EllinorLai's Profile

今日相約朋友去沙田馬場盡興一番，在這之前朋友帶我去了沙田廣場，地下一間並不起眼而又做得很出色的點心店食早餐。店舖已木色系列為主，簡潔舒適，坐低我哋便用電話掃code點餐。我哋三個人叫了六個點心，其中最有驚喜的藤椒蝦餃，一口咬落去，蝦肉鮮甜彈牙而且有爆汁的感覺，藤椒味突出但又不失蝦肉的鮮味，超正。鮮蝦南瓜紅米腸也是值得推介，紅米腸爽滑帶少許煙韌，一口咬落讓入炸兩內又多到滿瀉的蝦膠，外脆內彈牙，在淋上少許秘製醬油，口感層次超級豐富。每次去飲茶必叫的鹹水角。這碟甘筍鹹水角造型超可愛。皮薄餡料很多，最重要係鹹水角的皮咬落不會黐牙，而且非常酥脆軟糯，一點也不會油膩。這籠黑松露雜菌菇餃，一上枱便很吸睛，外皮晶瑩通透，爆多的菇菌餡料加上濃郁的松露，味道超香，是一道很好食的素餃。混醬蒸鳳爪跟一般茶樓食的無乜分別，好難會唔好食，但這店的味道都唔錯。呢碟千絲萬僂淮山卷，個名同實物點心一樣真係千𢇁萬僂，一咬落去特別脆口，小心散落到枱面都係千絲，包住的淮山粉糯，兩者配搭都幾夾，實在創意有加。入嚟店舖之前見到門口餐牌有$45的一人點心孖寶，選擇很多，價錢超底，不過只限早市及下午茶，有機會來一定試吓。…Read More

會展展覽期間，同事說經過有一間店名比較特別的店舖，應該是食花膠雞的專門店，所以我們中午就叫了這一間做午餐，大家都滿心期待，六個人吃完都沒有一個讚好，先不說味道好不好？但賣相已經非常唔得，份量也很少，湯裏油非常多，味道偏鹹，喝了湯後大家不約而同都說很口渴雞肉軟腍沒有味道，花膠非常細片，而且很薄，一碗$85這個價錢來說非常之唔抵食，唔會再食第二次。…Read More

馬場散後，我們又回到沙田市中心行街搵食，經過一間細細間的咖啡店，香濃的咖啡撲鼻而來。我們三人馬上各自來一杯。我看了餐牌品種也不少，有很多選擇，而且是一般咖啡店比較少有的，很多口味我也想試，但最後要了一杯grapefruit expresso tonic。這杯層次分明，有三種截然不同的元素，Espresso的醇厚、Tonic Water的清爽苦澀、Grapefruit有葡萄柚果香的酸甜，在口中達到了絕妙的平衡。它不像在喝一杯傳統的咖啡，更像在品嚐一杯為成年人特調的、充滿層次感的咖啡雞尾酒。每一口都清爽解渴，提神效果滿分，是炎熱午後無可挑剔的完美選擇。這店雖然只有一個櫃位，但在這繁華的都市角落裏，總有些咖啡店能讓你得到驚喜。…Read More

相約閨蜜談心，想食得暢懷又坐得舒適，大家一致諗起荃灣廣場的日式居酒屋，不但菜品選擇超多而且飲品的選擇也不少，所以一早放工便來到搵定位坐。裝修基本以日式格調為主，店舖非常寬敞而且座位也不少，梳化卡位甚多，方便客人面對面慢慢品嚐食物之餘仲可以開懷𣈱談。兩人一坐低馬上叫了兩杯飲品，芒果盛宴～用新鮮芒果打成蓉，再加上一整條自家製芒果雪糕，一上枱非常吸睛，急不及待馬上喝一口，濃濃的芒果蓉充斥了整個口腔，非常香甜好飲。荔枝檸檬沙冰～藍白色的荔枝沙冰，給人清爽解暑的感覺，炎炎夏日飲一口非常解暑。居酒屋內一定要點嘅串燒，因為我哋兩個都唔食牛，所以點咗一碟日本雞肉串燒盛盒～一共有五串、有雞心串、雞腎串、雞腿串、雞頸串和雞胸串，每一串都烤得剛剛好不會老過韌，而且還有少少烤過的炭香味，真係一口接一口， 停不下來。明太子厚燒玉子～玉子醬淋上一層明太子醬，一口咬落有爆漿的感覺，甚有驚喜，秒淸。饗和民沙律～新鮮雜菜清甜爽口，加上日式麻醬，簡直絕配。燒鯖魚～用鹽醃過一夜乾的鯖魚，魚肉緊致，帶少許鹹鮮，師傅把火候控制恰到好處，表面煎得金黃，扒開魚肉還有少許肉汁，十分鮮味。…Read More

