jaymi66的個人專頁

我們一行2人，約朋友食lunch,朋友講近公司放便取位，由於第一次食，無book位，lunch2個人都等了10-15分鐘才有位。我們分別叫了兩個主食兩款：招牌腐乳鹽酥雞+馬鈴薯燉牛肉，另一個叫鹽燒鯖魚+單骨芝麻雞翼；我們交換餸黎食，鹽酥雞味道OK，份量都ok,馬鈴薯燉牛肉，我無食，朋友講無乜特別；單骨芝麻雞翼，味道都ok,由於係單骨，所以方便食，最後鹽燒鯖魚，這個比想像中油同埋有啲腥，加咗啲檸檬汁會好少少。這個餐跟一個鹽味蛤蜊湯，湯的味道不會太喊，都ok。服務方面：職員在排隊等位時會跟客人講好快有位，同埋會叫客人先考慮食乜嘢，然後有位一掃抬號就會好快有得食，我覺得都幾聰明同細心，等客人入座後不用再等好耐就有食物。食物方面：不過不失、賣相不錯同價錢合理不妨一試。…查看更多

我們一行2人，因為朋友移民,諗住近放工， 所以選D2這間，十二味我係旺角食過，覺得好味，所以推薦朋友食，而這分店第一次食。今次叫咗3款食物，必食人見人愛酸菜魚加錢加寬粉，由於本人唔係食得太辣，所以要做小辣，份量足，但味道只有酸，冇乜辣味，而魚有少少魚骨；有少少失望，因最期待食這款；另叫：乾煸四季豆（唔辣），這個味道正常，要唔辣因為諗住酸菜魚辣可以中和番；另外再叫了一個蒜泥黃瓜：正常份量同味道。服務方面：職員服務一般，不會主動加水，由於平日晚上，計埋我這張枱才得兩枱客人，她們服務有待改善。食物方面：不過不失、只係份量都足。整體而言，用餐時間無限，方便傾計，地點方便，不妨一試。…查看更多

我們一行2人，因為朋友生日，她選了這間試，我預早兩日係Apps訂位，但由於餐廳不大，都只能被安排坐門口位置，座位與座位之間都好近，抬都不大，因叫了3款食物加一杯飲品都唔夠位放。食物方面，分別叫了一個三文魚沙律: 三文魚份量較細片和少、如果加番多少少會較好；炸海鮮：海鮮包括魷魚鬚、蝦、細細粒帶子、細魚仔，加一個吉士醬，不過不失；招牌至尊pizza：pizza 不是厚批，只係批邊厚啲，餡料足，味道oK,加一杯熱earl grey。而因係Apps訂位會送一件Tiramisu,味道都ok,不過如果咖啡味濃啲會仲好味。整體而言：食物方面最好味pizza,而其他就無特別。服務方面：職員都會主動加水，但我由於坐門口位，職員出入時唔小心撞到我朋友時，完全無講一聲sorry(雖然知道是唔小心，但基本都應該講一聲sorry)服務一般。晚餐有限時，80分鐘，如果想同朋友傾計就唔好選這間，總括而言：一試無妨。如果想試就記得係Apps訂位，會送一件甜品。…查看更多

我們一行二人，見到有優惠所以就試吓,一入到店內裝修簡單，但係有少許日式風格，店舖不大，座位不多，都適合同朋友一齊傾偈，因為不會趕你走，同埋order食物時間較長。分別叫了兩款食物：帶子大阪燒 - 味道都OK，帶子嘅料都ok,只係個大阪燒唔夠厚身,口感略為薄身；另外order丸久小園抹茶醬烤蛋糕-這個打卡一流，抹茶醬都好好味，只係蛋糕口感較為實唔夠鬆軟。整體評分，值得一試，服務方面：有待改善，因為先食完大阪燒，後食蛋糕，職員不會主動幫客人換餐具。…查看更多

