JnM.'s Profile

平時黎厚福街呢頭，真係會遺漏左中間位有一幢大廈，原來有hidden💎。——————————————————————————— <招牌炒章魚 ($138)>章魚一啲都唔韌😚 一齊炒嘅sauce第一口有啲辣，但越食越過癮，慢慢會好享受。同埋椰菜一齊炒，口感都唔錯😋.< 炸紫菜粉絲卷($52)>新鮮炸起熱辣辣🔥 入口脆卜卜。朋友第一次食，幾喜歡。我就之前喺韓國街第二間食過呢款小食，今次再嗌，味道比上次嘅更好，所以係開心嘅😎.< 炸流心芝士豬扒 ($68)>上到枱已經香噴噴🤤 夾起仲有拉絲，超開心😆 拉開係柔軟嘅芝士🧀 而唔係好韌嘅香口膠lol 食落覺得肉質唔鞋，炸粉又唔會同肉分離，而且同面頭嘅酸酸甜甜嘅sauce, 非常夾。同朋友都一致認為，下次一定會返啅呢道，因為性價比高。.同朋友都好鍾意入面嘅裝修，佈置得好有心思。好多🇰🇷 韓國街頭嘅元素。係呢段時間，可以去到一間令自己覺得去咗小旅行嘅餐廳，真係特別開懷😌…Read More

呢間串燒店要bookmark, 事關佢能夠燒得香之餘，仲好保持到食材旣鮮味同肉汁。——————————————————————————— <秘醬焗娃娃菜 ($35)>先來一份菜🥬，邊個話食串燒係得肉食/ 一定得熱氣野食，呢份娃娃菜幾爽，而秘醬都唔係個啲一味重口味旣蒜x蒜x蒜，有咸鮮味，相對其他菜色味道無咁intense, 都唔錯。.<鯖魚($48)>✨🐟 金黃焦脆，keep得住肉汁、鮮味。.<*煙燻*墨魚咀、豬頸肉、牛舌、五花腩、雞腎、雞軟骨 ($258)>煙燻套餐好特別，老闆話係用蘋果木黎燻焗，聽到都吸引。朋友覺得煙燻有陣funny smell, 我自己係幾ok陣味。墨魚咀唔係咁多串燒地方食到，又幾唔錯，同雞腎一樣有𡁻頭；豬頸肉juicy；薄薄旣牛舌同五花腩突顯獨特煙燻味，孜然粉亦好惹味；雞軟骨好脆。同朋友都覺得好impressed, 十分推介呢個set..<鹽酥雞($28)>鹽酥雞炸都好香脆！最犀利係可以鎖住肉汁，而炸粉係好薄，真係見到幾大粒，佢舊雞就幾大舊！咬開雞汁流出來，唔乾真係好感動🥺.<雞泡魚乾 ($38)>同朋友之前去食串燒，曾經被雞泡魚乾🐡 驚艷到，見佢頭幾碟都十分不錯，今次決定試試佢！果然無錯！單食好香，點mayonnaise又夾到暈lol .…Read More

去左屯門咁多次都無帶過細佬嚟過，今日就帶佢去食佢最愛嘅台灣菜啦😗見佢地啲menu都好多選擇 好期待😋😋——————————————————————————— <黑糖蘋果西打豬軟骨 ($70)>豬軟骨煮到好淋身亦都好入味，蘋果醋味甜甜地好開胃，份量都足夠兩個人食，依家諗起都好想再encore啊😌.<木玥招牌紅燒牛肉麵 ($96)>嚟到緊係要食下招牌嘢先得喇，見到餐廳大半數人都會點呢個麵😏對比一般台灣紅燒牛肉麵嚟講，佢唔算好濃味，但清清地都帶到牛肉湯底味出嚟，個人夜晚唔鍾意食太濃味，所以覺得幾唔錯，至於牛肉同蘿蔔都煮得淋身同入味👍🏻.<鹽酥雞 ($42)>對於食肉獸嚟講，呢個份量俾呢個價錢，係超抵🤣講返正題先～鹽酥雞係即炸嘅，配埋酸酸甜甜嘅汁點嚟食都幾夾，之後仲叫咗支啤酒，飲住啤酒食鹽酥雞，好爽啊🤤.<雪菊蘋果茶 ($28)>個人認為幾啱女仔口味，雖然佢屬於比較甜嘅口味，但都無蓋過左蘋果嘅香味，唔錯。———————————————————————————…Read More

