DAY0111's Profile

4點去到蝦湯已售罄買唔到蝦湯 唯買有鯛魚濃湯兩個人share一碗等左30min有多 枱得兩張 冇位要拎住食宣傳話係自創湯底係有驚喜但驚大於喜🫠湯底唔係一般大眾理解嘅魚湯 不單止冇魚嘅鮮味 仲要酸酸地佢唔係普通酸辣粉/酸菜嘅酸味而係千島海鮮pizza醬味🫠 個人覺得個魚片同脆肉鯇魚片冇分別唔理解魚湯點解係酸 又唔理解點解係脆肉鯇質地個人覺得魚肉同酸酸地千島醬味完全唔夾好彩冇叫兩碗如果蝦湯都係一樣可以慳返唔洗試…Read More

之前save低一直想試星期六晏晝終於同朋友黎左食野我地2:07坐低落單，指住menu手口並用同個似乎新新地嘅侍應A叫左3樣野食，冇覆單點解知佢新係因為個夾餅問佢係咩樣佢要搵同事答我地叫左Tapas classic 9宮格，炒蔬菜同BBQ手撕豬夾餅9宮格落單後8分鐘就上枱，侍應B好清晰咁講解每格係乜野，個9宮格咩都有兩個人share食都唔錯，味道亦好好食食下侍應C拎個薯蓉過黎，我地話冇嗌過之後佢就拎住menu問返係叫左乜野，知道係佢同事落錯單就幫我地改返單中間9宮格食晒收走埋等左我諗有半個鐘至補返個菜俾我地，個兜菜份量唔多，我地冇諗過重新炒幾瓣西蘭花椰菜花要等咁耐同事侍應B同C分別經過感受到我同朋友熾熱嘅目光都有幫我地跟個夾餅，而且兩個都表示冇漏單制作中，而且提多左句個夾餅要20-30分鐘制作到個後補嘅菜上枱食完收走埋我地仲等緊個夾餅侍應C經過又同我地講個夾餅岩岩係爐經左出黎我地已經等左45分鐘唔想再等，再追問下侍應B話個豬烤得太乾佢地再要d時間整經理尼個時間走出黎扮熟：哎呀，唔好意思我地同事漏左單，不如我請你地飲返杯野你地要補鑊唔該夾下口供先，一陣話冇漏單又話出左爐。我地冇接受個杯free嘅飲品，叫佢快手上埋個夾餅，我地5分鐘後仲未上菜就走。我未試過食西班牙菜食到好似法國菜咁，講緊由落單到我企起身其實係成個鐘嘅時間！夠鐘我就起身想去前枱埋單，侍應C就話要搵經理取消個夾餅叫我坐多坐，隔多一兩分鐘經理就拎住夾餅黎到。我地冇要份夾餅要求經理取消同埋單簽完卡經理想俾張$100coupon我但我冇要到唔會再俾多次機會尼間餐廳兩點後都叫過左peak hour，餐廳staff多過客，仲要有好幾枱客都係食semi buffet，main course serve完其實冇乜野要做，幾個侍應同經理企晒係度傾偈，你班人係有心跟就唔洗成個鐘都上唔到個夾餅！侍應B同C service係ok嘅但個經理應該早d幫手，唔係就唔出聲好過…Read More

