ariellaso的個人專頁

📍中環六如｜想食好啲但又唔想去傳統酒樓？呢間幾啱！最近同屋企人去咗中環一間叫「六如」嘅粵菜餐廳，環境幾舒服，唔會太嘈，啱晒慢慢食慢慢傾。啲菜式有啲傳統、有啲創新，整體都幾有驚喜。🥢前菜方面黑磚豆腐炸得好香脆，入面豆腐滑到好似要溜走咁，幾特別。煙燻糖心蛋都唔錯，蛋黃啱啱好，仲有啲木耳加埋一齊食，口感幾有趣。陳皮魚茸𡙡就比較有驚喜，用咗十年陳皮，味道幾香，魚茸切得好幼，唔腥。🍲燉湯真係幾足料，有雞腳、排骨、烏雞、雪梨，飲落去清甜又暖胃，唔會太油膩。🦪海鮮煲好大煲，啲蠔同花甲都幾新鮮，蒜蓉落得夠多但唔會搶味，食得出啲海鮮本身嘅鮮味。🥩牛仔骨配青麻醬幾特別，麻麻地但唔會辣喉，牛仔骨煎得香口，配埋燒菠蘿幾夾，酸酸甜甜中和咗啲油膩感。🍓甜品係士多啤梨芝士軟糕，唔會太甜，口感好綿，似日式芝士蛋糕，幾好食。整體食物質素唔錯，啲菜有心思，啱晒想食得好啲又唔想去酒樓嘅時候，無論係同同事聚餐定一家人食飯都幾適合。…查看更多

尖沙咀有間韓國餐廳叫漢城美食，原來佢哋自2001年開業，係香港其中一間最早期嘅韓國原創餐廳之一。最近仲有特價優惠，真係抵食到唔食唔得！🥢 牛肉紫菜飯kimbap，紫菜包得好緊實，牛肉夠香口，食落唔會散晒。🦀 醬油蟹配紫菜飯團，蟹膏鹹香濃郁，撈飯一流，啖啖都好滿足。🍲 人蔘雞湯年糕配白飯，湯底清甜又有藥材香，雞肉嫩滑，年糕煙韌，好暖胃。🧀 芝士炸雞翼配年糕，炸雞外脆內嫩，配埋年糕真係好邪惡但好好食🤣整體嚟講，漢城美食真係最實惠嘅韓國餐廳之一，食物有水準，價錢親民，仲有優惠，尖沙咀搵韓餐嘅話可以一試！#香港韓國餐廳 #尖沙咀美食#尖沙咀好去處 #香港韓餐#韓式料理 #漢城美食…查看更多

尖沙咀有間好有「家」味嘅韓國餐廳——家家戶戶，溫馨小屋設計，仲有塊半身鏡打卡一流🪞主打家庭式韓餐，套餐選擇多，辣唔辣都有得揀，70幾蚊已經有交易🤝可以食到正宗韓餐！叫咗韓式牛肉石頭飯、海鮮炸醬撈麵套餐，套餐包泡菜、韓式餃子、海帶湯，仲有益力多做甜品，好有心思😆韓式牛肉石頭飯套餐韓式辣醬伴飯一流，唔會過鹹，味道啱啱好👍🏻仲有好多飯焦😋海鮮炸醬撈麵套餐炸醬撈麵醬汁濃郁，味道好正宗，海鮮配料都有好多🍴芝士炒年糕少少辣好啱唔食辣嘅朋友，年糕好煙韌🧀忍唔住唔覺就食哂成碟💓…查看更多

湘舍壹號嘅商務二人餐，$350兩個人，平均一人唔使$180，份量足到三個人都夠食，性價比真係勁高🔥小食香脆番薯薯片，甜甜地幾好食前菜燒椒皮蛋真係有驚喜，燒椒香氣十足，配埋皮蛋一齊食，雖然好辣，但係會忍唔住係咁食小菜砂鍋虎皮豆腐上枱仲熱辣辣，醬汁濃郁又唔會太鹹，好啱配飯主菜18秒牛肉炒得啱啱好，牛味濃又唔韌時令蔬菜炒椰菜爽口主食青稞餅有穀物香，要襯熱食，細心位係有熱碟，所以令到嗰塊餅仲好熱雪耳紅棗糖水收尾，清甜又滋潤💓整體食物質素唔錯，環境坐得好舒服，靜靜地好啱同老闆食飯，唔怪得有好多人講係高質平價商業精英飯堂 📍湘舍壹號灣仔駱克道57-73號香港華美粵海酒店1樓…查看更多

