king12122's Profile

同朋友仔去完海洋公園就過銅鑼灣找好東西吃。見呢間印尼餐廳啲Comments幾好，啲野食又好似好吸引咁，一於試下。開頭行經過餐廳門口都無為意😳，因為門口好似平時啲印尼士多，但入到去非常之企理，又乾淨又舒服。👍🏻👍🏻因為為食妹同朋友仔都唔想食太多飯，但又見餐廳既綠色既班蘭飯好得意咁，所以叫左一份飯，一份主菜，一份小食，一份蔬菜，兩杯飲品，呢兩個女人胃口真係唔野少，哈哈哈哈😝😝😝。無辦法啦，餐牌好多野都好吸引，好多野都想試，女人嘛🤪。🥗加多加多沙律（$68）我地本身係想試秋葵既，但可惜侍應姨姨話星期一至五先有，星期六日只供應三款蔬菜。佢就推介加多加多沙律，話係傳統印尼沙律，咁就試下新野啦。呢個沙律同平時食開既西式沙律好唔同😳，佢係用沙嗲做醬汁，配青瓜片、熟左既椰菜芽菜豆角，仲有豆卜、好似豆乾既物體同幾舊好似飯既物體。好豐富，好特別又好好食。👍🏻👍🏻🍛燒雞班蘭尖塔飯（$98）好靚既擺盤！班蘭飯好香有少少creamy既質感，熟度岩岩好，唔會太生又唔會太爛。😋😋燒雞都香口，朋友覺得乾左啲，但為食妹就幾鍾意。雞皮燒得好脆👍🏻，面頭既醬有啲似韓式既甜醬油咁。😋😋🐤班蘭雞半隻（$90）首先無諗過切雞會擺到咁靚😱😱！好有心思❤️❤️。隻雞亦都好好食，雞皮好薄好爽滑，肉質亦都爽口，唔會太淋又唔會鞋，好食🤩！佢有兩款醬，一款綠色唔知係米班蘭醬，另一款係甜醬油膏，為食妹就傾向就咁食雞多過沾醬汁🤭。🧆炸豆腐（$38）呢個小食好抵😍😍👍🏻！ $38有四件好大件既豆腐，而且仲要係好好食😋！ 豆腐好香脆一啲都唔會乾，而且佢仲要係為食妹鍾意既硬豆腐，豆味較重而且又有咬口。配埋伴碟既辣椒小魚乾食，好好食，好香，辣得好過癮🔥！為食妹大愛😍❤️❤️！🍹印尼咖啡涼粉冰（$38) & 🍹柑桔青瓜冰 ($28)朋友飲咖啡冰，為食妹飲柑桔青瓜冰。咖啡冰味道完全係咖啡糖既味道😗😗。柑桔青瓜冰飲落去竟然係班蘭味，柑桔味就飲唔到🤷🏻‍♀️，但青瓜絲令到杯野飲幾清新。兩杯野飲都幾得意，但對為食妹黎講就甜左啲🤭🤭。整體黎講呢間野好抵食👍🏻，啲野亦都好好食，性價比好高，成餐飯食得好開心好舒服😋😋❤️。…Read More

上年已經聽屋企人講The Upper House既Afternoon tea 好難食 (個陣仲係Cafe Gray Deluxe)。見佢最近轉左做Salisterra，就諗住可能會好食左都唔定，但...都真係幾難食...😩😩🧆首先咸點- 由前菜到成個咸點platter都係唔熱既😕😕- Platter 左邊2款似麥餅做既底餅一啲都唔脆，韌韌地，似漏左風咁😕- 三角形個件野一食就覺得好油膩同埋啲油好感覺用左好耐咁😕- 比較好食既係圓圓地既蘑菇批，好多菇好香😋🥧甜點- Scones 打橫切開黎食，上面個一半係硬脆既，而下面個一半就糊糊地咁黏口既。係我食過既scones入最唔好食既。而buttercream 感覺亦好heavy。😐😐- 中間個士多啤梨小撻係唯一比較好食，cream好light，撻底好脆(朋友就覺得硬左少少)👍🏻👍🏻- 圓形金色個件shortbread 甜到漏，我同朋友們都覺得完呢件漏到無意欲繼續食🥴- 個泡芺無聊到不值一提🤷🏻‍♀️- 熱情果芝士蛋糕真係好難食，又咸又酸又膩，食2啖就食唔到落去🤮第一次食afternoon tea係難食到會食剩野😕😕。不過佢既Lemongrass ginger tea 好飲❤️…Read More

