Huiwinghann's Profile

之前已經試過舊搬，覺得係一間性價比高質西餐廳，所以今日同朋友想鋸扒即刻諗起佢，點知發現原來佢搬咗舖。入到去發現環境優雅，服務員亦非常友好招待。新舖Menu有所更改，價錢貴過舊舖，但望一望個環境都覺得好值得！麵包望落平平無奇，但食落好有驚喜外脆內軟👍🏻呢個粟米濃湯味道超好味，超濃郁的粟米味道另外一試難忘，帶子亦煎得非常香，不過份量就真係有點兒小。龍蝦意粉: 冇諗過龍蝦會咁大舊 好味！最後鐘嗌咗塊安格斯牛扒with smashed potato牛扒叫咗medium, 煎得啱啱好唔會太生但令我最驚喜就係個配菜，將薯仔炸到好香脆，然後再壓扁，好好味！…Read More

今日下午突然好想食酸菜魚，係OpenRice search見到呢間新開嘅酸菜魚，參考咗佢葵芳分店嘅食評，決定試一試。我同老公兩個人叫咗一份標準酸菜魚小辣，因為細細又冇食評同冇太大期望。點個一食真係估佢唔到，標準已經份量好足夠，用了十足，非常抵食。而且落足酸菜所以酸味都好夠唔會剩係得辣味，魚份量亦都好多好滑，真心好好味！另外再嗌多咗個咕嚕肉送飯，喺出面聽到廚房嘅煮飯聲已經知道餐廳好有鑊氣。賣相又靚，咕嚕肉熱辣辣外脆內軟炸得好好味，重點係佢隔離仲有燒菠蘿，超級甜。仲有叫左個麻辣皮蛋，上到先發現原來係黃金皮蛋，非常惹味。呢間小店老闆好用心，雖然只係小店但真係好好食，一定會再去幫襯！…Read More

呢間銅鑼灣開業冇耐既小店，行過見到覺得食物好似好靚好精緻，所以上星期同朋友去左試一試。話梅車厘茄子$58逐粒去皮相當有誠意 食落酸酸甜甜 好開胃紫雲淮山$78前菜 用火龍果天氣色素整成紫色加上芝麻醬 配搭特別 口感外脆內軟紅蝦多士$78 2件熱辣辣脆卜卜 先原味咬一啖再點隔離個蝦膏蕃茄醬 口感又唔同味覺好新鮮而且紅蝦彈口 好食拔絲咕嚕肉$158炸漿厚薄適中 有拔絲效果 旁邊既菠蘿係新鮮 絕非平常的罐頭菠蘿清炒萵荀$98相信廚師揀選左幼嫩部分去清炒 食落完全冇渣古法紅蝦炒新竹米粉$148米粉炒得夠乾身 有d蛋絲同芽菜係上面 紅蝦一樣彈牙 份量大 食唔哂打包第二日lunch再食雙色流沙煎堆仔$48點心當甜品作結尾 黑色既係朱古力 另一個奶黃 唔算太甜 細細粒份量剛剛好…Read More

之前上網見到呢間壽司杯嘅相片俾佢深深吸引住，所以今次去到觀塘要即刻試下。前菜叫咗個流心芝士漢堡扒（$48）同埋海膽熔岩（$48），漢堡扒切開芝士雖然冇流出來，買相扣咗少少分，但都無減佢嘅好味程度，熱辣辣的芝士配搭漢堡扒好正。海膽熔岩是由墨魚丸與海膽醬混合而成，本身怕會有腥味，但完全沒有而且鮮味十足。天龍卷（$98）三文魚腩配上炸蝦，睇相就見到佢用了十足，隻蝦好大隻。不得不提一提佢嘅炸蝦頭，香口酥脆丼瀛特上築地壽司杯（$268）最後係最期待嘅壽司杯，總共有七個杯（三文魚腩、蟹肉配蟹膏、魚、赤蝦、吞拿魚茸配海膽、帶子、芥末魷魚）除咗芥末魷魚對我來講太辣之外，每一款都好好味，睇得又食得，用了充足一啲都冇偷工減料，而且一個價錢可以食咁多口味真係物超所值。…Read More

