Arlington's Profile

周末到香港仔做義工，街坊朋友帶我食香港仔風味去到海邊，見到一排船，其中一兩艘比較企理，就是流記香港仔艇仔粉。可能是想吸引外國客的關係，落單和付款都好流暢 (百幾蚊都收信用卡，有冷氣，大概 $65 包包裝飲品)，在櫃檯落單之後自己去雪櫃取飲品，然後往入面行，會有另一艘艇 (無冷氣) 就是用餐區。用餐區都企理。等了約5分鐘就上菜。味道都 OK，但叉燒對我來説薄左d。環境都幾悠閑的，食完侍應也不會催你走。但離開時記得自己清理臺面，把即棄餐具丟在大桶裏。…Read More

在上環工作多年，上環一直燒臘出名的都是那兩間。但星月樓的燒臘近年也是越做越好。今日下午再到星月樓飲下午茶，我終於可以講一句星月樓的 $42 叉燒飯，完勝另外兩間上環叉燒名物。當然燒臘鋪/飯店無茶錢也無加一，但純以面前的一碟叉燒的份量同質素，我覺得是贏了。夠大件（加了支筆做比較）、厚切、肥瘦均匀，夠熱。其他如蘿蔔糕、春風得意腸等點心也不錯。…Read More

最近剛好要到立法會工作，中午的午飯安排是從樓下的餐廳叫外賣。心想反正附近餐廳不太多，試試立法會的餐廳都好。為穩陣起見，打算點焗飯，點知有款沙爹排骨焗飯，此配搭真是第一次聽到。於是點了試試，味道正常，沙爹味不是好重，更有少少黑椒汁的味道。排骨的肉質正常。加個凍奶茶，$57 來講是比大家樂稍貴，但成餐外賣總括來講都算是快靚正。…Read More

尋日在文章看到關於大家樂在市況下未能轉身，已經第三次發盈警；反而 Pizza Hut 識走位，推出“一人盒”大受歡迎。剛好見到和會員賬戶多了一張 $30 現金券，無最低消費，所以今日叫了個一人餐外賣，加上 Payme 又給了張 $10 現金券，也是無下限。所以最後個餐只是 $16 就買到。出餐時間應該都是 15 分鐘左右，取餐時女侍應好勤快好有禮貌。11:45am 堂食未有人。食物質素 OK 無問題。…Read More

周日帶著細路行街，剛好經過希慎地庫，見到座位好似好舒服咁，所以選了在這裏吃。員工要友善，對我個兩歲小朋友都好 nice，見到有小朋友都安排了我地坐靠墻位置。Menu 選擇好多。太太最近在元氣食過手卷 taco，話想再試個升級版，可惜 lunch set 裏面的手卷 taco 無她想要的甘筍，所以我地選了散叫個 香葱拖羅蓉牛油果醬壽司塔可，再加一個 日式香鬆炸薯條 俾小朋友。而我就選了一個 QUE火炙壽司盛（配野菜烏冬 同 甘筍濃湯），大家 share 食。上菜都幾快，5分鐘就上了湯，10分鐘上烏冬同薯條，20分鐘左右上壽司。個甘筍濃湯非常好飲，是西湯那種用搞拌機打出來的，打的效果剛剛好，仲有細粒的甘筍肉。日式香鬆炸薯條不錯，野菜烏冬正常。手卷 taco（香葱拖羅蓉牛油果醬壽司塔可）都幾新鮮（我個人對日式食物要求好低，輕食都好滿足了，所以其實好難評論）Sushi set（QUE火炙壽司盛）六件大大件都幾好食。以上兩大一細都食得飽了。坐得舒適，夠靜，服務好。…Read More

之前聽過這間半島午市好受歡迎，大牌長龍，生意仲好到食埋隔離間鋪。今早在附近的學校出席家長會，完會食個快飯。還未到中午12點，兩個人唔使等位但要 share 枱。Menu 好簡單，除了 5-6 個是日午餐選擇，就有幾 set 酸菜魚 粉麵，同幾款炒飯。我倆選了：招牌老壇酸菜魚拌魚蛋湯米綫（配 長洲芒果糯米糍），熱檸茶鵝肝油渣炸鱔粒叉燒炒飯，熱鴛鴦阿姐問糯米糍要一齊上定後上，我地選了後上（强烈建議大家唔好咁揀）大概 5 分鐘上齊主菜。招牌老壇酸菜魚拌魚蛋湯米綫 好大盤，魚片口感好，魚蛋也好捻。但米綫好似有少少爛。鵝肝油渣炸鱔粒叉燒炒飯 個人覺得係 highlight，鵝肝油渣好大粒，鱔粒都夠，飯炒得乾身，幾好，但如果上枱時熱d會更好，因這次上枱時聞唔到香味。熱鴦麻麻，無香味，有d鞋口。最後，就係傾下傾下，因爲夠鐘攞車，所以我直接去了埋單，竟然完全忘記了長洲芒果糯米糍！埋單時阿姐也無提我，自己理虧了。下次在附近揾地方食個快飯，會考慮再來的。…Read More