雞蛋仔就成日食，格仔餅就好耐冇食啦。突然心血來潮想食格仔餅。新派宇治抹茶紅豆格仔餅 ($25)本身以為啲紅豆係好似啲花生醬咁搽係格仔餅度。點知有啲出乎意料之外😳😳啲紅豆原來係個格仔餅餅皮度，而且個量都好多👍🏻👍🏻抹茶未就唔係好食到，但蛋味都有既。餡料都夠多，花生醬同煉奶都唔少。so far都食得好滿足😋食半個都已經好飽！…Read More

為食妹係個蟹柳控，平時食日本嘢都好鍾意叫蟹籽沙律嚟食。荃灣前排開咗一間食日式fusion野嘅餐廳，啲嘢食都好靚好吸引😍😍🥗龍捲風沙律 (折後$50 - openrice自取85折）呢個真係超級超級超級之好食！ （重要嘢要講三次）首先呢個沙律最多嘅唔係沙律菜，而係🦀蟹柳絲同埋海草(中華沙律）。平時啲日式餐廳都會將海草獨立咁作為一份沙律，但原來佢同蟹柳再加埋生菜一齊撈埋食係超級之好食😍😍😍😍！其實呢個沙律既份量一啲都唔少，但係食完都仲係會覺得意猶未盡好想再食🥰🥰。🍣卷物拼壽司 (火山+火炙左口魚邊及蒲燒鰻魚壽司）(折後$75 - openrice自取85折）個火山卷係咪同個沙律有啲似樣呢？冇錯佢哋都係有好多嘅蟹柳絲😍😍火山呢一個嘅蟹柳絲係混合左一啲帶子肉係入面，多左少少清甜，蟹柳絲表面似係燒過，但我覺得乾左啲。除咗上面有大量嘅蟹柳絲之外，啲卷入面都仲夾有蟹柳，食個時有少少牛油果味，都幾唔錯👍🏻至少2款壽司味道都唔差，左右魚都燒得好香，但就因為太大舊飯，所以一啖食一件個陣，唔係好食到魚味。總括嚟講，沙律係最好食架!😍下次再試下佢其他卷物，佢啲卷物都真係好靚！…Read More

青衣碼頭有一間細細地，又有啲舊唔太起眼嘅甜品小店。但門口貼住一啲報章既報道好似又有啲料到。為食妹最鍾意試小店架喇😎法式焗香草燴梨 ($59)第一次見呢一款甜品，淨係聽個名都已經好似好高級咁。點知個賣相都真係好靚😍😍望落去好似燉蛋咁，但其實似係啲雲呢拿汁嚟嘅，入口暖粒粒，好香尼拿味又好滑。汁嘅底部有一片片嘅燴梨，甜甜地，配上雲尼拿汁一齊食，好好味😍😍配埋上面球雲呢拿雪糕食仲正！❤️❤️❤️超鍾意呢款甜品呀！俘虜咗我嘅心🥰🥰🥰但係份量都有啲多㗎，同人share會好啲，一個人食晒可能有啲啲膩，不過為食妹自己都K.O.左成份😜😜。原味梳乎厘 ($59)個疏乎厘都係即叫即整，要等30分鐘左右。佢有好多隻味可以選擇，但我哋今次第一次食就試佢原味先😌😌。疏乎厘爆到好似雲咁，好可愛😍😍快快手影張相就要即刻食喇，如果唔係會收縮得好快😜😜入口輕飄飄，係疏乎厘應有既食風感☺️☺️輕得來係熟架，入面冇水汪汪嘅情況出現👍🏻👍🏻👍🏻啲技術掌握得好好👍🏻。味道方面有好香嘅蛋味😋。好高質！😍😍總括嚟講呢一餐好滿足😋！食完，師傅仲問我地啲甜品啱唔啱食，會唔會過甜過淡。好欣賞接受客人意見嘅師傅好有熱誠，值得一讚👍🏻👍🏻…Read More

