tolaisa_kwok's Profile

第一次係香港食新加坡既餐廳，緊係叫晒新加坡所有特式既野食喇！KAYA多士，海南雞飯，LAKSA，仲有意外好食既咖哩雞喇！！環境算係咁，話晒都係商場入面，空間感都算OK，唔太多位，但勝在間鋪少人，可以靜靜地傾下計食個TEA咁。傳說中既KAYA多士！入面係鮮牛油，正呀喂！配返杯咖啡，哈哈～個腦就諗起阿發白咖啡～個侍應姐姐好好人，我自己係飲好甜既人，我叫妹妹加左２次糖，我都知我麻煩，但佢都仲係笑面迎人LOL另外，主菜LAKSA就岩我口味D，重少少椰奶味，唔會太辣，我覺得都算足料！佢D蝦都叫大大隻，唔係蝦米咁。岩一班姐妹下午茶GOSSIP好去處。…Read More

辛苦得來至在食，禮拜五同個fd放工行完H&M之後都已經8點半，超肚餓但係又唔知食乜好，就去左cwb間pancake colours度食野啦。呢間野之前同舊同學gathering都泥過，但係2個人就第一次。入面裝修都幾靚！ 我地揀左坐落地玻璃位，有得睇下街境！好肚餓，唔理咁多，叫左個煙三文魚芒果柚子沙律+磨菇湯。個沙律落左好多三文魚！再泥就叫左個黑松露卡邦尼煙肉意粉 + 義式香草牛油燴野菇食完都仲覺得好餓，再加多左個黑椒蜜糖雞翼成完之後就好滿足咁返屋企啦 ~~咁就過左一個Happy Friday …Read More

好多人都話佢D綠茶野好正不過個日上到去好多人, 無位~所以買走食~試下啦~~返到公司~~嘩~勁震撼~~有creamy 既感覺~綠茶味好得~!好有水準~回味無窮希望下次可以坐低試埋佢其他野啦~!…Read More

可能因為o係旺角旺地啦, 真係好多人, 長期都有人等。好多時都係快快趣趣食完就走, 好似食快餐咁, 不過因為佢d野食又特別又好食而且賣相又唔錯, 所以真係好多人等架。}佢有好多唔同ge set, 好似2人餐呀, 4人餐呀咁, 我地5個人叫左一個4人餐, 其實都夠ge, 佢有幾個前菜, 之後又有主菜同野飲。加上佢d野份量都唔會好細, 所以真係夠食架。佢呢個醬汁鹽水雞, 有d汁同醬, 加埋黎食好特別, 好有風味。而另外果個雞絲粉皮都好好食, 雖然佢d醬感覺有d似腸粉, 不過佢d質感特別d, 而且有d雞絲同埋汁, 幾match。不過食太多會覺得個喉嚨好乾。仲有個係冷盤, 係涼伴, 都幾好食, 而且好夠味, 落左好多唔同ge調味。另外個餐都包左個肉燥飯, 佢d肉燥唔係好多, 不過真係佢d主菜果d好多, 我地又有個鹵味拼盤, 所以都ok。佢d肉燥幾好食, 又唔會好多油, ok。而佢個鹵味拼盤就真係正呀, 好多款, 又入味。不過環境就真係好迫, d人又行黎行去。所以真係唔坐得耐, 要好快食晒d野就走。…Read More

可能因為o係旺角旺地啦, 真係好多人, 長期都有人等。好多時都係快快趣趣食完就走, 好似食快餐咁, 不過因為佢d野食又特別又好食而且賣相又唔錯, 所以真係好多人等架。佢有好多唔同ge set, 好似2人餐呀, 4人餐呀咁, 我地5個人叫左一個4人餐, 其實都夠ge, 佢有幾個前菜, 之後又有主菜同野飲。加上佢d野份量都唔會好細, 所以真係夠食架。佢呢個醬汁鹽水雞, 有d汁同醬, 加埋黎食好特別, 好有風味。而另外果個雞絲粉皮都好好食, 雖然佢d醬感覺有d似腸粉, 不過佢d質感特別d, 而且有d雞絲同埋汁, 幾match。不過食太多會覺得個喉嚨好乾。仲有個係冷盤, 係涼伴, 都幾好食, 而且好夠味, 落左好多唔同ge調味。另外個餐都包左個肉燥飯, 佢d肉燥唔係好多, 不過真係佢d主菜果d好多, 我地又有個鹵味拼盤, 所以都ok。佢d肉燥幾好食, 又唔會好多油, ok。而佢個鹵味拼盤就真係正呀, 好多款, 又入味。不過環境就真係好迫, d人又行黎行去。所以真係唔坐得耐, 要好快食晒d野就走。…Read More

