xreindeerx's Profile

今日好想食日本野，訂左尖沙咀十禾田總本店! 訂咗位唔使等，直接入座👏🏻午市餐單選擇都幾多，有烏冬／壽司／飯丼，而且每set份量都夠晒飽肚。自己電話落單，上菜速度快，一個鐘Lunch time 無問題! 叫左雜錦魚生丼配茶煮碗，仲有午市壽司套餐配味噌湯。雜錦魚生丼配茶煮碗有驚喜！粒粒魚生都好肥厚，有三文魚／吞拿魚／蛋，上面鋪左好多蟹籽，大大碗。食魚生，最緊要新鮮，呢個set 好好味。茶煮碗正常，都夠熱同埋滑。午市壽司套餐有11件壽司，有三件蟹籽三文魚加州壽司，其他件件同唔同款，每款都好新鮮。我最鍾意碎吞拿魚同大大粒蟹籽壽司，略嫌就係壽司握得唔夠實，不過整體食物質素都中上。😋😋好滿足嘅一餐😋👏🏻👏🏻…Read More

尋日係旺角早收工，想搵間舒舒服服既café 食個late lunch，靜靜地咁等下一場。之前有朋友介紹過Station 3有board game玩，一於上去嘆下先！Lunch menu好多選擇，叫左蟹肉雜菌忌廉闊條麵同燒牛肉沙律，等緊期間，順便可以好好欣賞下旺角鬧市既風景。係25/F望出去，藍天白雲既天氣下，心情真係舒暢好多！忌廉闊條麵好重料，大大堆蟹肉係上面，闊條麵似烏冬咁厚，軟硬適中，闊條麵仲充滿住香濃既忌廉汁，好快就清碟！藍莓果茶有芙蓉花，藍莓同葡萄，我自己就覺得偏甜少少，朋友個花茶就好OK!坐坐下叫多個特式拼盤，有洋蔥圈、芝士條、雞翼、餃子同咖哩角，每款都有3-4件，份量充足，芝士條記得趁熱食呀！最後仲要食埋甜品先走，正呀😋…Read More

今晚又去牛大人開餐！去咗旺角荷李活分店，地方乾淨闊落，每張枱都有適當距離，大家都食得安心！佢哋嘅台式湯底有好多款，今次要麻辣單鍋，一上枱已經聞到香濃麻辣味，鍾意食辣嘅朋友覺得好正！我哋叫咗小辣都好夠味😋牛大人嘅牛肉真係唔錯，物有所值，牛肉選料上乘！美國Prime 極級肩里肌係必食推介，脂肪比例平均，牛味濃，好食！牛媽袐制滷水有豬腸，乾淨彈牙，可以encore!!火鍋配料選擇好多，仲可以去自助食品區拎各式丸子和蔬菜。 和牛手打牛丸爆汁好爆汁好好味，唔係咁多地方有得食～ 我哋好鍾意食呢度嘅墨魚滑，配埋碗新竹米粉真係一流！飲品選擇好多，最鍾意佢哋嘅無糖茶，啱晒又要食好嘢又要減肥嘅女仔！我哋一人飲咗兩大支添😁😁食到好飽，原來仲有雪糕送，今次又要攬住個肚腩走啦🤣…Read More

今日係荃灣千色店附近覓食，發現隔離嘅千色匯有幾間餐廳環境同食物都唔錯，入古今二食日本餐先😁好彩早入座，餐廳好快就滿客了。先嚟一客網燒牛舌($58)，薄切夠入味，上枱時熱辣辣，配埋啖可樂簡直一流👍🏻之後再叫了雞泡魚乾($68)，好大塊，搽係上面嘅特制醬汁都好出色👏🏻富士山($88)同忘不了你($88)係好長嘅壽司卷，聽個名都覺得得意，原來係有意思嘅！富士山係由蟹柳、牛油果同鰻魚而成，蟹柳絲蟹子沙律堆到成座富士山咁，愈食愈好味😋忘不了你就有炸牛肉、芒果同牛油果🥑，好清新嘅配搭👍🏻唔會好油膩，夏天食呢個真係一流🤩個三文魚頭湯($88)好大煲！有半張枱咁大！入面有菜、豆腐同大大件好多肉嘅三文魚頭，魚湯好濃郁好好飲！份量好多，大約有8-10小碗，我哋兩個人飲到捧住個肚走😂呢餐食得好滿足呀😄…Read More