炒麵麵包（焼きそばパン）簡直係碳水配碳水最佳組合，好耐之前都曾經Hit過炒麵麵包，嗰日去咗北角間笨蛋漢堡發現居然仲有得食！🍝日式炒麵漢堡雙重碳水炸彈，漢堡包中間夾滿咗一大份炒麵、煙肉、雞蛋，加埋大量沙律醬同煎香左嘅漢堡包，有啲冷門但係唔會邪門，堅好食！🍔招牌超級笨蛋漢堡兩塊手打牛肉、煙肉、雙層芝士，大大個超足料，加餐配埋芝士薯條同埋炸雞，小食整得一啲都唔Hea，芝士薯條放咗入焗爐焗到啲芝士半融狀態，所以拉絲好正👍🏻炸雞炸到卜卜脆加埋啲甜辣醬好惹味，返咗成日工就係想食呢啲邪惡嘢！漢堡性價比都幾高，食邪惡嘢都可以慳住荷包！…查看更多

鬧市中一角嘅旺角cafe Station3 Cafe ☕️ 一入門口已經有好大個櫃可以揀board game，好耐未試過一邊食嘢一邊玩game💓好啱約埋一大幫朋友聚會🎈靜靜地又好休閑，冇限時唔哂好似有啲cafe，食完野要即走。重點係佢哋啲甜品真係好掂Dinner set包一杯$38飲品1️⃣香蒜白酒蜆肉意粉🍝 份量都幾大，足料蜆肉，香蒜味都幾重2️⃣西班牙海蝦辣肉腸燴飯蕃茄味好濃🍅海蝦同辣肉腸嘅份量都唔錯加$20幾蚊都可以叫特飲🥂1️⃣ 審判飲品好特別，係會用塔羅牌名明，叫咗杯審判係青蘋果菠蘿薄荷沙冰，好大杯好清新2️⃣ 朱古力沙冰上邊有大大個忌廉雲頂😋超級邪惡甜品+$381️⃣朱古力蛋糕鬆軟嘅海綿蛋糕加上朱古力慕絲，仲有可愛嘅Labubu 朱古力裝飾打卡一流✨2️⃣開心果麻糬Tiramisu🍰超級多開心果碎鋪滿咗tiramisu面，裏面仲有拉絲嘅麻糬，層次感滿分💯 唔甜係香港人對甜品嘅最高評價性價比好高，openrice book 位仲有單點menu 8pm前75折，8pm後5折，抵玩又抵食👅Station 3 Cafe📍 旺角洗衣街39號金雞廣場25樓08室…查看更多

位於中環小巷嘅居酒屋，舖頭細細但係氣氛溫馨，牆上面有特色嘅日本公仔插畫，好啱收工同朋友聚一聚！開胃菜1️⃣燒鱈魚干燒到啱啱好，脆卜卜配埋蛋黃醬，忍唔住不斷食2️⃣梅子蕃茄酸酸甜甜，口道清新好開胃刺身1️⃣好特別居然有得食原條嘅秋刀魚刺身，秋天正正係秋刀魚最肥美嘅時候，配上特製嘅薑未蔥醬油同埋醋，食落去唔會覺得好腥，肉質鮮嫩2️⃣鮟鱇魚肝口感滑嫩，配合醬料好易入口炸物1️⃣雞皮餃子雞皮炸到卜卜脆，雞肉內餡好豐富啖啖肉，配埋酸醬超好味2️⃣唐揚雞分量幾夠，卜卜脆又唔會過分油膩，鍾意食唐揚雞嘅朋友唔可以錯過串燒1️⃣雞肉大蔥燒到啱啱好配爽脆嘅大蔥，好有層次感2️⃣免治雞肉棒雞味突出，配埋無菌生雞蛋，口感濕潤，加埋裏面有啲嘅軟骨，最好食嘅串燒3️⃣ 雞翼外皮燒到焦香，而且又拆開咗雞翼兩邊燒，所以燒得非常均勻，好適合一路食一路飲酒4️⃣ 九條蔥豚肉卷豚肉燒得好嫩滑，配埋九條蔥香味十足5️⃣ 豬頸肉肥瘦適中燒到啱啱好，燒汁醬料甜甜地中和咗豬頸肉嘅肥膩感。…查看更多

