為食肥貓仙人's Profile

蝦餃 $16 蝦餃嘅皮薄透明，裡面嘅鮮蝦爽口彈牙，每啖都能感受到蝦肉嘅鮮甜。燒賣 $16 燒賣嘅外觀十分誘人，內餡由豬肉同蝦仁組成，香氣撲鼻，肉汁四溢。豐料糯米雞 $32糯米雞包裹得相當緊實，米飯吸收咗雞肉嘅鮮香，口感黏糯而不膩，裡面仲有冬菇同蛋黃，整體風味更加豐富，搭配埋荷葉嘅清香，讓人回味無窮。蜜汁叉燒腸 $27叉燒腸外皮滑溜，內裡嘅叉燒肉質軟嫩，味道甜美。蜆蚧綾魚球 $26綾魚球即叫即炸，口感彈牙，配上蜆蚧嘅鮮味，令整體味道更加突出，啖啖都能感受到魚肉嘅鮮香。懷舊鵪鶉蛋燒賣 $28燒賣上面放咗一粒細小嘅鵪鶉蛋，內餡嘅肉質鮮嫩，加上鵪鶉蛋嘅滑嫩，味道更加細膩。炭燒山楂鴨絲包 $30外皮好似炭燒過一樣，口感香脆，入面嘅鴨肉鮮香多汁，每啖都能感受到鴨肉嘅香氣，搭配山楂嘅果香，確實幾好味。…Read More

晶瑩鮮蝦餃飲茶必食嘅蝦餃，隻隻都好大粒，食落蝦香四溢，口感滑嫩，確實令人回味無窮。原隻蝦燒賣大大隻蝦仁響上面，香氣撲鼻，肉餡新鮮，肉汁豐富，入口滋味無比。鮮竹牛肉球店員同我講當日係老闆自己親自手打嘅牛肉球，牛肉鮮香，口感彈牙，質感嫩滑。金沙脆皮銀蘿腸 中間嘅餡料係即叫即炸，香脆可口，加上入面鮮甜嘅蘿蔔絲，呢個配搭真係好好食，絕對值得一試。豐料糯米雞 入面有雞肉、叉燒肉、冬菇等餡料，糯米飽滿，質感綿密，啖啖都充滿濃郁嘅荷葉香味。潮州粉果 外皮薄透，內餡豐富，食材新鮮。黑松露菜苗餃 黑松露香氣四溢，菜苗鮮綠，口感細膩，而且富有層次感。…Read More

餐廳：和民車仔麵 (佐敦)地址：佐敦上海街13號地舖1️⃣ 和民招牌牛魔王 $58餐牌見到呢個配搭，諗都唔使諗就即刻點，入面有牛腩、牛筋、牛骨濃汁牛丸，仲有牛柏葉、金錢肚同肥牛，一共六種不同嘅配料，全部都煮得好腍好入味，麵底要咗爽滑嘅河粉，湯汁就要招牌咖喱汁，完全啱晒我呢啲牛魔王嘅胃口。枱面仲有一樽菜脯，可以自行加上。2️⃣ 自選車仔麵朋友就揀咗自選，幼麵($12)配秘製辣汁湯底，加上粒粒墨魚丸($12)、墨魚腐皮卷($12)、自家製韭菜餃($13)、惹味豬腸($13)同埋自家製鮮蝦雲吞($14)。韭菜餃大大件，食落有好香嘅韭菜味，夠新鮮好好食，另外雲吞同埋墨魚腐皮卷都唔錯，值得一試。3️⃣ 咖喱三寶 $24裏面有陳皮魚蛋、蘿蔔同豬皮，魚蛋彈牙，蘿蔔軟爛柔嫩，清甜多汁，豬皮就吸收晒咖喱汁嘅精華，口感煙韌，整體三寶都惹味濃郁。4️⃣ 滷水三寶 $24有豬腸、瑞士雞翼同豆腐，豬腸滷得好入味，食落有嚼勁，豆腐入口綿韌，有豆香味，瑞士雞翼好腍，輕輕一咬就做到骨肉分離，真係一定要食。5️⃣ 玻璃辣魷魚 $24有我最鍾意食嘅水魷，口感爽脆，份量都唔少，但唔算好辣。6️⃣ 可樂 跟餐加$9…Read More