我們一行4人，因為有同事極力推介豪隍點心- 蝦餃皇同燒賣皇，雖然觀塘有啲遠，但因為新年未開工，所以就一齊去試。我哋分別叫咗11款點心 ： 蝦餃皇 同 燒賣皇 - 真係勁多蝦 ，鍾意食蝦嘅朋友不妨一試； 豉汁蒸排骨 - 本人就覺得一般，因為我覺得有啲排骨好多肥膏；豉汁蒸鳳爪- 都ok入味；五香金錢肚 - 賣相同份量都ok,都夠入味同埋唔算好韌；鳳爪排骨飯- 雖然睇落份量唔係好多，但勝在啲飯夠乾身粒粒分明，好味；墨西哥叉燒包- 感覺上比出邊酒樓好似細少少（嗰包）但勝在入邊啲叉燒冇乜肥膏所以都好味😋；蓮藕煎鯪魚餅 - 煎得都OK，太會太燶同太油；香茜牛肉腸-一般，因腸粉唔算太滑；沙律什果鮮蝦雲吞-本人無食，所以唔知好唔好味；龍仔馬拉糕- 賣想都唔錯，但因為太飽無食，同事食完講好味。整體食物質素都ok,值得一試👍🏻😊。但如果大家想試記住要book位，如果唔係就要係樓梯位排隊。服務一般，因為職員好忙，但都快手快腳，不會只顧傾計唔做嘢。價錢方面不算特別平，跟一般酒樓價錢相若，但質素比一般酒樓好。改善方面：如果用膳時間長少少會較好，因為得70分鐘比較趕，如果想傾計就唔係好夠。…查看更多

我們一行5人，好耐無食過中菜-同片皮鴨，啱啱又放寬堂食到晚上12點，終於唔使趕住走啦。今晚唔覺唔覺就叫多咗-太耐無見同太耐冇一齊邊飲邊食。今晚分別叫咗：一隻烤北京填鴨 - 味道都ok，而份量都太多（雖然5個人都覺得有些漏；醬爆腰果雞丁-這個味都濃都ok；鳳梨咕嚕肉 - 用新鮮鳳梨直得讚，不過個汁略酸，肉炸得乾咗一d,一般；薑汁炒芥蘭- 冇乜薑汁味、芥蘭有啲渣，一般；京淮蔥油伴海蜇 頭- 夠彈牙，但係冇乜味，一般；胡同里蔥油餅 - 餅皮本人覺得好乾、但餡料啲蔥都OK；淅江高郵黃金蝦球 - 蝦球都夠彈牙，不過本人唔太鍾意蛋黃，所以就覺得麻麻地。本身對北京樓好有期望，因每次經開都好多人排隊等位，而好耐之前食過都覺得比一般酒樓賣相精緻和味道好、服務好，但從入座時門口帶位職員完全無理會我們一行5人，只先比頭兩位朋友掃安心出行，而我們是一齊排隊入座，都唔理會我們，都繼續安排其人客人，這方面希望有改善。而食物方便，亦較預期無咁好。所以整體而言覺得一般，如下次再有聚會都未必會再選這間。…查看更多

我們一行2人，chowtime位置都幾方便，因一出烏溪沙（馬鐵站）不用5分鐘就到👍🏻。分別叫咗2個主菜加一個甜品：紅菜頭燴海鮮手打寬條麵 （這個在一般西餐少見）- 味道就唔覺有紅菜頭味，不過都幾creamy ，寬條麵口咁都幾好，不會太淋，有咬口，而海鮮份量都合理，有2隻青口、2隻蝦、一隻元貝、少少蜆肉；可以一試；另外叫了一份和牛單層漢堡-這個就無乜特別，和牛味道就唔算太出同埋太算厚身，而個包返而都ok，有揸牛油焗過，少少脆口，同埋叫漢堡包會跟薯條；甜品- 法式蒙布朗-栗子味配朱古力雪糕- 見這個買相幾靚，粟子味濃同香，而本身問職員乜嘢叫法式蒙布朗，聯員講栗子係鋪面，入面係cream，最底係薄薄嘅蛋糕，而食的時候發現中間不是cream,而好似雪糕口咁（唔知係唔係雪得太凍，而雪糕就似一般普通雪糕，這個都ok.而其他方面：環境都舒服，服務方面：職員好似好多都係新黎咁，主動性不夠，每次要refill水都係要客人叫才refill,整體而言：食物都ok,價錢合理,不妨一試。…查看更多

我們一行6人，好耐無試過咁多人坐埋一抬一齊食晚飯吹水，真的好開心🥳本人第一次食大中華，聽聞都幾出名食小菜。今晚分別叫咗5餸一湯；鐵板黑椒豬手- 好濃味、野味😋；炸墨魚餅 -好彈牙、有口咁，好味👍🏻；炸豬大腸&燒排骨 - 因本人不太喜歡食肥膏，所以唔太鍾意豬大腸，而排骨炸得太乾，麻麻地；南乳吊燒鱔 - 鱔夠脆而唔會太多粉但南乳醬本人自己就麻麻,所以唔加醬食都好味😋；豉椒抄鵝腸 - 這個超級濃味，成抬人食咗一、兩啖就無人食；通菜啫啫煲 - 好野味，本身應該最鐘意就係這個菜（但由於晚飯有限1個半鐘用餐，而這個菜就夠菜才上、所以不能慢慢品嘗😩，而湯就叫芥菜鹹蛋湯（第一次飲）都好濃味，幾特別都ok。整體而言：食物大部分都好重味，但就可以食到一些酒樓或西餐廳食唔到款式，同埋可以感受大排檔氣氛，喜歡重味的朋友不妨一試。而飲品不能在餐廳落單，要自行出門口購買，好唔方便，希望可以改善。由於係大排檔式，所以無服務可言，而價錢方便，一般唔算抵，亦唔算貴。…查看更多