好耐之間已經見到這間新鋪在裝修；之前未食過牛奶冰室，但聽講好食。早兩日同公司同事捻緊食乜，剛好早放 lunch，未到十二點，機會來了。去到鋪頭，唔使等就可以就坐，座位仲幾濶。内裏好大，打通了德輔道中同干諾道中兩邊。厠所好乾淨，新裝修。掃碼點餐，四個人共選了：葱油厚切豬扒飯咖喱煎豬扒飯鷄扒蛋包飯（配蒜蓉汁）松露鷄球焗飯（配番茄汁）上菜也快，大概5分鐘開始上，落單後10分鐘上齊。葱油厚切豬扒飯算大份，豬扒也真的是厚切；咖喱煎豬扒飯的咖喱同薯仔是另上，賣相好睇，豬扒似炸多過煎，夠大塊，炸得鬆脆，咖喱汁的味道也 OK；鷄扒蛋包飯好大碟，鷄肉算滑，好彩選了蒜蓉汁，覺得幾配，不會好油；松露鷄球焗飯上時熱辣辣，賣相好，番茄同芝士好足，但可惜松露唔出，如果唔知菜名的話，真的以爲是焗豬扒飯。整體感覺良好，在中上環來講，個人覺得是最好食的新式茶餐廳了（The L. Place 銀芽 都唔錯）。唯一不足之處，是另外攞的碗仔，攞了四隻有三隻都未洗乾淨…Read More

剛好在附近有活動差不過十點才完，知道太安樓有小食同埋都開得夠夜。上 Openrice 看選了幾間心水，這是其中一間10pm 是他們空擋時間，我睇睇後覺得第一次幫襯都係試試熟食點了個炸蝦手卷，$12 真的可以講是無敵。落單後等叫號就得。雖然我落單時無其他人，但見到鋪頭之後叫了幾個堂食號碼未有人來取，相信一定是走了去附近掃其它宵夜落單後大概5分鐘到我，嘩剛炸好熱辣辣，用塑膠的手卷架上。門口旁有張 bar 枱，有醬油、一大支芥末醬、一支辣油，仲有一支應該係沙律醬。我落了頭兩種，每種幾滴。手卷入口，紫菜好脆口，炸蝦就當然唔使講。芥末醬不是攻鼻那種，所以落幾滴就已剛剛好。食完還返個架去櫃面就走得，一路行一路回味。…Read More

多年來公司都在上環，也鍾食韓國菜。之前常去的梨花苑、多花園都關門了，一直在等上環有無好食又經濟的韓國菜。終於等到了。呢閒裝修舒服 (雖然比較似飯堂，凳都是硬木凳)，碟頭好大，好味，不貴 (我點套餐，部份選擇要加錢，我加了錢；加一後每人約 $130)，收信用卡，AliPay 等等。我點了個 石盤豬肉拌飯 Spicy Stir-Fried Pork Bibimbap，熱辣辣，醬汁是另上的，我鍾意可以隨我調味。太太點了個 蜆湯麵 Clams Noodle，面好彈牙齒。個餐加錢要了個 Kimchi pancake，也是好脆好好食物，我覺得這間餐廳用的葱特別香。留意餐廳服務員唔識講中文，要用英語同佢地溝通。服務幾好。…Read More

想不到 V Walk 在平日中午都好多人。這間篤篤船麵外面都有一小條人龍，但帶位手脚快，好快就騰空了位置出來。點了一份什錦船河（單點），大概 5 分鐘上到菜。味道正常，河粉不會好爛。太太點了一份有豬腩肉的餐，我試過覺得豬腩肉燒得過曬龍，口感好乾好柴。…Read More