平時淨係會喺呢度飲茶，今日見到經理介紹午市套餐，大概$300一位，決定同朋友一試。首先有足料老火湯，非常鮮甜，沒有味精。湯渣亦分開上，方便進食。之後就有燒味拼盤，有叉燒、海蜇同埋燒男仔。叉燒有點兒瘦，但味道不錯。燒腩仔皮脆肉嫩👍🏻點心拼盤就有燒賣、蝦餃、粉果同埋類似馬拉糕的甜糕。最令我印象深刻的就是那甜糕，質地軟糯，甜甜的好好食。之後有鎮江一口排骨，味道甜甜地，炸到個皮好趣熱辣辣好新鮮。最後仲有乾隆石鍋炒飯，賣相非常吸引又好味，完全掛住食唔記得影相。炒飯用了十足，有帶子同埋瑤柱，非常香口，而且用料十足份量非常多。…Read More

之前朋友介紹過呢間良心Wong Din，今日嚟到尖沙咀決定去試一試。我同朋友叫咗一個set lunch，配有餐湯，味道非常濃郁，細細碗唔會覺得好漏。我哋選擇了大蝦芝士墨汁意大利飯，雖然賣相污黑，但食落口真係喜出望外，勁好食！ 大蝦煎到金黃色，食落口非常彈牙，而且大大隻好新鮮，意大利飯啖啖芝士，唔會太濕，味道好好。加拿大海膽吞拿魚他他法式多士（$128）用料十足，不過我以為會見到海膽，但原來同吞拿魚混合左一齊，有點失望。吞拿魚他他味道好好食，但唔係好食得出海膽嘅味道，不過勝在大舊奶食。香煎意大利煙肉、大啡菇芝士牛肉漢堡配炸薯條（$158）煙肉厚身，牛肉煎完好香，皮脆，咬落去好多肉汁，配埋佢自家製醬汁好好味。…Read More

印丶越丶泰交融？？在美食上，祇有二字「好食」，好像這麼快便結案陳詞😉，讓我每道菜式都娓娓道出吧😜第一道頭盤，我點了 越式軟殻蟹米紙卷，米纸晶凝通透，包着新鮮爽脆的蔬菜，配合即炸的軟殻蟹件.點些開胃口的自家調配芥茉汁.更有錦上添花之感😁必喝的冬蔭功.回甘的香茅味道，另你多喝幾口，海鮮浸浴在濃渴底下,就知有幾美味呢😄泰式甜酸腰果炒雞，胃口大開之選，雞件炒得邊位有點微微焦脆感，要你多放幾件進口𥚃😄，腰果也是另你停不了筷子的原因呢👍🏻👍🏻😁印式鑊仔雞，味道錯踪復雜的印度咖喱，舌頭也難分辨出十多種的香料，配已薄餅,單是咖喱汁在薄餅上，不用再多講，國家級絕配👍🏻👍🏻最後來個大滿足，甜品 南瓜布甸.軟糯清香的南瓜肉，上面是細膩滑嫩的布甸，整碟吃完，也有一份強烈的添食感😜😜 整體餐廳的環境及氣氛，使人用餐也有著聳容愉快之感是難得的好地方😁😁😁…Read More

今日嚟到長沙灣想食西餐，喺網上面見到呢間位於工業大廈嘅隱世西餐廳就去左試下。店舖佈置得好有氣氛好有情調，環境舒適而且十分寧靜。店員熱情款待，服務態度非常好，佢推介左佢哋餐廳嘅set dinner。彩虹茄配紅桑子韓式辣醬啫喱店員特別叫我試一試呢個，口感非常特別，咬落去首先好香嘅紅桑子味道，酸酸甜甜，然後再慢慢有小小辣味出泥，從來都未食過呢一個配搭，感覺好新鮮好Fresh。西柚青瓜沙律配大葉汁西柚配上青瓜唔會出錯，酸酸甜甜好Fresh，作為前菜好開胃。吞拿魚他他配脆蓮藕片配檸檬汁賣相好靚，雖然細細份，但味道都好好味，尤其脆蓮藕片真係好好味。海鮮龍蝦汁扁意粉海鮮份量非常多，有蝦、魷魚、青口，大大隻又鮮味，不過我覺得龍蝦味不夠濃郁，令意粉味道偏淡。寶雲酥羊架配茄子茸呢個係今次令我印象最深刻的一道菜，楊假先得煮得非常出色，完全沒有羶味，肉質亦非常嫩滑。旁邊配上中東米，好似燕麥咁，但我自己就唔係咁鍾意如果配薯蓉就100分最後仲有心太軟做甜品，店員特別介紹佢哋採用比利時朱古力製造，好味…Read More