入東涌Outlet行街, 發現原來有間食天婦羅既金子半之助，平時係市區都要等位，難得今次可以直入，即刻去試試。餐廳裝修以木系為主，牆上仲畫左大大棵櫻花樹，猶如置身日本。一入左就比左兩杯黑豆茶~味道濃郁叫左個必食既江戶前天丼，份量十足! 入面既招牌穴子天婦羅長達30cm, 大大大大件好吸引，超厚肉身，肥美軟滑。兩隻海老彈牙爽口，小柱魷魚天婦羅餅入口煙韌，炸前輕輕係面𠝹左格仔花, 可以逐格食，好方便。流心蛋炸得啱啱好、香濃蛋汁同埋海苔及、莢豌豆一齊食，味道豐富。朋友叫左個迷你魷魚&海老天丼, 由於金子半之助採用日本特製高級胡麻油，胡麻油製成的天婦羅芳香撲鼻及色澤會較深，所以整體炸得均勻，唔會好油膩，內裏仲保留咗食物鮮味，值得一讚。仲配多個冷稻庭烏冬，扁身既稻庭烏冬，沾上淡淡昆布凍湯先食，入口特別清爽。另外仲叫碟日式炸雞，果然係天婦羅專門店，雞肉外皮香脆，內裡鮮嫩充滿肉汁，一D都唔會太乾身，有驚喜!仲有個飲品放題，可惜食得太飽，下次有機會再試。…Read More

放工約閨蜜歡聚，佢提議食滷水鵝於是我哋就去附近有間長期爆場的潮州鋪打冷。店舖位於1樓要上一層，一入門口就見到掛了很多滷水鵝同其他食物，亦都有一盤盤的凍海鮮放在枱面，非常吸引。我們叫了一個孖寶再加一碗豬紅和蠔仔粥，兩人決定大食一餐，孖寶有金牌滷水鵝，鵝肉滷得入味皮薄爽彈，滷水豆腐，超級嫩滑，上枱大大的一碟，抵食。孖寶的另外一樣餸菜就是蒜蓉粉絲蒸元貝，濃香的蒜蓉鋪滿粉絲上，非常之惹味，加上元貝蒸的時間剛剛好，不會過熟，好味到連汁都飲埋。蠔仔肉碎粥，加入大量嘅方魚、肉碎和蠔仔，湯頭鮮甜無比，我倆都一碗接一碗。韭菜豬紅係我每次去食打冷必叫嘅菜式之一，叫了一個例牌，仲以為來錯，因為上枱時超級大碗，豬紅特別入味，配上韭菜同吃，簡直係絕配。…Read More

今日去葵芳接細妹放工，然後兩姊妹便去附近搵食，細妹話見到有間泰菜的鮮打水果沙冰買一送一非常抵食，所以就入咗去食。內裏的裝修很有泰式風情。一坐低即刻嗌咗，芒果沙冰同菠蘿沙冰，買一送一，很化算，全部用新鮮生果打成綿綿冰，入口即溶水果味超濃，真係透心涼。晚上的早餐超級便宜，冬陰功豬扒金邊粉還配了一杯鹹檸七，冬陰功非常香濃，酸甜辣度都剛剛好，可能我哋兩個都太肚餓，全部湯都飲清光。香葉炒大蜆～呢碟炒大蜆真係超級惹味，極多配料加入香葉同炒，沒有多餘的水份，另到大大隻又飽滿的蜆肉都掛滿醬汁，呢碟炒大蜆真係超級惹味。蛋花咖喱蟹肉海鮮配蒜蓉包～濃杰的蛋花咖喱遇上香脆蒜蓉包，簡直就係絕配，海蝦彈牙，魷魚鮮甜，雖然蟹肉不算多，但係咖喱醬係靈魂，配包撈飯都係一流。泰式芒果絲脆炸起肉鱸魚～鱸魚起肉炸到香脆，然後鋪上大量的酸辣芒果絲，冷熱交融，口感層次豐富，也是必點菜式之一。肉碎生菜包～每次食泰菜必點的菜式，呢間同我喺泰國食嘅一樣咁正宗，師傅調到味道啱啱好，不會過鹹，而且仲要非常大碟，好抵食。…Read More

