元妮詩的個人專頁

有人推介呢間餐廳, 於是今日我哋一行六人就嚟咗呢度食晚飯啦. 出面睇間嘢唔係好大, 而且好似好 up dup 咁, 但係又坐滿晒人喎! 我哋訂咗位, 但係遲咗五分鐘, 攞位0既時候個老細話: "仲以為你哋唔嚟添!" 喂, 洗唔洗咁寸呀? =.="叫咗幾味餸, 全部都幾大碟. 最好食係碟豆苖, 唔會油淋淋咁, 啲菜味出晒嚟, 正!!!其他包括沙薑雞同埋個香芋南瓜煲都超水準!!! 另外個咕嚕肉同紅燒豆腐都唔錯, 幾好食!好可惜, 個炸蝦完全敗筆, 擺近個鼻係會聞到阿摩尼亞味0架!!! 真係食唔落, 要退咗佢. 廚房試過味之後都無異意, 即係唔係淨係我哋食到啦!呢度0既服務真係零0架, 唔會有人自動同你加水, 但係你叫佢佢都會理吓你0既. 埋單嗰時最搞笑, 我哋都未計清楚湊夠數未, 個老細已經用閃電0既速度將啲錢從我哋其中一個人手上搶走!!!!!!!!! 我哋即時目瞪口呆, 完全冇預計過呢幕會發生, 大家都唔知比咩反應佢好 =.="總括嚟講, 呢度啲嘢食係好食0既, 啲味夠但係又唔會話好油膩好多味精咁 - 起碼食完個口唔會話好乾! 但係就要預咗個老細係有啲怪怪哋0既...…查看更多

呢日突然間好想食車仔麵, 於是就嚟咗呢度啦.入到去環境都算乾淨, 細細間, 好彩過咗午飯時間, 所以唔迫人, 都唔洗等位.啲丸好彈牙, 味道足; 個湯底好香, 但又唔會話好油膩. 啲麵都好煙靱, 唔錯.我坐咗好耐都冇趕我走, 都算係咁啦!…查看更多

同媽咪行開杏花村, 見呢間餐廳出面整得好似好靚咁, 價錢又唔係太貴, 就想入去試吓嘞.入到去, 冇乜人. 有個著格仔恤衫加牛仔褲便服碌0既侍應, 好 hae 咁叫我哋自己搵個位坐, 連眼神接觸都冇 -.- 我哋經過第一張卡位, 發現枱面有勁多包碎! 心諗, 唔係啩, 咁少人都唔執吓張枱? 所以就去咗後面個卡位度坐底啦.裡面0既裝修都算 OK, 侍應哥哥係咪應該著返斯文少少嚟襯托吓呢? 即係唔洗話著老西0既, 一件黑色恤衫加深色牛仔褲, 就已經會好好多0架啦!水吧個位就有啲 hae, 連風傘都擺埋出嚟, 其實可以用塊布遮遮佢, 又或者較暗少少個燈, 等佢冇咁礙眼.跟住待應哥哥比咗份餐單我哋睇, 係一個好 hae 0既透明膠面快勞. 建議佢貼幾張歐陸式明信喺個封面度, 會靚啲!侍應哥哥都有比水我哋, 但係我個水杯就洗得唔係幾乾淨, 有撻嘢喺個杯0既外圍! 跟住攞起個杯就發現好大個杯印喺張枱面度, 建議佢用吓杯墊, 會好睇少少.點完菜, 啲嘢好快就送到嚟, 值得一讚.羅宋湯同忌廉磨菇湯 - 兩個湯都好夠味, 忌廉湯0既質感非常好, 唔錯!啲意粉軟硬啱啱好, 個汁都有三文魚味0架, 而且好足, 所以啲意粉唔會話好乾身咁, 正!媽咪叫咗呢個, 意粉同個茄汁都好好味, 不過個牛扒佢就竟然冇問我哋要幾成熟囉, 整咗出嚟都有啲韌, 要扣啲分.最後個餐飲, 我個奶茶送到過嚟已經倒瀉咗少少喺個碟度, 不過溫度同味度各方面都 OK 0既. 媽咪個熱檸水都冇乜問題.…查看更多

一直都想試吓 Holly Brown 0既 lunch set, 呢日見行開中環就入嚟食個 early lunch 啦. 由於去到得十一點幾, 未到午飯繁忙時間, 所以好容易就搵到位 lu.入面環境幾舒服, 地方寬敞, 座位好多, 而且坐幾耐都唔會比人趕. 不過越坐越凍, 如果有暖氣就好啦.叫咗個意粉加細 Cappuccino, 啲嘢都嚟得幾快.其實我自己就覺得呢度0既咖啡麻麻, 味道還可以但係質感欠奉, 好水咁0既感覺. 賣相嚟講佢有拉花, 算佢啦! 我比 6.5/10.個汁好香, 唔會話過酸. 啲意粉口感都唔錯, 可惜0既係啲肉丸比較乾身, 扣咗啲分. 睇落細細碟咁原來都好飽肚0架!總括嚟講都 OK 0既, 行開中環都會再去, 但係就唔會特登去囉, 因為都幾貴, 貴得嚟又唔係好值.…查看更多

