行膳積腹's Profile

耐到都唔記得上一次食放題係幾時了，以前食放題都係去旺角食，點知原本依家觀塘都有放題食，勁方便，就決定同朋友一齊黎試一試佢既午市放題，貪佢午市平d又可以食3個鐘。我地2個都早左黎，原來有條隊俾人排隊等入座，好有秩序！呢樣抵讚👏🏻👏🏻講下環境先以往食放題，都係d地方好逼、櫈貼櫈坐、坐得唔舒服既，但係呢度環境好闊落，兩個人去食，安排左張sofa 卡位俾我地，勁舒服！拿拿聲落左第一round 既單，即刻出去自助區拎野食，有好多小食、前菜、熱盤同飲品可以揀，真係好掙札，樣樣都想試，但又怕拎得太多野食，食唔到咁多我最愛既刺身。。😜都幾得意，第一次玩可以自己加湯料 (有豆腐粒、海帶同葱) 既味噌湯。勁鐘意海帶，落一匙海帶乾唔夠再落多d，點知加左落湯之後海帶發大左就變左成碗都係。。貪心左！🍣剌身:Round 1 每樣都剔d試下，每款刺身都好新鮮，厚切又有光澤既，個人喜好特別鍾意食三文魚同油甘魚，好肥美鮮甜。🍣左: 燒鰻魚:我相都未影，我朋友已經急不及待要夾塊鰻魚食，呢個好有驚喜，鰻魚皮燒到脆脆地，但魚肉係好juicy既，熱熱地食好正，呢個encore率最高。🍣右: 羊架:又係一樣回本野，平時買番屋企煮都成$5x 兩塊羊架，呢度任食，仲要煮得塊羊好香口好食，一d都唔羶，食肉獸首選！🍣芝麻雞翼:雞翼炸過皮好脆，但d肉又keep到好嫩滑。可惜之後太飽無再剔，依家睇番流口水。。🍣菠蘿:食左咁多炸野同肉，要食番d菠蘿清新一下。燒過既菠蘿暖暖地，比平時食就咁切黎食既菠蘿更甜。🍣一口牛奶豆腐:豆腐炸過，食落又脆又軟，一口一豆腐但兩種口感。好食！兩個人叫到一枱都係野食，不能盡錄，滿足晒我地d餓底。飲品選擇超級多，汽水、果汁、冷熱茶、連咖啡都有。食左好多野開始有d睡意，不妨飲杯咖啡醒醒神，再order多幾round！除左一般既甜品雪糕雪條之外，呢度仲有自助糖果區，小朋友見到實好開心。仲有一樣抵讚既係可以用apps黎落單，環保之餘，職員處理order既時間又快左，而且完全無漏單情況，可以check到有邊d食物黎左，邊d未黎，咁就唔會有叫多左食物做大晒鬼既情況出現！…Read More

平日放假，最佳節目當然係同屋企人飲茶，因為假日將軍澳既酒樓攞飛情況好嚇人，閒閒地等幾十張枱，今日平日唔駛等就有得食。平日飲茶，價錢唔係平好多，不過人少d無咁嘈又坐得舒服d。鮑汁鳳爪:屋企人至愛呢味，必叫的，好入味，夠淋但又唔會淋到爛晒。蘿蔔糕 & 芋頭糕:煎得夠香，外層有少少脆，算足料，蘿蔔、芋頭同粉既比例剛好，好香好軟。可惜份量太少。。椒鹽九肚魚:炸粉厚左少，但尚算炸得不錯，沒有油膩感，外層脆九肚魚滑，點醋好味！葡撻:有3小個，唔夠分，食唔到，不過屋企人話唔夠熱。炸両腸粉：呢個就一般般，因為炸両係淋既，好在腸粉皮做得幾好，滑滑的。加番d分。齋腸粉:正如上面講，呢度既腸粉做得好夠滑，加上甜豉油已經贏晒。呢個用黎整熱清水既煲其實有d怪怪既，唔知作用係咩？因為個火好細好細，根本就加唔到熱，唔夠熱用黎沖茶。有d R頭。。…Read More

