glo2415's Profile

新嘢，更係要試下啦！自費，實話實說 。一開始係食雞煲，不過太多雞兩個人食煲雞其實飽咗1/3 。 「打邊爐 最緊要係個湯底」冇另買湯底只加湯係一敗筆！如有下次，想試麻油雞煲（有湯）肉望落新鮮，但唔知係咪湯底問題，無嘜肉味，調味醬汁種類不多，建議自己帶，無湯底得個咸字 。牛𦟌好厚，掉落雞煲煮下，幾好味坐房仔角落，熱到要抺汗，飽加上無嘜食慾，叫咗一轉肉就冇再加，連甜品都忘了食 。肉類都算厚，但唔知係咪湯底問題，提唔起鮮，覺得無嘜肉味，可能係人老了，味覺退化了呢間肉同食物款式勁小，又無嘜海鮮（直程無食海鮮），不過雞煲平時都百幾蚊，加埋人工舖租，120分鐘收2百幾，其實都唔賺你好多 。簡簡單單食個雞煲，其他嘢當順便都ok嘅，眼闊肚窄都食唔多到嘢 。但佢d雞唔滑，無嘜味 。唔知係咪我煮得耐，乾乾地 。小食熱上的，地瓜條幾好味，其他炸嘢都好味😋至於價錢，$198+10%、假期+$20=$240位湯底要加錢、台式飲品要加錢、特色甜品要加錢…..咁加法，要3百幾蚊落樓…..建議：新店，可以一試…Read More

見新會員9折，$258平平哋有得食雞煲 ，便試下 。雞煲口感唔錯，食材都唔錯，生蠔肥，菜同飲品任取 。牛、羊、豬肉都好薄，加上雞煲加湯做湯底，食不出肉類原本應該有的味道，太薄烚完縮埋好似肉碎 ，根本唔知自己食緊乜 。甜品只有雪糕機，無熟食自助區，醬料都只得幾樣基本嘢 ，飲品選擇也少，極簡約 。生蠔，無論你寫1、2、3份，都只會俾你兩粒。創興食過咁多間二百幾蚊的火鍋放題，比較之下，18樓可一不可再 。想食雞煲ok，2百幾蚊一位食兩個鐘，食材品質好 ，坐得舒服 。但如想食火鍋放題，牛牛豐富好多仲便宜些，食得開心些 。…Read More

尋晚見官方FB po廣告有任食大閘蟹同燒榴槤就即訂位🤤 C或D餐才有大閘蟹，我哋食C餐連加一付了$592一位，無任何優惠 。不過每人食咗8隻大閘蟹仲有靚魚生酒水，值回票價，平時食有榴槤的放題都要3百幾 。職員客氣服務ok，話今日係第一日做大閘蟹 。燒榴連普通，只食咗一轉，大閘蟹雖然比較細，但係即蒸熱辣辣，全部蟹公膏滑食得出好新鮮。不過要等差不多45分鐘才上一次，但限食兩個鐘，所以未食完就要叫定先 。今次我哋每人食咗八隻蟹，最後嗰次last order 6隻蟹但等成個鐘先至上，好在過了時都冇趕我哋走 。兩個同行的朋友話之前來過印像唔多好，今次覺得唔同咗，魚生新鮮，嘢食味道都好咗，有進步 。上次來食燒鰻魚好似食舊膠，但今次唔同咗，食得出食材唔敷衍 。其他嘢都好食，羊架好味，海膽好甜好滑好鮮味，美中不足係無燒乳鴿同埋雪糕只有一杯無雪糕櫃任攞 ，不過巳好滿足 。平時去專門店食大閘蟹放題都係差唔多價錢，蟹大啲，但冇咁多放題的嘢食，如志在任食大閘蟹，又可以食到平時放題的嘢食，御滿屋都係一個唔錯嘅選擇 。…Read More