星期日1點左右去到 唔洗排隊直入店內大概10個位，都唔算特別迫坐得舒服Menu設計同店員講解都好有心思同仔細佢建議我地先試湯底 飲啖咖啡再飲湯底 味道上會有唔同同朋友叫左一個海頂立湯一個地頂立都幾特別佢撒左d桂花係湯面 有清香味蝦湯底第一啖飲落去就係好濃嘅蝦味 唔錯再試咖啡 我自己覺得好酸咖啡每個人喜好唔同 我自己唔鐘意酸味 所以個杯細杯啡我飲得都幾辛苦再飲多次個湯底因為個啡酸所以再飲湯底就覺得湯底甜 然後仲有桂花味⋯側邊仲有我叫左小辣嘅辣醬，因為夠味而且味道有d複雜我就冇溝埋入個湯度⋯繼續食落去個蝦嘅濃味會疊加上去應該叫做越食越咸 而陣桂花味會一直出現⋯有d九唔搭八豚骨個湯完全食唔到豚骨味 淨係試左啖所以唔講咁多未黎之前一直以為係拉麵店 但原來係烏冬 所以冇話揀粗幼軟硬度個d終於食完個咸烏冬就係我好期待嘅甜品個布甸係滑嘅，冇話特別好味，可能見個個人話好好味期望過高⋯所以有d失望Tiramisu有得揀軟硬度，純粹係個ladyfinger索得多唔多咖啡，硬d意思就係中間ladyfinger未林晒，有d脆脆地咁味道正常走嘅時候門口有幾枱人等陣總括：可能接受到酸咖啡嘅人食會enjoin d? 成個體驗可以話係特別嘅 我同朋友都覺得試一次就夠⋯要排隊食就⋯不了…Read More

我地book左星期三7:00 4位 980半價set 原價加一埋單每位係$588冇特別request bar枱餐廳一眼睇晒 環境雖然有d細 但企理嘅個分兩個set 部分一樣嘅野食就會一齊share唔係嘅話都預左要等餐廳抽氣唔夠勁要預左食完成身都係味6:58 墨魚帶子紅蝦他他墨魚幾爽口鮮甜 紅蝦冇鮮蝦嘅甜味 7:07 生蠔同menu有出入 配左三文魚籽同少少柚子汁生蠔新鮮有海水味 配埋柚子汁咁大隻都唔會膩7:31 鮑魚 同menu再次有出入 配紫菜醬鮑魚煮得幾林唔錯7:34 蟶子尼個係黑松露醬四季貝料理蟶子鮮甜爽口唔錯但配黑松露醬係完全唔夾 仲會遮左原本蟶子嘅甜味7:53尼個係廚師發板時令貝料理有d似關東煮東風螺 蘿蔔好入味8:09南瓜湯 正常8:22A5和牛加溫室時菜好的骰嘅和牛 我個舊有筋位8:31牛肉碎炒飯味道正常8:52甜品侍應同我地講係意大利燉蛋？？？試下有咩特別原來係個燉蛋中間未溶晒雪就話佢係意大利溶雪都預備唔切不如你serve雪糕算食兩個鐘有d耐食物係幾新鮮但份量，舊牛，個飯同甜品我覺得絕對唔值$588一位我會寧願去其他餐廳單嗌 尼個價錢質素同份量一定更滿意…Read More

屋企人一直想黎試，終於book左星期日lunch。位處流浮山係遠左少少，但可以順手plan個天水圍/元朗一日遊都唔錯。係Openrice訂枱，侍應早一日打電話confirm booking仲會問定要坐室內定室外有寵物嘅朋友可以揀室外 佢仲有寵物menu由於驚落雨/熱我揀左室內估唔到細細一幢入面會有𨋢，裝潢亦幾靚幾有心機。一坐低侍應就講返今日餐湯同甜品我地每人揀左唔同嘅main，咩都試下前菜 沙律 正常發揮醬汁好味，小米沙律都幾特別主菜 牛扒 - 叫5成，煮得略為太熟，但冇筋唔會靭，有牛味。唯獨醬汁有d太甜魚 - 雖然係炸皮，但魚肉仲好嫩滑，加埋甜酸醬都幾惹味，仲要冇骨岩晒懶人😂蝴蝶粉 - 蠔同青口略嫌有少少腥，整體都唔錯意大利飯 - 質地唔算特別硬，味道唔錯…Read More