朋友之前帶過我去食一次，一食驚為天人，餃子真材實料，而且超大隻，價錢又唔貴，最重要係佢用豬骨淮山花膠煲嘅湯做湯底，鮮甜濃郁，絕對出邊的味精湯可以比對。一碗有八隻嘅帆立貝蟲草鮮蝦餃，每一隻餃子入邊都包着一粒帆立貝同鮮蝦絕對真材實料餡料非常飽滿。韭菜鮮蝦餃要嚟煎，外皮香脆煎後的韭菜香味非常突出，加上爽彈的鮮蝦，一口咬下去鮮甜爽彈，一口接一口，很快就清盆。叫一碟小吃爽滑魚皮，紅油半日爽滑魚皮中香辣適中，再加入少許青瓜絲同炸過的花生米，簡直餸酒一流。…Read More

每次食過都返尋味，好姊妹聚會其中一位冇食過，每次都帶唔到位，今日好好彩竟然有位，去到已經座無虛席好彩有訂位。嚟到必食大頭蝦冬陰功，湯底甜酸辣剛好，仲有四隻超多高大頭蝦加上一些雜菇超好飲。極力推薦炸墨魚餅，每次嚟到必點菜式之一，粒粒墨魚，加上墨魚蓉攪勻再加入香茅同班蘭葉味道好特別，而且非常彈牙姊妹們個個食完都話好正。平時我哋食開都係生菜肉鬆包，這間有創新泰式豬頸肉生菜包，爽彈的豬頸肉加上泰式香料同炒，然後用生菜包住食口感陳是非常豐富。泰式豬手，呢間都整得非常出色軟腍入味，可以隨意點些泰式辣醬同食，有畫龍點睛的效果。仲有一碟黃咖喱雞，加入咗椰漿的咖喱醬非常香濃微辣，配上蒜蓉包同吃，簡直絕配。加上一支泰國啤酒或椰青沙冰。令到我們這餐甜上加甜完美相聚。…Read More

今日同朋友去金紫荊食午餐，特別要推介水晶雞，雞皮薄脆如薯片，應該係比薯片更加脆，很好食，個個讚不絕口。黑毛豬叉燒肥瘦均勻軟腍，推介之選。另外馬拉糕也是必點，砌成好似八卦咁樣，而且不太甜超級軟熟，好好食。超級可愛的天鵝酥，內餡係芙蓉再包上餡料，咬落非常酥脆的外皮中間包着香滑的芋頭蓉，芋蓉再包着豐富的餡料，實在有驚喜。呢間食過好幾次，每次都不負所望，保持水準，總結來說，基本上所有點心及菜品都是很不錯的，只是價錢略貴。…Read More

雖然這間店舖裝修簡陋，大廚的廚藝又的確令人佩服，我亦都食過很多次，每次都保持水準，這頓晚餐完全是令到我的朋友覺得極之驚喜，讓我忍不住想要大讚一番！避風塘粟米手抓骨～這道菜的味道香辣可口，手抓骨肉質鮮嫩，配上香脆的粟米，簡直是絕配，令人一口接一口。豉椒炒蟶子王煎米粉底～蟶子的鮮味與豉椒的香氣完美融合，米粉底吸收了所有的精華，口感外香脆內軟糯，讓人回味無窮。白灼蝦～蝦肉鮮甜，鮮嫩多汁，每一口都簡單卻極致的美味。烏雞螺頭姬松茸燉湯～湯頭清澈得來又非常之濃甜，湯中還帶有淡淡姬松茸菌味，再加上大量的螺頭、烏雞、松茸菇和羊肚菌，喝上一口讓人感到暖心又舒適。脆皮炸子雞～外皮酥脆，內裡多汁，是那種一咬下去就能聽到酥脆聲音的炸雞，絕對是必點之菜蒜蓉粉絲蒸帶子～帶子的鮮美和蒜蓉的香氣交織在一起，粉絲吸收了所有的精華，每一口都是鮮甜。泰式生菜包～無人不讚，清新爽口的生菜包裡包裹著豐富的餡料，每一口都充滿九層塔和泰式的風味。黃金涼瓜蝦～每條涼瓜和大蝦，都用薄薄的脆漿包滿着金黃的鹹蛋黃，就算不吃苦瓜的朋友也激讚這道菜完全沒有苦澀味，另外鹹蛋黃加蝦只是一貫的絕配，完全無可挑剔。大蜆蒸蛋～超級大碟，蒸蛋超滑嫩，蜆肉鮮甜爽彈，加上擺盤震撼，完全係視覺嘅享受，這也是必點餸菜之一。西蘭花炒龍躉球～厚切的龍躉球經過略略走油，再加上西蘭花同色彩繽紛的彩椒同炒，就算味道不太突出，視覺也得到享受。沙薑雞腳～沙薑的獨特香氣讓雞腳更加入味，每一口都能感受到濃厚的風味，讓人欲罷不能，超喜歡砂礓的我一連食了兩隻。整體來說，這頓晚餐不僅滿足了每人的味蕾，更得到我所有朋友的激讚賞。…Read More