好搞笑, 我哋一行五人去完澳門, 返到嚟香港竟然即刻去返澳門茶餐廳. 去到已經差唔多夜晚九點, 唔洗等位就有得坐低.裡面比我想像中冇咁 grand, 似係高級少少0既大排擋. 點完菜之後都等咗差唔多二十分鐘啲嘢食先到, 不過啲嘢係一齊嚟0既.份量非常細, 隻蟹係冇肉0既, 得個吮字! 啲粥唯有用嚟浸油炸鬼啦. 碗嘢成七十幾蚊, 唔係好值!話就話勁辣, 其實得中辣0架啫. 啲肉都幾淋, 但係啲麵都幾油吓.雖然唔知點樣為知係澳門式0既炒米粉, 但係呢碟都幾好食, 清清哋咁, 啲汁係淡淡0既咖汁味, 啲米粉算彈牙, 啲料都幾足, 有蝦仁, 金華火腿等等.啲鹹魚味好濃郁, 正! 不過啲菜又真係油咗啲囉!呢度啲咖哩菜式可以配飯, 意粉或者豬仔包, 好得意! 不過我哋就比較保守, 最後都係揀咗配飯. 個咖喱汁整得幾香口, 同埋都有微辣, 唔錯. 不過啲雞就稍為老咗啲.本來覺得呢度0既衞生都 OK 0既, 即係一般茶餐0既質素囉. 好可惜食食吓有隻蚊先後飛咗去碟米粉同埋啲咖哩度!! 所以要扣啲分. 至於服務就一般啦, 不過不失.…查看更多

一路都有喺麥記飲開咖啡, 貪佢價錢平又拉埋花比你. 呢朝早想試吓佢個 ginergerbread latte.柯打嗰時佢話加九蚊可以買多個鬆餅, 即刻揀咗個香蕉合桃蛋糕.薑餅人咖啡: 賣相一流, 好可愛. 飲落去甜中帶有淡淡0既薑餅味, 質感有啲稀. 如果薑餅味再重啲就好啦. 總括嚟講都算唔差, 我比 6.5/10.香港合桃蛋糕: 唔夠蕉味, 而且比較容易散. 好彩佢唔會硬掘掘咁, 算佢合格啦.…查看更多

其實平時間唔中都會去吓 Starbucks, 貪佢有二十分鐘免費 wifi, 不過寫食評都係第一次.琴晚約咗人喺上環, 之前趁有三十分鐘空檔時間, 就去星記 hae 吓.夜媽媽 (其實都係八點零九點啫) 冇乜人飲咖啡, 間嘢都幾吉吓, 柯打完就搵個舒服梳化位坐低.Short latte: 好難得佢用陶瓷杯, 好可惜冇拉到花, 於是乎賣相就差啲啦. 咖啡淡如水, 冇乜味, 質感略稀. 我比佢合格 5.5/10 啦.黑森林蛋榚: 值得讚0既係個蛋榚幾輕同髮軟, 啲忌廉唔漏. 略嫌甜咗些少, 同埋朱古力味唔夠濃; 加多少少車厘子會更加好味. 總括嚟講都算唔錯0架啦, 我比 7/10.可能因為冇乜人, 所以服務都幾好, 我一食完佢就同我清晒啲嘢.…查看更多

呢排喺西貢返工, 午飯時段就同上司喺度食飯啦. 由於嗰朝比較忙, 放得 lunch 嚟都三點零四點啦, 所以去到係唔洗等位0既. 見天氣都幾好, 唔算太凍, 於是就坐出面啦.我同上司都叫咗 set lunch, 基本上係有: 1) 湯或沙律, 2) 咖哩加飯或者餡餅, 同埋 3) 一杯嘢飲. 老細仲叫咗個咖喱角做前茶添, 話一齊 share 喎.佢就話係斯里蘭卡式0既熱檸茶, 但係我就覺得同普通熱檸茶冇乜分別囉.好味, 個皮脆脆地但係又唔會話過硬喎, 啲餡都好夠味, 不過就略嫌個咖喱角本身比較容易散. 點嗰兜嘢都幾滑.呢個湯簡直係我呢生人食過0既嘢裡面數一數二最好味0既!!!!!!!!!!!!!!!!!!!!!!!!! 啲味足但係又唔會話好漏, 質感超滑淨! 再加埋香草啲味出晒, 簡直係正!!!!!!!啲飯幾香, 我叫咗大辣, 佢整出嚟都有中辣0既. 啲蝦幾鮮甜, 有彈性, 啲汁都幾夠味. 啲椰菜花同西蘭花都幾淋, 不過就嫌佢青椒多咗啲.老細叫0既沙律同雞, 都幾靚仔.總括嚟講呢度0既嘢食味道係一流0架! 服務都幾好, 上菜算係好快, 唔錯唔錯!…查看更多

