JuniorChan's Profile

叫左滷豆皮鴨血豆腐的銷魂麵餐，麵質彈牙，撈麵汁微辣得過好過癮。滷豆皮係多層厚身，似素鴨個類的豆品。整體好食但份量偏少，男士的話，麵最好“加底”，而滷豆皮係2件，鴨血及豆腐各3件。。。份量唔夠食。成個餐沒有配送飲品，成個連加一，需過百元賣單，我認為定價太貴。環境方面不太好座。好可惜…Read More

所有串燒做得好香脆，調味足夠，燒味噌飯糰好香口，刺身（*松）厚切鮮美，另叫左活赤貝，好好食，串燒的份量好足，最怕孤寒店家；每座都配小份椰菜片，甘荀及青瓜條，可在串燒間夾食，清味蕾。阿波尾雞翅=肥少肉嫩，雞皮/腎/軟骨都出色；必點免治雞肉棒，用心地以特別的器皿上菜，有心思可打卡。豚之大腸及荔枝豬肉卷，有點驚喜，大腸有炸大腸的口感（*香脆）配上日式的醬汁，建議配七味粉，或做個辣醬更 惹味豆腐，四邊脆，個醬汁適中，似用薄醬燒，好食柚子芥末墨魚鬚，最中規中矩.梅酒，細杯左D，如果找些自製自浸的品牌更好。 位置坐落成棟都係餐廳嘅大樓，旁邊亦都有幾棟餐廳大樓。同類嘅串燒居酒屋其實都有好多，今日喺未有訂位情況之下，我一人走咗三間唔同餐廳都已經滿咗喇去，感恩呢間還有位，亦慶幸係好食嘅。環境好舒服，算7成滿座。客與客之間，都預留足夠的空間， 唔係坐到密質質。起初擔心星期五晚，黃金時間竟然仲有空位，會唔會質素麻麻呢？但大結果我張帳單就係最好嘅證明喇 有讚就有彈啦，首先樓面方面，雖係有禮貌，不知道係侍應，一家人生意定係幾位老闆本 尊，經常都係看電話，機不離手，再唔係圍埋一邊偈計，非常chill；唔會主動幫你留意茶水添加。我自問個人消費，完全係比多人枱人均多， 今時今日一個人入座食串燒，大家睇到我點的菜也不是平價食品， 佢哋嘅定價係中價， 我都點接近1000， 咁樣嘅消費一般嘅日式餐廳都會送甜品，但佢哋冇。 因為這平台係打食評，食物方面實在冇咩挑剔，所以講唔上要差評；不過希望樓面培訓上要有啲改善。…Read More

羅漢齋腸粉，食得出的手工拉腸，腸皮是較厚身有米味，結結實實，一碟會半飽個款，餡料好足，上碟3大條粗身款，甜醬油調得剛好，非常好食。腸粉堅好食，我淨叫米皇腸外賣自私食四寶雞扎，大大件，魚肚冬菇厚切配豬肚雞件，軟冧汁濃， 但我建議將豬肚片改為包裹芋頭更佳。鳳爪， 經典嘅醬料味道，穩打穩紮，這家改用齋根襯底，我覺得普遍用豆卜襯底，更能吸塑醬汁， 我今日食到嘅齋根底有啲厚實，怕是蒸唔透。。。炸芋角，不俗，含肉碎餡。手工點心，樣樣鮮製，環境還好，空氣流通但座位不算太舒適，還望改善；另收費系統自動進一（*即無小數位）。在同區點心店性價比高，支持本地食肆，港人嘴刁，識貨自來。…Read More

醬油蟹面=醬油蟹，多膏又鮮美，但面底湯汁太鹹，鹹到惹痰。。。。份量好足，夠2人份。薯仔芝士煎餅，身厚邊脆，不算油膩，還可拉絲，本身好夠味，其配搭的醬汁帶酸甜。韓式醃漬=餐廳配送，好大氣哦，送5款，其中年糕及白蘿蔔好食餐廳主攻烤肉及食排骨，眼見份量好足夠，適合三五知己齊齊分餐廳位置距炮台山地鐵站不遠，走5分鐘路程，環境舒適，座位空間夠，燒肉時不太串味。…Read More

餐廳在故宮地面層，面對維港景色，若冬天到訪，坐餐廳外的座位，有風，陽光及海景，好寫意。薄餅定價略高，可能跟餐廳位置有關，鹹甜款皆宜，上餐速度快且招呼週到。餐飲沒問題也沒特出的地方。…Read More

好正呀，脆邊雙蛋，3日3夜羅宋湯底又好飲足料，港式奶茶好滋味。而且餐廳開好早，價錢相宜。我好滿意。餐廳的早午晚餐都食過，祥仔餐廳分店雖然減少，但食物品質沒改變。…Read More