🍔磁力漢堡 Magnet Burger $76🍔入面有100%純牛肉嘅厚身漢堡扒，當然唔少得車打芝士同炸洋蔥圈，口感同味道有所提升，加上蕃茄、生菜同煙肉，配料非常充足。估唔到呢一款磁力漢堡咁有驚喜，整體非常滿意，食落亦滋味無比。🍔芝士漢堡 Cheese Burger $66🍔100%純牛肉漢堡扒加上半溶嘅車打芝士同埋生菜蕃茄，配料真係唔算多，但完全品嚐到漢堡扒肉質鮮嫩，牛味濃郁，非常Juicy嘅口感。🍟每個漢堡都會跟一份薯條及飲品，其中一個餐就加咗$8升級咗做洋蔥圈。全部都係新鮮即炸，份量充足，外脆內軟，真係好抵食。而飲品方面則可以自行提取，都有唔少汽水種類同飲品選擇。下次有機會都想試吓佢哋新推出嘅All Day Breakfast😆餐廳：Hero's Friday (黃埔新邨) (紅磡)地址：紅磡船塢街99號黃埔新邨遠富樓地下4M號舖…Read More

📍三餸飯套餐 $42三餸我就揀咗豬手、腸仔同咖喱魚蛋，本身配米飯，亦可以轉米線。豬手都幾腍幾入味，肉質鮮嫩。腸仔煎得好香，咖喱魚蛋就夠大粒，湯底揀咗腩汁，整體都幾滿意。以上套餐均奉送熱飲，凍飲跟餐加$3，杯飲凍檸茶都唔錯。📍招牌鮮煎餃子(8隻) $40可以叫兩溝，韭菜餃加椰菜餃，每樣4件，全部即煎，夠晒新鮮，入口熱辣辣。餃子件件都大大舊，食落仲會爆汁添。我自己就比較喜歡韭菜，韭菜味道較香濃，真係會食完一件又一件。📍招牌鮮炸肉丸(10粒) $28肉丸炸到外脆內軟，肉味唔算好重，但食得出有少少肉汁，反而洋蔥味道相對濃烈，但整體都相當之夾，其實食落都幾有驚喜，而且呢個價錢仲要有10粒，都真係幾抵食。📍爆漿阿華田西多士 $33幾乎張張枱都係點呢一樣款食物。西多士嘅上面完全鋪滿住阿華田粉，入面就夾住朱古力醬，加上中間嘅煉奶醬，一切開就湧曬出嚟，完全滿足到視覺嘅享受。食落啖啖都係濃郁嘅朱古力，鍾意朱古力嘅朋友，呢個絕對係必食首選。餐廳：聚來車仔麵 (深水埗)地址：深水埗基隆街172號地舖…Read More

啱啱見完客，響佐敦附近開餐，見到呢間點心店，價錢合理，又無加一，每位茶芥都只係$3，結果就走咗入去試吓先。晶瑩鮮蝦餃 $15～2粒蝦餃大大粒，蝦肉好爽口。原隻蝦燒賣 $15～2粒大大隻蝦放響燒賣表面，蝦仁夠新鮮，豬肉煙韌結實，非常Juicy。沙律明蝦角 $28即叫即炸，新鮮熱辣，小心辣親個口。沙律明蝦角件件都好飽滿，外脆內軟，起碼有兩隻蝦肉響入面，必食推介。黑松露菜苗餃 $26菜苗餃啲皮好薄，入面嘅配菜睇得好清楚，黑松露味道濃郁，整體都唔錯。韭黃鮮蝦腸 $28蝦仁爽口彈牙新鮮，加上薄薄嘅腸粉皮，口感滑滑溜溜，果然係我嘅至愛。籠仔煎蛋牛肉飯 $32又估唔到咁大，夠二人份量。底下係荷葉飯，表面就有大大舊嘅牛肉餅，當然唔少得隻煎蛋啦。餐廳：點心到 (佐敦)地址：佐敦廟街286-298號華志大廈地下6-8號舖…Read More