晚上睇戲晏左，一於去愈夜愈精彩旣路德圍覓食。見到有見新開旣川菜都幾多人排隊，諗起返到家可以食椒麻雞就流曬口水...——————————————————————————— <東坡肉、百葉飯 ($35)>呢份招牌菜價錢實惠，真係好難唔比佢一個機會！三大舊東坡肉，炆得入味又腍滑，跟埋百葉，索曬啲醬汁再撈飯食，好滿足，屋企旣男人咁夜仲捧場，都幾有威力！不過都真係幾heavy，下次日頭再試多次，因爲實在性價比高。.<三拼(辣) - 牛肚、牛𦟌、牛筋凍($55)>辣辣地旣滷牛肚非常入味，嫩得黎有咬口；牛𦟌，滷得香又不會死鹹，有牛味，食得一塊塊唔停口；初嘗牛筋凍，感覺好有collagen，食落比想象中腍。.<三拼(唔辣) - 腐竹、五香牛肉、脫骨香豬肘 ($50)>摯愛豆品旣我點了腐竹，如再入味多啲我會更喜歡，略乾身；五香牛肉薄薄切了片，入味，唔算是腍身旣肉，感覺還可以；豬肘又唔錯，有𡁻頭!.<椒麻雞半隻 ($68)>就是衝住佢而來旣！雖然已經係宵夜時間，食得出手撕雞都仍然幾新鮮，雞肉實而滑，醮埋跟配旣麻醬油... 微微旣辣再加上係嘴唇麻麻旣感覺，真的想干一杯...汽水好了。.   …Read More

見細佬考完試，帶佢食好野輕鬆下，呢間Cambo係第二次黎，水準都keep住係度，細佬都食得好開心生蝦非常新鮮，唔會雪到冷冰冰。酸、辣度調校得宜，辣得好過癮(細佬話)，我唔太識食辣，就小心地挑出辣椒，就夾粒粒蒜就已經非常滿足！菠蘿飯份量都幾多，要好小心咁「筆」先唔會跌到周圍係。 飯炒夠乾身，配以菠蘿粒、紅腸、火腿，口感豐富。三隻蝦蝦蝦就唔係真大蝦lol 但勝在夠鮮同彈口。 (+25蚊 印式薄餅)另一份主食，我地點左泰式青咖喱軟殼蟹鍋配法包！一serve到枱面，職員就點火熱住咖喱鍋，咖喱味香濃。為保持口感酥脆，軟殼蟹另上！我同細佬都係印式薄餅fans，所以order埋，煎得熱辣辣、又煙韌，點埋咖喱汁，大滿足。…Read More

好食，推介！如果唔係媽媽嗌，我真係未必會試，今日真係有驚喜。外皮夠滑，厚薄適中，餡料有免治豬肉、木耳、洋葱等，非常岩味。再點埋啲酸甜汁，吃落再增添層次。米紙卷旣粉皮一樣咁滑，仲好薄添。豬頸肉係薄薄一塊係裡面，加上一片新鮮生菜，包住大「住」粉絲，再配埋酸甜汁，正！湯夠清甜，河粉滑溜。生牛肉分量不少，味道肉質亦不錯；牛丸頗彈牙，再大粒啲就更加正；牛柏葉夠爽口。一大碗，share食，十分滿足。 另一份主食，我地點左越式咖喱鮮雞鍋配印式薄餅！一serve到枱面，職員就點火熱住咖喱鍋，咖喱味非常香濃。大大件雞塊，肉質唔會鞋，我至愛旣薄餅仲要煎得熱辣辣、又煙韌，點埋咖喱汁，大滿足。(開頭落lime soda, 冇飲開個隻chang牌，staff 都好好態度offer 換其他飲品) 整啖紅豆冰，爽！粒粒紅豆都大大粒，無煮到爛曬，very good.…Read More