我們一行2人，Mr steak這間店個名聽過但未試過，由於無夜晚堂食，所以就選午餐，午餐可以主要分兩款：一款係set lunch另一款就係半自助，今次我哋選咗半自助午餐,主餐牌有10款可以選擇，價錢有$115去到$228不等，另收加一服務費。分別叫咗：蒜片欖油火腿意大利扁麵- 蒜片炒得好香而扁麵唔會太琳有咬口加埋一些火腿好味😋；純牛肉漢堡配薯條- 牛肉漢堡個牛肉都唔會太薄，但個人覺得唔夠Juice，但薯條夠脆雖然是幼身薯條；而自助吧選擇款式都唔算少，餐湯今日就係一個南瓜湯好味，沙律菜款式多同新鮮，甜品都有幾款蛋糕可以選擇（有芝士蛋糕、有朱古力批、麵包布甸、啫喱糖、桂花糕、豆腐花），除咗豆腐花唔夠滑，其他甜品都可以試，但我相信唔係全部甜品都係即整因為好多我估佢喺外邊買返嚟尤其是啲芝士蛋糕朱古力撻。整體來講價錢超值味道好味😋，服務值得一讚，侍應會自動自覺幫你加水收碟，有禮貌。最後提一提半自助午餐限時兩個鐘，值得推介👍🏻…查看更多

我們一行2人，好耐冇食過泰國嘢，因就朋友方便，所以無去九龍城，而選了尖沙咀，隣近K11方便。我一睇餐牌就覺得好期待的甜品（原個椰青大菜糕😋，因為之前係九龍城某一間泰國餐廳食過之後，之後都唔多餐廳有得食，值得推介👍🏻）；order 一個併盤：有蝦餅、魚餅、春卷、碎肉生菜包，成個併盤除了魚餅，本人全部都好喜歡，新鮮炸起、蝦餅夠彈牙，春卷夠脆，磅碎肉生菜包有些辣😋）,另外order 一碗細冬陰公 - 起初飲唔辣好香椰奶味，後來飲到一半就開始覺得辣）；最後order要酥炸香茅魚配青木瓜沙律- 條魚炸得太乾身，而沙律有些辣，這款一般）。由於2人而7點前入座，所以不用book位和等位，但有限時1個鐘30分鐘，一夠鐘就好似走難咁，收晒抬面的嘢，係Lee 樣有些趕，而其他方面：環境都舒服，整體而言：食物都好味，價錢合理。 值得一試😊…查看更多

我們一行2人，第一次試JW酒店慶生日，要預早1個月才book到星期六夜晚buffet的位，真的好難book ,因其待已久，所以真正食那日有少少落差，首先講魚生都好新鮮，凍龍蝦好多肉好味😋，而酒店的賣點應該係熱食 - 好大件花膠、鮑魚、海蔘（三樣都煮得好入味，花膠同海參都好軟身好大件），另外有片皮鴨（這個有d失望，因鴨好少，配菜多），龍躉都好好味，好多骨膠原😋，仲有自家整的义燒（好入味，义燒不會過琳、海南雞好滑👍🏻，而湯就無乜特別，只係普通湯，有燒牛肉、，由於要留肚食甜品，所以都無試晒其他款菜式，我見到雲吞都好大粒，但真的食唔到而甜品本身係我最其待，點知款式都想像中少，同埋無馬卡龍😫，大部分甜品都有職員分配，有好有壞，好更係衛生d同就唔洗被人切蛋糕切得好肉酸，壞就無得自己排得靚靚影相，而雪糕味道得3款比想像中少（不過勝在一杯杯自取）。服務態度方面，都有禮貌同好快手幫客人收碟同加水，價錢都唔算便，但如果好喜歡食花膠、海參、鮑魚都值得一試。…查看更多