周末在深水埗工作完，一個人想在附近找間餐廳抖抖，剛好在 Openrice 見到附近有間餐廳，仲係社企，聘用的都是長者。一直有機會的話都會盡量支持社企，希望大家在最艱難的時候要撐過去。見到 Openrice 上面的食評好壞不一，但覺得既然都咁平，就算不好食，也算是光顧了一間社企，至少午餐時間過得充實，會感覺良好。鋪頭座落一條在深水埗裏是很乾净的一條街，樓上是較新式的大廈。周六下午兩點半，大臺無位，所以坐了旁邊一列單人的座位。餐牌上的選擇有些價錢同比其他餐廳平少少，有的卻是平好多。由於自己不是太常去深水埗，所以有點貪心，想試多幾樣。最後選了：芋頭香酥鴨飯煉奶奄列是日菜湯（好吃的話，不夠再加）落單要自己填紙仔，寫號碼就得。我一開始不知道所以叫了嬸嬸過來落單，雖然被溫提了但也不會是其他食評裏面話好惡。街坊生意，算係咁喇。點解唔惡，我文末再寫。上菜好快，不用五分鐘就上齊。份量其實 OK，我見到另一個食評話份量仲少過兩餸飯。個人覺得真的是鷄同牛比。兩餸飯流轉快，絕大部份也不設堂食，成本當然比較低。這裏悠閑，我坐低其實都用了幾分鐘先揀到想食乜，全程都無人催我 （你試下在兩餸飯前面捻幾分鐘？睇睇會發生咩事）講返食物，先來個是日菜湯，有些少祛濕豆，有少少黑木耳。好大碗，夠熱，雖然湯有點稀。但只收你 $10，個人覺得算係咁喇。然後上了個煉奶奄列，大概比平時屋企用的飯碗大稍稍，唔算太薄，上面一層煉奶好似豬仔包咁，收$5。最後來了個飯，是用砵上的，有幾條菜同半隻鹹蛋。香酥鴨大概三塊吧，都幾香，有肉香，個飯$12食緊飯的時候聼店内阿姐自己傾計，話不知道邊款麵包賣唔曬，所以我埋單（他們收八達通）之後，就揀了三個麵包，也無理她們是邊款賣唔曬了，反正我就揀了菠蘿包、鷄尾包、提子包，三款都係細個食開的款，覺得個女都應該會鍾意食。我原本見到 $20 三個麵包已覺得價錢合理，點知俾錢時阿姐話係 $3 一個麵包！（可能 $20 是三大份麵包）記得買麵包只收現金，同餐廳是分開的。果晚試過三個麵包，味道正常，不算好飽肚，老實講有少少似外面的連鎖麵包店的“空氣包”，但每個麵包只收 $3，不是空氣包的話，我反而會好擔心下次過來深水埗仲見不見到呢間餐廳。如果我下次在附近，又是一個人的話，我一定是會再來的。（午餐期間旁邊有個老翁俾阿姐閙，事源他食飯將骨頭全部都吐在臺面，俾了骨碟都係咁。聽落可能是熟客而且屢勸不改。阿姐就話再係咁以後不再幫他落單。見那老翁自己一個人，申請呆濟，應該是有身體/情緒病。最後阿姐囉嗦完，其實都係幫他抹走曬臺面骨頭。你地自己評評理，咁樣係咪惡）所以 total 就 $27 一餐 + $9 三個麵包…Read More

We were looking for a place in CWB or Central to wind down a bit, and we ended up picking Admiralty since the places here are more quiet and less rushed.The Continental is a favorite spot due to its convenient location, great service and a quiet atmosphere.We ended up ordering a tea & cake set, and a Corona Cero for myself (was having a headache so no further caffeine or alcohol for me).I liked the crispness and refreshing feeling of the Corona Cero (when served with a wedge of lime, I couldn't quite tell apart a regular Corona and a Corona Cero).Overall a pleasant afternoon hour spent there.…Read More

外面下大雨但需要在上環一個人找地方吃早餐，MX 是不錯的選擇。人不多時，裏面的一排座位可以讓自己望著街景，防空一下。MX 六月至七月初都做緊快閃優惠，$22 一隻精緻蛋黃鹹肉粽配熱飲，個人覺得都幾划算。質素對得住個價錢。…Read More

個女兩歲正日生日，要找個地方同兩邊老人家晚飯，這裏很適合。價錢相宜。點了古法鱔糊、炸臭豆腐、松子黃魚、椒鹽元蹄、四季豆、三鮮鍋巴等等，都很出色。今次進了房間，和另一桌分一間房間，服務很好，下次會再來。…Read More

會展活動前有少少時間，想食餐快的，剛好落雨，呢間從會展站出來都就脚，。下午茶 menu 最令我想試的就是菠蘿包+熱奶茶。菠蘿包的餡可以揀：1. 炒滑蛋2. 午餐肉3. 碎番茄4. 咸牛肉當中我覺得 1 + 2 最吸引落單後 5 分鐘内送上臺，哇，個菠蘿包真的好大件，老實講一個男人用手食都嫌太大。最後我要用刀叉切開逐件食。好滿足。奶茶不錯但我覺得上臺時已不夠熱。…Read More