這間Pizza店荃灣開張的時候已經很想去試，但無奈長期都大排長龍，所以一直沒有機會去食。聽聞尖沙咀海運LCX開了一間，而且仲面對無敵大海景，所以即刻相約好姊妹們晚上去食。要了一個漁夫蕃茄燴海鮮～碟上有幾片類似pizza的麵包圍邊，吸收了韓式忌廉醬pizza變得軟腍腍，口感一般般，但勝在味道搭夠，青口和蝦都鮮甜，還有幾粒帶子，亦都吸收了醬汁的味道亦不錯。群蟹派對Pizza ～pizza批底厚薄適中，軟熟中大小小煙靭，口感一流，配搭蟹肉、大蝦、紅椒加其他配料，除了賣相吸引之外，味道和顏色配搭得都非常出色，在灑上絕配芝士同焗非常好味。蟹肉飛魚子意粉～材料相當豐富，除了蟹肉、蟹肉棒外，還有大量飛魚子和芝士，食落口感層次豐富，四個人share食就剛剛好，如果一個人食一碟應該會十分之漏滯。蜂蜜牛油炸雞配粟米燒，炸雞表面灑上大量的粟米粉配搭都幾新奇好味，脆粉皮薄香脆，火候控制得剛剛好雞肉不會嚡實，還有少少肉汁，確實好食到停唔到口。…Read More

今日去上水做嘢，完成後已經是下午兩點幾，正是食飯嘅時候，隨便搵了一間店舖名聽起來有些泰國風嘅麵檔。亞來麵檔的餐廳環境雖然是普通茶餐廳的格局，但是食物水準卻有驚喜。以人均消費$50-60的價錢，可以享用到高水準的車仔麵，絕對令我滿意。朋友點了傳統車仔麵湯底，加了鮮蝦雲吞、牛筋和蘿蔔，整體朋友說不錯，但牛筋就超讚，非常軟淋入味。我也是點車仔麵，選擇了喇沙做湯底、豬軟骨、滷水鳳爪、蘿蔔和米粉。豬軟骨：雖然有少許嚼口但夠入味，滷水鳳爪滷得夠味道，超好食。蘿蔔也十分清甜，吸收咗濃郁喇沙湯底嘅精華，很好味道，令我對車仔麵有新嘅改觀。另外加了兩個他們的招牌小食霸王雞和炸豬頸肉，果然名不虛傳！霸王雞的雞肉非常嫩滑，搭配店家特製醬料和鋪到滿滿芫荽蔥，味道更是一流。炸豬頸肉，口感豐富，而且帶有一絲甜味，讓人回味無窮。總體來說，亞來麵檔的霸王雞和炸豬頸肉都非常值得推薦，還有其他小食多達30款，真是超多選擇，下次一定會再來品嚐，而且價格也很實惠。店裡的環境乾淨整潔，服務也很熱情周到。如果你也喜歡吃車仔麵或者對星馬風味有興趣，不妨來這裡試試，絕對不會讓你失望！…Read More

