tcchk0424's Profile

平日同朋友閒遊元朗，行到邊就食到邊，岩岩遇上有名氣甜品旁既小店就試試。室內座位雖然不多，但富有空間感，不會太擠迫，服務亦不錯，上菜速度很快。午飯餐牌價錢合理而且種類尚算多，包含沙律同一杯飲品。我點了自家制豬軟骨拉麵，豬軟骨稔香軟彈，湯底亦濃郁不油膩。朋友點了吉列豬扒拉麵，豬扒不膩不沾，而且炸粉份量適中。加點了兩個小食，其中係燒扇貝，雖然稍為乾身，但扇貝帶有鮮味。小食炸魷魚鬚，外脆內軟很香口，值得推介。總括來講，小店價錢不高，食物質素有驚喜，值得再同朋友來大食一餐。…Read More

早前已經留意入到大球場路中的西餐廳,那典型店外裝修吸引到我想來試一試看看店外餐牌,價錢合理,那就決定與太太嘆一餐浪漫晚餐入坐時七點時店內只有少量客,暗暗燈光,店內環境舒適,令人感覺良好我們點選套餐,很快就上菜,效率很高首先田園雜菜沙律同凱撒沙律,前者配上陳年醋,酸酸醒胃,令人食慾大增,後者沒有什麼特別餐湯係忌廉湯,味道水準一般頭盤香煎法國鵝肝配焦糖酒醋草莓油而不膩,而且很香噴噴,加上草莓油帶出鵝肝既濃厚味道,值得再試另外,大蝦占米多龍蝦肉彈牙,蝦肉份量亦很足夠燒新西蘭肉眼 7安士份量很足料,外貌亦很討好,沒有雪藏味道,咬落很juice,但略為熟帶子黑松露野菌意大利飯賣相很吸引,米飯軟硬度適中,很有口感,加上黑松露既濃郁和帶子既鮮味,配搭一流最後,見到可愛既拉花加上熱熱既朱古力令人很驚喜,真係有一種完滿的感覺見到隔離檯既咸豬手份量很大,下次再來可以一試整體來講,所有份量很足夠而且很豐富,環境很適合情侶,值得推介…Read More

朋友小聚，想食北京片皮鴨，所以到中式酒樓一嚐。之前來到玉桃軒總是和家人中午飲茶，今次係第一次食晚飯。室內裝修維持住高級酒樓的風格，閃爍水晶燈，坐位與住位之間很闊，與朋友傾談很自在，感覺舒適。剛好遇上酒樓推介的花膠精選菜式，當然要試一試補身菜式。老京城片皮鴨，上菜時香噴噴，外皮充滿光澤，鴨既體積叫人興奮，鴨皮咬落脆口，配合熱騰騰粉皮加醬油油而不膩，不過粉皮涼了就黏在一起，所以要快手食。鮑汁北菰花膠條扒時蔬既份量適中，花膠條口感軟彈，但芡汁略為多一點，味道不過不失。蒸雞荷葉飯感覺上份量較少，亦沒有荷葉味道，冰鮮雞肉亦沒有什麼期望，比其他菜式略為遜色。我們一共點了3樣菜式，份量亦很足夠，最後還送上每人一碗紅豆沙糖水！…Read More

天后美食多,花多眼亂，好彩朋友推介呢間樓上酒吧地下門口有餐牌好易認，只要鐵閘前按一下鐘就會開閘。一入門口右面已經係一排啤酒器，老闆還介紹從世界各地搜羅達二百款啤酒桌上既巴馬火腿已經吸引到我既眼光，令人有一種放鬆happy hour既感覺。裝修和其他酒吧沒有太大分別，但是多了一份人情味，當老闆知道我們第一次到訪，熱情介紹各款啤酒和餐單，還會了解我們既口味而建議選擇適合既啤酒。店後原來有一個露台，適合吸煙人士用餐，十分寫意。喜歡飲黑啤既我，最後選擇呢款咖啡味啤酒，啤酒外貌已經很別具一格，打開後有一種濃郁既咖啡香氣，入口感覺較厚，同黑啤沒有太大分別。頭盤來一個黑松露魚子三文魚，外觀很精緻，配搭有清新既感覺，三文魚魚生亦很新鮮，很適合作為前菜。自家制低溫慢煮牛肉义燒配時令薯菜，老闆介紹用牛肉整义燒，聽落去有點奇怪，但本住試新野既精神試試，吃落一口肉質鬆軟，加上自製义燒汁，出奇地夾；配菜用上米形意粉，外貌很像飯，但口感同味道係通心粉，很有fusion感覺，不錯既嘗試。…Read More