香港越嚟越少餐廳有泰式燒烤火鍋🥘🥘 หมูกระทะ muu-Kra-ta 中間食燒烤，燒肉形式就同韓燒好似，側邊就可以打小型火鍋叫咗個2至3人份量套餐，大大份鮮肉同埋海鮮🦐🥩一次過滿足晒兩個慾望一邊打邊爐，一邊燒肉真係好正🙌🏻1️⃣燒肉之後配埋兩款泰式醬汁😋超級惹味2️⃣冬蔭功湯底攞嚟打邊爐淥海鮮，好入味，令到個湯仲好飲咗每個人百零蚊可以試吓泰式燒烤火鍋，未試過可以體驗吓，不過位置係有啲偏僻，唔近荃灣市中心！槾悠 (荃灣)荃灣青山公路 - 荃灣段388號中染大廈(8咪半)1樓115號舖…查看更多

Appetite紅蝦他他魚子醬冷天使麵🦐感覺就係豪華版嘅蝦子麵Soup Cappuccino野菌濃湯配自家製羊肚菌曲奇 菇味超足加埋打到泡沫型嘅cream同埋曲奇，呢幾樣嘢都好夾Duck three-ways三種唔同鴨部份整成嘅料理，可以體驗到三種唔同風味1.蘋果木煙燻慢煮鴨胸一打開有好多嘅煙熏飄出嚟，視覺💯超級濃郁嘅煙熏味令到原本鴨臊味冇咗2.油封鴨腿肉鴨肝脆春卷鴨腿肉滲出嚟嘅油配埋春卷食，唔會過分油膩，而且春卷係超級卜卜脆，有少少中西合璧嘅感覺3.法式鴨肝醬焦糖燉蛋鴨肝醬配焦糖燉蛋，估唔到都幾夾，甜甜鹹鹹咁，胃口大增！Main 香煎八爪魚意大利飯香辣嘅蕃茄醬配埋芝士泡沫都幾惹味🔥香煎盲鰽魚柳伴意大利青醬魚嘅肉質嫩滑，伴碟仲有好多蔬菜超級足料我哋都嗌多咗兩個Main，每一日都有款Main會有半價💓 半價又幾抵食蜜汁烤焗原隻法國春雞配羊肚菌醬🍗春雞仔肉質嫩滑，蜜汁燒到啱啱好龍蝦忌廉汁虎蝦扁意粉龍蝦忌廉汁正，意粉嘅煙韌度適中，食完真係超級飽。Dinner set 包咗appetite, soup,second course, main 同免費嘅火焰雪山，唔使擔心食唔飽😋生日仲會免費贈送一個木質嘅即影即有相架，超級有儀式感同誠意嘅慶生餐廳🍴…查看更多

淺水灣被churros 耽誤嘅南美餐廳最近去淺水灣發現沙灘附近有一排好有氣氛嘅餐廳，入咗最近一間裝修幾靚，有少少好似返咗去峇里島啲Cafe咁！Grilled Yellowtail taco 🌮 烤油甘魚可以揀魚嘅生熟程度，揀咗五成熟，魚肉嘅肉質啱啱好唔會太嚡，配埋菠蘿同埋芒果莎莎，好啱夏天咁熱食嘅finger food!Hand Piped Churros 完全冇估到呢間南美餐廳嘅churros咁好食，超級卜卜脆，個人覺得仲好食過Bayfare Social嘅churros💓 上面嘅肉桂糖啱啱好唔會太甜，再配埋佢個焦糖醬真係Perfect。食埋椰子雪糕，消暑一流😋 真心會為咗churros再搭車返嚟食當日仲有DJ打碟杯酒真係可以chill過夏天🥂…查看更多

平時喺將軍澳搵食，都會路過呢間西餐廳，今次終於入去試吓佢哋啲嘢食，單點相對冇咁抵，所以就食咗佢哋嘅精選二人餐，食到超飽沙律/餐湯包咗兩客，沙律菜新鮮配上三文魚，份量都幾足，兩個人食都冇問題。蕃茄餐湯味道都好濃郁，但係唔會過分酸。Parma ham & Burrata cheese salad 🥗 芝士超級濃郁配埋Parma Ham嘅鹹香同埋沙律菜本身嘅啲白醋食落真係好開胃！炭燒榖飼澳洲肉眼扒拼香草牛油焗波士頓龍蝦尾一次過滿足晒想食肉加海鮮，肉眼扒唔會過分嚡，配埋燒汁食，味道唔錯。波士頓龍蝦尾咬落都非常彈牙🦞慢煮甜酒燴和牛面頰肉配寛蛋麵套餐包咗任揀一款意大利飯/意粉，咁就梗係試吓menu價錢比較貴嘅意粉😂 慢煮甜酒汁會太過油膩，配埋寬蛋麵都幾夾。和牛面頰肉煮到非常腍，有驚喜估唔到咁好食。Tiramisu 做緊優惠叫套餐可以減$20，大大件Tiramisu幾抵食，比想像中有驚喜，咖啡味超濃，而且唔甜，真係香港人對甜品最高嘅評價😋大大杯消暑飲品菠蘿芒果薄荷同百香果橙沙冰沙冰超級清新，超級大杯，飲完真係好解渴🥂消費仲有代幣送可以玩吓夾公仔，夾中咗一個公仔掛飾同埋一張紅白酒券，又可以即刻兌換嘢飲飲🍾…查看更多