可以直接Skip, 埋單$600完全唔值.見有500幾個好評就試下佢. 係Openrice訂左枱, 一去到店員叫我地搭𨋢上8樓似姐妹店,店名喜聚燒.時間係星期六晚,限聚都放寬晒,全間鋪計埋我得3枱客, 10個人都冇.要問至提供細細杯飲唔到嘅熱水, 而講緊尼間係串燒店落單後食物都好快到, 而有熱石板暖住串燒, 尼個位做得幾好每樣野上枱都熱辣辣而員店都有提我地牛唔好擺石板上咁耐, 好貼心我地叫左10幾串 賣相冇特別就唔影相1. 羊架 - 全晚最好食嘅, 肉質嫩,唔穌而且燒得岩岩好2. 山賊雞翼 - 脆口好味又唔乾, 送酒一流3. 芝士三層肉 - 芝士醬太咸, 同舊肉根本唔夾, 脂肪以外嘅位係柴嘅4. 芝士響鈴 - 仲夠膽話係本店特色, 個響鈴成陣油益味, 同三層肉用嘅係用一款芝士, 一樣太咸, 5. 日本霜降和牛串 - 叫左最貴嘅, 冇乜油, 牛味一般仲要有筋6. BBQ豬頸肉 - 乾爭爭, 又係柴嘅7. 明太子雞翼 - 普通急凍來貨, 冇特別8. 牛舌 - 正常, 冇乜牛味9. 白鱔 - 正常10. 菜心苗 - 正常11. 茄子 - 正常…Read More

熟食算ok翠肉瓜麵唔錯 但個蝦霉霉地黑毛豬扒滑蛋三文治 生酮包正常但個豬好柴然後咖啡好淡⋯朋友嘅Americano唔得，生酮Mocha都唔得我冇諗過特制(特貴)生酮凍Mocha個朱古力係好似刨出黎咁⋯仲要係一塊塊咁飄下飄下⋯好歹都熔一熔佢先⋯我寧願佢用無糖可可粉原本想試生酮蛋糕 但$88一件⋯我明材料會貴d 但從來未見過一件蛋糕可以切到咁孤寒⋯已經唔係正常cake咁嘅半徑都算 佢似係細尺寸蛋糕模仲要分勁多份d位又坐得唔特別舒服想食生酮野最好試第間…Read More

埋單12xx 的確係唔貴 套餐嘅食物比較出眾 其他menu嘅野水準麻麻餐廳運作同店員處理問題手法都好唔成熟要食最好book6點個場 今日食8點個輪嘅人全部唔係準時有位Detail:之前睇報導話有平民價錢鐵板餐質素好好就打算帶屋企人食 慶祝生日book左枱食6點 當日晏晝有店員打黎confirm booking我地如常入座 有段小插曲 有4位book左枱嘅客人因為店員抄錯電話冇confirm訂枱而冇位擾攘一輪店員打算開張摺枱俾佢地 其實根本冇可能 餐廳好細 樓面嘅枱一隻手數得晒 淨返嘅通道擺完張枱係唔會上到菜 4位客人唯有離開打唔到電話係米都應該要留張枱先？最多米俾walk-in客 點會要book左枱嘅客冇位坐而走落單嘅時候店員就已經提我地8點鐘要交枱 最好一次過落單我地叫左二人龍蝦餐 另加兩隻大蝦，牛舌同肉眼扒 二人餐嘅銀鱈魚係正常發揮 6:35上刺身 刺身新鮮而且處理得好好 店員有詳細說明食用次序 食完個刺身下一味龍蝦等左成40幾分鐘 仲耐過去飲！7:20 上龍蝦龍蝦肉有彈性又入味 係好味嘅 但真係等太耐 上菜個陣我地有提侍應仲有牛舌、牛扒同個蝦未上7:35 上牛肉簿燒 同炒飯牛肉火喉控制得好好，而且入面嘅蒜粒同蔥唔會搶晒牛肉嘅味，正炒飯夠乾身 櫻花蝦夠香 仲有蒜片 一流7:40上牛舌牛舌係簿切 煮過龍 而且有陣內臟味 可能本身肉質素麻麻 去到7:40我地仲有兩隻大蝦同肉眼扒未上店員埋黎問我地要唔要取消兩隻大蝦 話蝦頭要煮得耐d至熟 佢甚至用「會趕唔切交枱」黎提議我地取消order下🤯？咁講意思係米我照要嘅話你會俾隻煮唔熟嘅蝦我？時間分兩輪同幾點係你地定嘅 menu有咩揀又係你地定嘅 你煮唔切點解要我取消就你地？？？枱唔係多 你處理唔到咁多野可以淨係做一至兩個餐 唔好做單點 仲夠膽講到出口客人要趕交枱認真嬲 見係屋企人生日就唔同佢理論最後上嘅牛扒過熟 套餐嘅質素好過單叫好多不過服務咁樣 真係食乜都冇味…Read More