傍晚時份，與好友走過利東街醫肚，由地鐵站走到大道東，發現有一間越南菜就入內試試。餐廳門口很西式，隱約令人想起越南曾是法國殖民地的風彩。店內以木紋為主的裝修令人放鬆心情好好享受用餐時光。款式除了有越南菜外，還配上西式的Cocktail，有點酒吧的感覺。CRISPY SHRIMP  SPRING ROLLS越南菜式當然不可少我小食，就係春卷，外表金黃，咬下口感脆卜卜，值得一試。CHARGRILLED CHICKEN RICE燒雞飯加上燒汁，雖然雞肉鬆軟，但味道一般平平無其。VIETNAMESE BANH MI法式麵包拼上越南扎肉，法包乾身而扎肉口感彈牙，令人回味，但份量比較少。最後，我點了一杯薑啤，辣辣的感覺搭上越南菜更是一種完美的組合…Read More

搭車時常經過呢間餐廳，今次因公事在附近收工，到來試一試。餐廳外貌有一條粉紅色三文魚小姐，很容易認得出。餐牌封面有點古老氣色，室內暗暗的燈光富有情調，感覺舒適。今餐沒有頭腦點菜，所以點選二人情侶套餐。頭盤首先來一個三文魚刺身，外觀亮澤，咬落口感彈牙，味道甜美新鮮 三文魚醬件法包令人印象比較深刻，外表看似平平無奇，但濕潤可口的醬汁加上法包值得一讚而凱撒沙律不過不失。蜜味香草燒烤豬仔脾外貌略有燒焦痕，但味道甜甜的令人胃口大開，肉質偏嫩不膩，整體來說很美味。招牌煙三文魚蟹籽扁意粉加上白汁略有膩滯感，煙三文魚肉質有點彈牙，但個人比較喜歡魚生的鮮甜。整餐的份量已經十分足夠，味道一般整體沒有太大驚喜。…Read More