📍 餐廳：麥金.麥金馬來西亞特式茶啡室 (大角咀)地址：大角咀大全街6-20號大富樓地下A2B號舖1️⃣蛋黃奶油勁量雞扒 (+珍珠飯) $68雞扒一整塊，相當厚身，外層香脆，肉質鮮嫩多汁，配上馬來西亞空運嘅蛋黃奶油，味道獨特，撈埋飯一齊食，特別開胃。2️⃣仁噹牛肉 (+參巴椰漿飯) $58牛肉份量都幾多，肉嫩軟腍，食落有少少辣，夠晒惹味，加上我最鍾意參巴椰漿飯一齊食，口感豐富，味道有層次。3️⃣椰香鮮油咖央多士 $28見到塊厚厚嘅鮮牛油，就知道有幾吸引。咖央多士配上溶化中嘅鮮牛油，真係非常之夾。4️⃣冬瓜龍眼茶(凍) $25龍眼味道重，清甜解渴，飲落唔會好甜。…Read More

📍 餐廳：村爺爺車仔麵 (油麻地)地址：油麻地砵蘭街76號地舖響油麻地食下午茶，經開見到龍蝦湯三餸車仔麵都係$52起，結果就走咗入去試吓😁😁😁1️⃣爺爺．龍蝦湯車仔麵$98原來係限時優惠，包自選3款餸同半隻龍蝦🦞再加上特濃龍蝦湯伊麵。半隻龍蝦真係好大隻，仲有唔少膏響入面，伊麵份量亦都多。3款餸就揀咗咖喱魚蛋、手打炸魚餅同沙嗲豆卜😋😋😋2️⃣特級特濃龍蝦湯車仔麵$52 (3餸1麵)整體同上一款差唔多，但原來龍蝦湯麵底唔可以配河粉，結果就揀咗油麵。龍蝦湯龍蝦味道非常濃郁，不含味精，夠鮮甜👍3餸亦都係用碟另上，揀咗台灣黑椒腸、龍蝦丸同墨魚手指，墨魚手指真係好好食，黑椒腸亦都唔錯🤤🤤🤤3️⃣樽裝維他奶$8好難得仲可以飲到樽裝維他奶，真係童年回憶返晒嚟😊😊😊4️⃣紙包烏龍茶$5…Read More

📍 餐廳：燒肉King (旺角)地址：旺角砵蘭街101-107A號砵蘭街大廈地下A&B號舖啱啱經開旺角食Lunch，見到間新開嘅日式燒肉店，套餐都係$48起，價錢又唔貴，即刻走咗入去試吓😁😁😁1️⃣牛五花＆豬五花＆雞腿肉定食(250g) $82可以一次過試晒豬、牛同雞，食材新鮮，肥瘦適中，唔會太過肥。定食包埋御飯、和風湯同和式前菜，前菜嗰幾片蓮藕好開胃😉😉😉2️⃣日本黑豚腩肉(50g) $35半肥瘦嘅黑豚腩肉油香味道濃郁，肉味甜香😆😆😆3️⃣牛油車海佬(6件) $48六件蝦加上大大片牛油，放響錫兜入面直接煮。蝦肉完全充滿牛油嘅香味，口感爽滑彈牙🍤🍤🍤4️⃣日式香草腸 (2條) $15外皮爽脆，食落肉汁豐富，仲有淡淡嘅香草味👍👍👍5️⃣溫泉蛋 $8溫泉蛋拌飯一流🥚🥚🥚6️⃣零系可樂 $8…Read More