自從係鹿兒島食過生平最好食既鰻魚飯之後就成日心掛掛。但偏偏香港有好多餐廳既鰻魚飯都唔好食，有啲甚至又薄又腥又貴，中伏率都幾高🙁。見九龍灣呢間主打鰻魚釜飯，好似幾好食咁，而且鰻魚都有分唔同價位，感覺好pro咁，下午茶就試一試佢。前菜小碟+味噌湯 (跟套餐）前菜既漬物好清新，爽口得黎又辣辣地，好開胃👍🏻。味噌湯味道岩岩好，唔會過咸過濃，清清地好好飲😋😋金魂 - 鰻魚釜飯 (下午茶餐 $78）首先鰻魚好厚肉😍😍😍厚肉肥美既鰻魚真係好好食！❤️鰻魚好香唔會腥👍🏻👍🏻可能因為要配飯，所以啲燒汁有啲咸，飯硬左少少。個飯量好多，為食妹一個食唔曬，我諗2個人share會好啲。日式叉燒稻庭湯烏冬 (下午茶餐 $48）個湯底好好味，清清地但一啲都唔無聊😋烏冬質地偏硬，同平時啲稻庭烏冬唔似，反而似讚岐烏冬多啲，不過我鍾意硬身既麵，所以覺得幾好😆叉燒就不過不失啦，唔係特別香，無乜太大感想。髒髒炸香蕉(朱古力）($18)本身以為入面係真香蕉，點知係煙煙韌韌好似麻糬既質地，又唔太好食，好失望😕😕蘋果蜜 (跟餐，凍飲+3）清清甜甜，又有好多果肉，好好飲😙😙整體黎講下午茶好抵食，淨係個金魂已經係平左好多！😜😜…Read More

荃灣楊屋道街市有間唔起眼既小店，為食妹有次買餸行過見到佢賣凍肉所以行入去睇下有咩買，點個發現原來佢有生蠔買，仲可以單隻買，個次坐低叫左個南非蠔食，好大隻好新鮮好肥美好好食😳😳！就係咁食過反尋味，今次去買啲同屋企人食😋😋南非Namibia XL ($35/隻）海水味好重(入口個下都幾咸），三款入面佢係最重海水味🌊，較少甜味，但好creamy! 食完一隻已經好有滿足感🥰法國 Gillardeau No.0 ($48/隻）三款入面最鮮甜，淡淡海水味，最有蠔味。最多屋企人鍾意❤️愛爾蘭 Ostra Regal No.4 ($15/隻）細細隻但都幾有肉地，幾有海水味，好輕微既金屬味(接受到），甜甜地😋啲蠔好新鮮唔會腥，又好肥美唔會乾爭爭，我覺得好食過啲連鎖店👍🏻👍🏻。同埋唔會限買最少幾多隻，有時突然想買隻食過下口癮又得。 可以買完返去自己開，又或者叫佢開埋，就算一隻都可以幫你開，開完會幫你真空pack好👍🏻👍🏻。不過舖頭既價錢表應該好耐無update，啲價唔太一樣。…Read More