原來觀塘開左都文記，唔知同深水埗個間係咪同一間呢？平時唔覺有呢間野，今日黎，完全係因為隔離幾間餐廳都超級多人，逼住要周圍睇下有無其他野食，車仔麵都好多人，但勝在快靚正。人多，唔方便影太多店內既相，呢度既裝修明顯落過一番心思，充滿懷舊既格調。至於坐位，都係d木枱木櫈，食得車仔麵，不寄望會坐得舒服。牛腩、蘿蔔、牛丸米粉包飲品:$43午餐時間價錢係睇你揀幾多個餸，唔會話揀某d餸就貴d。至於湯底，一個車仔麵既靈魂，我覺得做得好好，腩汁底加辣汁，我只敢叫小辣，但都辣得好過癮，米粉索左d湯，好好食。蘿蔔無渣夠清甜，牛丸普通可以，牛腩望落好瘦，但其實好淋好入味。呢度價錢略貴，但都會encore!…Read More

是日OT ，好彩apm都仲有好多夜收既餐廳可以搵食，行過super sandwiches，有塊大大既餐牌係店門前，好吸引我。因為呢個晚餐combo只係$68，挪威三文魚、蜆肉、刁草忌廉汁拼肉醬扁意粉、酥皮湯連飲品，好抵呀，平時單叫一個意粉都要$79... 一次過滿足晒兩個願望，還是比較偏愛肉醬意粉，因為醬汁比較濃郁。不過忌廉汁都唔錯仲有好多蜆肉。意粉係軟硬適中既，唔會太淋，岩我。可以太多人叫餐，酥皮湯係後上既。其實我本身麻麻地鐘意酥皮，但因為塊酥皮，令個湯飲到最後都仲好熱。湯係蘑菇湯，有好香濃既蘑菇香味，仲有d蘑菇碎，熱辣辣飲最正。…Read More

放lunch，諗緊去邊度食飯，點知收到張傳單有新開米線店，憑傳單幫襯，每碗米線減$3，反正諗唔到食咩，就去試一試啦！好似揀車仔麵咁揀餸揀辣度，我唔食得辣所以揀左bb辣。好餓，所以揀左3個餸，牛丸、金菇、豬腩肉。湯底揀左酸辣湯，鐘意佢既酸，但原來bb辣係唔辣既。早知叫10少辣，餸都正常，米線都軟硬適中，整體味道係幾好，可惜分量真係太少，米線得幾啖，餸又唔多。食完完全唔飽，收$40有d唔抵，仲要去隔離麵包店買多個包頂肚。新開既店真係要好好改善下分量呢方面。…Read More

好多時麥記出新包，網上既comment 都係好壞參半，有人鐘意食，有人勁踩，有人更因為唔鐘意lemon而杯葛個包，而我雖然都會睇人地既comment ，但我依然鐘意自己去試老麥既新包。因為個人係茄汁控，所以無加大要新出既shake shake粉，3包茄汁洋蔥吉列豬扒包開盒，無事，包仲係靚仔既，似係即叫即製，因為豬扒仲熱既，而且食左幾啖塊豬扒都係脆脆地既，食到中間因爲有醬汁同洋蔥既關係開始唔脆，豬扒肉質真係好淋好淋，真係唔係好似食緊豬咁，但又見到豬肉既紋理，又唔似網民講既麥樂雞咁既味，總括黎講成個包係好食既，至少係我都食左兩次，可能黎緊會食第三次。…Read More

工作關係，呢幾日要黎葵涌做野，lunch時間，同同事係呢邊人生路不熟，隨便入一間多人既食店開餐。呢排工作忙，少食住家飯少食菜，諗都唔駛諗，一定係食菜飯！只係諗食咩餸，見隔離枱叫豬扒炸得幾靚仔就跟。午餐跟飲品，凍豆漿，好飲唔太甜，我覺得岩岩好。上海排骨菜飯跟糖醋汁 : $45炸豬扒既豬扒係偏肥個種，所以好juicy肉質嫩滑，炸完都外脆內軟，好食到再想食多塊。菜飯樣好ok，因為菜仍然係綠色既，最怕有d菜飯d菜焗到變左枯黃色，而且沒有油膩既感覺，呢個價錢的確CP值超高。呢個口水雞係同事食既，樣靚仔，同事comment 辣得好過癮而且雞肉好滑。叫我下次要試下。…Read More