呢間算係o係大街ge 海南雞鋪, 人流都ok多, 不過附近都好多食肆, 加上又係住宅多, 都唔係好多人會出街食。 我地都唔洗等就有位。叫左2個粉飯餐, 同一個小食。分別係一個豬肉面, 同埋一定要食ge海南雞飯。仲有就係叫多個小食, 即係豬頸肉。佢個豬肉面就係麻麻地啦, 因為佢d豬冇咩味, 不過佢賣相ok, 同埋有ok多ge菜架, 仲要係通菜, 所以都ok。同埋佢個湯底都夠味, 面又夠彈牙, 所以overall都幾ok。 另外就係個海南雞飯啦, 佢d飯真係傳統有油果d, 所以幾滑好開胃, 而且佢d雞都係勁滑架, 又軟又滑, 仲有味道都好夠呀, 雖然佢冇咩顏色, 睇落好似白切雞, 不過佢味道真係唔錯架, 值得推介比大家。 而個豬頸肉都一樣正架, 佢味道好好, 同埋d汁都好夾呀個味, 不過就係份量唔算多。如果多d就更加好。…Read More

這間小肥牛有成3層架, 我地就上左2樓, 有間大房, 都幾free架。佢有個鐘係for我地房叫阿姐ge, 都算方便。佢d野食真係幾多, 刺身, 凍食, 熱食, 打邊爐材料都好多。佢d肥牛好好食, 好軟身好有牛味, 但又唔會太肥, good!!! 佢好多種肉都好食架, 仲有d鴕鳥肉, 都好特別, 不過就唔係人人中意食。仲有海鮮都好好味, 樣樣都好大舊, 而且又新鮮, 真係好呀。同埋佢d刺身同冰野都真係有冰冰住架, 就好似佢d螺片咁, 刺身食又得, 唔食生野ge, 即係我咁ge, 又可以恰一恰先食, 真係好新鮮好鮮甜呀。一d都唔求其。不過我最中意都係食佢ge粟米呀, 金菇呀果d, 因為好甜, 佢d粟米好好食呀, 應該係超甜粟, 而且仲粒粒都好大粒架。佢d材料幾靚。不過佢個冷氣有時太凍有時太熱好難控制, 所以都係帶多件衫好d。…Read More

一間壽司放題呀, 每位大約都只係2百蚊, 其實都ok, 而且佢d野食真係好有水準呀。魚生新鮮所以好鮮甜, 好好食。而且連佢d熟食同天婦羅都一樣好好食呀。呢個真係意料之外呀。佢d天婦羅蝦唔洗講啦, ok架, 佢d天婦羅茄子, 天婦羅蕃薯都ok架bor, 雖然真係食到佢有d滯。另外推介3個勁好食ge野:肥牛豆腐卷, 平時都已經好少食呢個配搭架啦, 佢d豆腐仲要係一層層果隻, 好特別, 加上佢個汁, 令到佢d味好夠, 用肥牛包住真係好夾呀, 正!!! 同埋佢d肥牛一d都唔”um”, 非常軟滑, 一定要試。串燒拼盤, 佢個拼盤正呀, 有唔同野, 賣相好好, 因為佢有好多唔同款ge串燒, 而且每一串都唔止係得一樣野, d肉有一舊舊大蔥頭隔住, 睇菅真係好靚好好睇。不過我唔會蔥ge就麻煩d, 一係搵人share, 一係掉左佢。但係佢味道的確好好, 燒ge程度又岩岩好。芝士牛油焗大菇, 又係勁好食之作呀。佢d大菇好入味, 而且好”d林” 上面d芝士同牛油味又落晒落d菇度, 佢地好match好好食。而且賣相都ok。真係估唔到呢間鋪d熟食咁正!!!…Read More

杏花新城其實有好多間食肆, 不過都係第一次食呢間, 佢係一間食韓國野ge餐廳, d野都唔係好貴, 40幾 到60幾不等, 學生餐仲平呀, 差不多有半價tim。6個人, 叫左6個前菜, 因為20蚊3個, 佢d前菜都幾好食, 而且又唔會太spicy, 尤其好食ge係豆腐, 薯仔同芽菜呀, 記得試下。我就叫左個豬肉炒粉絲飯, 佢d粉絲已經入晒味, 加上豬肉應該本身都已經調左味, 所以真係幾唔錯架。仲有蔥同洋蔥一齊炒, 味道的確好好。可惜佢太油喇, 食到底果d已經係比油浸住咁, 食唔到lu。我果個已經唔係鐵板架喇wo, 都咁油。朋友叫果d鐵板真係仲油呀, 所以最底果d都係食唔到。佢個炸醬飯, d炸醬勁dark, 好"傑", 味道都ok。同埋佢特別ge係佢係炒飯底, 真係未食過係咁。雖然唔係好正統, 不過都好食。…Read More

