lee742's Profile

今天我和朋友一齊去左一家新開的甜品店，品嚐左佢地招牌甜品：薑汁撞奶和冰花燉蛋。而家好難係香港食到薑汁撞奶，一定要去試下。薑汁撞奶 - 熱騰騰的牛奶搭配生薑汁，散發著濃郁的香氣。舀了一口，奶香滑嫩。微微的薑辣和奶香完美融合，既暖心又舒適，真的讓人一口接一口，完全停不下來！朋友一邊吃一邊讚不絕口，說這是她吃過最好吃的薑汁撞奶。冰花燉蛋 - 好有蛋香味，又唔太甜，  外觀晶瑩剔透，讓人一看就想拍照。薑汁撞奶和冰花燉蛋各具特色，下次一定要黎再試其他甜品。…Read More

海港城新開咗間好大嘅fine dining中菜 見到咁靚就入咗去試下 餐廳入面分咗好多唔同嘅區 職員就帶咗我哋去其中一個區 叫定制衣櫥 裝修好特別 入面有好多領呔嘅擺設我哋叫咗黑松露帶子餃 餃子皮嘅厚度適中 帶子餡好多 香濃嘅黑松露味花圖嘅signature 湯 爵士湯 好好飲 唔會有味精味 又足料珍菌紫玉係一啲娃娃菜包住啲雜菇 好特別鮮胡椒蟹重焗海蝦 呢個好推薦！好有鮮味 仲叫咗個龍蝦膏海膽炒飯 啲海膽都算多 好有鮮味最後叫埋個芝麻糊椰汁忌廉配桔仔酥 作為呢餐嘅結尾好滿足呢間餐廳除非食環境 連個食物質素都好得 值回票價！…Read More

趁星期六日放假，就周圍行周圍搵食今次行到紅磡蕪湖街，見到依間聞名已久嘅街坊小店，決定入去坐低食番幾味！係網上見到唔少人都話必食餈飯，一上枱確實俾佢嘅size吸引咗真係大件夾抵食！用糯米包住肉鬆、榨菜、油炸鬼，鹹鹹甜甜。足料程度，食一半已經好飽肚！豆漿大家嘅認知係甜為主，不過咸豆漿都相當有風味。熱焫焫嘅店豆漿，大大碗之餘豆味夠濃夠香，配埋餈飯可以幫手解膩。窩貼煎得香口，加埋餐廳秘製辣醬更加惹味！一咬開啲肉汁就滴出嚟，而且足料大大隻！雖然紅磡較僻，唔算係非常交通方便，不過可以係紅磡做足咁多年就知肯定有番咁上下。而且紅磡區一向都多隱世美食，下次可以再搵朋友一齊去行下食下！…Read More

早放工睇有時間就順便行下街，而且都想搵下好野慰勞下自己，行過睇到呢間餐廳，成舊牛肉好大塊，價錢又唔係好貴，就諗住試下。揀左180g牛柳肉，係半自助式，設有自助區，包飯、前菜沙律仲有牛肉湯；牛肉可以自己燒，所以要幾成熟可以自己選擇，味道OK一般般，上面有少少碎蛋算係錦上添花但塊肉真係好大好厚，如果係鍾意食肉既人見到都流曬口水。牛肉肉質都算OK，有時會好多筋好難咬，但基本上都容易入口既。個人覺得值得試下，肉真係大塊，飯、調味料仲可以任添，但就只有牛肉比較單調。…Read More

之前同班friend行佐敦，附近餐廳都幾多，但唔想食好大眾化既茶餐廳或者連鎖野，不覺意見到個招牌寫住香江花月，都幾有詩情畫意，就一於試下呢間野如何。原來係間火鍋店，但都提供類似酒樓既點心，不過有D點心名真係取得幾得意。環境設計係復古懷舊風，但睇落其實唔會殘舊反而好高檔次。我地胃口一般般，所以淨係叫坐幾份野食。雪山叉燒包表面甜甜地但內裡鹹味，而且皮唔厚，餡算多，味道唔錯。鮮茄百花鰻魚盞其實有蝦有茄子有鰻魚，肉質好結實，啖啖都feel到肉，覺得幾抵食，所以我地又嗌多一份。蝦餃外表好靚，五顏六色，即刻影相先！裡面既蝦其實都足料，好飽滿。我地都叫左一份牛肉炒飯，大家一起分住食，份量都好夠，除左有牛肉碎，仲有青椒、紅椒等配料，好夠味。其實仲有送是日例湯，係烏雞茸菇湯，超好飲！而且塊烏雞肉好滑好好食，菇菌易入口軟嫩，湯亦都唔會好鹹，絕對一流。…Read More