之前一直好想試下呢間拉麵，但長期麵有人排隊，所以一直冇試。今日仲諗緊午餐食咩既時候，見到冇人排隊，就即刻試一試。黑蒜油霑面（$68）湯底味道濃郁，如果覺得太鹹，我已叫店員幫你加清湯，而我就覺得啱啱好唔需要加。我本身比較喜歡偏硬的拉麵，所以我覺得麵質軟硬適中。大門拉麵（$55）湯底清香，不會太過油膩，拉麵麵係同霑麵一樣選用粗拉麵，偏硬，但我剛好喜歡偏硬的拉麵。玉子燒熱辣辣，蛋香好重仲要好嫩滑，加左小小蔥，配搭一齊食好香好好味。大門餃子咬下去有湯汁，用料十足，如果大隻d就仲好…Read More

今日同朋友喺銅鑼灣突然好想食日本料理，上網見到有間米芝蓮推介餐廳，於是上去試一試，果然沒有令我失望。Sashimi lunch($330)決定試下Set lunch，睇吓佢好唔好食下次再試OMAKASE呢個set lunch會先上一小碟芥末章魚沙律，口感清新，作為前菜很不錯。然後再上我最喜歡的蒸蛋，裏面有雞肉、蜆肉、冬菇等食材，用料十足。主菜共有7款刺身，每一款都好新鮮，當中最驚喜嘅梗係拖羅，入口即溶，油甘味很重，非常好味。Deluxe Chirashi($360)咦呢個丼飯更有超過10款新鮮刺身，每一款都好新鮮。當中海膽份量都幾多，非常鮮甜，完全沒有腥味和苦味。仲有大大隻嘅赤蝦，爽口彈牙。當然對於最鍾意食拖羅的我，最滿足的還是那一塊油脂分布平均的拖羅依家仲有限時優惠，真係好抵食…Read More

之前試過呢間餐廳嘅下午茶，今日就試下呢度既午餐睇下熟食得唔得，一入到門口就會覺得成間餐廳充滿藝術氣息。餐廳牆上掛上很多梵高的畫作，裝修亦非常精緻，餐具及擺設上亦花了不少心思。Set lunch(starter+main course+dessert+drinks) $268餐包 熱辣辣好鬆軟野生蘑菇撻配洋蔥，火箭菜及鵝肝菌忌廉整個蘑菇撻的賣點在於鵝肝菌忌廉，淡淡的鵝肝味令你齒頰留香。仲有個法式雞肉清湯陪朱利安西班牙火腿，估唔到雞湯配上西班牙火腿係咁好味，濃郁的西班牙火腿味配上淡淡清雞湯味so yummy!主菜分別叫咗一意大利扁意粉配燉小龍蝦肉，蝦乾及辣椒醬，小龍蝦肉份量都好多，龍蝦味味道濃郁，不會太鹹，好味。另外仲叫咗一份烤美國豬柳配焦糖蘋果及威士忌熱情果醬，豬柳不會太鞋，配上焦糖蘋果同埋醬汁一齊食感覺好清新好特別，但如果份量再多啲就更好。是日甜品係焦糖咖啡慕絲，一d都唔會太膩，覺得太甜可以搭配旁邊的集會雜莓會好清新。…Read More