同朋友過開黎睇平戲，又搵到間唔錯旣冰室想同大家分享下。最近成日都好想食軟殼蟹，所以好大程度上都係被佢好特別，同菠蘿包旣呢個配搭吸引到——————————————————————————— <招牌軟殼蟹菠蘿包 ($45)>軟殼蟹好大隻，炸得外脆內軟。同朋友share切一半時都聽到、感受到佢旣脆。菠蘿包剛焗好無耐，非常香，喜歡佢係有溫度旣！涵料仲有菜、芝士、酸甜旣sauce，食落口感豐富，非常推介。.<士多啤梨骨 ($68)>酸酸甜甜，並唔漏，肉又非常腍身，分量仲幾多下，配飯一流。.<霸王雞 ($78)>好喜歡佢隻豉油旣味道，同隻雞好夾，微微鹹再帶出雞的鮮味。霸王雞肉真心唔老，底下有好幾條菜心，唔怕油旣話，真係菜都唔洗特別嗌，均衡旣一餐。.<紅豆冰 (+$8)>黎得冰室，仲要食菠蘿包，點少得紅豆冰。厚厚一啖包，啜啖冰又「筆」啖紅豆食下......賞心樂事。.…Read More

冷麵，其實真係穿插住我整個中學時代lol 仲要係公園開餐，啲記憶仲唔夾埋汗水出晒黎？呢間朋友推介嘅爆辣冷麵真係令我印象深刻。<賽螃蟹杯麵 ($30)>杯麵賣相不俗，而且夠有玩味。清楚見到大大舊激似蟹肉嘅蛋白，又有卜卜蟹籽，仲有veg🥦 中和一下強勁嘅咸味，我地又可以繼續戰鬥🤣.<爆辣哥斯拉雞翼 ($12/2隻)>食辣對我黎講不嬲都係種challenge 🌶️😆🤣 真係朋友大推，至咁俾面give it a try😎 呢份雞翼真係唔惹小🦖 真係，媽，好辣啊~~~🔥我懷疑啲辣係入味到，入埋啲骨度@@.<雞軟骨 ($38)>🍻醉愛雞軟骨🤤 朋友好識及時行樂啊..🍺一啖啤，一啖酥炸雞軟骨..可能岩岩打完大佬，呢隻我感覺只係微辣，惹味得令人一口接一口，如果係熱辣辣一定更正🔥😆.<爆多蟹籽冷麵 ($35)>排緊隊等落order嘅時候，已經見到凡有蟹籽嘅菜式， 都係被毫不吝嗇地鋪上大量蟹籽😍 所以呢個係必點。蒜味非常濃郁，重口味之選😂😆 朋友怕芫茜，所以今次冇點，佢食得非常開心🤪啖啖卜卜蟹籽，滿足。下次返啅我必定會加芫茜，感覺味道會再多個層次。.<蟹籽沙律 ($48)>呢道口味相對清新，青瓜絲多得黎唔會覺得係充撐場面，而係真係帶黎煥然一新嘅感覺，haha蟹籽、帶子裙邊、粟米青瓜絲，好豐富的一份冷盤，拎左返去同家人分享，多左個餸，大家都食得幾開心.<爆辣蒜 ($25)>打包左樽蒜，聽講係佢地親手切！心機野！準備拎黎炒菜、蒸扇貝、做邊爐sauce.....…Read More

