Stella88's Profile

呢間舖成日經過，但係都冇乜興趣去試，今日諗唔到食乜嘢，諗住試吓食熱辣辣嘅韓國粥啦，可能過咗午飯時間，入邊冇人，得一個菲律賓姐姐響度做嘢，我叫咗一碗釜山鮮鮑魚粥$138 ，一碟蒸餃子五粒$78，等咗一陣先嚟碟餃子係暖嘅，但係啲皮未熟係生嘅，同個菲律賓姐姐講咗，佢拎返入去重新再蒸比我，跟住碗鮑魚粥就嚟，我搵晒全碗入邊嘅鮑魚出嚟，簡直嚇我一跳，加埋都唔知有冇半隻BB鮑魚，仲要切得超薄片，碗粥入邊有啲類似公仔麵附送雜菜包嘅雜菜，粥嘅質地似冷飯加湯煮，因為碗粥唔係熱係暖嘅..問個菲律賓姐姐呢碗鮑魚粥係得咁多鮑魚？唔出聲出咗門口過隔籬搵咗另外一個中國女仔入嚟，之後話煮過另外一碗俾我，唉….諗住快快脆食完走人，個女仔向廚房拎咗碟鮑魚出嚟話俾返我，嗰碟鮑魚一睇就知係罐頭BB鮑魚….味道…真係好似啲屋企姐姐煮粥仔咁囉，唉….冇下次…Read More

呢間小食掂我已幫襯超過三次以上我才會寫上食評✍🏻，每次食啲食物都可以保持高質素難得👍🏻，真正用心去做食物💗，真係會食得出嚟、我工作位置在九龍塘，平時午飯時間一係要行到落去九龍城、一係附近得一兩間普通到不得了茶餐廳選擇🤢，第一次幫襯呢間小店我心諗唔係呀，呢啲地方小食店會蝕個啵🤔，就試買咗返公司食，佢哋嗰個兩溝魚肉碗仔翅👍🏻，食得出係冇味精嘅(因為我係味精過敏)，用料落本竟然有竹笙，佢個咖喱陳皮魚蛋…..嘩….真係超正😋，我公司個秘書仔已俾咗個世一魚蛋俾佢、魚肉燒賣，我從來唔鍾意食，但呢度啲燒賣加上佢哋自己做嘅XO醬= 無敵💗，仲有佢哋嗰啲滷味、係新鮮製作，自己做滷味自己串、佢哋啲芥辣醬係自家調製超級好味，唔係買現成返嚟賣，現在已經成為我下午茶或home party必備伴酒之一🤟🏻🤟🏻，同埋原來個老闆有潔癖，唔怪之得佢間小食店咁鬼乾淨🤣🤣🤣…Read More

一次無意中行商場經過才發覺有間餐廳不起眼，於是就嘗試一下，嘢食好味出乎意外，價錢唔貴，質素高，員工有禮貌，樣樣嘢食都好有水準，已第二次拉隊去食，Pizza 好好味😋，減肥中都要食多件，8個人13個餸，清晒👍🏻👍🏻👍🏻正😋😋😋…Read More

上月响又一城經過仲未開，都會等開咗過嚟試吓，話晒都响東京一粒星啦，其實平時我對拉麵都係一般般，試過好多間出名拉麵，好多d湯太重料，造成太濃烈，食完好滯，今次試吓佢哋個白松露油厚燒牛舌飯定食同主打拉麵-貝汁醬油拉麵，定食有冷切牛舌有機蔬菜沙律、牛舌青瓜粒、牛舌麵豉湯、重點-厚燒牛舌白松露油蛋汁飯...個飯真係好好味，飯唔會太軟，白松露油加蛋汁撈飯一絕，鹽燒牛舌選用牛芯部位淋得嚟有彈口👍🏻只是略嫌少，如多一件就very good，貝汁拉麵-麵質唔太淋有彈性，叉燒薄切兩片，入口溶化，湯底香濃松露醬同牛肝菌醬但唔太滯，再加上湯底有鮮甜蜆同魚，再加豬骨炮製而成，真係飲晒都得，同埋佢哋隻糖芯蛋....冇得輸👍🏻...仲要4-10/11全店拉麵買一送一優惠，超值，比d心理準備又要排隊…Read More

限聚令放鬆可以出去搵食，有朋友介紹去呢間新開四川菜館，話個大廚老板娘係真正四川人煮，味道跟佢以前响四川地道食好似，唔似好多香港店舖因為要就香港人口味有所改變，好啦講番食乜先，成日睇抖音都見到國內啲人一大碟一大碟係咁食小龍蝦🦞，香港又冇得食，現在終於有機會試到梗係要嗌番碟試，辣度好足，奉勸唔食得辣叫少辣好，越食越野味，三條友終於要encore多一碟食🤣，酸菜魚個湯底好鮮甜真係連飲幾碗湯都唔怕黑魚片夠滑身，烤魚嫌魚身泥味重一般，但辣汁用嚟打邊爐好正，其他小菜都好夠味好食但嫌份量唔大，如果份量多番d就好，不錯。…Read More

由耀東街時常幫襯，到搬來呢間店鋪，新鋪第一次去就已想沒有下次，態度超級不敢恭維，雖然不是發生自己身上，但親眼看親耳聽，沒想到身為消費者要如斯卑賤，晚上第一次到新鋪食晚飯，坐位已經相當迫夾，和鄰枱背貼背，上菜時間好快，味道和舊鋪已有少許分別，正食飯中時，一位貌似店鋪高層人員用者超惡超大聲聲調，口出整之難聽四字粗口在罵一個老人家，說他坐响度等其他人來，說他不快快點菜，阻住下轉枱，心想，一係你就唔好比人入去坐，要等齊人先比入，發覺身為消費者要比錢食飯，為何要比你如此侮辱，奉勸要去此店鋪食飯，一定要齊人先好入，快手點菜快手食，我已不會再去了…Read More