中環返工收工，每次都要諗點樣食得經濟實惠啲，今次就見到有間茶記入去試咗，叫咗個西冷牛扒有兩塊同埋有啲薯菜，如果唔淋汁嘅話，薯菜係冇乜味😂 加埋汁就啱啱好，九十零蚊包埋嘢飲，同埋羅宋湯，算係咁。另外叫咗個海南雞飯，海南雞嘅份量適中，咁啱食到雞髀位，所以都幾嫩滑。…查看更多

康城不嬲都冇乜嘢食，呢間越式餐廳算係有多款式揀，今次試咗佢個蕃茄檬粉都幾好食 不過裏面啲肉丸有啲臊味，唔知點解！之前食過佢其他嗰啲撈檬好似好食啲，加埋凍飲埋單$80有找算係咁。…查看更多

中環最近開咗間新式嘅茶餐廳叫做銀芽，聽個名覺得好搞笑🤣所以嗰日收工就去咗試佢哋嘅晚餐$108 可以叫到一個6品家常料理，包咗前菜、紫菜拌飯、主菜、燉湯同埋養生茶🍵 食完成個套餐唔使擔心唔夠飽😂前菜沖繩醬油牛筋煮牛筋煮到好軟身，醬油係有少少鹹鹹甜甜韓式醬煮蓮藕片蓮藕片係冷前菜，甜甜地幾開胃主菜飛魚子賽螃蟹配生雞蛋翻炒過嘅蛋白蓬鬆嫩滑，有埋生雞蛋嘅加持，蛋白即刻變到超級金黃色，撈飯一流芥末安格斯牛柳粒估唔到喺茶餐廳都可以食到咁有鑊氣嘅小菜，牛柳粒咬落去唔會柴，重點係佢哋嘅薯仔粒係油炸過👍🏻茶碗蒸篜蛋係非常滑捋捋，裏面仲有肉冬菇同埋竹崙，又係超級足料養生燉湯沙參玉竹雪梨燉排骨真係女士嘅最愛，超級養生，湯水係超級清甜，喺平時閒閒哋買一個湯包都要$50，呢個餐百零蚊就已經包埋燉湯，真係性價比高養生茶陳皮山楂玫瑰花茶唔係嗰啲普通茶包，望到菜內面擺咗陳皮同埋山楂落去🍵 就咁睇108蚊覺得性價比唔高，但係食完感覺成個套餐對得住佢嘅價錢。中環收工嘅朋友真係好推介大家去食，間餐廳環境坐得幾舒服，又可以飲碗靚湯😆…查看更多

美食係前菜，音樂係主菜🎶 Lost stars, Begins again!Lost stars 一直都係美食同音樂水準兼得嘅餐廳🌟好欣賞老闆為本地創作音樂人提供平台同埋渠道比更加多人欣賞佢哋嘅音樂🔥之前見到佢哋喺大角咀嘅餐廳執咗都好可惜，知道佢哋喺尖沙咀重開覺得要去支持吓餐廳嘅環境非常浪漫，適合過一個微醺嘅晚上🍸埃及單骨棒棒雞 $148 6 隻單骨雞翼炸到卜卜脆，配上清邁辣醬係開胃菜嘅好選擇法式熱熔蜂蜜芝士 $168味道非常濃厚嘅芝士火鍋，當芝士撞上蜂蜜，蜂蜜嘅甜溫中和咗芝士嘅鹹香，再配埋麵包🥖 芝士迷必點Black Truffle Risotto $268Risotto 有濃郁嘅Truffle味而且好Creamy😋美國安格斯肉眼扒 $348 10oz 肉質唔會嚡五成熟啱啱好，份量都算幾多，算幾有驚喜手工芝士烤雞卷 $288 4件雞卷嘅外皮超級卜卜脆，配埋芝士同埋忌廉奶油醬，滿足感10分Signature cocktails Cocktail全部都好特別，係用咗情歌命名💓Versace on the floor $158成杯Cocktail莓味偏甜，容易入口，冇乜酒精味，適合唔飲得酒嘅女仔朋友We found love $138 呢杯Cocktail相對vodka味會比較出，一入口嘅時候會有甜甜嘅荔枝味，同樣好適合想飲少少酒又唔想太醉…查看更多