📍MeKong泰.越.港 (中環)中環嘉咸街7號地舖Set for two自選餐👍$148主食：泰式豬脾(例牌)副食：泰式黃咖喱牛腩煲豬脾勁腍，軟綿綿，好入味，一定要加特製醬汁，酸酸甜甜，特別開胃。黃咖喱牛腩煲，我個人超級鍾意，必食推介。牛腩夠多，牛筋亦都多，配上黃咖喱，好惹味，真係撈飯一流😎泰式冬陰雞炒河無要白飯，另外加咗$48升級轉炒河。即叫即炒，超有鑊氣，而且有少少辣，辣得都幾過癮🌶焗法式蒜蓉包Add on加$10自選。蒜蓉味再重啲，效果更佳👍泰式三色冰+泰式黑糖珍珠奶茶🧋跟餐叫飲品，正價七折。大概$20一杯，價錢合理，整體唔算太甜，味道都唔錯😊跟餐會送是日餐湯，味道就比較普通。…Read More

📍燒味滷師 (德慈樓) (慈雲山)慈雲山慈華里4-14號德慈樓地下C號舖至尊燒鵝(上庄)$110燒鵝肥瘦適中，肉質鮮嫩，夠大隻，食落啖啖肉，而且充滿着香濃嘅鵝油香，加餸首選😍燒味佬叉燒(半斤)$50叉燒叫咗半肥瘦，加上蜜汁嘅甜味，食落軟淋淋，唔會太乾身，正呀😆老師傅燒腩仔(半斤)$64燒肉塊皮燒到卜卜脆，腩仔肉夠爽，而且肥瘦均勻，味道真係唔錯😜客家鹽焗雞(半隻)$30今次買咗半隻返嚟試吓，份量都幾多，肉質嫩滑，完全唔會覺得乾身同鞋口。而且新店有優惠，全隻都係$59，呢個價錢的確係好抵，絕對可以一試😆…Read More

📍School Food Blooming Mari (T.O.P. This is Our Place) (旺角)旺角彌敦道700號T.O.P.地庫層B04號舖韓式炸雞沙律醬蓋飯🐔$56新登場嘅沙律醬蓋飯，炸雞新鮮即炸，味道唔錯。炸雞大慨有五件，仲有薯角做伴菜，加上大量沙律醬同煎蛋，另外配以蔥花和芝麻，的確好豐富。韓式BBQ醬豬扒王飯配薯角🐷$56豬扒兩大塊，肉質鮮嫩，配上韓式BBQ醬，味道非常惹味，份量適中。薯角亦夠香脆可口，整體配合都唔錯。餐肉芝士雞蛋包飯😎$37餐肉夠香，加上芝士味道都幾濃郁，食落都幾香口，同平時紫菜包飯差唔多，但有蛋香。…Read More

📍The Salted Pig (新城市廣場) (沙田)沙田沙田正街18號新城市廣場一期7樓702號舖朋友強烈推介俾我，去到餐廳已經坐無虛席，的確好熱鬧。餐廳裝修亦都好有特色，原來靈感源自於沙田嘅賽馬，所以裝潢亦會加入賽馬感覺😆Big Boss Piggy Platter🐷$498既然嚟到，睇完餐牌，樣樣都想試吓，結果就揀咗呢個大豬集匯拼盤。有豬手、乳豬件、豬肋骨、脆皮腩肉、煙燻芝士腸配芥末籽忌廉汁。呢Set可以一次過試晒，真係款款都好食😍尤其係豬手，塊皮香脆可口，好似食緊乳豬咁，肉質鮮嫩多汁，絕對係必食首選😇Grilled Chicken Breast Cobb Salad🥗$138招牌燒雞胸沙律配烚蛋、青瓜、粟米、煙肉粒同菲達芝士。雞胸肉經過慢煮處理，入口柔軟不鞋口，沙律配搭都幾多元化，食完特別開胃😄Crispy Chicken Wings🐔$188/10pcs秘製香料脆雞翼，外層沾滿惹味嘅調味粉，加上特別配製嘅香草甜酸醬，呢個味道我好鍾意，真係一試難忘😍New York Cheesecake🍰$72紐約芝士蛋糕，芝士味道好rich，作為我喜愛嘅甜品之一，佢算做得唔錯👌Mango Mule🥭$68呢款芒果青瓜特飲，加入蜜糖柚子同薑汁啤酒，四種獨特味道混合，飲落真係好特別😎Strawberry Cheese Cake🍹$68本來係叫Blueberry，可惜無貨，結果店員提議換成Strawberry嘅芝士忌廉奶昔。芝士味道較重，但又唔會太甜😋…Read More