終於約到班舊同事出黎食飯啦~之前黎開柯士甸路食飯，覺得近地鐵站之餘，又多野選擇，環境寧靜同朋友食住傾幾耐都得!咁啱俾我搵到間有洋台、有得聽歌的西餐廳。去到兆年行，一幢唔似做餐廳既辦公樓層，完全係另一個世界既餐廳。幾有情調既餐廳，牆身係好大幅油畫，畫上特色大橋。因為要等其他朋友嚟，所以就行左出洋台睇睇，環境都ok喎，有d黃燈仲見到好大個燒野食既爐，正!好啦，終於等齊人可以叫野食~我地都一致地享受頭盤黑醋吞拿魚沙律同是日餐湯為羅宋湯。個沙律黎到，見佢放得幾靚，食舊煙燻吞拿魚都好黑椒吓，剛好用落左少少醋既沙律中和下佢，幾好味。食完個口仍然有d黑椒慶慶地，就黎左個羅宋湯，好濃蕃茄味，又好多配菜，好足料!四個人分別叫左4個main courses一齊share黎食~配菜就揀左配菜忌廉焗薯片，有別於平時餐廳嘅炸薯條，好吸引呀~之前未試過，估唔到會係口感爽口嘅薯仔，而且帶有薄薄嘅忌廉味，好特別。尤其配搭每道主菜唔同嘅汁，都會夾到主角嘅味，真係有啲驚喜比我地仲食晒添~西班牙黑毛豬伴黑松露燒汁 黑毛豬有成寸半厚，第一眼見到心諗。。。應該好"鞋"同好韌，點知出奇地嫩滑。輕煎後，肉帶香脆感，但又不會太油，肉厚多汁沒有overdone。肉本身無乜醃點過，反而帶出左黑毛豬既肉香，配上調得啱啱好既黑松露菌汁，成件事好match。烤燒美國西冷牛扒伴蘑菇燒汁  6成熟因為佢係用碟上既，而餐廳又建議食6成熟，所以我地就試下6成。一切開，無咩血水又食落唔會韌，蘑菇汁夠特別香，味道調得很好，牛味都keep 到而肉質嫩滑，再撈埋d薯仔片真係唔錯。法式扒羊架伴紅酒芥末汁先講個汁，有陣蒜香紅酒味配上芥末香味，惹味得嚟唔會太嗆鼻，很易入口。羊架烤得適中，切落去肉質剛剛好，要留意部分羊架邊位帶點脂肪。羊架咬落有肉汁帶酒味，有輕微羶味，應該合一家大小口味，而配埋芥末汁食就岩岩好。整體晚餐都有一定水準，朋友都大讚!晚餐如果八點前走仲平D添喎~下次再嚟~…Read More

今日到大坑大街小巷穿插，邊行街邊搵食，發現一間頗有情調的餐廳。室內舒適寬敞，開頭人少時還可以，但後來人多時略嘈吵。待應當每檯客人點菜後付上自製意大利麵包，麵包帶有香草味，包皮外脆暖笠笠，令人回味無窮，待應話可以無限供應呢！ Mango & Pomela Salad份量雖少，芒果富有水份不會太酸，加上輕盈的沙律菜，感覺很清新，非常適合的前菜。Blanc Beer Clams用白啤同西班牙腸煮，蜆份量亦很多，口感帶爽很新鮮，西班牙腸微辣十分惹味。1/4 Roasted Spanish Suckling Pig 外皮淡淡金黃色，與中式乳豬不同，多肉皮脆，咬下去不會很乾，而且很多肉汁，對於胃口不大的我，份量已經很足夠。慢慢地上菜，令人可以慢慢品嘗西餐，絕對能令人忘記急促的生活節奏。…Read More

之前到過食下午茶後，覺得可以再一試，今晚巧合到西營盤放工，就來試一下晚飯。今次到來原來加多了一個舖位，剛好舊舖滿坐，來到新舖地方比較寬敞，懷舊既裝修加上用乒乓球拍狀的餐牌，完全係該店特色 鮮茄焗豬扒飯加上熱唂咕，點餐昤待應很細心提醒要等15分鐘，先嘆一下熱唂咕，不太甜帶有少許苦的朱古力味，那種味道只能響舊式茶餐廳拾回感覺。等了不到15分鐘，鮮茄焗豬扒飯就送上，新鮮番茄、洋蔥，加上芝士茄汁，焗得香稔軟嫩，豬肉不乾示濃富有水份，炒飯乾身，整個配搭豐厚味濃，恰到好處！…Read More

朋友介紹呢間邪惡美食點心店中午十二點多到來已經有5-6人等候。店內雖然不大，坐位之間亦不算寬廣，但勝在衛生程度高。待應一早就準備茶水和水盤供清洗食具之用，很細心！必食招牌推介，只因胃口不大，所以只點上兩款菜式已經足夠。XO醬炒銀針粉的銀針粉富有彈性帶辣，味道很濃郁，值得推介之前上網見識過如何流心，但現埸食落真係唔同！待應從廚房拎出金黃色熱烘烘既西多士，中心部份微微谷起，當刀切下去時外面鬆軟脆口，奶皇緩緩流出，口感輕盈幼滑，還有細碎的蛋黃粒，真令人驚喜，來到必試食物！沒有加一服務費，價錢相宜，一定會再來試其他款式多士~…Read More