呢幾日都係陰晴不定，多驟雨，難得見今日放晴，同朋友去大館影下相。之後去左間泰國串燒店醫肚，鋪面既裝潢都幾chill同舒服，大大既泰文招牌感覺幾正宗。大熱天時，叫左個冷盤做starter~~青木瓜手撕雞沙律一黎到見佢都有咁上下高度，已經開始心心眼<3淋上汁，撈撈撈，木瓜夠咬口，一啖唔同質感又好夾雞肉份量都唔會話少，算佢有誠意!泰式青咖喱牛腩飯 咖喱算香，牛腩肉質厚實，加埋啲瓜，撈飯yumyum，個人認爲辣味剛好 (我不太食辣)黎到就係比串燒香吸引，緊係要點返幾串。我地再叫左牛仔骨、同大花蝦，同兩串白鱔牛仔骨佢偏肥，所以燒得好香~佢面搽左浸汁，幾甜幾令人食過返尋味~白鱔講真係串燒鋪都少見，試落真係好impressed! feel到隻鱔好夠運動量，哈哈！因為好結實！有趙頭！同時個燒汁同佢係夾，呢個好值得返啅~然後就黎到大花蝦，剝完殼個size仲係度！仲要蝦背一大條膏，會唔會太開心？佢本身係簡單鹽燒既，我由原味，再一啖係點甜既燒汁，再第二啖夾酸辣既，再最後配多蒜既醬汁..好抵食，蝦蝦~…Read More

今次已經係第二次嚟到MMD Studio上次黎已經覺得好instagram-able, 今日特別帶埋媽媽黎，飲杯嘢、食件cake 點知仲有個驚喜 就係Dayday同Joyjoy! 唔怕生到完全反晒肚係度訓...成個vibe都太chill了——————————————————————————— <宇治抹茶牛奶 (小山園) ($44)>個人幾喜歡呢隻Matcha latte，因為唔太甜，但茶味絕對唔會淡，都好香好喜歡佢紙杯上好過癮嘅Edison.<Best Brownie in Town ($42)>真係幾高水準 叫得BEST都有道理 唔好睇佢咁乾 切到落底，見到仲有半溶嘅朱古力，入口有兩種質感 好豐富 朱古力味道都非常濃郁。一開頭見佢咁薄，原來兩個人share都岩岩好。.<越南滴滴咖啡 ($44)>其實貪佢滴滴下好過癮，但點知冇得比我滴住拎上樓上知道越南咖啡嘅口味都係偏甜，見到兼店員準備嗰陣，煉奶嘅份量都唔少，都怕會太甜飲唔晒，點知又ok wor趁熱咁品嘗，又幾舒服。比起Latte, 個人覺得同Brownie仲夾啲。.…Read More

今日難得放半日假同媽咪去左尖沙咀行街食飯，平時同媽咪食嘢唔係飲茶就係飲茶🤣想帶佢去間潮啲嘅餐廳打下卡食下嘢，所以最後帶左佢去Mamaday食😋呢個Pizza真心覺得特別得嚟又好好食，最想讚嘅位係蟹肉一啲都唔吝嗇，啖啖都食到好香嘅蟹肉味👍🏻同埋咸蛋味無諗過係咁夾😽好jeng!!已經諗住下次要再encore~至於牛扒就無得揀幾成熟，味道不過不失，但以唔係專食扒類嘅餐廳，我覺得已經做得唔錯，食再有啲滯嘅時候仲可以食側邊啲紅莓，讚😻😻呢件蛋糕媽咪係超讚好，第一紫薯味係一啲都唔假🤣食得出係真紫薯，中間白色果層有啲豆腐味，唔肯定係咪豆腐🤭但mix埋紫薯一齊食一啲都唔漏，真心值得一齊😍…Read More

朋友生日，揀左一間有四年米芝蓮推薦嘅Xuan帶佢黎試下Omakase(都係我嘅第一次啊) 前菜嘅沙律非常新鮮，tmt唔酸，金時好甜。厚厚切嘅刺身令人食指大動，不得不讚個帶子真係未係外面食過咁嘅質素，係爽！口！架！一試難忘。茶碗蒸嘅質素都係個濃郁嘅蛋香味充分表達出黎Sushi set每款壽司上嘅刺身眼見已經非常新鮮，充滿水分，顏色又靚。牡丹蝦、海膽都係鮮甜嘅代表，朋友超滿意！海膽仲要係入口即溶...劍魚腩油香非常醉人。帶子繼續係冇得彈另一set嘅面豉湯，睇下個櫻花蝦量先..非常生動嘅鹹香味，絕對唔係個種好沉嘅死鹹，第一次飲miso soup係想添lol呢份sukiyaki..簡直無可挑剔 A5牛已經係品質嘅保證，個湯汁甜度非常岩，所有嘅veggie, 粉絲吸晒啲essence..再每啖都點一點蛋，滑一滑，朋友食到完全唔想同我講野...唔想停xD 見到佢食得咁滿足，就知道自己冇揀錯。Thank you Xuan! Staff都非常有禮貌同proactive, 完全唔洗擔心要加茶。逐道course上嘅時間都adjust得好好，睇得出staff係非常用心觀察、留心客人嘅需要。Last but not least, 呢粒sakura matcha puff(自己改lol) 係個完美嘅結尾，微甜，岩晒我口味。…Read More