YMCA再臨閣67折$489。海鮮高質！的確新鮮，龍蝦同蟹鉗都好好食，肉質好又無鹹味，麵包蟹冇雪味，食過好多間buffet ，覺得呢間同JW的差唔遠。燒牛肉嫩無筋有調味，羊排都好味。但熟食好鹹，燒蝦勁鹹、菜好鹹、巴東牛肉之類超鹹，應該係預我哋連飯一齊食，我唔食飯覺得鹹係我嘅錯😅甜品普通、魚生無味、生果唔甜….魚生係咪禁止咗由日本輸入，所以用咗大陸貨？點解連三文魚會冇味？總結：主力食海鮮就唔錯，其他就唔好有期望。唔後悔食佢，因為海鮮真係正過好多其他buffet，其他食物當bonus 左邊朱古力雪糕第一次見，好好食。右邊麻麻。…Read More

人間美味😱 雙重麻糬芝士！出爐不久 外皮微脆（菠蘿包面的口感）+煙靭的麻糬+ cream cheese微燶… …配搭出層次豐富的口感， cream cheese甜度剛好唔覺滯， 如果 cream cheese加少少檸檬吊味會較清新！原本想買開心果布甸包，望到有，點知食完飯就賣晒，好運地食到呢個雙重麻糬芝士😋 未試過的可以一試。…Read More

第N次去觀塘極尚大瀛喜，在社交平台的榴槤群組見有燒榴連就一行七人去湊熱鬧。一打開𨋢巳聞到心曠神怡的榴槤味🤤 燒金枕頭唔錯，核細，唔熱，叫咗兩次。蒜蓉焗蠔超正！其他嘢食都ok。搭𨋢時聽到有幾個男仔話如果冇榴槤就即走😂呢間嘢幾有上進心，時不時有新菜式，烤榴連都做👍 記得第一次去食時，有車厘子任攞。來過N次，覺得放題來講，佢上菜快，款式多，味道ok，經營得好好。去過旺角同集團的，覺得觀塘呢間好d開邊上，是要我叫多一次😂第一次去時食的吞拿魚超好食，之後再去就差咗好多，今次朋友話有根，咬唔到。三文魚就幾好，厚切口感好蒜蓉焗蠔好好食鵝肝無嘜味，但墊底的蘋果同果醬好清甜燒乳鴿 羊架 比目魚 蟹粥 燒牛舌係必叫系列😋…Read More

KKDAY星期六dinner買一送一$341一位。好少嘢食，但幾好食，3百幾蚊ok嘅。蟹腳肥到可以原條掹d肉出嚟，魚生也不錯。人少少清靜，平平地，我覺得ok。不過生蠔未發育，仲勁多蠔殼碎，魚生同生蠔排同一條隊，得一個哥仔開蠔同切魚生唔多衞生，呢個安排好有問題，得一個人做兩樣嘢，條隊無停過，隔離枱個男仔同佢女朋友講，問哥仔嘢，哥仔好燥對佢發脾氣，其實應該同佢自己公司反映而唔係對客人發老脾。結論：如果唔係生蠔差，開蠔同切魚生排長龍哥仔燥，我會帶家人去食，不過就因為呢兩個原因，我即時取消了之後10幾人的訂位每次一個細水桶裝點海鮮，蟹腳兩三個人取完就要等refill，不過都好快出。蟹腳好肥美，連細關節位的肉都可以原條肉掹出嚟！蟹鉗冇乜味，浪費咗食材。Pizza好味魚生好食，生蠔勁瘦，勁多水同蠔殼仲有壞咗的龍蝦湯真材實料好味客家腩肉超好食！推介！一人有一隻大燒蝦，燒骨都好味！（客家腩肉好味！）燒雞幾滑，奇！（再來好味的客家腩肉！）超奇，食咁多雪糕魚生海鮮，竟然無肚痾…Read More

