mister v's Profile

嗰日睇YouTube介紹兆萬商場，入邊有間日式放題，有好多款唔同嘅嘢食，人均消費都唔高，趁放假約咗朋友去食原來佢哋仲有壽喜燒同理磯燒選擇，如果鍾意就可以加錢揀，估唔到而家放題都咁多選擇落咗單冇耐刺身就嚟，三文魚刺身肥美新鮮，喜靈魚同埋刺身蝦都好好食，有驚喜，重點係你寫幾多佢真係俾幾多你除咗刺身，我都鍾意食佢嘅火炙壽司，細細舊飯又唔會太多，都叫咗兩三次燒羊架都好好味，鍾意佢夠so食完日本嘢仲可以打埋個邊爐，真係正食晒啲嘢再食埋甜品雪糕，埋單每人都唔貴，下次會再嚟食…Read More

今日去咗大圍度探朋友，老竇打電話嚟叫我哋加料買餸，所以買咗半斤叉燒半斤燒腩仔，再加半隻豉油雞第一次喺呢間餐廳買嘢，佢係住大圍嘅朋友介紹，呢間嘅燒味唔錯喺窗口望到勁大隻燒鵝，其他啲燒味都幾多選擇而且買嗰陣都見到有人排隊，而且堂食都有幾多人，質素應該唔差，佢入邊自己都有個廚房即刻燒，夠新鮮兩款嘅燒味份量都唔少，叉燒真係燒得幾靚，半肥瘦啱啱好，攞埋個叉燒汁撈飯真係一流燒腩仔就皮香肉厚，而且唔會燒得太鹹，夠入味兩個燒味都夠質素下次可以試吓燒鵝豉油雞好滑，而且夠入味，隻雞都幾大隻，所以都有唔少肉食…Read More

勁來冇食個放題，放工約埋班朋友食返餐好嘅，我哋過咗銅鑼灣嗰邊食大喜屋，好彩去平日去，而且我哋食早果輪，所以唔係太迫侍應提議我哋可以用手機落單，又唔錯喎，唔使寫幾十張紙趁住朋友落單嘅時候我就出去睇吓，佢哋有小食，又有水果同嘢飲可以喺出邊拎，同埋佢哋有得拎燉湯，我自己都拎咗本返去飲，有幾足料上菜嘅速度都好快，我哋咩都嗌咗一啲，食物嘅份量比平時嘅放題細一點，咁就可以食多啲唔同款式，呢個值得一讚刺身好新鮮，而且選擇嘅款式都叫多，我哋前後都叫咗兩三次火炙壽司最好食，個人鍾意三文魚腩壽司，鍾意佢入口即化其他嘅食物都唔錯，熱食方面大推鰻魚，唔係間間放題都有得食燒鰻魚，而且好肥美，另外牛舌都幾好食，配啤酒食真係啱晒…Read More

晏晝去咗西九龍中心度行街夜晚係順便喺嗰度食埋野，我記得3樓有一間餃子店，價錢都唔貴除咗餃子之外，佢仲有面同埋其他小食可以揀我哋一人叫咗一碗麵，同埋兩個餃子再加個青瓜同埋兩杯豆漿，買單都唔使$200 ，真係好抵食老公要左一碗酸辣湯麵，佢係酸辣湯嘅湯底，再配面，味道夠酸好開胃但係又唔會太辣，啱晒佢唔係太食得辣嘅人擔擔麵好濃郁，個湯底真係好正，個面可以沾上湯底，老公都話好食，佢上面仲加咗肉燥、同個湯底有幾夾喎之後我哋覺要咗兩個湯餃，肉三鮮，入邊有大大粒嘅蝦，韭菜味非常之重另外一個係京蔥羊肉，我自己就鍾意呢個多啲，因為羊肉味重夠蘇。手拍青瓜好開胃，我哋點咗一個細嘅份量，但係其實都唔少豆漿真係飲到有小小豆渣，真係真材實料，而且唔會太甜…Read More