晏晝出到尖沙咀 諗唔到食咩 經過尼間裝修好有日式風味嘅鋪頭就入左去同好多拉麵店一樣坐低店員就俾左餐牌同落單卡紙我地麵嘅軟硬度，湯底濃度，蔥蒜等等都有得揀我地揀左雞白湯同牛舌牛尾湯加個小丸子雞白湯有附上骨膠原粒 幾好 味道都唔錯😋牛尾湯 牛味幾濃 但湯面成層油 牛舌就麻麻😕小丸子粒八爪魚肉好細粒⋯但個皮幾脆👍🏻每枱都有高菜 芝麻 生蒜 俾客人自助高菜冇寫明 但係辣嘅 最好唔好直接加落個湯度😂同行嘅無視左d辣粉一野就加左落湯 之後就食唔到個麵🙈…Read More

見好多comment話lunch抵食有驚喜OpenRice 仲有優惠就book位試下訂枱約左正午12點 餐廳營業時間都係12點開始 冇staff預早出黎安排 冇排隊指示 一堆人就咁係門口企12點夠鐘至打開門等客人入去 咁嘅服務真係不得之了 有個別客人冇咩禮貌 一開門就撞開其他人一枝箭咁衝入餐廳安排好差餐廳分左3個區入面兩區應該係爐端燒 book位時要講明 唔係就俾普通餐枱你Lunch有限每人要叫一個set我地4個人叫左兩個鐵板一個壽喜燒一個刺身set野食上得好快 逐樣講下沙律同麵豉湯普通冇特別鐵板兩set每款一樣有帶子、蝦、銀鱈魚x2(一早開鋪就話冇晒鵝肝）蝦質地爽口 但食得出係急凍野 因為完全冇蝦味 但至少唔會霉帶子一樣係急凍野冇特別銀鱈魚兩舊唔同質地 一舊滑d個牛肉豚肉簿燒真係極品 佢用一塊sabu sabu嘅肉片包住一大堆蒜粒黎煎豚肉我成舊擺入口淨係食到蒜蓉味 牛肉我醒啦 撩晒蒜粒出黎至食所以食到少少牛味可以睇下撩出黎pat蒜幾大pat炒飯 飯炒出黎一舊舊唔夠乾身 落左櫻花蝦 得d櫻花蝦有味 唔夠味可以用返簿燒個pat蒜唔好嘥野手壽喜燒正常冇特別刺身當日係 赤身 吞拿魚 之類5款 叫正正常常 但吞拿魚有筋⋯試過一次就算 餐廳安排唔完善 食物質素冇驚喜好在唔係食晚餐 …Read More

一直唔知原來黃金海岸有煲仔飯食質素幾好，環境唔錯。同朋友黎食飯飲酒傾下偈都幾chill。釜飯唔洗等好耐好好味，用日本雞肉效果好好而且有生蛋因為唔想食咁生，一上枱就快手mix埋佢有蛋汁成個飯濕潤左唔會太乾加埋煲底嘅飯焦好惹味燒厚豚串燒肥瘦相間唔錯相比起黎串燒牛舌有d遜色，唔推介…Read More

