JOO氏妹的個人專頁

睇完「有碗話碗」即刻訂位試下。點知去到竟然無我哋個booking….. 但幸好有位。我哋叫午市Set B ，雞煲+打邊爐。當我哋坐好，雞煲好快嚟到，雞煲係冬陰功調味，聞落好香，但食落檔不住雞件嘅雪味….🥴 有一舊入面係粉紅色，生㗎..食完雞煲，打邊爐嘅湯底一直都未嚟，頭一次等咗10分鐘…. 然後我問職員，職員應完「哦」之後又唔見人。然後又5分鐘問另一個職員，同樣「哦」又唔見人。然後不斷問身邊經過嘅職員問到第5次，我直接同職員講「我問咗4次喇..請問個湯幾時先上？」職員可能意識到，今次唔係「哦」，而係答「我去問下先」。然後就拎煲湯過嚟。2小時嘅打邊爐，咁就失去咗25分鐘…. 加上打邊爐個煲又細，個火又慢… 食到好趕仲要好快又要加湯，由於我叫一個冬陰功湯底，加湯又等我5分鐘，因為職員話要煲喎～整體上，無論火鍋配料還是外面熟食，都非常一般，而且選擇少。其中鳳爪有陣雞腥味🤮飲品雖然任飲，但味道比想像中更恐怖。榴連雪香好假嘅榴連味❌盲盒個杯更係糖水一樣死甜❌ （即圖中紫色個杯）而其他梳打都唔係個回事…….兩人$600埋單，我覺得唔太值，呢個價錢可以有更好。…查看更多

分別點了特選（$199）和特上（$249）兩個薩摩牛套餐特選的薩摩牛很嫩滑，但不是入口滿滿牛的油香也許特上的那個才是吧～（我沒吃到🙈）那些前菜沒什麼驚喜唯一讓我有點小失望就是明明一人套餐，但是他會把兩人的配菜放在一起我比較習慣那種每人一個套餐跟一個鍋，自己慢慢燒（當然以陰謀論，是配菜太少，所以直接用二人份量上，這看似會比較多🌝）而且還是離不開香港食肆文化太急於收拾桌面上的碗碟🌝速度更是只要你夾起不久，便會光速收掉了我們限時內吃完，打算喝喝茶聊聊天直到夠時間這根本是不可能….除了職員在中間‘兵鈴嘭鈴’清潔桌面然後會發現… 職員們是看著你這情況下怎可以享受聊天🤡反正限時又分時段的，不能讓客人好好坐一下嗎我會建議參考日本做法客人聊天比較重視私隱，職員是會跟客人保持距離，而且在適當的時候/客人呼喚時才會出現整體來說，$199是可以試試看。…查看更多

味道沒有特別好吃，聲稱打冷/潮洲的店最基本必要的滷水，做得不好，食材本來不入味，只靠外面的滷水醬油，失望！整體上所有餸菜還好，但服務態度足以令人卻步。每人桌上均有一個杯子，但是我們已經用咗喝熱茶，隨後點餐叫啤酒，問店員取杯子喝啤酒，那個年輕曲髮男店員一句「你哋飲晒佢囉～（指在喝茶的杯）」真莫名其妙！！！即是我們把茶喝完，但杯子是熱的，用來喝啤酒感覺好嗎？隨後，我們問另一位女店員，她爽快就給了。然後，安排到最入的走廊，非常擠逼，所以店員會叫客人把袋子放在石壆上。偶爾牆身有小強🪳走過，進吃的過程，常常觀察會否有小強入到我袋。一間餐廳即使更好吃，但存在一位態度輕浮無禮的店員，簡直是老鼠屎。…查看更多

呢間講好食，又唔算，講地道，又唔算，平平庸庸囉，我都幫襯過幾次。元朗一帶，想打冷，選擇已經唔多，呢間小店水準，服務態度，同衛生算咁上下嘅一間。唔會成日趕人走，比啲無形精神壓力你，好快收走個啲碗碗碟碟。唯一只係唔比你拎外來飲品入去。呢點都可以理解。滷水就唔入味係真嘅。第一次幫襯叫過，麻麻地，所以之後我無再叫，佢有無改進我唔清楚。…查看更多