食完晚餐就去咗食甜品，去咗黑布街嗰邊搵嘅食，好彩我哋早入去有位坐價錢大約都係五六十蚊左右，我同老公一人點左一個甜品綠茶心太軟配綠茶雪糕，旁邊仲有一啲紅豆，心太軟切開一半，有綠茶流心，本身仲以為會好甜，點知又唔會喎，甜度啱啱好，而且仲食到有茶嘅甘香，帶點苦澀味，但係我鍾意，唔會剩係得一個甜字，旁邊嘅雪糕溶得比較快，撈埋旁邊嘅紅豆黎食有幾夾喎梳乎厘配曲奇味雪糕，梳乎厘有好香嘅蛋白味，食落口感豐富，好鬆軟，味道唔會太甜，曲奇味雪糕係比綠茶雪糕細舊一啲，但係溶得冇咁快，我估係兩種唔同嘅雪糕嚟嘅值得一讚嘅係呢度嘅甜品真係唔會太甜，下次再黎食…Read More

之前成日都經過呢間鋪頭，其實外表就唔係好起眼，點知食完又真係唔錯喎最好食嘅係湯麵，尤其係麻辣麵，小食我就推薦蒜泥白肉同埋手拍青瓜朋友叫咗個麻辣狂牛麵，可惜佢唔係好食得辣，所以要咗個豬骨清湯底，佢就覺得味道夠晒，入邊有牛展，牛腩，同埋肥牛，佢就覺得肥牛最好食，好夠牛味我就叫咗麻辣牛腩大腸麵，就叫咗小辣，我來講都已經係極限㗎啦，個湯麵好有心機整，唔係純粹煮熟個面再加個湯，佢真係用個湯黎煮個麵，所以個面係吸晒啲湯汁嘅，配菜我就鍾意響鈴同埋豬大腸，豬大腸好滑，響鈴就可以吸晒個湯底小食我哋都係叫咗細分，蒜泥白肉，佢係一片肥肉再加一片青瓜，上面係滿滿嘅蒜蓉青瓜好鮮甜，除咗辣嘅味道之外，我仲食得到甜甜地之後仲各自要左一杯豆漿，佢哋標榜係自家製架，都飲得出有豆味，而且唔會太甜…Read More

朋友帶我去葵芳食放題，我哋午市去食＄78再加多＄48可以叫理刺身 ,呢個價錢真係幾抵我哋一去到就即刻寫紙仔order嘢食啦，首先點咗刺身，朋友話三文魚最好食，而且大大嚿反而我自己就主攻火炙壽司、火炙三文魚最好食，真係入口即化，油脂足夠，其他鰻魚壽司都唔錯，前後點咗兩輪，食咗勁多壽司哈哈其他嘅小食我哋都有試，可惜冇天婦羅，原來佢哋仲有牛扒同羊架，朋友話羊架好入味菠蘿都有架，好甜我哋每人仲食咗一碗麵添，我要左牛肉手打烏冬，細細碗，但係啱晒我哋最鍾意佢甜品有好多選擇，尤其係雪糕，夾埋都起碼有10幾種，我同朋友都食雪糕再加蛋糕嘢飲就可以系出邊自己任拎佢午市放題可以食到三點鐘，見到好多人都戰鬥到最後一刻…Read More

今日出去開完會，已經到食飯時間，係人多車多嘅金鐘，是但搵左間唔洗等嘅餐廳，食個飽飯，又幾有驚喜喎！首先，餐廳有Lunch set，$88再加一，包一款小食，主食同飲品，但我咖啡癮發作，加$10飲左杯熱Americano。頭盤有越式網卷，沙律，魚餅同串燒可以選擇，我簡左網卷，黎到有四舊，好抵食，又唔太油。然後主菜我叫左招牌雞肉喇沙，喇沙都唔算太辣，椰汁味重，份量岩岩好。下次希望試下海南雞啦！雖然加埋一都要成$100 一個Lunch，但係鐘食個飯我都預左嫁喇，好彩食物、服務同環境都同價錢成正比啦。…Read More