📍火五越式牛肉粉專門店 (佐敦店) (佐敦)佐敦白加士街55號其昌樓地舖火五火車頭牛肉粉$68火五生牛肉粉$42估唔到兩個都好大碗，而且份量都好多，就算要求要多粉都唔駛額外加錢，保證一定食到飽😌火車頭牛肉粉真係好豐富，入面有生牛肉、熟牛肉、和牛牛丸同扎肉。尤其和牛牛丸特別好食，食落爽口彈牙。另外生牛肉粉嘅湯底鮮甜，牛味特別濃厚，真係好抵食。原來下午茶只係$40就有，仲要包埋飲品👍香茅雞翼(4件)$22手作扎肉米紙卷(4件)$32扎肉米紙卷幾好食，𥚃面好多配料，食落仲有啲脆口嘅感覺，真係有驚喜。香茅雞翼就相對比較普通少少，不過味道都唔錯。凍越式香濃咖啡$19凍青檸梳打$19飲品只提供凍飲。香濃咖啡有種炭燒味道，入口又香又醇，鍾意咖啡嘅朋友真係可以試吓。青檸梳打就不過不失。…Read More

📍Burger Begin (紅磡)紅磡蕪湖街58號金達閣地下1號舖皇牌鵝肝漢堡🍔價錢：$108老闆同我哋講，呢個皇牌漢堡好多回頭客返嚟食。的確無講錯，鵝肝真係好厚，而且味道甘香，果種油油嘅口感，真係充滿住整個口腔。質感幼滑，配合牛味濃厚嘅漢堡扒，肉汁豐富，整體非常之夾。唔係講笑，絕對可以一試😎😎😎黃金漢堡🍔價錢：$58叫得黃金漢堡，當然係加咗蛋黃入去。老闆同我哋介紹嗰陣，就話將蛋黃混入醬汁入邊，令到個漢堡有三重唔同感覺。食落的確同出面嘅有啲唔同，蛋黃味道嘅感覺唔算好重，但係醬汁的確令到個漢堡有升華嘅效果，而且價錢亦都唔貴，鍾意特別醬汁嘅味道嘅朋友，呢款黃金漢堡真係值得推介👍👍👍日式免治雞肉軟骨熱狗🌭️價錢：$36用咗兩條免治雞肉軟骨代替咗平時食開嘅香腸，口感相當特別，雞肉夠嫩，食落去質感配合有另類嘅感覺，我覺得幾好食😋😋😋炸雞配秘製辣沙律汁🐔價錢：$38炸雞即叫即炸，非常之脆口，而且咬落去，第一口有種爆汁嘅效果。雞肉肥瘦適中，外脆內軟，配埋秘製嘅辣沙律醬，味道出奇地好味🥰🥰🥰炸薯條配和風紫菜粉🍟價錢：$26薯條新鮮熱辣辣，加上我最鍾意嘅和風紫菜味道，真係食到停唔到口😁😁😁青檸味味梳打水🍋價錢：$8細細個真係成日飲，好耐冇見過呢個牌子，竟然喺呢度可以飲到，確實俾到我驚喜😙😙😙…Read More