老遠已經聽到老闆娘個仔叫賣, 叫啲人去食佢哋0既石磨豆腐花. 見佢叫得咁開心梗係嚟幫襯吓啦!間鋪頭唔係好大, 得幾張枱, 好住家式咁, 周圍擺滿晒啲家庭照, 牆上面仲貼滿晒小朋友畫0既畫添. 我哋成班七個人一入去就有位坐, 都咪話唔好彩!我本來想叫豆花加杏仁露, 點知佢哋冇晒杏仁, 於是我就改叫太極啦. 我哋一行七人, 叫咗六碗太極, 一碗豆花.芝麻糊嗰 part 超好食, 勁滑淨, 啲芝麻味又香. 豆花個 part 就差少少, 唔係太夠豆味, 不過加咗糖都 OK 0既.總括嚟講都幾好食, 又平, 值得推薦! 最衰佢哋冇晒杏仁, 如果唔係我一定會試!…查看更多

聖誕節去大澳一日遊, 慕名而嚟食碳燒雞蛋仔, 見到超多人排隊都冇退縮, 一於羊群心理人排我又排!叔叔表演整雞蛋仔, 任影唔嬲.食落口 - 我屋企人話太甜喎, 我就覺得味道係 OK 0既, 不過口感就有啲單薄. 總括嚟講都幾失望吓, 排咗成四十分鐘都淨係食到一餅好普通0既雞蛋仔.…查看更多

今日同班親戚嚟咗呢度飲茶. 睇落個格局都幾好, 空間好多, 好光猛. 但係好奇怪, 假期午市都冇乜人, 有好幾枱係吉0既, 唔洗等位就有得坐底.佢問我哋要咩茶, 我媽咪就答話要水仙同香片, 點知佢攞到嚟0既時候得壺鐵觀音同滾水, 完全冇理到我哋叫咗乜 =.=叫點心, 發覺都幾貴吓, 由於假期關係, 中點要成廿蚊一籠, 特點要卌蚊.我哋本來得五個人, 兩個表弟後來加入. 我哋叫個侍應同我哋加兩個位, 點知佢拉咗兩張凳過嚟又唔記得要加多兩 set 碗筷, 似乎唔夠細心喎.啲嘢食0既水準一般啦, 冇話特別好食或者難食. 最鐘意係個义燒腸同啲燒賣, 味道足, 同埋個紅豆椰汁糕都好鬼滑.總括而言啲嘢食同環境都合格0既, 但係又真係貴咗啲, 同埋服務又真係差啲啲咁囉.…查看更多

今日約咗朋友喺佐敦聚舊同飲下午茶, 見呢度環境都好似唔錯, 就入嚟試吓啦.好好彩, 間 cafe 唔算滿, 都有一兩張吉枱. 成間嘢都幾大, 好寬敞, 好多梳化位.想試下佢哋0既咖啡, 我通想都叫 cappuccino 0既. 驟眼睇蛋糕選擇好似唔係咁多, 我決定試吓佢0既朱古力 cheesecake.本來諗住都要成五十幾蚊, 不過佢同我講可以當套餐咁買, 三十三蚊就得, 超開心!都好大杯吓, 個樣睇落都靚靚哋. 味道稍為淡咗少少, 口感有少少水咗啲. 層泡份量足, 朱古力粉略嫌唔夠味. 整體嚟講都算幾好0架啦, 我覺得值 7.5/10.口感足, 朱古力味唔算太濃, 但係都唔會話過甜, 都幾好食!總括嚟講都算係唔錯, 由於嚟之前冇乜期望, 所以都幾驚喜吓, 有機會行開呢區都會再嚟0既!…查看更多

約朋友去又一城食飯, 千揀萬揀都係去咗 food court. 星期六夜晚 food court 超多人, 等位都等咗起碼 45 分鐘.我同朋友都想食韓國嘢, 我叫咗個雞肉粉絲煲, 朋友就叫咗個雜錦石頭飯.啲粉絲好彈牙, 啲雞肉超嫩, 正!!!啲豬肉辣辣哋, 幾野味, 都唔錯!總括嚟講都幾好食, 價錢又實恵, 快餐嚟講都算係咁啦!…查看更多

今日同媽咪嚟咗呢度食下午茶. 今日好靜, 間餐廳客人唔多, 所以唔洗等位就有得坐底.決定試佢哋0既下午茶套餐, 我叫咗個忌廉磨菇雞絲意粉加凍檸茶, 媽咪就叫咗個豬軟骨拉麵加熱檸水. 啲嘢食上得唔係好快, 等咗耐耐哋先到.幾好食, 啲麵幾彈牙, 啲肉幾淋同夠味, 湯啲味啱啱好, 唔會話過鹹或者過淡咁!份量比我想像中細, 唔係太夠飽, 不過味道都 OK, 唔會話太油膩.賣相唔錯, 不過茶味有啲淡, 加咗糖漿都 OK 0既.總括嚟講都 OK, 環境算幽靜, 不過服務就慢咗啲啲, 上菜同埋單都要等一段時間.…查看更多