要咗同事行過去太子嗰邊食晏晝，今日搵咗間泰國餐廳食，佢價錢都唔貴$40-$60都有。套餐嘅款式都好多，有湯粉又有飯，仲會有嘢飲送添泰式海南雞飯＄69，呢款套餐會配一碟菜同埋清湯，試咗個湯，好清甜，入邊仲有一舊冬瓜。當然要試吓個主角海南雞啦，雞肉夠滑，配上旁邊嘅泰式醬，個味道真係勁似係泰國食嘅。旁邊嘅飯係黃薑飯，感覺較為健康，味道就淡啲，沾上泰國醬汁黎食就啱啱好豬肉碎生菜包＄69配金邊粉，我同事叫咗呢款，玩金邊粉真係超大碗，仲有埋個生菜包食，我自己都包左一個嚟食，豬肉碎好重口味，夠辣啱晒我，其實配埋個金邊粉黎食就啱啱好，個味道可以配合返。我哋兩個都加左＄9要一杯特飲，菊花薑蜜好重菊花味，味道微微甜，帶有薑味，好啱冬天飲呀我就叫咗柑桔蜜，竟然飲落都有薑味，但係有幾好飲喎，辣辣地，飲完成個人都好暖最後同事請左我食甜品，個人就鍾意椰汁糕，鍾意味道夠重，而且好重椰汁味，又夠甜…Read More

近排同老公都忙到勁癲，今晚出去旺角食放題奬勵下自己，大本瀛之前都去過一次，價錢同食物可以接受，所以今次都係繼續食呢間。估唔到平日都咁多人，今日好彩book咗位，如果唔係應該都仲要等。飲品就放咗喺出邊，可以自己另拎，有唔同嘅罐裝飲品，茶到汽水都有，雪糕都係旁邊，佢係雀巢杯裝雪糕，有雲呢拿味同埋朱古力口味，仲有雪米糍添。刺身嘅選擇都唔少，而且件件都係厚切，而且新鮮，今次都食咗兩三round，同埋上得勁快最鍾意就係左口魚壽司，同埋其他炙燒壽司都係勁好食，重點係佢嘅份量唔會好多，食多幾件都有quota佢有幾款壽司係加左黑松露喺上面，都好好食，黑松露好香，放入口味道夠重熟食都唔差，推介鹽燒牛舌，牛味重，而且燒得啱啱好，鹽味同牛舌好夾羊扒都好好食，完全唔會鞋口，蘇味亦都唔會太重，重點係好易咬開炸物都係即叫即整，黎到熱辣辣，而且好多款式，有大蝦，有蟹柳，鍾意食炸嘢嘅真係可以每人叫一款每人都係二百幾蚊，但係食到勁飽，同出邊每碟叫嘅價錢差唔多，個人都係鍾意食放題，唔使就住就住…Read More

火鍋撚個名已經夠有創意，連餐廳裝修都好特別，好有中國風，好似番左古代禁，星期五放工去食餐好Relax下，真係唔錯。首先我地點左個鴛鴦火鍋（$158），麻辣同蜂巢豆腐白湯，麻辣可簡大中小辣，今次我地簡左小辣，鴨血同蜂巢豆腐任添。湯或味道十足，每次加湯都係真材實料，唔係加水，所以湯底唔會變淡。我地都點左好多野食，值得一提嘅係個大安格斯肥牛（$238），除左好味仲可以相機食先，因為擺得好特別。然後仲有響公卷（$49），佢係即炸出黎，可以就禁甜甜酸醬食，都可以放係鍋到滾3秒就食，兩款食法都好好味，好鬆脆。仲有黑松露什菌餃（$55/4粒），餃好香菇味，一個人食哂四粒都無問題。仲有五色丸丸拼盤（$98），全部手打，好彈牙。仲有蒜粒炸魚皮（$44）都好香口。最後食完送左個雞蛋腐竹沙冰。大家記得要訂位啊。食2個鐘，不過你早到佢都會比你入座嫁，值得推介啊。…Read More