$130！$130！Lunch 90分鐘燒肉放題，有牛有蝦有生蠔都只係$130！超抵！住旺角十幾年第一次去尚八，因久唔久見人比差評，話肉唔得，服務差，所以唔敢去，但見好多間燒肉店都試過，想試未食過的，呢間有生日優惠，上星期朋友生日有88折，就食了這間的和牛放題，覺得牛味唔錯，跟住過兩日就見Hea Lo拍片推介$118+1優惠（$130），上次顧住食牛，好多嘢都無食，所以就再戰這間。今次$130，牛的拼盤只有一碟無得追加，但平時去普通燒肉店叫個set都差唔多價錢。見佢話用自己牧場的肉，係食大腸有d反胃，其他都覺得ok最後要提一下職員的態度，上次食和牛餐時，第一次去好多嘢都唔明白，職員們都好有耐性講解會員迎新優惠送的50g A5和牛，在我哋個餐係任叫的，我唔清醒照要50g送的，佢照比我。我又以為一人有3片送的，佢解釋係送50g約3片，唔係每人3片。對住我呢d小白，都無勞氣唔耐煩，我覺得佢哋好好。我想要生菜夾肉食，但佢哋無只叫生菜，職員話叫生菜沙律佢會安排只給生菜。今次，我以為還是食120分鐘，但其實只得90分鐘，我過晒時都仲叫雪條，姐姐溫柔地話你哋巳經過時了，佢照比雪條我地，叫我哋要拎走食。我以為佢意思係放題巳截單last order完咗，但我知甜品截單後仲可以叫。食緊雪條、我同朋友講仲有4分鐘才完，職員聽到，又到溫柔地話：你哋巳經過晒鐘了…..我才意識到原來$130只有90分鐘，我哋巳經超時半粒鐘，姐姐無勞氣，好温柔提我哋，真係好脾氣。牛肉拼盤，只此一碟無得再叫，我中意厚肉的豬同雞翼呢杯綠色嘢，係下面兩罐溝埋一齊變成咁😂…Read More

年幾前未限堂食要打針時，食過lunch、tea、dinner，最開心就係見到個雪糕櫃，裡面有好多雪糕雪條仲有鮮芒果同榴槤雪條。點知今次去….無咗雪糕櫃，只有一個職員負責不雪糕球….仲每次限兩球咁慷慨。龍蝦長腳蟹ok，但生蠔唔知點解有d苦味，可能我食咗其他嘢撞味？即開幾肥，照計新鮮，朋友話無問題。冇麵包蟹冇小龍蝦，以前有小龍蝦，平時我唔會食，但呢間之前出過肉質ok，可惜都無咗，廣告寫有小龍蝦的，可能得lunch有？其他嘢食普普通通，都係以前的水準咁。但7折都要$614.4一位，我覺得無咗雪糕櫃真係跌晒watt無mood。係榴槤班戟仲係好大舊榴槤，甜品都係和以前的甜品差不多。Service一樣咁好，但貴咗仲要無雪糕櫃！so sad🥲 原本想帶家人去食，今次探路，但還是改地方，都會海逸西餐廳巳回憶不再生蠔還是每次兩隻，排3次排攞6隻志在打咭，苦苦哋就無再攞了魚生ok蟹腳肥美，但之前食過係4，5隻腳連半邊身上的，今次單隻腳，其他都係保持水準。龍蝦，肉質爽嫩鮮味，唔錯！食過好多間都係鞋嘅，今次呢間好食。臘鴨好食，牛脷淡味咗，如果串燒吸引好多冇咗雪糕櫃，唯有食呢啲…..無mood打咭，so sad🥲結論：叫咗朋友唔好去，一日無雪糕櫃我都唔會再去，$614.4…..我明白百物騰貴，人工又加，雪條好貴….但你果幾款雪糕限兩球但唔好食！往事只能回味（今次無咗下面的期望）：以下的今次無！無！無！…Read More

無針者N年無食日式放題，放監即刻周圍食😂 觀塘那間極尚大瀛喜好正！大推！出餐快，嘢食熱，魚生鮮！三文魚吞拿魚好肥美！燒蝦即燒又肥美，平時我食唔新鮮的蝦會皮膚敏感，今次食咗好多種蝦都無事。$325食到靚魚生羊架乳鴿鮑魚，超值！食物味道同質素都超正，連牛肉鍋裏面嗰粒凍咗嘅牛丸都好食！蟹粥好食！第一次見放題有車厘子，好甜😋 一order嘢食極速上枱，雖然限食兩個鐘，但食咗一個鐘個口好攰😆 大滿足！好多嘢食都未叫，水煮魚未食，短期內想再去！新會員送環保袋，即時有$20 coupon，限期內消費滿$3000送$300coupon，仲有生日優惠！唯一不滿是7個人坐6人卡位，人多的話指定唔坐卡位好，方便出去拎嘢食又唔洗咁窄…Read More