今日一人搵食，一個人隨便去APM foodcourt，貪佢一個地方可以有唔同既野食，行左一圈，只得銀咖哩未食過，就試一試佢。手㤰漢堡煎蛋咖哩飯 : $55等左大約10分鐘有得食，似乎材料都無額外加熱，放上漢堡扒既芝士，沒有任何溶緊既跡象，不過好彩咖哩汁係熱既。漢堡微暖，肉質偏鞋無乜肉汁，加左咖哩汁拉番d分，咖哩汁裏面見到有d紅蘿蔔粒粒味道好好，送飯係幾好食，飯全部食晒只係肉同蛋都凍既，影響味道。整體黎講，ok既，但以$55 無飲品既價錢黎講偏貴。…Read More

難得放假過開黎呢個屋村探朋友，咁岩就到下午茶時間，俾朋友帶左去樓下酒樓tea一tea。平日關係，唔駛等位就有位坐，兩個人，唔敢叫得太多，叫左4個點心。野食黎得唔算快，但都幾好食。燒賣: 雖然無原隻大蝦，但都算足料好食。鳳爪排骨飯: 鳳爪我唔食既，排骨略嫌肥左d，反而個飯幾好食，粒粒分明油潤，加埋甜豉油，正！糯米包: 見有餐牌有，唔駛諗即點，最愛連埋裏面既花生一齊食！椰汁馬豆糕: 夠凍夠滑，同普通甜品店食既差唔多水準。成餐2個人食左$85，我覺得都算抵食喎，可以有下次。…Read More

朋友生日，一齊嚴選食好西既地方，最後決定食蒸海鮮，第二次黎食，上一次黎感覺好好，所以今次encore。唔想諗咁多，決定食廚司是日精選套餐，每位$298首先黎個刺身，全部都好新鮮，特別係象拔蚌刺身，十個鮮甜！侍應問我地加錢要粥底，加六十幾蚊就有個瑤柱粥底，精華所在，我地當然有order啦。元貝: 唔算好大隻，個勝在夠新鮮，侍應幫我地控制蒸既時間，蒸得岩岩好，唔會over cook。聖子: 不需任何調味，反而食到聖子原汁原味，又夠爽口。貝類三寶加原本係生食既生蠔: 熟食一樣好食，夠肥美。貝類三寶。雖然唔記得叫咩名，但以最大個隻最甜最好食。鮑魚、草蝦: 鮑魚唔係大隻，但新鮮彈牙，內臟都已經清理乾淨，食得好方便。草蝦，一個字：甜。海魚: 夠滑唔腥，怕腥既我都食到，仲食左好多。蟹: 多膏，肉質夠實淨，鮮甜，朋友懶拆蟹，我一個人食左兩隻農家四寶: 梅菜翠肉瓜，咁整有驚喜，雞我自己本身麻麻，但佢底下既烏冬就索晒味，好好食。我地無準備蛋糕，所以order左壽包賀一賀佢，大大個，裏而係蓮蓉同蛋黃。好食。食到呢度已經飽到上心口了，仲有個粥要食，米落左唔多，但煲到最後已經一大煲，集所有海鮮精華於粥底。飽都要食，勁鮮甜，依家諗起都流口水。正呀。…Read More

