Wenara's Profile

呢間嘢想食好耐，次次擺咗喺個list度都未去，有日經過佢叫咗個叉燒瀨粉下午茶。間嘢下午三四點都坐幾多人，要搭枱。出奇地有好多外籍遊客。個叉燒瀨粉落單係寫半肥瘦叉燒，見到咁多YouTuber報過呢一間，滿心期待。嚟到見到碟叉燒，未食已經知道賴嘢，完全見唔到肥膏。又話乜嘢梅頭第一刀，第二都。我唔理佢第幾刀，淨係知佢好瘦，好柴，請賜教什麼叫半肥瘦？食一啖瀨粉，我唔知點樣評價，同平時啲瀨粉唔一樣，好腍同埋偏滑。我淨係想要正常嘅瀨粉。冇嘢飲，一碗粉收$44。好食嘅話還可以嘅，但係我食咗兩嚿就走咗，無謂嘥quota。…Read More

酸種麵包係我早餐嘅主要食量，我時不時都周圍食吓。今日經過bakehouse 唔算多遊客排隊，就入去買咗個原味，同埋合桃無花果味。先嗰個原味，冇乜特別，冇酸味，對我嚟講唔夠酸。跟住個合桃無花果，比原味好少少，合桃同無花果比例都還可以，但係粒粒合桃都好’益’, 唔新鮮，好可惜，食唔到落去，成個要掉。所謂好嘅麵包店，每樣材料都要有要求，呢個絕對唔合格。 唯一我覺得好嘅，就係有自動切麵包機，塊塊都切得好平均，又快。另外個酸種蛋撻，又唔明點解咁多遊客排隊。以前唔使排隊食過一兩次，還好，但文華和而家越來越多地方都有。都係留返比佢哋派啦⋯⋯…Read More

今日星期五， 11:40分來到排第一。等待期間好貼心，仲有支水派俾我哋飲添。唔使10分鐘已經有好多人喺後邊。如果要食第一輪，我諗要起碼早15分鐘來。如果唔係等半個鐘到。佢有拉麵同刀削麵，我哋揀咗拉麵，聽到隔籬枱揀咗刀削麵話拉麵比較掛湯。 真材實料，個湯有啲似龍蝦湯嗰質地，濃郁杰身，拉麵al dente 鍾意食硬麵嘅朋友剛剛好（好似免費追加麵㖭）。一碗麵跟埋三隻蝦，已經除咗蝦殼，好方便。蝦肉鮮甜結實。 好好彩，今日有北寄貝，我食過數一數二的肥美，汁又唔會太過濃搶咗鮮甜味，喜出望外。見呢間舖頭都好多遊客光顧，我諗諗再出名啲遲啲都唔洗食，有排等。…Read More

專登嚟到試佢嘅奶茶，冇失望。茶色靚，茶味香濃，茶奶比例適中。但本身唔鍾意食三文治和沙嗲牛肉，所以就冇試啦。叫咗普通火腿通粉，有好多粟米同兩條生菜，個人唔prefer 有其他蔬菜類沾污普通簡單嘅火腿通。 通粉還算軟硬適中，湯頭偏淡。好一般般。 亦都冇雪菜肉絲米粉嗰啲嘢。 所以整體嚟講，我覺得佢開個頭飲杯奶茶OK，其他就唔需要特別過去試。 （講開又講，citysuper 而家有carry 幾個牌子嘅本地樽裝港式奶茶，我覺得一樣咁好，而且隨時都可以喺屋企飲到）。…Read More

既然叫得Seoul noodle 當然叫佢嘅麵嚟試下啦。佢有套餐，好似有多一隻餃子。 但我不太肚餓就叫單點一個麵，點知都有泡菜和一啖紫菜飯跟，好夠份量。 點了豬骨湯麵，湯底濃味，麵底煙靭爽滑，好地道的韓式拉麵。有量大舊煲湯豬骨，都有好多肉，俾埋兩隻手套你用手食。喜歡辣燙的似乎牛肉麵都好受歡迎，而且食得比較容易。座位都算隔得幾開，坐得舒服，服務員都是韓國人。 見都有review話貴，但我覺得ok 因為有質素。下次會去其他分店試下。…Read More

第一次去荃灣分店度食，好有驚喜。要咗兩款餃子和蕃茄湯底，餃子大大隻，菜多肉少，皮薄，有少少似砂鍋雲吞皮嗰啲皮， 番茄湯底不會太甜，而且頗有家的味道。 附近好的餃子店不少，我覺得它是有自己賣點的。 所以今次剛好來到太子附近就怒叫咗蕃茄湯餃，煎牛肉餃子，同個台灣麵吃啦。大失所望，個蕃茄湯底竟然有魚味，原來係蕃茄魚湯 （但係Menu明明冇寫到係魚湯，我之前食分店嗰間都唔係魚湯）。魚湯都冇所謂，但係好鬼腥！搞到成碗嘢都好難食。d 餃子都不是熱辣辣的，應該是烚定擺埋一邊，然後倒啲湯入去。牛肉餃子好一般。個麵煮得好腍，食咗一啖就冇食。 荃灣OK，太子就不了。…Read More

經過入去食早餐，果度啲射燈，搞到張張枱都好殘眼。坐得唔係咁舒服。再睇吓早餐，先唔講價錢，選擇唔多。一般最多人叫果幾款都冇，要通粉，轉左蜆殼粉…沙嗲牛肉變咗沙嗲牛肚… 等等。 想收多啲錢啫，唔使整色整水，香港人食茶餐廳好簡單，係想食開個幾款嘢，整得好地地。 所以坐低冇叫嘢就走咗，唔啱食。 立下眼睇個menu, 基本上唔可以當佢係翠華，只係用佢個名開間新餐廳。我冇叫嘢食，所以唔知質素如何，但想搵返以前嘅味道，真係失望。…Read More

