emilysiulu's Profile

同男朋友睇完戲接近10點，係yoho mall搵野食，選擇唔係淨好多。試一試男朋友成日話想食的一杯。入到餐廳，有日本居酒屋的格局，加上好多日本嘅 “招牌”,好似真係去咗日本咁。餐牌以燒物和佐酒小食為主。好肚餓的關係，叫左一客一杯關西燒，一客牛肉石頭燒飯同一串燒牛舌。關西燒的份量都好大，入面主要係椰菜和少量蒟蒻。醬汁唔錯，但失望的係椰菜好苦，勉強食左幾舊就唔想食了。牛肉石頭燒飯，上菜時熱辣辣，牛肉都多，醬汁同飯撈埋，幾惹味，可惜份量太少。牛舌有兩款，呢隻係普通的，另一款係和牛舌。真係好普通下，燒得唔會太乾身，但都冇咩驚喜。一杯比較適合一些鍾意同朋友飲下野，傾計嘅人。食過一次，未必會再來，價錢唔係平，而且除了小食同燒物外，選擇不多。…Read More

呢間小店係新開的。見佢可以送外賣，係附近返工一定唔會錯過。選擇都不少，有喇沙，肉骨茶同撈麵。今次叫左香茅豬扒滲滲叻沙。外賣來到，竟然幫我地分左湯，好細心。滲滲係油麵加米粉，份量都好大。除了豬扒，仲配上三塊魚片同半隻蛋。叻沙椰汁味濃，略嫌辣到不足，可能只叫左少辣。米粉出奇地好味，俾湯浸到好入味。香茅豬扒好林，又大件，好好味，非常推介。仲叫左一杯馬來桔仔酸梅水。味道好地道，似話梅汁。酸酸甜甜，可以中和一下濃味的叻沙。下次必定試下個肉骨茶😘…Read More

男朋友介紹左好幾次，終於的起心肝來試試。餐廳下午會落場，6點再開。入面只有10個座位，我地6:01分到，啱啱好只有2個位剩，唔洗等。餐廳只提供沾麵及飲品，餐牌一眼睇哂湯底我選了黑蒜油湯，麵底就選了黑胡椒。男朋友選了原味豚骨配小麥麵。當日的special 就係羅勒。湯底係黑黑的，配上兩塊日式叉燒及溏心蛋。湯的味道好濃好惹味，唔會好鹹，但唔係好夠熱，平時我好怕蒜頭，但呢個我覺好香，個人好鍾意。麵就有少少失望，較硬身，而且冇咩黑椒味。男朋友的豚骨湯，有D驚喜，味道不比黑蒜油差，湯底都好濃，叉燒好林，溏心蛋都好出色。整體都幾不錯，但我地兩個返到屋企都覺得個胃有少少唔舒服，好似消化唔到，可能對我地黎講，個麵真係有點太硬。…Read More

同男朋友向來好鍾意食越南野，當中我地最鍾意食撈檬。葵芳呢間芽莊，喺廣場地下嘅中間，非常易搵。星期六中午黎，等左一陣就有位。今次叫左香茅牛肉撈檬，燒豬扒撈檬同牛油雞翼。牛肉份量不少，好林好惹味。撈檬仲附上大量生菜，西芹，洋蔥，花生，最特別的仲有菠蘿粒。我個人好鍾意加入多多的酸甜魚露，因為呢個先係撈檬精粹，撈埋一齊後，口感豐富，好味男朋友嘅燒豬扒撈檬。豬扒都幾大件，賣相幾好，但食落有少少乾，而且未係好入味，都係牛肉好食啲。第一次食的牛油雞翼，呢個真係極力推介。雖然外皮唔係薄，但牛油味好濃，好脆好香口，加埋辣醬，味道好夾。其實一隻價錢唔平，但好值得。…Read More