食一次都嫌多，飲完茶經過同一層，見到之前食酸菜魚的店舖換咗第二個名，而且寫住有私房菜，價錢又不貴，盡早訂餐，農曆年期間仲可以照舊價錢去食套餐，$3980一圍，只有10個人份量，我們一圍12人便要加多每位$300，即是$4580一圉，滿心期待，因為私房菜差極都會有限度，所以落咗$500訂金訂了初三食，訂了7:00 ，入坐後追了好幾次7:30才上菜。普普通通不過不失只是龍蝦肉非常細粒。龍蝦大概一斤左右，10分細隻，沒有驚喜。荷葉杞子蟲草花蒸雞，味道超級一般見不到有一片荷葉及杞子便問老闆點樣叫荷葉和杞子蒸雞呢？老闆只笑了一笑，然後便出了房門，不用解釋亦不理會。冰鎮鮑魚同炸蟹鉗正正常常冇特別，亦都唔會唔好食蟶子王炒西芹，蟶子王火候過了超級煙靭，這個不是重點，重點有四條係有沙的，姨甥仔吐了兩粒大沙出嚟，同老闆講了他只說會同廚房反映，然後便走了出去，完全冇其他表態。飲唔出係燉湯，第一啖覺得甜第二啖覺得好鹹，從來沒試過燉湯每個人都飲唔晒，只飲了少許或者一半，正如嗰啲要嚟洗超級多沙的海參。枝竹炆大班次超級新鮮，用刀叉分割成細份，未切到去中間就切唔落去啦，完全唔熟，只係熟咗五成，然後再去同老闆講，佢只係話師傅整得唔熟，再走下油就得㗎啦，然後成碟攞走再去加工，亦都冇其他協議或者覺得係佢哋嘅問題，完全覺得係理所當然。呢一碟最過分，我手指尾咁上下大嘅海參一口咬落去竟然有沙，從未食過海參有沙，我就問老闆會唔會今日太忙，所以洗唔乾淨呢？老闆竟然答早幾日搞掂咗㗎啦，咁即係佢哋師傅有問題囉洗唔乾淨，老闆依舊係冇乜反應，然後出咗去。最好食，應該係呢碟炒飯，可能係之前啲餸全部都有問題，所以屋企人唯有食炒飯，所以炒飯差不多食晒食緊炒飯之際，一個屋企人突然間從凳上邊跌咗落地下，手掌撳咗落地，我哋大家都一齊叫咗出嚟，叫咗個侍應入嚟佢只係攞走張蘭登換返一張膠凳，木無表情換完就出返去，我即刻追出去叫佢老闆入嚟，老闆除咗講咗句，唔好意思叫我哋報警之外就冇第二句說話啦，完全好似唔關佢事咁置身事外，然後就交咗俾佢個女去處理，佢個女就似返啲人啦，係咁講唔好意思對唔住，然後俾返個八折我，跟住佢個好蠢嘅員工減咗我比嘅$500訂金之後再計返個八折俾我，正常應該係全單八折，個夥計係真係蠢唔係扮，其實呢間舖頭講到自己係做咗好耐嘅私房菜，唔知點解我感覺佢係完全唔認識乜嘢叫做私房菜，又食到沙到啲餸唔熟，繼而去到燉湯超級鹹呢啲低級錯誤都可以做到的話，我覺得呢間店舖唔可以叫自己做私房菜。直到我哋12個人行出門口，老闆喺門口都冇同我哋點頭，亦都唔敢正視我哋，就知道佢係好有問題。我都寫過幾百篇食評試過好多間店舖，呢間係我食過最差最差最唔好食嘅私房菜，如果大家要幫襯真係要考慮清楚，總括一句非常差，兼且沒有服務。（各位食家，千祈唔好俾我啲食物圖片誤導，以為好食）…Read More

生日前夕，朋友請我去深水埗一間日間食點心，夜晚有茶飲，兼且有私房小菜食的一間小店。門口完全不起眼，內裏裝修簡約整潔，我們五個人，店家都俾一張大圓枱，所以坐得好舒服。壁櫃放了一些客人留下的酒，放便客食飯時𣈱飲。朋友好客氣，叫了九樣餸再加幾個點心，個個食到捧住個肚走😋香辣雞煲我哋叫咗小辣一上枱香氣逼人，豉汁蒸蟠龍鱔半條，鱔非常爽脆，豉汁的味道調校到剛剛好，極之惹味，一片接一片、連續食了三片也不學得漏滯。梅菜扣肉~扣肉肥瘦均勻入口即溶，梅菜喺惠州買，師傅用鹹甜梅菜溝埋一齊去蒸，所以不會死鹹或者太甜，呢個值得推介。客家煎釀豆腐，豬肉餡入邊加了鹹魚蓉撈勻後再煎，咸香軟糯，同煎到金黃色嘅豆腐一齊食，簡直係絕配。爆炒福花，走油後，爆炒到乾身，極之惹味非常好食。酥炸生蠔，剛炸起點喼汁食，幾香脆，但就冇乜特別。香煎魚腩粥～粥底煲得幾棉，然後鋪滿煎到香脆的魚腩，幾特別。姬松茸燉雞湯，飲落肯定沒有味精，每燉盅三幾件雞件再加一至兩朵姬松茸，湯頭清甜。莆田炒米粉～米粉加上大量配菜炒得乾身，完全不油膩，好好食👍香煎韭菜餅～餃子皮包着大量的韭菜，香口濃味，我鍾意，最重要係點心全部自家製，有別於出邊茶樓攞貨果D，下次可以直接去試吓佢其他點心。…Read More