員工會貼心地幫你打包👍🌟L’Amuse-Bouche 開胃小食🌟中間係海膽 下面餅底但海膽味唔岀 而且作為開胃小食略嫌有少少膩🌟前菜1- LA Betterave 法式蘋果及甜菜沙律伴牛油果醬及青芥末雪葩🌟第一啖食落去 係未食過嘅配搭 好特別會想再試多啖嗒真啲 味道酸酸甜甜 凍凍地呢度菜比開胃小食更開胃🤣🌟前菜2- LA Seriole 平政魚刺身薄片配橘子醬汁及法國辣椒粉🌟刺身爽滑彈牙 有淡淡柚子味 微微辣辣地好好味 我最鍾意呢個前菜😛🌟前菜3- LE Foie Gras 法國鴨肝忌廉配雞湯果凍及玉米凍湯🌟鴨肝味濃郁 口感似慕絲加啫喱 好有層次我男朋友就覺得呢度前菜最好食😛🌟湯-LE Cepe et L’Aubergine 牛肝菌濃湯配茉莉香米忌廉🌟夠濃稠 牛肝菌同茉莉味都幾岀但前面三個前菜實在太岀色個湯就顯得有少少普通啦 🌟主菜1- LE Homard Du Maine 緬因龍蝦意大利麵及龍蝦泡沫🌟龍蝦肉鮮甜彈牙 意大利麵al dente個汁食食下會有好淡嘅杏仁味回甘係近期食過最好食嘅意粉👍唯一缺點係要另加$150😂🌟主菜2- LE Black Cod 味噌烤鱈魚柳配馬拉巴黑胡椒汁🌟魚肉嫩滑 份量比想像中多呢味無咩創新特別嘢但個味噌豉油味就係調得啱啱好穩陣得嚟已經好好食 🌟主菜3- LE Pigeon 慢煮法國乳鴿配鴨肝🌟乳鴿煮到啱啱好 肉質彈牙同上一度魚一樣都會配埋佢地signature嘅薯蓉 個薯蓉打到好滑 牛油味極濃 超好食👍🌟甜品1- LA Framboise 法式小紅莓蛋白霜配雪葩及酥脆蛋白🌟上面係一塊蛋白脆脆 中間夾住雪葩口感層次都算豐富味道就係普通紅莓味🌟甜品2-LA Navel 西西里香橙慕絲配香濃朱古力及香橙雪葩🌟就係橙味雪葩加朱古力 不過不失佢啲甜品偏傳統穩陣派 無乜驚喜 有少少失望😅覺得佢可以喺甜品度搞多啲花臣🌟Petit Four🌟最最最後仲有個迷你甜品set朱古力棉花糖 馬卡龍 檸檬撻配埋杯Earl Grey 完滿結束呢一餐總結: 埋單$2541 叫左兩個set 米芝蓮三星嚟講覺得佢個lunch價錢合理 前菜同主菜唔係淨係得個樣或創意 味道接近滿分👍👍 唯獨覺得甜品仲有些少進步空間💪 服務方面都做得幾足 會自動幫你打包啲包 知你生日會幫你影相留念 仲有張相送番俾你 有機會都會想再嚟食多次🙂…Read More

🌟XO醬炒腸粉XO醬幾重手 好入味作為腸粉控嘅我覺得必食😛🌟水晶鮮蝦餃蝦爽口 胡椒味適中 皮唔爛好靚仔嘅蝦餃 值得一試👍🌟蟹子燒賣大大粒 豬肉彈牙但相比起蝦餃 燒賣普通咗啲 無乜驚喜 鍾意食燒賣可以叫 否則可將quota留去試其他嘢🌟魔幻脆皮大腸呢道菜係廚魔同富哥同時推介 入面釀嘅係墨魚滑 咬落彈牙味道同大腸好夾 岀奇地好食😲🌟焗釀鮮蟹蓋有少少失望 蟹蓋偏細隻味道不過不失唯一好係即叫即焗熱辣辣🌟十年陳皮紅豆沙見佢話十年陳皮 好有期望 可惜味道偏淡可能想突出陳皮香味所以只落好少糖？🌟蛋白杏仁茶蛋白味夠濃 濃稠度啱啱好好有驚喜👏 比紅豆沙好食好多🌟養顏棗皇糕另外仲叫咗個紅棗糕紅棗味香濃得黎唔太甜 咬落非常煙韌食得岀係用心整👍總結: 埋單$999 國慶日都唔係太多人 環境靜靜地 啲枱隔得好梳 坐得幾舒服 食到一半富哥仲有岀嚟同客人傾吓偈 有機會都會考慮同朋友再嚟食…Read More