青衣呢間小店開左無耐，為食妹已經做左常客喇！因為佢既拖羅真係會令人心掛掛😍😍價錢一啲都唔貴！而家仲做緊新張期85折，抵到爛！ 係為食妹食過性價比最高既壽司店(無之一）！街房價錢，高級日式餐廳既質素😍😍好難唔成日食😛同埋店主好有心，成日都會問返意見，希望可以再做好啲，好欣賞呢個態度！希望可以keep住呢個熱誠😎👍🏻！今次落單個陣，店主話無晒拖羅，本來有啲失望因真係好想食！跟住聽到店主再話🍣拖羅同🐟油甘魚夜晚會落機✈️到貨，即刻😍😍🤩🤩🤩！可以食到最新鮮貨🥰🥰！🍣刺身壽司類全部都好厚肉，一啲都唔吝嗇😌😌最推介一定係🍣極上吞拿魚三貫，有齊赤身、中拖羅同大拖羅！仲要係超高質🤩🤩，並唔係出面個啲乾爭爭似擦膠又有筋個啲。而係連赤身都好鮮味同滑溜，中拖羅同大拖羅入口軟棉棉，一咬油脂充滿口腔🥰🥰好有吞拿魚既鮮甜😋，一啲一啲都唔腥👍🏻！凡立貝好甜！咬落去滑溜溜軟棉棉又好juicy🥰🥰🥰油甘魚平時都成日食，但係呢度既油甘魚魚味好濃😳👍🏻⛴軍艦類辣味三文魚辣得黎唔會蓋過三文魚既鮮味，辣得黎又好鮮甜😋蟹肉蟹膏好足料，啖啖都充滿一撕撕既蟹肉🤤三文魚籽好飽滿，食個陣甜味係口入面不斷爆出黎☺️☺️火炙類每樣燒得岩岩好！三文魚唔會過熟，仲食到佢本身既鮮甜味。左口魚同大拖羅燒得夠透，入口即溶咁，啲燒完既魚香係個口久久不散😍😍留係最尾食一流😌👍🏻卷物今次淨係叫左三文魚卷。為食妹之前去澳洲成日食🐟🥑三文魚牛油果呢個配搭，但返黎香港又好少見，反而見牛油果配炸蝦/軟殼蟹多。有次同店主傾開問佢會唔會有機會出🐟🥑三文魚配牛油果既卷物。店主話可以試下😍😍🐟🥑三文魚配牛油果真係無得輸！會豐富左三文魚既鮮甜！係為食味最鍾意既牛油果🥑配搭！…Read More

為食妹最愛既burger小店之一❤️平時食開佢既牛肉漢堡，充滿肉汁，好好食😍😋😋！今次試下新野😎😎🐤🍔脆辣香脆雞腿漢堡包 ($70)呢個包要等25分鐘架，因為係即叫即炸🤩！可以食到熱辣辣脆卜卜既雞扒包，等一等係值得架。最重要係，好好食😍😍！雞扒好脆😋😋，一咬啲汁爆晒出黎😳，配上甜甜辣辣既醬汁，好邪惡😈！🐟🐮🍔炸魚柳牛肉漢堡 $72魚柳大大塊,又脆又厚肉 (好似平時fish & chips 啲魚柳咁大塊😍) 配上好有牛味同肉汁既漢堡扒，邊食邊覺得幸福🥰🥰🐤爆谷雞 ($68)佢唔係一舊舊炸粉，佢係啖啖肉既雞粒！好脆好香，送酒一流！店舖雖小，位唔多，但啲佈置同壁畫都好有風格，好岩飲啤酒食漢堡chill下😎😎可能就咁睇價錢有啲貴，但佢既質素同個量都話你知佢係值架！無論係漢堡定小食都好大份！女仔建議最好2個人share一個包或者3個人share 2個。呢2個包+ 1個小食，我地要4個人食先食得晒🙂🙂…Read More

有無人同為食妹一樣最鍾意放假搵間coffee shop坐下，飲杯咖啡，自己一個睇下書，慢活下？每次自己去開邊，第一時又就睇下附近有無邊啲coffee shop啲咖啡好飲，而又可以坐耐少少既～今次入到元朗，見呢間環境幾好，仲可以坐戶外，同野食好吸引，試一試先。🥚🥖炒蛋配烤酸種麵包 ($68) +🍅🧀油封車厘茄配水牛芝士($15)因為為食妹好鍾意啲歐式麵包，所以覺得個酸種麵包幾好食，好香麥味又好脆😋😋炒蛋都滑。車厘茄好好食，好多汁。整體上都好食，但份量好少。☕️Flat white跟餐 (+$20)咖啡都幾香濃，拉花都拉得好靚。店員都nice既，但漏左我杯咖啡，要追問先有🥺…Read More