先食評，再投訴服務吧。沙律意粉係好食。沙律含新鮮爽脆的羅馬生菜芯，紫椰菜芯，熟手指紫洋蔥，一堆沙律菜苗，切片啤梨，碎合桃，配上酸甜又超少辣的芥末籽沙律汁，又因有啤梨的微甜互相配合，這款沙律為週日酷熱天氣的第一餐帶來清新。意粉味濃黑椒重（*這一點，點菜時有被提醒），長通心意粉掛上蟹味濃郁及適量巴拿馬芝士碎，成碟份量剛好，再多就浪費了。餐廳的服務員只有3，4人，但我作為第一批單人客，實在唔應該出差錯，可惜一位男服務員破功了。唔知係咪服務對象平民化左，餐廳又坐落在這種，交通不便的地方，服務員的專注及積極性都減低咗，例如由餐廳門口行到男職員前面都沒反應，反而要後方煮食水吧職員出聲才察覺，之後講明沒有預約，伸住1隻手指話只有一個人，男職員安排位置後，另一位女職員下單， 到我同佢再講我只有一個人，可以收對座餐碟時，佢個樣好驚訝， 似乎我係坐咗一張應該已預座嘅枱。 直至到我食曬所有嘢，買單時女職員單上一杯飲品從來未有送到，女職員又驚訝咁望向剛才男職員， 唯有聲聲抱歉地請我賣單。 我覺得如果男職員係做水吧，兼任侍應沒反應兼派錯位都可以諒解，但漏單就係失誤， 而且全程都係得個女侍應自己一個人食曬所有死貓。 咁樣嘅服務質素就算去返大坑，都唔會有人理解吧。…Read More

食完第一啖覺得非常好食的情況之下，竟然忘記影相，醒覺嘅時候已經食咗一半，唯有影餐牌，事實上，實物如圖，不論賣相，味道都一流，我叫5成熟，肉質冧軟味濃，一食驚喜，一啖接一啖，汁料自選，我選蒜茸汁，我喜歡其薯菜係真材實料的原件香料焗薯仔，而非平常見到的膏狀混薯粉；這套餐在做推廣，連餐湯，餐包，飲品，加一後$152埋單。成個成品簡單直接無花巧，一人食大滿足還要俾like服務員，態度有禮，環境舒服，人客多，食物要等點時間但值得…Read More

羊肉，好好食，肉身厚，但煎得剛剛好，外面金黃焦香，肉質粉紅，富肉汁且質地冧嫩，配燉菜，連裡面的蒜頭粒都好好食，個味道好夾。我們更是一枱叫了4碟，但每碟的水準統一，沒有失望青醬意粉，不油膩，不‘確口’。玉米球，幾乎西式素食餐館都會做的一道菜，這家沒有令我們失望。這家的菜式份量，味道都不輸酒店餐廳。從外面，好難了解到竟有呢種水平。繁忙時段是要多等些時候，但服務生態度積極又笑容可掬，真心推薦。…Read More

太好食了，炸三寶必點，係炸魚皮，雲吞，魚角，全部超好食，魚皮及雲吞鮮脆，chokchok聲，已經唔捨得放入湯來食，雲吞含細蝦豬肉末及冬菇，如果係晚市，必點，配啤酒沒得輸。湯河白滑，放涼後的河粉都沒有黏成一舊舊。記得餐廳只收現金。…Read More

食材配搭一流，好多款都想食，點了A5鮮帶子龍蝦汁椰菜花飯，食完都無罪惡感，還食到松子仁；焙茶燕麥奶拿鐵，亦好飲，飲品中有焙茶啫喱塊。唯服務生方面需加強培訓，例如沒眼力見，在餐廳有空位的情況下，未食完都頻頻來收餐碟，唔知趕乜？利申=我入座都不夠一小時，而且餐廳沒有提及有用餐時間限制。…Read More

差唔多下午2點去到餐廳，好受歡迎有少少人龍，大概要等20分鐘，就食到外脆內軟嘅越式法包，以前食法包有被𠝹口的體驗，今次沒有非常好食我食的係五花腩法包，長度約長過手腕少少，餡料醬料配搭無得輸（*除了當中的炸豬皮），五花腩被撕開一絲絲配醃酸蘿蔔加上䔳茜（可走䔳茜），一大啖咬落去，微熱外脆內軟，即焗即食就有這個好我唯一的意見是，當中加入的炸豬皮，我猜係原意增加口感多樣性，就似食蛇羹會加蛋散片咁，我認為職員要篩選下，因為炸豬皮的邊邊角角令到法包變得咯口，原本咀嚼時全是軟身的食物，好似突然咬到小石頭的感覺，希望有所改善。法包菜單兼顧得好，有雞肉及素食款式可選，可惜小食類方面，可能剛開店，還未有足夠的儲備，下次會試素食款的。限量法包，名𣎴虛傳，不夠下午2點半，法包售罄。用僅餘嘅lunch time特登過來一試，好彩我能食到。…Read More