Cafe環境闊落，感覺每枱都好有自己空間。出去order完，按職員指示去拎餐具，幾鍾意呢種help yourself嘅方式，始終pandemic都會特別在意餐廳衛生狀況。係消毒櫃拎所需嘅用具，簡單、方便、衛生，唔洗左抹又抹。平時好怕甘筍陣草味， 但係心入面又知道係好健康，所以見親有同佢嘅配搭都會想試下會唔會蓋得過隻味，又好味嘅食/飲品。今次呢碗湯好rich嘅tmt味！好飲又健康！帶未食過飛驒牛嘅媽媽食靚肉，佢好喜歡隻香濃嘅牛味，唔會太重嘅調味，同燒汁、芝士夾埋夠滋味，加隻juicy啡菇，冇追加錯。慢煮豬脾好入味，鹹香味令人食指大動。兩大隻豬脾，的確令人感到滿足。兩份都係紅米飯，健康lv up up. 佢嘅紅米量唔會太多，唔慣食糙米嘅朋友都唔洗怕。 Wow, 我同媽媽都好喜歡呢個作結！微暖嘅心太軟，雖然唔係流心，但都是濃濃嘅軟心，雪糕係Cookies and Cream...大大粒crunchy嘅oreo, 軟硬、冰火嘅口感，完美句號。Matcha Latte肉桂味非常香，偏甜。Rose Latte嘅乾玫瑰聞起黎令人放鬆，冇前者咁甜，個人比較喜歡呢杯。…Read More

五花肉切成薄片，想放肆食下肥肉得黎，又唔會太內疚，哈哈！配上kimchi﹐加一口熱白飯，午餐黎講都幾豐富啦，滿足記得第一次食水冷麵係係Soeul, 朋友仲要係天寒地凍嘅時候帶我去lol, 話咁至係正宗食法，今日天氣涼涼地，又心絲絲想試下。冰粒頗大，碎啲賣相可能更佳。食落微甜都有回憶返少少韓國嘅片段，朋友prefer點多啲白醋，下次或者會再加碟燒肉，配搭起黎應該不錯。其實好少叫kimchi pancake以外嘅煎餅，但今次朋友又好想食韭菜嘅東東，好啦，就give it a try. 賣相幾似茶樓薄撐，我幾鍾意佢粉量唔多，個ratio唔錯，點嘅紅卜卜醬都唔會好辣，都真係好夾！ 偏甜嘅soda drinks 影出黎係幾靚的。同朋友都覺得都係養生系列岩我地多啲xD 男神、女神..還是做返平凡人。…Read More

天氣轉涼，即刻好想烚下烚下，於是乎同友人決定去食壽喜燒！Angus薄薄牛片，數量上絕唔吝嗇，牛味十足，同友人都食得滿足。配菜質數都唔錯，菇菇索汁索得飽滿，豆腐亦腍得黎亦唔會散開👍🏻試左話係呢度推介嘅龍卷風沙律💚 新鮮嘅菜蔬，索索聲響，但都唔夠佢入面摻雜嘅薯片脆..撈埋中草沙律，辣辣地，好過癮😆 不過，建議大家食嘅時候要小心，唔好急，佢大部分嘅texture同普通沙律無異，但係細醉嘅薯片其實唔好好咬都好容易界到口/喉嚨，總之小心食慢慢咀嚼，enjoy it, no rush😚餃子外脆，夠熱，內有肉汁，不錯。🥟🥟🥟蝦蝦Tempura, 炸粉厚薄適中，蝦再肥大點就更佳。下次會想試下雜錦🍠🍆🍤…Read More