mns08121766's Profile

父親節同爸爸去佢同媽咪以前拍拖嘅地方食飯(好似搬咗嘅)，感受一下昔日情懷。洋蔥魷魚洋蔥略為生咗少少，有洋蔥嘅辣味，魷魚爽口，配合wasabi，非常惹味。用個汁嚟送飯一流。厚切叉燒肥瘦適中，厚得嚟肉質好淰唔會韌，味道亦不錯。海蜇頭大塊爽口，平時比較少食到柚子味嘅海蜇頭，酸酸哋非常開胃。小炒王乾身味濃，有韭菜、蝦乾、土魷同腰果。土魷味非常突出。燒乳豬乳豬肥瘦均勻，唔會得啲肥膏，即叫即燒，塊皮非常之脆，真係冇得輸。長腳蟹用花雕雞油蒸，雞油味濃郁，有淡淡花雕香味，但長腳蟹略為唔夠鮮甜，可能因為蒸嘅時間耐咗一啲。蝦多士配合蟹膏一齊食，有蟹膏鮮味，多少脆身蝦爽口彈牙，加埋軟軟嘅蟹膏。味道有層次，口感亦都有複雜。剩下嘅蟹膏用嚟送飯非常惹美味。雞煲翅雞湯味濃，魚翅份量十足，久唔久都要豪返一次。白切雞凍食，有雞味，雞皮爽口，比較少有嘅凍雞。坐嘅地方就真係迫迫地，本來要八點還枱，因為叫咗太多嘢食唔切，但係侍應自動將我哋嘅交檯時間延遲真係細心。…Read More

日常工作太疲累，放假係時候休息一下。梗係要出去食餐好啦。呢間扒房最吸引嘅係薯條任食，係時候嚟提升糖分。麵包有啲硬，配上醋同牛油還可以的。薯條蒜蓉香味溶入薯條入面，薯條炸得乾身香脆，怕熱氣人士就算無限refill 都唔好食咁多。雞肉腸有咬口唔會太淰，唔會太咸，而且有少少辣味，味道複雜。重點係隻辣椒仔，酸辣好味。阿根廷餡餅（牛肉）酥皮仲脆，但略為多油，味道偏淡。牛扒送上時發出好香嘅煎扒味，order 時要求medium，廚師都做到。封門柳，肉味較濃，有咬口，整體感覺良好。肉眼，竟然比起封門柳還要韌，OMG，肉味同脂肪分佈都未如理想。無下次。除咗塊肉眼之外整體都係滿意嘅，下次再試試其他種類嘅牛肉，為忙碌嘅生活回返滿滿嘅血。…Read More

平淡之中須找些特別日期，得閒係要去搵啲好嘢食吓。逸東軒就聽咗好耐，終於要去一吓。唔想諗就揀咗一個米芝蓮升級盛宴。逸東一品薈萃-醉雞唔夠滑，但有玫瑰花香味；叉燒半肥瘦，厚身都唔韌，味道豐富；話梅番茄，去皮爽口，蕃茄同話梅味道平衡，微甜，感覺面頭加了一點話梅粉。珊瑚蛋白白花釀帶子-蛋白滑，加入蟹膏味道濃鬱，底層用了一片節爪承起帶子來人蒸，帶子爽口但鮮味被蛋白蓋過。佛跳牆-有海參、花膠、雞腳、菇、瑤柱、螺頭。一字骨十頭鮑-一字䯎軟骨爽脆、肉質淰、美中不足是我嗰舊有豬騷味，南乳汁味道適中。鮑魚煮得淰，有鮮味。豉油王煎斑球-師傅煎功一流，外面微微香脆，入面魚肉鮮嫩和能保持魚的肉汁。外面醬汁味道調配得很好，豐富但不會搶走魚的味道。和牛炒飯-入面有蔥菜和牛，粒粒分明，口感豐富脆爽，稍為未夠乾身，味道略嫌偏淡。甜品方面芒果糯米卷-凍凍的，芒果香甜擂沙湯圓-暖暖的，外面煙韌，入面流沙芝麻餡，甜度適中。南瓜西米露-熱熱的，味道偏淡。整體嚟講，菜式設計有心機，從味道、口感去到溫度都有唔同嘅設置，值得讚賞。稍嫌性價比不足。題外話，佢哋個wine list係唔夠精準，攪錯咗啲嘢。…Read More

到處覓食，又怕商場餐廳要排隊，就去工廠大廈搵吓。今次見到openrice 都多人讚好就嚟試吓。見價錢唔貴一叫就叫咗好多嘢食。滷肉飯滷肉肥瘦均勻味道還可以，飯就硬咗少少，但飯多滷肉少。刈包口感豐富即叫即做所以等候時間較長。入面有花生，酸菜同埋滷肉。雖然好多人推介，但刈包要配埋滷肉飯一齊叫，唔多吸引。招牌紅燒牛肉麵牛肉夠冧入味，麵底有咬口，湯底濃鬱帶有微辣，配合酸菜連湯食麵味道不錯。肉鬆起司蛋餅外脆內軟有芝士味，味道均勻唔會太鹹，好食。蚵仔煎口感唔會太實，中間啲脆口嘅蔥花，配上上面嘅辣醬有台灣風味。總括而言，有台灣嘅味道，而且性價比高，值得回頭再試。…Read More