12月21日食dinner，埋單$529.2，未到聖誕巳加價，但同平時無多大唔同，仲hea咗😂呢間之前去過4、5次，貪佢可以任攞生蠔，但今次生蠔又細又腥！好唔掂！熱食都係知好少款式，但佢hea到水煮牛唔辣冇乜味，羊腩煲啲羊細到搵唔到那個勁咸的明太子燒龍蝦🦞⋯⋯明明燒好了10幾隻都要每次比一個人半邊，比完就停10秒先會俾下一個人，唔係一次半次，係次次都係咁，搞到好多人排隊，狂揼波鐘！仲要勁細，燒完的肉撩出嚟，只大過佢啲凍蝦少少12月近聖誕節巳加咗價，平時邊洗5百幾的，但佢只加了火雞咁大把，聖誕甜品只得個樹輪蛋糕（幾好食），上年12月有幾款好有聖誕氣氛甜品！今年諗住少嘢食都可打下咭，去到真係超失望6pm開場食到9pm，但8pm就開始收嘢，連龍蝦都唔燒！生蠔直情唔加，不過加都可能冇人攞，又瘦又細又腥！真係勁伏！因為無嘜嘢好食，朋友連粉麵都要食😂好後悔冇相信OpenRice的負評😂 其他未去食的人請三思。…Read More

尋晚趕及尾班車訂位即食成人$298，長者$238包加一。呢間周不時有快閃價，可等下。平時生日6送一但以正價計所以還是快閃價抵。講真咁嘅價錢有龍蝦同長腳蟹食，真係超值。生蠔雖然即開但超級瘦不過還算可以入口。刺身不多，我只食了三文魚，口感還不錯厚切味淡夠凍。這間酒店18年去過，餐廳超級迷你，食物大有進步，雖然款式少但感覺到好有誠意，食材質素同埋味道都係合格的，唔似有些酒店求求其其有舊嘢俾你食就算😂 珀麗位置山旮旯，雖然客人少得半滿，但都肯密密refill，食到最尾有凍龍蝦攞出來，職員服務也好好。我覺得想平平地無嘜人爭食，食物味道又ok的，珀麗係唔錯嘅選擇。冇乜嘢係唔好食，如真要挑剔的話，就係只有熱飲，凍蝦冇挑蝦腸。原本沒什麼期望所以沒有點影相，甜品同龍蝦都ok便影些。旺角先達對面女人街口附近有小巴到達，都好方便。…Read More

8號風球食自助餐風雨不改😂 因為一個多月前預訂的，不想改期。這間去過三次，兩次dinner，一次lunch。lunch平所以無嘜貴嘢麻麻地，Dinner就多些貴嘢，感覺上值去些，大佬遠搭車過去，屯馬線開了都方便了些。龍蝦真的不錯，不是擦子膠，海鮮、魚生、熱葷、扒、乳豬、片皮鴨、煎鵝（鴨？）肝、串燒、火腿、甜品雪糕……大包圍乜都有，一晚冇可能試得晒全部野😂其他食物種類也算多，但今次沒有海蝦，生蠔好細隻但都算鮮味冇肚痛。蟹腳細條d肉又縮水，refill的職員話蜘蛛腳來了！（想我讓開）真係瘦到好似蜘蛛腳🤦‍♀️。麵包蟹蓋終於有幸食到一個（上兩次都食不到），因為要客人攞晒啲腳先會出埋個蓋，所以很少出，唔係好多膏，不過好食過759的。龍蝦多膏新鮮彈牙，可惜冇我鍾意嘅海蝦。燒羊髀，無羊的蘇味😅呢度有兩種牛扒，上邊係牛扒（唔記得咩部份）下邊係斧頭扒，我覺得斧頭扒比較味濃香口火腿好好味，有舊瓜同菜墊底好清新。左上角的燒乳豬又好食😋北京填鴨（左邊中間）超細片，又特登切得好慢，入口都唔知自己食咗啲乜，差評！呢碟係迷樣的墨汁魷魚飯，樣幾嚇人不過食落冇乜特別😅唔知係鴨肝定鵝肝但超細粒，下邊塊多士好硬，仲要每次等佢煎20分鐘才出一次，差評！朋友鍾意食麵包同牛油，俾佢一個服字！👍 左邊中間的雞軟骨串幾好味下面係沙冰底，上邊的材料自己加落去，唔錯超多甜品Dinner原價$718+10%，用openrice優惠有78折，我有4張$100現金券，折後扣券埋單$532。按食物種類繁多同食材來看，真是值！服務好，姐姐收碟很勤快，收錢的職員哥哥都有好有耐性，可用八達通消費券，又肯幫我哋分單令我地4個人都可以用那$100現金券。唯一不好的就係煎鵝肝、生蠔、北京填鴨都要排隊等好耐，做生意要控制成本💰明嘅！4個人食完$2127埋單（星期六），用消費券俾錢，每消費$100就送$100現金券下次用，送咗$2000現金券😂 下次再去時消費滿$500可用一張$100現金券，即係Dinner每人可減$100，抵食！Alva係想我地再去或介紹朋友去食，高招！朋友巳密謀約其他朋友再去😂 旗下其他酒店都可以用的。…Read More

