Daisyc's Profile

已有一段時間沒有來美都了，今次特意試咕嚕蝦球面，面夠脆，咕嚕汁唔錯，蝦亦爽。但杯奶茶跌咗watt，凍奶茶味道奇怪，同以前味道大大不同，我一直喜歡去美都食，好希望老板睇到，可以改善一下，因為奶茶是菜餐廳的靈魂。…Read More

今日中午去了大尾督行下，見到呢間Dragon Smash好似幾舒服便入咗去食，食物選擇不多，我選了All day breakfast，老公選了double beef burger，我嗰ADB來到有點失望，有牛，雞豬扒各一塊，但好似你去bbq燒完擺咗一輪，又“鞋”又乾，味道也麻麻。我公老的burger，佢話薯條好味，但burger塊牛肉D味怪怪地。其實佢環境唔錯，但如食物唔掂，好難再幫襯。希望佢之後會改善。…Read More

昨天下課後2人叫了一個168套餐再加一隻薰蛋。先講隻薰蛋，乾真真，同menu張相爭好遠，無香味無流心，我淨係食到D薰同酸味。再講個小籠包，皮厚完全唔掂。 個蒜泥白肉好似係雪櫃啱啱攞出嚟，淨係得啲蒜蓉同醋味好難食。嗰擔擔麵亦非常一般，唔怪得六點幾得我們一枱客。如果唔改善好快執得。…Read More

幫襯了美都二十多年了，我老公每次都是叫肉絲炒麵，我就叫時菜肉片湯米，一定要加辣醬，一碗普通屋企都整到的湯米，但就係因為呢種兒時味道讓人喜歡。希望店主一家人身體健康，讓我們繼續可以常去這真正港式茶餐廳。…Read More

我唔明點解冷氣要開到好似係雪房一樣，早晚都係一樣，其實有好多老人家飲茶，開咁大冷氣會使人生病的，食物也會很快凍晒。每次去都會請他們關小點，但每次都冇细到。尋日去飲茶，個waiter話同我關小了，但完全冇改善，最後要未食完即走，真嬲。…Read More

以前在西螢盤已多次幫襯金銀泰，喜歡他們整的牛肉沙律，生菜肉碎包，燒雞，更喜愛這家泰國家庭的親切温暖招待。他們搬去深水埗後因太遠没有去過，最近知道他們搬去佐敦當然要再試啦。今次叫了一桌菜，燒雞，牛肉沙律，芒果木瓜沙律，燒菠蘿，燒粟米，芒果糯米飯，椰汁炒菜，串燒拼盤，生菜包，全部食清因實在太好味了，價錢亦非常合理，會常去支持的，因這類小本經營的特式食店買少见少了，他們一家用心经營，不希望他們再因加租又再搬了!…Read More

一早訂了一圍12人食團年飯，之前食過大紅磡鳯城，非常一般，今次是妹夫堅持的，費事自己book，唯有ok啦, 點知真有驚喜，個預訂了的炸子雞個皮勁香脆,肉也很嫩. 另一好味是粟米魚肚羹，好足料,魚肚好爽. 另甜品馬拉糕和西米布甸也是一絕‧ 原來同樣鳯城, 但水準可以咁參差.…Read More

今日同屋企人看完戲後特登去香港仔翠華幫襯，呢間分店我是常客，一直水準都不錯，但今晚我們四個人點的菜均完全唔掂，我叫了蝦加冬陰公米線，D蝦唔新鮮，一咬落去就知道是用野勁LA過的，我老公點的雜扒雪到無晒肉味，個忌濂湯好粉，我細妹的肉絲炒面係食過甘多次最差的一次‧ 退步成咁，可能都無下次了解，希望該集團會好好改進啦‧…Read More

好耐以前去過龍華，記得乳鴿幾好食的‧ 有晚突然想食乳鴿，於是山長水遠突登同老公及細妹兩老婆開車到沙田‧ 由於細妹未到，我們想食住乳鴿等，個waitress 叫我們食4人套餐，話600多元抵食，有4隻乳鴿，於是我們一口答應，叫佢先來兩隻，點知佢話不可以，電腦入單，一出必需4隻出，我們費事同佢爭辯，於是散叫‧ 乳鴿68蚊一隻，但味道非常一般，我們兩隻都食唔晒‧ 等妹妹來了，便叫了其他菜，我們等了很久，菜也不來，我聴見隔離枱d人不停催菜，我們已心知不妙，d 侍應又不會馬上入kitchen催，肯定佢哋已經習慣了‧ 等都唔緊要，最慘係d菜難食到暈，等到最後隻雞好耐不來，再催原來漏單，佢話即刻整，又等了很欠隻雞終於來了,但竟然血淋淋，裏面生的，於是叫waitress攞入去再弄，又等了很欠，我們的耐性已到了頂點，於是叫waitress取消，佢話要叫經理先得，過了一陣經理冇來，蠂雞終於來了，隻雞縮到細細舊，一睇就知勁硬，於是同waitress講，我們不會要的，半隻雞要188元，咁貴要我硬食,咁係唔制啦，最好終於比我哋講點唔要，埋單都要5百幾蚊，真激氣，我們幾個話個永遠唔會再來‧…Read More