芋圓好多地方都有得買，但唔係間間都好食，但呢間既芋圓同個糖水底都好好味😍😍芋頭椰汁三色芋圓 ($42)本身仲諗個糖水會唔會好重椰汁味🤔，但見佢限量，應該係招牌糖水黎，試下啦！入口已經好有驚喜，好滑！😳😳好舒服既口感！椰汁同芋頭相融得岩岩好👍🏻，唔會好重椰汁味，反而仲好香芋頭味，而且又唔會太甜，係芋泥蛋糕個隻芋頭味！😋芋圓又軟棉棉煙煙韌韌，入面仲食到有啲芋蓉、地瓜蓉😍😍😍天氣凍食返碗真係有種幸福感☺️🥰…Read More

有無人同為食妹一樣好鍾意食日本個隻林坺坺既章魚燒🐙呢？見葵廣開左間新既小店又標榜軟身既章魚燒，加上天氣凍凍，食個熱辣辣既章魚燒都幾好🐙元祖大阪（$28/6粒）個樣都幾靚仔，值得一讚係木魚絲都好大片同新鮮👍🏻。但可惜唔夠熱🙁，本身店員話要等4分鐘，我仲期望係會有熱辣辣既章魚燒食，但入口得微溫，都幾失望😞。章魚燒既質地都唔似預期咁軟棉棉，入面係軟既，但外層係實實地韌韌地既，唔似日本食既成粒都軟棉棉，有啲落差感。但味度黎講都係好味既👍🏻，每粒章魚燒入面都有一大粒章魚🐙，係用料上都真係幾唔錯！但如果可以熱啲同林啲就好喇～凍左始終真係好難好好食…Read More

最近成日食大餐，今日都係食輕盈少少啦～🥪Avocado and smoked salmon panini 好食！😋外賣送到屋企個包仲好脆，牛油果🥑同煙三文魚餡好足料，食完好滿足但又唔會覺得好重負擔😌😌女仔隨時食半份都夠飽😆☕️Piccolo Latte其實都唔算細杯，咖啡底都好香👍🏻奶味好濃…Read More

有時放工夜，都會想買少少野食返屋企止下口痕。行過見到有🇰🇷韓國豬手🐽賣，即刻流晒口水咁濟🤤🤤為食妹咁為食，最後當然買左份返屋企自己慢慢享用😎😎🐽大韓無骨豬手 ($92)豬手偏甜，好入味，肉唔算好淋個隻，但係豬手皮好滑溜🥰🥰有啲啲位會有少少豬毛，但嘗可接受。豬手配蒜片🧄、泡菜、醃蘿蔔🥕同埋豆瓣醬，再用生菜🥬包住食，一啲都唔會膩，好滿足！😋😋…Read More

經過間舖好多次，一直都以為佢淨係賣一般既手搖茶，但點知原來有smoothie架! 仲要有牛油果🥑！🤩🤩即刻雙眼發光！🥑🍎🥛牛油果蘋果牛乳 ($40)為食妹好鍾意牛油果🥑，基本上有得揀牛油果既話，就諗都唔洗諗架喇！本身諗住出街飲既果昔，就算落真水果都好，都唔會好多。但見住店員落晒成個牛油果🥑，個下真係睇到我呆左，咁足料！？而🍎蘋果呢就唔清落左幾多，但都唔少。跟住就加埋冰同奶一齊打。係無落水架！🤩由於為食妹唔太好啲飲品落糖，所以成杯野感覺非常健康！👍🏻👍🏻飲到好香濃既牛油果味 ！好鍾意！❤️飲晒成杯都飽架！間唔中飲杯做早餐/輕食都幾好架！…Read More