灣仔利東街都行開中高檔路線，今日晏就誤打誤撞去左間餐廳食上海菜，平時見排哂長龍，今日完全唔洗等仲有卡位坐。餐廳裝修都行懷舊風，坐卡位就緊係舒服啦。食上海野緊係要食擔擔麵，我地叫左個排骨擔擔麵（$73），份量唔算多，排骨分開上，都酥脆香口。仲有上海粗炒（$90），偏咸，而且份量唔多。仲有招牌炒飯（$108），飯上撒滿蟹籽，都一般般啦，無咩特別。食上海野就緊係要食小籠包（$38/4隻）同鍋貼（$45/3隻），兩款都幾juicy，仲有脆皮素鵝（$59），都香脆可口，同少少醋食，都唔錯。我地5人食完，加埋一，都要$75 一個人，但就唔係好飽啦，之後重要再食糖水先夠。所以食量大嘅朋友，可能就要叫多少少野食啦。…Read More

今日要帶啲小朋友去九龍城玩，本身食開嗰間泰式餐廳只開夜晚，咁唯有搵其他食晏晝啦，今次就交咗比佢哋選擇。餐廳有午市提供，但係其實都唔係見到好多人係入邊食嘢，都有一點伏味。午餐有＄39至＄53都有選擇，跟餐每包一杯飲品，如果想嗌特色飲品就加錢，因為想比佢哋試吓泰式食物，所以都盡量係泰國最出名嘅嘢俾佢哋試。海南雞飯＄43，跟餐仲送咗碗湯，但都係味精湯，試咗一啖就冇飲到，雞肉都幾滑，但雞味欠奉，旁邊嘅油飯，份量就幾足夠，但係冇乜味道，好彩有旁邊嘅醬汁，撈埋飯食先至夠味豬手飯＄53，同之前喺泰國食到嘅完全唔一樣，個汁淡到不得了，豬手質感都還可以，但係唔值呢個價錢。…Read More

黎都2017年最後一日，出去同老公食飯慶祝，可惜佢要返工，所以特登就番佢去咗荃灣度食飯，好處就係唔使太迫人，愉景新城食嘢嘅選擇都不是太多。今助喺旺角食過，我覺得唔錯，但係今次喺荃灣呢間就覺得一般。牛肉烏冬鍋天婦羅拼盤＄165，其實每次都會叫呢一個，因為咩都有啲，賣相我同旺角嗰間差唔多，可惜個天婦羅係微暖，好明顯都放左一陣，連整返熱嘅時間都慳返，壽司上面嘅刺身都不是太新鮮，最唔得嘅係個烏冬鍋，湯底勁甜，都明白係會落甜豉油，但係呢個就過甜，要一路食一路飲水。山海烏冬鍋天婦羅拼盤＄170，老公叫咗呢款，佢嘅壽司款式同我唔一樣，而個烏冬鍋係海鮮，上面有幾隻蜆，佢就覺得個湯底甜，都覺得旺角分店比較好。…Read More

食完飯但係仲有啲肚餓，又唔想食糖水，俾我轉角遇到生煎包，咁就食返個定下頭。呢間荃灣店只係可以立食，但係見到都唔少人幫襯，我哋要咗原味生煎包＄30/4粒，其實佢哋都整定左係度，所以都叫做即叫即有，四粒熱辣辣，咬第一啖嗰陣真係會爆汁架，啲湯流晒出嚟，勁多，外皮煎得脆脆，但係就油咗少許，份量其實都唔係太大，入邊嘅肉分量都叫做合理，最好笑嘅係我哋食完，差唔多流咗成碗湯出嚟。佢除咗生煎包仲有其他粉絲湯麵可以食，如果下次外賣嘅話都可以一試嘅…Read More