hiunnok's Profile

中環蘭桂坊有間浪漫～性價比高既法國菜餐廳有部透明水晶三角琴現場都幾多人慶祝生日🎂由前米芝蓮總廚主理🧑🏻‍🍳Dinner Set 由$398起以法國菜黎講價錢好親民成餐飯我最鍾意就係依幾樣是日精選餐湯～今日係法式蟹湯,味道好濃郁🦀時令法國生蠔～生蠔大隻新鮮肥美🦪淡淡海水味寶雲酥紐西蘭羊架 ～羊架烤得剛剛好,無羶味🐏仲粉嫩多汁,推介👍🏻原隻海膽雪糕~成啖海膽味道鮮甜再夾埋豆腐雪糕,一個完美嘅句號😍…Read More

慶祝屋企人生日專登去，啱啱出咗個黑白系列，幾得意又試吓先湯底係黑金蒜皇土雞鍋拼雪白御鮮豆腐鍋鴛鴦鍋，黑金蒜皇土雞鍋有好高營養價值嘅黑蒜，味道好香蒜同黑蒜味，再有埋雞味，香濃得嚟無負擔；而雪白御鮮豆腐鍋就係有三文魚同埋煎到金黃色嘅百福豆腐，鮮甜魚湯加豆腐味好滋潤今次試晒佢所有黑白盛宴嘅食物🔸雪映山葵豆腐🔸蟹籽墨汁漿🔸鹽酥髒髒雞🔸藤香鮑魚豆腐🔸鹽酥美乃『雞』🔸魚香皮蛋豆腐🔸仙花雙圓🔸黑白啤酒最吸引就係🤍藤椒鮑魚豆腐，藤椒味好夠惹味，最正係辣辣地，鮑魚好爽彈，豆腐好嫩滑，兩樣食埋一齊又辣又爽又嫩，口感好豐富🖤鹽酥髒髒雞，好香海苔粉，加上炸得酥脆鹽酥雞，唔使去台灣呢度都食到🤣🤍仙花雙圓，係牛大人招牌仙草凍加百福豆腐花，仲有啲珍珠同花生，食仙草又唔會冚過豆腐花嘅味，有埋珍珠嘅煙韌同埋脆口嘅花生，係四重口感🤣平日去19:30前離座，每位$448再加一，鍾意食牛其實好岩食，因為肉質好高質，今次個主題夠特別，款式多同埋味道唔錯，成家人都覺得滿意…Read More

🍜招牌豌雜面 $48招牌豌雜麵可選五個辣度包括有BB辣、微辣、重慶辣、霸道辣、魔鬼辣，我揀左BB辣，少少辣容易應付，帶啲麻辣感，配料都幾多吓，有豌豆、雜醬豬肉末、香炒花生粒、蔥花、通菜，撈埋之後，麵條好掛汁，都幾彈牙🔥醬香滷牛肉冒菜小火鍋 $68小火鍋我揀左微辣，另外再加左鴨血，火鍋配埋個白飯，有個爐熱住，依家涼涼地天氣食岩晒，小火鍋湯底濃郁，微辣辣度岩岩好，唔太辣又惹果，牛肉都好嚼口，配菜有豆卜、午餐肉、金菇等等，麻辣湯底必加鴨血，入晒味好正🌶️川味小酥肉 $28有得揀辣同唔辣，我揀左辣都唔算辣，份量都好夠，小酥肉外層炸得脆身，肉質幾有咬口💥紅糖糍粑 $25（5件）紅糖糍粑炸得夠脆，口感好軟糯煙韌，黑糖香甜，五件好夠食🍋檸檬茶跟餐加$10…Read More

最近同幾個朋友去咗 Falò Bistro，玩左成晚！有兩層，空間寬敞，氛圍超正。🔥 空中花園BBQ + 撈汁海鮮：我哋揀咗坐喺下層嘅空中花園，嗌咗 3 個鐘任飲任食BBQ，食物有牛扒、豬扒、雞扒、芝士腸同多款丸類等，飲品方面有非酒精嘅罐裝飲品同紙包飲品。仲叫咗撈汁海鮮，有青口、鮑魚、蝦等等，喺市區天台食得非常過癮！而且仲有霓虹燈外牆，岩哂打卡。問過店員，原來仲有包場選擇，下次人多啲再試下！🎤 室內酒吧 + 唱K：上層嘅室內酒吧有卡拉OK舞台，我哋唱得好high！撞正星期四晚仲有Live band表演。飲埋得獎調酒師駐場即調Cocktail🍸🔸 American Ginseng 花旗參山梨入口甘甘地，同花旗參幾夾 🔸 Damask Rose 大馬士革玫瑰 Roku六GIN好香玫瑰味又淡淡嘅西柚味道，朋友唔飲酒，試咗啖都話好飲 🍸…Read More