由於疫情關係，連生日飯都延遲。我們一行2人,因怕晚飯後食甜品會多人或限時，所以就掉番轉先食甜品後食晚飯。這店係朋友上網揾特別甜品。我們分別叫了：小糖鈕特選拼盤，這個order時係由㕑師發牌出5款甜品，甜品會在餐牌內出現，由於第一次幫襯，所以就選這個拼盤、可以試到多些款色；拼盤分別：富士蘋果撻 - 這個好味😋有幾種層次，最上面係烤過spple絲，中間有雪糕，最底有apple肉👍🏻；冰鎮玫瑰荔枝燉蛋- 這個最上的玫瑰花係焗翠左，但荔枝就唔係好濃，而口質唔似食蛋而係似食mousse但特別；黑松露+白朱古力（小糖鈕森林）-這個好重黑松露味，口感似食緊馬架龍，特別；冰綠茶70%朱古力- 這個唔係好覺食緊綠茶味，反而唔知點解食到少少紫菜味🧐；香茅、鹹檸檬、蜜餞糖薑 - 這個都有几多口味集一身，幾特別；另外再order 柚輪- 拿破崙做個圈，柚子味嘅雪葩再加埋啲西柚伴碟這款不單埋相吸引，連味道都好好味😋整體而言：環境ok,食物方便都ok,賣相吸引，服務ok,一試無妨😊**最後提一提仲有discount👍🏻…查看更多

我們一行3人，因同長輩食飯，想揾一間環境舒服又係中菜食而又未食過，所以就選這間。我們在門口見到這店原來係開放式餐廳。由於早食，唔算太多人。我們分別叫：古法生炸bb鴿 - 這個味道跟一般酒樓食的有少少不同，不用配淮鹽，但都應該係即叫即炸，皮夠脆，肉嫩，所以都好味道；胡麻醬拌雞絲海蜇- 份量雖然不多，但味道都ok; 蓮苑小炒皇 - 這個都足料，夠嘢味👍🏻😋；沙嗲玉蘭鮮牛肉炒河 - 這個係濕炒河粉，味道都几濃味，但唔夠沙嗲味，但牛肉和河粉都ok,不會炒得好碎，足料；最後叫咗原味柱侯牛腩撈麵-這個几好味，牛腩夠（琳），麵夠彈牙👍🏻。整體而言：食物方面都好味，服務方面，都ok,唔會趕客走，是一個可以慢慢食同傾計的地方，價錢都算合理（因係尖沙咀K11的場）值得一試。…查看更多

我們一行5人，因有同事生日，想食新嘢（墨西哥餐）她未試過，而這間在公司附近所以就選這間。一入門口才發現原來係一間小店，環境都ok,慶幸有book位，如果唔係就無位。我們分別叫了5款lunch set: 香烤雞肉 - 這個買相和味道都不錯，配埋烤餅（跟3款source),好味😋；煙煄手撕豬肉- 這款的味道好似食緊bbq醬豬仔骨，而這款就去晒骨，這款都係跟烤餅，好味😋；墨式香烤牛扒飯 - 這款的飯好特別，不是配白飯而係配芫茜飯，我的同事就好抗拒，而本人就👌🏻，飯食落又唔係好覺好重芫茜味，而牛扒味道都ok,而配菜就有少少辣，好味😋；墨式香烤雞扒飯 - 這款的烤雞無用鐵板好似無咁吸引，但味道當然一樣；最後 墨西哥薄餅 額外加手撕烤雞肉 - 雖然手撕雞肉唔算多，但加埋配料一齊食，都覺得好好味😋。整體而言：食物方面，烤餅和pizza都好好味😋（可能少地方食到）而飯都ok，但最好係餐牌講明係芫茜飯會較好，因我同事食完個lunch,完全唔飽，因她真的食唔到芫茜，其他都好味，值得一試👍🏻😋，注意：如想試這間餐廳，要book位同埋要預留足夠時間才好，因可能人手不足，而我們食這餐食了個半鐘…查看更多

我們一行2人,我們今次去一個新地方（We go mall)雖然都已經2年，而剛好有Apps便，所以就食這間。分別叫了： 美國安格斯牛肉菠蘿煙肉漢堡配脆香薯條 - 牛肉比想像中厚,牛肉配埋菠蘿夠晒juicy😋，只係薯條份量較少，價錢跟其他餐廳都相若，值得一試👍🏻；另外叫了一個香草雞肉蕃茄扁意粉- 這個份量較細份，但味道都ok,而扁意粉不會太淋，有口感，而雞肉的味道好似用火雞的肉，所以比較（鞋），但味道ok由於限制令，所以不用迫住坐，同埋人與人之間有一定距離，所以都食得放心d。整體而言：環境舒服，食物方便都ok,服務ok,一試無妨😊…查看更多