felixwty2003's Profile

之前睇其他食評，話呢間餐廳嘅性價比好高，食物質素好，所以今次生日飯就過嚟食，但係，食完之後覺得味道只能說是OK，而且性價比唔係好高。我今次幫襯嘅係正價餐牌有七折&原價+1。唔知點解上傳唔到相，所以唯有文字表達。1. 廚師餐湯：忌廉蘑菇湯$682. 帶子南瓜湯 $138*兩個湯嘅味道都十分普通，一般西餐廳都可以做到呢個質素，帶子南瓜湯簡直係伏，因為只係多咗一粒靭靭地嘅帶子，價錢貴接近一倍，但係佢湯碟嘅直徑竟然係細過廚師餐湯，O左嘴。3. 牛肉他他配千層薯仔$138千層薯仔只有一小塊，根本不夠送牛肉他他，而且牛肉他他太多醬了，淨食的話食兩啖已經有啲膩。如果佢肯配幾塊多士，會好啲。4. 燒八爪魚 $368份量都大，但略嫌有啲靭。5. 16安士肉眼扒 + 薯蓉 不愧為Grill Room，d扒係有返咁上下質素嘅。佢嘅配菜係薯蓉或者沙律菜二揀一，我揀咗薯蓉。6. 羊架 同上面塊牛扒一樣，質素都係唔錯嘅，而且生熟度都跟到要求。7. 黑松露薯條$98黑松露味唔係好濃郁，但都係新鮮炸，所以熱辣辣都OK嘅。小插曲：望到隔籬枱都係食牛扒但配菜係黑松露薯條，咁我埋單嘅時候就問乜可以轉薯條嘅咩？因menu寫只有薯蓉同埋沙律揀，個侍應同我講加$20 ，跟住我問點解Menu又冇寫嘅，佢同我講係隱藏菜單，聽完就更加O嘴，頭先點菜嘅時候已經知道我要食牛扒，兼我又問有冇黑松露薯條，點解佢唔提出加$20就可以轉嘅呢個Offer，而係收我$98？ 🤯 Anyway, 成張單折完之後食咗$1394，我就覺得性價比一般，貴在地段，加上嗰個$138南瓜湯嘅size同埋黑松露薯條屬於「隱藏菜單」嘅回覆，我諗我唔會再幫襯。…Read More

見是舊式粥鋪，又寫著布拉腸粉，便入去幫襯。衛生：一入到去，好大陣死氣味，睇其他食評話可能係火水？總之就係車內通風循環系統差就會有個隻味，好唔舒服。其次就係有好多飛飛，衛生情況差。食物，叫左以下菜式：豆漿，味道好怪，打開杯蓋一睇，杰杰地，即刻同店員講可能變壞，佢拎走左，最後無計錢。齋腸：無米香，碟底見到勁油，鼓油又唔好味，但因為夠油所以好滑，最後無食晒。皮蛋碎牛粥：算係最正常，但重味精。抄米粉：米粉好油，d蘿蔔絲椰菜絲係最後放係面既，咁佢「炒」左d乜，淨米粉？總之呢間野好差，唔會再去……Read More

餐廳新開分店，見到好多好評，所以去試下，叫左個二人套餐。先講優點：上菜快、碟頭大、職員有禮、環境寬敞缺點：多款菜式偏甜，普遍欠缺泰菜必備的香茅、檸檬葉、南薑等香料，味道單一青木瓜沙律：紅蘿蔔和青瓜較多，所以成口生蘿蔔和青瓜的青味。甜酸醬汁但欠缺青檸、香茅、檸檬葉、蔥蒜等香料，不夠惹味椰子雞湯：椰奶味濃，雞肉唔算乾柴，多菇和番茄，但欠缺檸檬葉青檸汁南薑等香料，所以似飲緊淨椰奶，最奇怪係食到唐芹粒沙嗲串燒雞和牛：沙嗲汁見到好多花生但無花生和沙嗲香，得個甜字。雞和牛無搽醬都好甜，雞幾嫩滑，牛則是無牙婆都「妹」到個種冧，同想像中一口牛既口感不同炒雜菜：最好食的一碟菜泰式金邊粉：面頭的花生是裝飾，無花生香的，但整體味道ok。粉未熟透，所以最後打包返屋企加工明爐青檸烏頭：烏頭冇泥味，但配菜有d 9唔搭8: 椰菜、椰菜花、番茄、青口、墨魚仔。而且又係缺少應有的香料，無咩味，好彩有半個青檸，我擠完個青檸就放左去個椰汁湯度吊一吊味。雖然大大碟3個人都夠食，但有d都要另外加錢，加加下都$500+，以咁既味道，算係性價比極一般…Read More

食過Moko同沙田分店，雖然沙田店已結業，但記憶中都係好食既，今次第一次食Yoho分店，就覺得好差。叫左兩個餐：一個芝士漢堡+薯條同一個鵝肝漢堡+薯條先講龍蝦餐湯，稀到水咁兼好咸，飲左兩啖食左件蝦肉就放棄，唔值用腎功能硬接。跟餐牛角包幾香，脆脆地，唔會一按成擔油。主菜上枱，薯條唔熱但都脆既，所以勉強接受，但兩個漢堡包既無烘底，也沒有牛油或者醬汁，連一片洋蔥都冇，漢堡扒又煎到勁dry，加上佢用火箭菜而唔係生菜，變左成個包既唔香又超超超超乾，$178和$188的漢堡，M記個貴包或者荳子都平+豐富過佢。以後應該只會去返Moko個間。…Read More

大學時期為了做功課實地考察了一次，那時一蘭剛進駐香港不久，勝在模式特別，所以當時接近100蚊碗的麵也覺得「幾得意既，試下都ok。」多年後心血來潮再試一次，大失所望：1. 點餐是自助kiosk, 但餐單好模糊又難用，花了一些時間先才看清兩款麵包含了什麼，反而追加圖就大大幅，搞到我以為碗麵乜都無連蔥都要俾錢，焦點錯晒，唔該向老麥學習下…welll, 佢可能就係想你追加啦。2. 座位已由自閉位改成大排檔，完全無左個種神秘同私人。以前佢既賣點係只有送餐時面前個趟竹簾會捲起，你只會見到有對手捧碗麵去你面前，鞠個躬，之後佢又落返簾，想加麵就放隻加麵碟去sensor, 得意又過癮。3. 服務員只係付責送麵同收你張口味紙，係點餐斟水都係自助既情況下，唔明點解要加一。4. 服務員好有效率，你個頭食完最後一啖麵佢就即刻黎問你收得未，但人流唔多未有人等位。5. 味道極之一般，買一包市售的日本拉麵，你同我都煮到，$95那款就只有兩塊叉燒和少許蔥，加上用餐方式已改為大排檔，點睇都唔值。6. 反正都黎左，就叫左個秘製一蘭醋，Jesus！食落同鎮江醋差不多，大家可以慳返$13。結論，佢連自己個selling point係邊都唔知，竟然仲可以係香港屹立到咁多年都真係幾神奇，而我係香港應該呢世都唔會再食一蘭。…Read More