呢間店有好多好評，都令人費解。我成日覺得呢間咁多人排隊，係因為排唔到隔籬嗰間。 今日就特登嚟試呢一間，都係叫撈粗。撈得均勻，份量都大，但冇味。 見到食評話魚片頭有魚味… 真係有？不願置評，我識好多間好食過佢多多聲。整體嚟講唔係話差，但絕對唔講得上好。 條街真係大把選擇。…Read More

經過無限次的小店，除夕夜冇特別安排之下就嚟試吓。一試就愛上了。 我諗佢嗰度主打套餐，有兩個選擇， 而每個選擇又唔同價錢depends on 鮑魚嘅大細。 我地各自揀咗$880 （25頭） 和$1180 （18頭）。 老實講，睇唔出大細有乜分別，所以建議食25頭就OK。 每一道食物都精緻，環境舒服，服務殷勤。我叫咗燕窩，老公叫咗紅燒翅，份量充足，如果散叫每份都要$500。90%相似嘅餐係另一間好出名食鮑魚嘅酒家要$1680。會和家人再來。 …Read More

星期五1:10pm 來到排隊目測前面有20幾個人。 看到麵包選擇已不多，入面唧牙膏色幾個幾個麵包拿出來，心裡緊張到我時一個都冇（都不要話要什麼味道）。 排左30分鐘，到我時真係啱啱好賣晒最後一個！心諗唔係真係咁黑仔呀嘛…好彩等幾分鐘剛好有大熱cream corn 味和菠菜煙肉芝士味。成件事40分鐘。 細細件的吐司比較像麵包，大概一隻手的size$30左右。 cream corn 咬落去有驚喜，裏面是熱辣辣的粟米，甜中帶鹹，麵包鬆軟。 菠菜煙肉芝士有好多甜洋蔥，比想像之中light,不是太有煙肉味。整體嚟講覺得好好食，希望不需再排隊會再試其他整體嚟講覺得好好食味道。暫時滿足了。…Read More

叫咗碗經典四拼盤。餃子非常大隻，不過最欣賞係佢嘅湯底-魚膠淮山豬骨湯，非常有魚膠味，但係又唔腥，夠鹹，好飲！至於餃子係唔差，但又唔覺得好好，少咗新鮮豬肉嘅味道。唔係話佢唔新鮮，係唔似用新鮮豬整。整體OK，可以試吓。…Read More

今日星期五，啱啱好5:30之前去到， 5分鐘已經入去啦。不過坐低就等咗45分鐘，還好吧，已經做咗心理準備。叫咗碗麻酸辣粉配牛腩。order 之後已經後悔，自己其實唔係咁鍾意酸辣粉配麻辣。 但係呢度繁忙，真係唔係幾好意思改單，唯有啃咗佢。好有麻辣味，但有些苦澀。明白為何有些人會話苦。見到好多人都叫佢嘅炸物，不過我就唔係咁鍾意食炸嘢。 呢度嘅配料唔算少，不過有好多都係炸嘢同埋佢啲特別嘢。就少咗啲平時應有嘅嘢例如腐皮，有啲可惜。碗嘢好多湯，我叫咗牛腩都起碼有六七大嚿反而啲麵同芽菜係少d，好夠酸。整體其實覺得唔錯，但又唔會特別想再嚟（even 唔需要排隊都唔會特別想食）。可能叫錯嘢吧。不過特別讚就係佢有無糖豆漿，啱晒而家鍾意健康嘅人。…Read More

香港不乏地道好吃考手bakeries, 好奇心驅使之下，試一試旺角呢一間櫻花蝦酥，店鋪旺角呢一間櫻花花也要賣麵包，蛋糕看起來都不錯。中午來到人不多，我一入來便著手找了一盒櫻花蝦酥，鐵罐裝$152盒（半盒裝的鐵罐），價錢尚可。見到要細細粒裝$78， 如果只是口痕，是很好的選擇。👍試食後不是我想像之中，是沒有牛油味，但有濃郁的蝦味。較喜歡充滿牛油香味的酥，肥都肥得抵d 啊嘛。不過或者有其他人會鍾意，可以試試。…Read More

嫲嫲住呢頭，間唔時都會行過。而呢個舖位，幾年已經轉手幾次，有新舖頭，就𥄫多兩眼。原來喺早前IG見過嘅窯燒雞，見到幾個窯咁多隻雞已經好吸引。一個女仔叫左一隻雞（冇得買半隻，不過我唔介意，因為成隻上先至夠juicy)。採用新鮮走地雞，未經雪藏，肉嫩多汁，皮烤到脆薄，並不是焗爐能夠媲美。同場加映竹筒飯，用16穀，煙靭口感，少少份量適合女仔。羅漢果茶食完燒雞可以降火。夥計上下都好友善，樂於介紹幫助。下次試下外賣翻熱先。…Read More

不是素食者，但周不時都會試下不同的素食餐廳。有次經過灣仔，OpenRice 見到食評參差但都因為冇乜人坐得舒服試下。試過後我經常都過來買外賣。他們的兩餸，三餸飯好抵食，選擇算多，最重要有家庭feel （不需要太好食，不太油就可以。 有時出街食，好食的都有味精，太油太鹹，食都食到厭，反而簡單d更好）。一樣餸裡有幾種蔬菜營養平均。外賣盒是環保物料👍除了幾餸飯，另外也有很多總類的選擇例如salad, 西式，日式。餐廳老闆是比較熱情，努力介紹食材，個人不覺得太滋擾，傾吓偈冇乜所謂。…Read More