朋友介紹呢間日本刺身飯店，晚上六時多就來到，誰不知還是要等半個鐘。門口和店內地方不大，坐位大約三十個，雖然有少許侷促，但很衛生。選了池魚刺生定食，池魚外觀肉質通透，口感爽彈鮮美，珍珠米黏口香軟 ，好味道日式捲蛋嫩滑帶甜，調味得宜！價格中等但食物質素高，值得等待30分鐘，下次再來光顧…Read More

今晚約左朋友放工後打羽毛球，之前有點時間又肚餓想食少許，記得西環朋友曾介紹呢間小食店，就到來試試。門口裝修普通，室內放了幾張圓檯，坐位都很寬敞，街坊食店格局。餐牌上除了小食外，還有粥粉麵飯和甜品，款式很多選擇。香煎腸粉加雞蛋，腸粉香稔軟嫩，加上雞蛋既香味，甜醬和麻醬互相配合，胃口大增。豉油王炒麵的麵身乾身，但失去那種"鑊氣"既香氣，豉油味道偏淡，感覺普通。胚芽珍珠奶茶份量比一般多，荼味濃郁但不帶澀味，珠奶彈牙不會黏在一起，值得一試。總括來講，小店很用心經營，那種人與人之間既街坊之情現在很少有，希望能夠一直維持下去！…Read More

晚上時常路經行人自動扶手梯都會見到呢間店很多人排隊等候。位於中環鬧市中，門面非常華麗，除了本地人，還有其他遊客來光顧。店內中式裝修，因為人流多，所以被安排搭檯，店內職員很快就遞上點菜單。我們一行三人選擇二人套餐，一湯一飯兩餸首先來一個蜜瓜瑤柱燉響螺湯，蜜瓜軟錦錦，響螺鮮味，老火靚湯沒有味精，十分很滋潤臘味糯米飯感覺黏口，臘味很嚼勁，糯米乾身，正宗糯米飯蓮藕鹹魚煎肉餅仔顏色焦黃，口感爽口微彈，很好味道催促待應2次後，紅燒豆腐最後上檯，顏色金黃，芡汁不會太油膩，略微咸一點雖然點了二人套餐，但份量都足夠令我們三人飽肚，很豐富既晚餐。…Read More

近年發現希雲街開了多間食店，云云店中最常光顧就係呢間。今次星期日中午悠閒自己一個人來到，唔需要排隊，待應很快就安排我就坐。店內雖然坐位不多，但勝在富有空間感，很迎合cafe既主題。點了一個Lunch Set德國香腸雜菌意粉配洋蔥忌廉汁，忌廉嫩滑不膩口，意粉硬度適中，一人份量已經足夠Honey Latte外觀色調均勻，很有咖啡味道，細緻奶滑，加上蜜糖後沒有那種"燥"既感覺過了一個休閒及滿足既中午，唯一美中不足就是沒有提供開水。…Read More

今晚一個人到西營盤做完野夜工已經九點，上網查一下發現呢間台式食店，即刻加快腳步到來。門口多個招牌很容易認，雖然離打烊時間重有45分鐘，但店內坐位差不多全滿。待應對我說的是國語，口音應該是台灣人，被安排坐上bar檯。店舖雖然小，但不擠迫很衛生，反而有種熱鬧的感覺。點了魯肉飯和青香奶茶，不消一刻很快就奉上，效率之高，難怪繁忙時間限定30分鐘內用膳。魯肉飯口感不膩不沾，細碎的豬肉帶少許肥肉，飯的硬度適中帶黏，肉汁滲入飯內味道恰到好處，很有台灣地道風味青香奶茶帶綠茶味道，加上重奶味，感覺清新淡雅整體來講，小店充滿台灣本地味道，逗留短短廿分鐘內，已經有三四人外賣自取，可想而知此店大受歡迎，希望繼續保持水準！…Read More