本來睇過食評覺得貌似不錯，於是決定呢首慶祝朋友生日。應變能力差首先，入座安排一個發出極大聲的「躂躂聲」嘅爐，我問店員可否轉位，持續聽住呢個聲有啲不安。店員解釋係正常冷卻問題。爐開咗15分鐘仍然「躂躂聲」，我眼見仲有幾張空枱，我再問店員可否換位，因為真係好嘈，加上我知根本唔係屬於正常冷卻聲。店員話唔可以，因為人哋係訂座。我話我都係訂位。轉頭店員就安排到最側嘅座位。呢個爐同樣重新開爐，但又無所謂冷卻聲🌝 （以店員邏輯，難道全店只有一個爐有正常冷卻嗎？其他都壞嗎？🌝）準時交枱我哋叫咗90分鐘，坐底坐咗一小時後，店員話last order，然後我們火速咁點餐。先前調爐時間包括在內加上店員一直唔收碟，我哋張枱堆到好高，仲要走單。超級趕急食完90分鐘，店員準時叫我哋還枱。我哋問咁雪喺雪櫃嘅生日蛋糕呢，唔可以食埋嗎？（當時已經好多空枱）店員支支吾吾咁，最後先比我哋食埋生日蛋糕，再者唔會準備刀叉碟之類）我哋4人埋單都$1399，講真，味道本來已經非常一般，肉都稱不上好，再加上咁差嘅服務態度，同死板嘅做法，係十分影響食客嘅感覺。呢間，只此一次。最搞笑要取消OpenRice訂座，先可以有馬卡龍。…查看更多

初一拜年，家人年老，廢事煮飯，於是我到呢度叫外賣。由急切嘅環境下，拎外賣個時，我發現比漏咗個珈央多士。隨後叫職員幫手睇睇，後來個位女同事黑口黑面咁應我，之後喺廚房拎個珈央多士比我，之後我就返屋企。返到屋企，我家人同我講話點解無飯，只有餸。於是我家人話唔好煩，自己喺屋企整麵食。我話我個飯係另外加錢所以就打去同餐廳講申請退款。（餐廳電話openrice仍未有）。收銀話退款只限即日，第二日係拎唔到，因為佢哋係即日埋數。即日埋數我明，但過咗第二日唔退款我呆咗 我話初一全家人開緊餐，同埋我唔係住喺銀座附近，搭車都需時。然後收銀話「咁你諗你。」於是我問佢可以點做，退款又退唔到，係咪會安排有人會送番個飯比我哋？收銀話「無人手，唔送。」咁我又問佢「咁即係點？我白白俾$14嗎？」收銀話「吓，咁你咪依家嚟拎番啲錢囉！」我聽完真係………無言。完全俾唔到實際解決方案我。最後佢直接將電話交俾經理處理。不得不說，經理無論對話過程中，態度都幾好，應變能力比起收銀同事嘅好。更明白收銀同事態度有問題而不斷講唔好意思。隨後同朋友分享初一晚餐發生嘅事，都有人話呢間餐廳都試過漏單，但幸好佢行得唔遠，可以返去追番。我希望餐廳或者買外賣嘅人真係點點齊晒未先好走。無骨海南雞味道都幾好，半隻我哋三人都夠晒。巴東牛肉味道不錯，牛肉好焾，年老家人都咬到。雞絲扎肉湯河湯底偏咸，其他都無問題。珈央多士因為外賣，所以返到屋企有再焗下先食。味道我家人好鐘意…查看更多

我去過兩次個度咩肉都有, 魷魚、豬肉、牛肉、羊肉等等, 好多好多種,我地多數狂食牛仔骨! OK既!又有得打邊爐, 基本的材料都有既.. 菜呀, 丸呀, 麵呀就抵死係個爐, 得個小小位滾野.. 成日都唔夠放.. 每次燒野食時放油, D油落晒去D湯度.. -___-;;而且都有熟食, 豬腳畺、豬皮魚旦、九菜豬紅、炸雞翼、炸豬排等等 豬腳畺出乎意料好食 (因為本人從唔食豬腳畺, 但都食呢個)日本就壽司啦, 三文魚、幾款的太卷、蟹子沙律(我唔食三文魚, 但我都覺得個度的三文魚好似唔太新鮮)甜品有檸檬餅、啫哩、焦糖布丁、豆腐花、不同的慕思、雪糕、蛋糕等等(檸檬餅唔錯)我有次食, 檸檬餅個餅底有小小苦苦地, 因為烤燶左小小,但唔錯,味道適中,唔太甜飲品就得豆漿、酸梅湯仲要係豆漿麻麻地... 有時好有一陣奶味, 有時係淡... =________=不過個度有湯飲, 不妨可以轉飲湯都係個句, 唔係追尋咩都要正宗, 只係期望有個地方可以成班聚下, 食個韓燒, 其實呢度真係唔錯!價錢合理, 大胃王一定可以回本!生日早一日通知, 仲有生日蛋糕送埋…查看更多