梨和園係任食ge韓燒, 有生同熟ge野食, 2樣都可以任食。佢d選擇都唔少架wo, 而且都ok。尤其係d熟食, 佢d熟食真係幾好食。有好多唔同ge菜, 佢又會不停refill, 加上佢d味道又好, 真係會係咁食d熟野架~ 而且因為平時韓燒都係食好多肉, 難得有菜食, 又好食, 真係好好呀。仲有d腸仔呀, 丸呀, 豬腳薑呀, 都好好食。如果唔忍得口, 甚而食熟食都飽架喇。佢d生野就唔係樣樣好食, 同埋成日都痴底, 要係咁換個板先得。佢個牛仔骨ok, 有骨, 又有d肥肉, 所以燒完都好林, 加上佢d味調得好, 所以真係幾好食。反而尤魚就冇咩味喇。不過間鋪太迫, d位好近, 而且油煙好勁, 食完一定會成身都係味。…Read More

雖然係o係旺角百老匯街樓上, 不過唔知點解都冇咩人, 佢專係for傾計ge, 而且佢d 裝潢都好正架, 有好大個魚缸, 而且感覺好乾淨。同朋友因為想傾下計, 於是上左黎, 一人叫左一杯野飲。本身我唔中意飲酒, 不過佢D野飲精應該唔係好多, 又調得幾好味wo, 加上附近冇咩人, 傾計真係一流呀, 幾有feel呀!一杯野都係大約3-0-40蚊左右, 其實都ok抵架, 如果只係想搵個地方坐下, 佢仲有indoor同outdoor架, o係outdoor傾仲舒服。Good 。…Read More

呢間o係旺角ge花園餐廳又真係ok ge。 雖然佢又係唔係話裝潢得好好, 又唔係太起眼, 不過都唔少人食架, 尤其係熟客。查上仲好有情調tim, 真係幾好!!! 佢都幾多choice架, 好多唔同d扒餐, 而且份量又好大。 佢個menu, 真係幾吸引, 好多都好似好好食咁。雖然唔係好平。佢d調味料都唔少。good。最後叫左2個扒set, 真係好大份, 不過佢又好好食wo~ 佢個雜扒餐真係勁多野, 雞扒, 豬扒, 火腿, 煙肉, 等等... 食完真係飽到行唔到。不過佢又真係好好食呀, 因為佢好新鮮而且d野都好有味。佢d汁林落個鐵板度真係彈到周圍都係架, 非常熱。好食。…Read More

呢間係o係中央附近的扒王之王, 佢個位置真係麻麻, 所以dinner時間都冇咩人食野, 我地入到去仲好多位tim, 2個人可以坐4個人ge位, 而且都好舒服又好靜。佢入而好暗好有情調。如果係拍拖ge都岩黎呀。今日因為男朋友有coupon, 而且我地又唔係太餓, 所以只係叫左一個牛架, 真係幾好依食, 佢d肉好林好滑, 而且調味都好吸引, 有d黑椒, d肉又好入味wo, 再加上佢有d薯菜伴碟, 真係幾正呀, 尤其係因為同男朋友黎, 哈哈~ 佢d service都幾好架, 一叫就即黎, 而且仲會行黎行去幫你加水。good!!!…Read More

本身係因為學校近O個度, 見放左學餓餓地,一班FRD就話既然冇食過, 又咁出名, 不如試下呢間...地點有D難搵, 唔識路都好難撞到間舖.. 其實都知佢出名快, 落單快, 上菜快, 吹你走快...其實我唔係好知O個度有咩食,坐O係度唔夠1分鐘就有人黎問你食咩,最後都跟大隊叫左D野食(其實來來去去都係O個D野食之MA)...款式極少.. 之後好快就黎左野食,我唔係好覺佢D蛋好好食, 可能俾人煲到好大, 好似好好食咁, 但食落, 又好似冇咩特別. 但個環境就好似好吹你咁, 食左一半野食, 個侍應就問你飲咩, 洗唔洗咁趕呀.... 唔係話好好食既野, 再加好趕你既環境, 其實冇咩特別野, 我唔會去多次LOR,但如果未食過呢間既朋友, 可以試下既...><當試多樣野.....…Read More

之前食左佢個芝士鬆餅, 提子鬆餅, 覺得麻麻, 可能凍左之後唔好食啩...唔係好香, 只係普通鬆餅咁. 但前O個排同朋友去食佢個BLUEBERRY FROZEN YOGURT, 真係好正呀~~本身冇咩食過FROZEN YOGURT, 但佢隻味甜甜地, 好香,而且REGULAR SIZE好大杯, 好抵食.好似食極都仲有咁...><最後食到有D濟咁..不過佢個咪幾好~我會再食~!!同埋, 佢個份量我覺得女仔會幾飽LOR, 當晚餐減肥都好~~ 如果有得坐低食就仲好喇~~…Read More