祥仔旗下的餐廳全都食過了，全部都是誠意之作，沒有馬虎了事，這間餐廳前後都食左4次，每次都沒有令人失望，合理價錢之內，港式茶餐廳的菜單款式，但食物品質是高水準的，紅湯是必點的，千萬別小看它，不是一般例湯. 註=圖中套餐本身只配飯或薯菜，但我查問職員後可轉配意粉。…Read More

平台係計對餐廳及食物，就先講下，食物擺盤幾好，食物係叮熱的，但味道沒問題。因為喺嚕貓店，只提供紙包飲品，這也沒問題。重點來了=空氣質素惡劣，嚕貓好開心滿意，但事後上番街道地面時（餐廳在地庫），我竟感到馬路旁的空氣比餐廳內更舒爽D。下面詳述環境，空氣質素及主子質素餐廳本身在地庫，樓底高，加建閣樓，分成2層。樓上放了好多雜物，主要讓小孩兼做手工班。當日係週末中午，唔知係我太早？（*其實都開門後2小時便入座）定職員清潔唔切。首先地下層正中，明顯有剛俾主子們用膳後的狀態，大部份主子都在休息間睡著，所以我地轉往閣樓先參觀，因為閣樓有活躍的主子們在徘徊，一上到去便有刺鼻的貓尿味？！好濃烈的阿蒙尼亞味（*我帶住N94口罩都聞到），我見到中央空調的隔塵網都黏滿貓毛，因為才初到餐廳，唯有強忍氣味先跟主子打卡，職員亦襯機將小食先送上，原意想我們未被主子包圍前可進食，但可惜氣味濃郁到打開口罩進食時已作嘔。我嚴重懷疑職員們的嗅覺是否已壞了，所以未能逗留15分鐘已落番地下層。地下層的氣味比只係比閣樓減輕，但仍是有氣味的，之前讓主子用膳的地方都被打翻水盆，整個中央位都是水。。主子們仍在週邊徘徊，可笑是職員們到底在做什麼，竟冇人發現，我唯有出聲要求清理，否則根本沒有太多空間跟主子互動。難得地下層的設計光亮及木色系，作打卡背景是一流，可惜氣味太惡劣。主子們本尊=大部分名種貓，數量多，毛順滑也乾淨，只看外面，我相信平常照料及補充品等都充足的，而且大部分主子都活躍主動會宴客，以嚕貓店來說，主子們質素及反應都好滿意。職員（客服）表現=初接待我們的，應該較資深，未入餐廳門時，只叫我們除鞋，套對腳套便可入去，但我地除左鞋，坐在門外板凳，等左5分鐘，未見有人取腳套出來，唯有又在門外揮手，個職員才出來話=你地著埋腳套入得來啦，我反問=我誤會你在店內拿出來俾我們呢，請問腳套係邊呢？個職員就指一指板凳旁的紙箱（*箱面是蓋好的）話=係裡邊。 然後就返入店內。。。令人無語，我又唔係職員，點知你的物品放邊，更唔會隨便打開一個類似淘寶到貨的紙箱吧？！進店後，資深職員派菜鳥職員先向我簡介收費套餐及嚕貓規則，還不避嫌咁指引及糾正菜鳥職員要怎樣表達用詞去向我們銷售收費套餐。。。。又一次無語，大姐，唔該你行埋一邊教啦，咪阻住客人時間。打後介紹主子們的姓名，性格及至serve 小食，店內打掃清潔都係菜鳥職員笑容可掬，語氣親切地一打十去做，資深同事合共2位只係適時出現，例如管理主子出場數量，教客人如何跟主子互動。其他食評提及的“黑臉”職員，我倒不見，但資深職員態度散慢，又不熱心待客，這是明顯的。在購買2小時套餐後，我認為集中跟主子們互動才是王道吧，主子無罪，嚕貓有理。所以對於店內的氣味問題，見到職員們都無動於衷，相必都已經鼻子失靈，搶救無效，正如食煙的人唔覺自身的煙味夠重。總結=成間店主子質素高，集中嚕貓，你不會失望。但食物只是合格，沒特出地方。…Read More

胡椒湯的豬雜湯麵，清湯蘿蔔，自家製菊花茶，若你唔食得辣，建議唔好叫胡椒湯底，師傅落好重手，幾乎連豬雜的味都食唔到，但豬雜的確新鮮好食，還在碗上灑上大量唐芹碎，好香，叫係有啖菜咬下中和下。清湯蘿蔔都有好幾件，清湯即係豬骨湯底，易入口好多，免費任添的辣蘿蔔真係辣到飛起，唔食得就唔好拿太多，少量配湯麵好滋味最後食到個人暖晒，條唎都辣晒，就叫多杯菊花茶，成個餐都滿意，墨魚頭定價小貴，唔捨得食，炸魚皮今次沒叫，下次再試。見餐廳推出外賣豬雜火煱料套餐，我好心動，定價合理，冬季先去買。最要讚係，間餐廳好乾淨，枱椅連調味醬料瓶，牙簽筒，食具桶等都抹得乾淨，坐得舒適，侍應服務殷勤有禮。…Read More