同男朋友繼續係深水埗覓食，係openrice 見到呢間小店評價不錯，即管嚟試試。可以透過openrice 訂枱，仲可以加分呢。但時間不太適合，只好打電話去book。睇睇menu,有Set,亦可以單點，選擇不少。定食有好多不同組合，價錢都好吸引。所以一早鎖定了要叫定食。每款定食除了主食外，都有沙律，小食，甜品，麵豉湯或飲品。我選擇了G 餐「迷你吞拿魚蓉丼刺身壽司餐」沙律：蟹子蔬菜沙律，蟹子份量雖然較少，但生菜新鮮，好甜好爽脆。小食：螺肉，味道同平常食到的一樣。吞拿魚蓉丼：有點失望，吞拿魚蓉顏色灰灰暗暗，曾向侍應反應，但佢表示，當日的魚蓉係咁樣。好彩食落冇怪味，只是欠缺鮮味。刺身：非常有驚喜，有兩塊厚切三文魚，食落油份充足，似食魚腩咁；兩塊北寄貝同兩塊帶子都好鮮甜；甜蝦亦好爽口。壽司：五件火炙壽司，每件都份量夠，連好有要求的男朋友都話好食。甜品:雪米糍一粒(維記）男朋友叫的係「燒汁牛肉飯。刺身定食」。牛肉份量不少，唔肥，而且醬汁濃味。呢個定食一樣好好味。佢地仲有燒牛，串燒同其他質素同價錢較高嘅刺身，下次一定會再試下。…Read More

媽咪係馬來西亞人，母親節同佢試下呢間新開無耐的餐廳。餐廳不可以留座，假期中午12點黎到，仲有不少位置。餐牌菜式不少，我地4個人，叫左雲吞撈麵，巴東牛肉椰漿飯，咖喱雞喇沙，雞肉沙嗲，馬拉盞炒通菜。上菜時間都快，但侍應服務一般。每張枱上有一壺熱水，我地嗰壺冇水了，個侍應只係話「你地拎隔離嗰壺咪得囉！」隔離未有人坐，但咁樣嘅回覆，只係令我覺得你偷懶。馬拉盞炒通菜，冇咩蝦醬味，麻煩侍應通知廚房，要求加醬後，先叫做合格。呢間餐廳價錢不太貴，雖然只係試過幾款菜式, 但味道不太正宗，部分食物有點太淡，位置有少少難找，服務尚待改善。…Read More

男朋友知我鍾意食魚生飯，專登帶我黎試呢間係深水埗的小店。晚上營業到九點，我地八點半黎到，都要等位。門口不太起眼，開頭仲以為已經關左門。未有位置時，侍應小姐俾左餐牌我哋睇，有四款魚生飯加一款好似係限定的蠔飯，我地想食主打的魚生飯，所以冇理會到個蠔飯。4個款式主要分別在於魚生份量，同種類多少。我地各叫了‘竹’。魚生飯上台後，看到隔離枱食的是‘梅’，我地的魚生份量真的比較多，魚生堆到高高一座山咁。魚生飯有三種食法，分別是普通食法，包成手卷同茶漬湯飯。茶漬湯飯有驚喜，加入前菜附送的魚生片，真心覺好食。由於魚生山太高，食的時候要小心。我個人覺得味道不錯，魚蓉好鮮，但男朋友覺得好普通，各種魚生味道唔突出。飯的份量反而少過魚生，食到最後，只剩下少量飯用黎做茶漬湯飯。可以話用料一啲都唔吝嗇。 價錢來說，魚生飯性價比高。由於座位少，建議盡量早少少黎食。下次一定試食下‘特上’。…Read More

係葵芳返工的我，日日都經過葵涌廣場，周不時都會試不同小食。葵廣有好幾間四川小食店，雖然未食過哂，但為左呢一間，寫了第一次食評。店舖係頂層，放工時間，次次都大排長龍。自己好鍾意食辣，今次試食了手工涼皮配雞絲同雞腎，男朋友就叫了四川擔擔麵加牛丸。涼皮我選了小辣，涼皮好滑，仲有大量青瓜絲和脆黃豆。加錢要的雞絲和雞腎，份量都好多，特別一提，雞腎唔硬，係脆口的，真係加錢都值得一試。四川擔擔麵，男朋友叫了中辣，麻麻辣辣，對我黎講，有點太辣，但係食完唔會覺好咸好口渴，肉碎份量都好多。呢間小店雖然好多人排，下次一定會試下佢地的酸辣粉。…Read More