今日有d開心事，捉埋朋友去打邊邊賀一賀先。放左工6:30黎到，時間有限，櫈都未坐暖，立即撲出去拎野食，撞岩有d岩岩要refill，之後無再補影了，急急食野要緊，放題嘛唔敢攞太多配菜，因為主角係食肉嘛，雖然我地係食最平既澳洲產長期穀飼牛放題套餐$199，但牛既質素不錯，色澤同脂肪比例都好靚。之後一碟就一般般啦，睇彩數，但整體好ok。廚房係open型式的，所以見到，每次有人order 牛，先用機切d牛俾客人。唔怪得咁新鮮。豬都唔差，只係我比較喜歡食牛好多款湯底，我選左蕃茄湯，有d酸酸甜甜，d配料滾一滾已經充滿蕃茄味。已經唔記得order左幾多碟，總之食到勁飽都仲要食埋個雪糕先肯走。…Read More

話說同女朋友黎過黎行下吉豬島超市買下野既，係入超市前有幾間開放式似food court既餐廳，行過呢間，首先聞到燒魚既隻香味，又見坐bar枱d人，一人一條魚咁食，睇落好好食咁，雖然只係晚上6點，已經覺得好餓好想食揀左是日推介，蝶魚: $79餐牌係無既，就試一試佢，揀煎魚就要等一等，大約25分鐘，但絶對值得等，條魚煎得好靚，岩岩好，皮脆脆地，但魚肉keep住嫩滑，新瀉米又好好味，唔怪得未到7點，已經聽到賣晒。因為煎魚餐要等25分鐘，所以我地另一個餐叫魚生丼，即刻有得食。海膽三文魚丼: $109呢個價錢邊度搵？仲要有海膽，份量算正常，三文魚有5大片，海膽無苦味，兩樣都夠新鮮，抵食。跟餐有前菜同三文魚麵豉湯，好好飲，夠足料，有鮮甜味，只係有少量魚骨，要小心d飲。環觀成個場，最旺係佢。…Read More

係時新未搬之前，一直好想黎食佢既招牌漢堡包，奈何之前一直無時間去，點知重話要關門大吉添。。好彩依家時新開左新店，今次我地握機會黎呢度試一試佢係咪真係咁好食。漢堡芝士蛋包: $25粗薯條: $20可樂: $12羅宋湯: $10講左薯條先，唔係即炸既，只暖暖地，有d仲要炸得唔透，生生地，本來我好鍾意食粗身薯條，仲要無得跟餐，下次$20 可以慳番。。到主角，我簡左漢堡芝士蛋包，包應該係嘉頓包有旱過，牛肉好juicy 有肉汁，加埋個汁秘制汁，好得！睇唔睇到隻蛋煎到好似糖心蛋咁，好好食呀！好耐無食過咁有水準既漢堡包。朋友食雙層漢堡包，好大一個，有d無從入口，下次我都挑戰下先。…Read More

難得假期，帶女朋友黎香港仔逛下，順便黎試下老店周記茶餐廳食點心懷舊下。其實我地黎食都係想感受下d老店既人情味，老闆跟老員工同老顧客之間既互動，聽到搭枱既人同朋友講佢幫趁左呢度幾多年呀。。。食物質數雖然只屬一般，但人情味加分，所以眼見不斷有人等位。山竹牛肉:好食，有肉味夠淋但粉偏多。糯米包:已經好難係一般酒樓度食到糯米包了，可能功夫多吧，好耐無食，覺得特別好食，裏面有d臘腸碎同花生，好好食，只係蒸得濕左d，乾身d會更好食。燒賣:粒粒都好大粒，好食既。但唔好expect 一粒裏面會搵到成隻蝦。蒸排骨:好滑好夠味，只係油左d。…Read More

週末既沙田，去到邊度都人山人海，即使已過正餐食飯時間，都要等位，好彩唔算等得太耐。吉列魚柳配火腿、牛乳沙蛋、沙律菜、多士:揀呢間餐廳食，全因爲見到menu有吉列魚柳，真係無揀錯，塊吉列魚炸得好脆，魚炸得唔乾好滑，味道岩岩好唔會咸。其他野正正常常，我將火腿同炒蛋放上多士上一齊食，好好味。香草肉碎煎蛋飯:肉碎有少少辣，夠野味，還食得出有其他香料，撈埋d飯度食好多汁好好味，蛋又煎得夠脆邊，份量好多既下午茶。跟餐飲品，叫左熱奶茶同熱咖啡。…Read More