生酮都一段時間出街食其實咩都要揀過晒仲要一有人一齊食就好難就到趁lunch食自己一於揀間唔洗就住就住嘅Lunch set有3個course頭盤 係餐湯同麵包蘑菇湯有粒粒蘑菇蓉好香濃杏仁粉麵包一上枱就聞到好香！但當然唔可以同麵粉麵包對比主菜係羊架加炸雞皮仲有炸到好香脆嘅羽衣甘藍羊架無得輸！香酥味一流炸雞皮正常冇太大驚喜反而係羽衣甘藍！生食我唔太鍾意，冇諗過炸出黎嘅效果好好！甜品係梳乎厘⋯生酮都食過好多唔同甜品 梳乎厘就未接觸過同普通梳乎厘差太遠⋯冇鬆軟感之餘成舊都太濕轉做cheese cake / basque buurnt效果可能會好d餐牌寫就話有生酮餐飲 但落單個時侍應冇俾咩特別野我揀⋯叫左凍檸水 不過食晒成餐都好飽 就算有生酮野飲都太飽未必會揀成個餐其實好飽 生酮食量我覺得冇可能食得晒我打包左兩舊羊架返去做晚餐高質 有機會都想再食題外 見唔少人話潮流興生酮餐就試下⋯食完話太油 真係反100次白眼 生酮唔係一餐半餐嘅事 了解左先唔好盲跟得唔得⋯…Read More

星期五7點去到唔洗等位入到去環境舒適裝修唔錯有枱客人好嘈 餐廳比較細好應聲 只想快d食完走價錢頗貴 兩個set400幾蚊冇前菜叫左兩個set, set至不過係加碟飲品同甜品冇湯/沙津一個炭燒美國肉眼牛扒，一個香煎海爐魚配柚子牛油汁牛扒同爐魚味道都唔錯牛扒叫7成熟都好嫩甜品係一舊Brownie。3個人黎 兩舊Brownie擺係同一隻碟度 俾兩隻叉我地 冇另外俾碟佢舊brownie好硬 仲要燶嘅⋯分開碟俾把刀好難咩？…Read More

搵餐廳慶祝Anniversary，見到有間幾吸引點知有食評話主廚會另起爐灶⋯好彩有人跟手share話個位主廚已經搵岩鋪位新餐廳就叫JL Private Kitchen即刻就打去book位餐廳要求我經wtsapp book位順便可以send menu俾我揀溫馨提示：至少要早一日決定食咩等餐廳有充裕嘅時間準備5月新開張仲有鮑魚同免加一優惠餐廳裝潢舒適，雖然係open kitchen但唔會好大油煙。一坐低就有麵包送上，點麵包嘅醬好好味！我差d想嗌refill食完之後主廚有專登過黎問我地食物如何雪糕我自己鐘意creamy嘅，反映俾佢聽佢都好細心解釋佢地嘅做法成晚都食得好高興樣樣都好好味免加一兩個人唔洗一千尼個質素真係非常抵食！絕對會再黎！…Read More

因為係late dinner...都唔叫等左好耐入到去環境昏暗，我見到附近幾枱人有著電筒睇menu雖然店面唔算細，枱同枱相隔都ok 但唔知點解都係好嘈吵侍應主動過黎落單 但要叫至會加水俾你Menu有好多野 冇圖 就咁睇中文名感覺好似美式茶餐廳咁😂 Order完就黎左籃麵包 冇咩特別之後野食都好快上齊Salad有blue cheese碎，可能係我唔太鍾意陣味所以唔評論，友人好喜歡芝士通粉球個皮同醬ok，但個粉太粉真係好差我會寧願去食一碟正常嘅焗意粉Buffalo wings得個酸字，仲唔係一般嘅酸叉住隊埋口個下刺鼻到要拎返開辣味欠奉 勉強食左兩隻個醬入面都有blue cheese碎 再次唔評論友人話試過唔同款嘅cheesecake冇隻好味所以就skip左dessert成餐冇樣野推介 埋單$519我到底食左d咩黎⋯…Read More