星期六去了太古東隅食lunch buffet 11.30am~2.30pm8折$356，抵食嘅，生蠔味道OK但細隻，熱葷款式較少。好在任食生蠔，開定任攞，螺同蝦都ok甜品多，賣相吸引，味道也不錯，推介佢個自家製茉莉花茶雪糕，甜品樣樣都不錯，不會太甜又無嘜唔好食的。有一大盤雜梅山楂，好吸引Lunch三個鐘慢慢食傾吓計平平哋都唔錯，不過樓底高空間大冷氣唔夠，落地玻璃有點曬，邊食邊冒汗。東隅職員多廚師多服務好，見有人行埋去望住食物就會主動service。食物賣相靚令人眼前一亮，影相呃like超好，但味道就普普通通，無嘜邊樣會想encore，眼闊肚窄結論：食得愉快，值得一試👍鍾意唔洗排隊任攞食生蠔同埋中意食甜品的人啱去，可以一試。但如是長輩比較鍾意食熱葷的就不太適合。D1入口封咗，要由E1入太古商場2樓，左邊見到H&M就行天橋直達。…Read More

Sino Club會員生日有優惠，生日月份二人同行只收一位價錢，星期六食，埋單除返開每人$368！仲有半磅蛋糕和餐酒送，蛋糕可即場食也可帶走。蟹鉗蟹腳、螺、青口、凍蝦、凍龍蝦、芝士焗龍蝦任食，凍龍蝦多膏又唔會擦紙膠，芝士焗龍蝦都彈牙唔會鞋。熱食種類少但夠食，雞魚羊牛蟹鉗海參扇貝，味道OK。少量爐端燒，連蟹腳都有燒的！粉麵檔，仲有熱熔芝士，燉湯等。魚生有赤蝦，三文魚OK，象拔蚌麻麻，不過都唔會腥。生果、甜品Movenpick雪糕、雪米糍....甜品的話，個人推介綠茶疏乎厘，豆腐奶凍。綠茶控表示疏乎厘味道甜而不膩又有綠茶味。豆腐奶凍口味清新，甜度剛好。迷你芝士撻都好食。關於服務：服務係好嘅，每檔都有職員服務。熱盤凍海鮮全部都係職員夾比你，雖然衛生但係我鍾意自己夾，因為佢哋會夾好多比你，成日都夾大大份，或同一樣食物會夾兩次俾你，要學識話：「唔要！夠啦！😅 」我自己夾可嘜食少少試下。佢哋好落力sell嘢食，你要其中一兩樣食物，佢會問你要唔要埋旁邊45678樣嘢食🤣 朋友都係一樣咁講，佢話職員好似想將所有食物sell晒出去咁。職員幾有趣，又有蛋糕拎走，所以食得幾開心。…Read More