尖沙咀有好多間台式飲品店，行過厚福街就被呢一間良心黃店吸引着，店舖內有文宣雜誌比大家睇去了解呢一場運動。店外亦擺設了一些支裝水工香港市民免費飲用，果然係良心黃店。小黑糖珍珠鮮奶平時飲黑糖珍珠奶最怕就係太甜同埋珍珠唔好食。呢間黑糖珍珠鮮奶我選擇了小甜，黑糖同奶嘅比例剛剛好，唔會太甜亦不會太漏。而佢嘅珍珠亦做得非常出色，口感好QQ軟糥，咬下去非常煙韌，黑糖味好重🤤紫薯於你作為紫薯控一定要試一試呢杯紫薯於你，紫薯味非常香濃，配合鮮奶味道好夾好好味，唔知呢間珍珠咁好味，好後悔冇加埋，如果加埋珍珠一定仲正…Read More

最近食嘢之前都會睇吓皇室經濟圈，發現左呢間位於觀塘工業區嘅台式黃店。店舖裝修懷舊，座位非常寬敞。豪華台式牛肉麵（$72）入面有牛肉、花枝丸、公園、滷蛋配埋台灣關廟麵。湯底又清甜的牛肉味，不算濃郁，牛肉十分嫩滑，丸類亦都肉汁豐富。古早風味蝦卷飯（$59）呢個比較普通，蝦捲比較普通，不過勝在即炸熱辣辣，肉燥味道偏淡。炸物拼盤（$49）份量比較小，每樣食物只有一份，相對重量較多，有炸雞、炸蝦卷、大丸物、香腸。印象最深刻就是炸貢丸，一咬下去肉汁非常多。哈豆鮮果茶（$39）叫咗少甜，味道非常清新甜到剛剛好阿華田豆漿（$42）首先上咗一杯胚芽豆漿，店員會教你先攪勻然後再有一支阿華田冰棒，豆漿攪拌後便可放入阿華田冰棒，非常特別。…Read More

前排冬至選擇左一間適合一家大細食飯的餐廳，長輩們喜歡吃中餐，但我哋真係唔想食普通嘅中菜，所以揀咗呢間fusion菜，以中式食材為主配合西式煮法環境唔使講，望住個大海景，雖然比較昏暗但都好有氣氛。岩鹽48小時慢煮牛肋骨($638)肉貿鮮嫩，脂肪分布均勻，入口即溶，配埋成條牛肋骨一齊上外觀一百分松茸羊肚菌海膽燴飯(328)海膽鮮甜分量都好多，配埋黑松露味燴飯好夾，好好味！龍井熏太爺雞（$338）一打開蓋好多煙，聞到香香既煙熏味，雞肉好嫩好似舊舊都係雞髀咁百味金磚豆腐（$138 ）睇上去平平無奇但食落豆腐皮脆內軟，椒鹽味剛剛好唔會搶去豆腐嘅香味法國龍眼蜜煎金蠔（$228）金蠔大大隻，一d都唔腥黑豚叉燒松露撈粗生面（$268） 叉燒切絲唔係好食到，好似冇咩餸，不過原來黑松露配撈粗係咁夾…Read More

🔶大家都明白啦🔶唔好比佢店名呃左，真係一d都唔會麻麻地...入到店內嘅裝修風格已經覺得好鍾意，非常適合打卡。坐低打開餐牌，每一個菜名都精心設計過，每一樣餸都好吸引，諗咗好耐先決定到要啲咩。避風塘style肥牛蛋包飯（$108)知道店舖內嘅我唔我抱咁大期望鰻魚蛋包飯好出名，但見到lunch set有一個避風塘定牛蛋包飯，覺得好特別所以帶咗呢個。淨係見到個賣相都已經好吸引，肥牛配上避風塘味道好惹味，蛋炒得得非常嫩滑😋明太子薯條（$45）即叫即炸熱辣辣，仲要再有一碟明太子，驚死你唔夠食，果然係良心黃店。啖啖蟹肉...你就想青咖喱pizza（$106）青咖喱味道不夠濃郁，不過勝在蟹肉份量好多，但唔夠特別，下次會想試吓軟殼蟹pizza多啲。仲有佢嘅擺設，紙巾都設計得好用心，你話點可以唔一試再試！其實店內仲有好多特別菜式想嘗試，一定會encore!…Read More