同朋友一齊吃喝玩樂，就搵到呢間啤酒店諗住大家一起試下，都想試下手工啤酒既感覺，覺得幾唔錯。我地叫左一份啤酒拼盤（有六杯），個名都幾得意，有布丁的最愛，X教授，黑柑橘，舉世皆濁，酒花上漫步同55%小麥。款款都有唔同口味，好新奇好特別！而我地都有幾款小食，其中麻辣鴨舌最為特別！陣麻辣味刺激味蕾，鴨舌爽口美味，份量適中，超好食！！！值得一試！而鹽酥雞就正常發揮，沒有特別出眾，同其他餐廳差唔多。而環境服務衛生我覺得都不過不失～…Read More

一向都知道葵涌廣場好多野食, 黎開呢邊, 梗係唔可以錯過今次就簡左呢間Hong Kong Burger, 兩個人食價錢都唔太貴order 左個薯絲蝦, 麥樂雞, 曰式海苔魷魚鬚, 紫蕃薯條, 仲有兩個burger其實一黎到我見個紫蕃薯條其貌不揚以為唔好食, 點知一食落口有大驚喜, 佢內脆內軟, 有D紫薯甜味又有D咸味, 令人一食再食反而薯條又冇咩特別, 所以即刻比下去另外麥樂雞夠juice, 好食過麥X勞果D薯絲蝦好夠熱, 隻蝦食落唔會有好"梅" 的感覺, 好好食Burger 不過不失, 反而我鐘意佢D小食多過主菜,…Read More

聽人講就聽得多, 十三姨呢間鋪都係我第一次食。行過見到冇咩人等位又咁岩食飯時間, 於是走入去試一試佢先。叫左個大三元, 連飲品$70, 其實食一個普通lunch黎講呢個價錢真心唔算平仲要有加一收費不過一坐低服務員就放低左一碗蝦片,張張枱都有, 蝦片咬落夠脆口, 唔淋飯黎到, 服務員好細心地叫我可以試下佢地嘅特製豉油, 加埋落D飯食會好食D飯面有炸過嘅蒜粒同蔥花, 加上少少特製豉油,及雞絲食落有驚喜,記得係要所有野一齊食, 係最佳配搭但美中不足嘅係.....雞卷, 雞卷味道太淡, 食落冇咩味最後飲左杯凍檸檬柚子蜜作完結, …Read More

朋友生日, 冇得食晚飯, 唯有提早食午餐慶祝一下, 諗左好耐都唔知食咩好, 突然諗起好耐都冇食過元朗YOHO嘅純壽司於是一行3人就出發呢間壽司店食過幾次, 不嬲食物質素都OK, 今次都唔差值得去一試再試, 而且價錢又唔貴, 性價比高芝士薯蓉咬落香脆, 每一口都充滿芝士味, 雞翼燒得夠香脆由於我地幾個都唔食生野, 所以灸燒係我地選擇, 鰻魚夠厚肉, 有入口即溶的感覺火灸三文魚油脂分布均勻, 食落有油香整體味道好, 食物夠新鮮員工服務態度好, 環境夠舒適…Read More

中午路經佐敦, 見到呢間上海野, 本人係極之鐘意食酸辣湯嘅人, 所以對酸辣湯充滿住期待。次次食上海野都必食酸辣湯, 今次叫左個酸辣湯水餃麵, 叫得做 酸辣湯應該有酸及辣, 但食落只得酸, 仲要係白醋果隻酸味, 完全係冇辣可言, 水餃好明顯係急凍水餃, 一上枱成舊麵分唔開, 一餅野咁, 好似整好左個麵放左一段時間, 有人order就倒D湯上去咁,呢碗野加一杯熱飲價值$58, 真心地覺得一D都唔好食, 冇味道可言, 真係冇下次.......…Read More