行過九龍城見到一間新開嘅中式料理餐廳，望到餐牌有現場製作、手工拉麵，仲有海南雞添招牌四川擔擔麵 $52勁惹味！麻麻辣辣，見到師傅即場拉，麵條爽彈，湯底香濃灌湯小籠包 $46 四隻湯汁鮮美，肉餡鮮嫩，湯汁夠多爆汁牛肉餅 $25牛肉餅肉汁豐富，餅底脆卜卜，個餡又足料爆汁生煎包 $24 兩隻包底夠香脆，亦有肉汁流出無骨海南雞半隻 $108 半隻雞肉嫩滑，份量夠大，仲有秘製醬汁涼粉冰 跟餐半價加配冰冰涼涼，好啱夏天食，消暑解渴一流，涼粉食落唔係罐頭款…Read More

中午過來同朋友食飯，嗌咗份阿根廷西冷牛扒，套餐包一份餐湯沙律，餐湯係菜湯，味道偏淡。而沙律都是普普通通。主菜牛扒點了五成熟，味道不錯，肉質夠嫩而不會出血水。最後飲嗌杯咖啡，整體來講可以再來食。…Read More

行過見到推出左期間限定八珍甜醋奶蓋咖啡，當然要買杯黎試下。估唔到味道唔錯，入口先有香香既甜醋味，後面既咖啡就接著出嚟。重點我覺得係塊餅，竟然薑醋味，配埋杯咖啡好夾，值得一試。…Read More

今日去到德興冇嗌車仔麵食，而係嗌佢嘅煎釀三寶外賣，估唔到$20竟然有15件咁多。雖然冇得自己揀口味，但係煎釀三寶青椒豆腐茄子都係我嘅至愛。基本上嗌一份都已經可以當正餐咁食，魚肉份量足，基本上冇骨又唔腥，茄子夠淋，青椒算爽，豆腐就偏硬少少，雖然有幾舊可能唔夠熱，但整體性價比幾高。…Read More

唔少人都相信好似我咁，為咗呢一碗沙嗲牛湯專程入長洲。如果遇上假期，仲有機會食唔到。所以我一去到長洲就即刻沖去陳通記嗌返碗試吓，果然湯底十分之濃郁，仲有一啲花生粒，而通粉同市面上嘅餐廳提供嘅不同，通粉呈長條狀，掛湯更容易。…Read More

第一次是依度嘅甜品，嗌咗個開心果雪糕。開心果味突出，亦唔太甜。雪糕都算滑溜，但溶得較快，影完兩張相就見到開始流落嚟。如果夏天食的話，可能更加要把握時間。期待下一次有新口味推出。…Read More

好似標題咁講，方圓100米都搵唔到街頭魚肉燒賣，唯有喺入邊買啦，雖然價錢比出邊貴一啲，但係味道都算唔錯，而燒賣亦都一直放在蒸籠入邊，所以食嘅時候都夠熱，絕對係只口痕嘅首選。…Read More

最近試咗一杯品牌同維他奶聯乘飲品，喺冬天飲上一杯熱飲本身已經係一件好幸福嘅事。估唔到竟然可以調製出一杯奶醬多維他奶，感覺就好似食咗一件奶醬多，再飲維他奶，足足一個套餐咁樣。飲完之後，個肚會感覺好似吸收咗好多能量。…Read More

難得喺市區去到11:30都仲有早餐食嘅餐廳，基本上一般港式早餐呢度都可以食到，我通常都嗌一個沙嗲牛麵加火腿炒滑蛋，沙嗲牛麵嘅沙嗲味道濃郁，牛肉份量亦相當充足。而炒滑蛋掌握嘅火候亦恰到好處。每次食完都滿載而歸。…Read More

想食正宗古法老婆餅，又唔想入元朗。我每次都會去利東街一間分店度買，雖然老婆餅嘅價錢間唔中就加，但係水準味道仍然keep住，既然慳咗車錢時間，價錢嘅加幅絕對可以接受。鬆脆嘅外皮，暖暖嘅糖冬瓜蓉餡，食一舊就已經好滿足。…Read More

每次行過餐廳，出邊都有一條小人龍。所以我未試過堂食，但係外賣包就試得多啦。尤其是依間餐廳嘅菠蘿油，暖暖嘅菠蘿包包住一片涼涼厚厚嘅牛油，簡直係人間美食。所以行過唔想排隊堂食嘅話，絕對可以買一個外賣嚟試。…Read More