睇開韓劇嘅人，一定對韓式烤雞唔會陌生。約咗朋友到瓊華15樓嘅Goobne Chicken，好彩我哋book咗位，轉頭就坐滿晒人啦🤣環境好光猛，座位相距闊落，侍應提醒食物嚟到先可以除口罩，即刻好感大增。我哋兩個女仔想試兩款口味嘅烤雞，揀了原味同韓式燒烤醬味。烤雞份量好充足，每件雞件都大大件⭐️原味烤雞多汁嫩滑，雞皮香脆，味道剛剛好。亦可蘸上芝士醬同韓式醬汁，又有另一番美味☺️另一款韓式燒烤醬烤雞都一樣啖啖肉，唔辣又惹味。值得一讚嘅係配菜醃白蘿蔔，係穿梭兩款烤雞味道之間可以清一清味蕾😉我哋都叫咗個部隊鍋，充滿辣湯嘅午餐肉腸仔年糕當然不少得，如果個麵嘅份量大啲就Perfect啦！…Read More

有日喺囍帖街內超級市場閒逛後，突然聞到一陣好香好香嘅蘋果味🍎 即刻周圍搵吓係由邊度傳出嚟先！見到大大個綠色招牌，就被蘋果香味吸咗入去🙈嘩！好多甜品，仲要係日本直送！唔理啦，一定要叫兩件回憶下日本嘅味道🤤酥皮批同西式甜點都有好多選擇，花多眼亂😅舖頭入面仲有兩個立食位置，可以即叫即食，我哋梗係選擇即場嘆啦😌青森蘋果批($33) 拎上手係熱辣辣，超超超香蘋果味，咬落去酥皮係少少甜脆卜卜🤤批入邊仲有好多清甜嘅蘋果肉，加埋秘制custard，食一個真係唔夠喉🙈🙈同行朋友係朱古力控，店員極力推介朱古力蛋糕🍰朋友話超正，係生朱古力嘅質感，軟綿綿又香濃，如果唔係怕肥一定叫多件呀🙈依家仲有優惠，帶返公司happy share都好抵呀！…Read More

行完海之戀Donki 有啲餓，原來商場入面都好多食肆，見到WM Cafe 環境唔錯，一於入去試吓先！有二人套餐，不過我哋見份量太多，怕食唔晒，所以決定散叫😁法式龍蝦海鮮湯 ($48)湯入邊有青口、蜆同蝦，好足料！味道亦唔錯，如果可以再熱啲就完美😋香辣水牛雞翼 ($56)雞翼焗得熱辣辣，味道好惹味，亦唔會太辣👍🏻👍🏻香草蜆肉扁意粉 ($98)賣相好靚，味道亦好輕盈，薄薄一層芝士碎唔會好油膩，蜆肉好多好鮮甜，扁意粉嘅軟硬度亦剛剛好👍🏻安格斯牛肉芝士漢堡配炸洋蔥薯條 ($140)芝士漢堡一上枱就嘩一聲！好大份！切開漢堡發現有兩塊多汁嘅牛肉，每層之間嘅芝士仲溶哂岀嚟🤤中間仲有生菜、蕃茄同酸瓜，好驚喜！食埋炸薯條同炸洋蔥圈，真係飽到行唔郁，好滿足呀👏🏻…Read More

新羅寶都算係元老級嘅韓國菜餐廳，以前只能喺銅鑼灣食，原來而家開咗喺美麗華廣場4樓，以後唔使過海都食到啦😉一去到餐廳發現比銅鑼灣店更光猛闊落。今次我地幾個牛魔王就無叫套餐，主要係散叫幾款牛同雜錦拌飯。落單後，轉頭就有六小碟正宗既韓式前菜上檯，邊食邊傾真係好開心呀！特級肉眼肉味濃，咬落去又淋又juicy，如果同行食友要全熟，剪開後再放落去燒多陣都唔會un，好好味呀！雪花牛肉就有咬口，同時亦都好重牛味特級牛排骨就無得彈，薄薄地，好快就可以燒到脆口，肉質亦保持軟熟三款牛都帶來唔同種類既享受烤鮮帶子大大粒，一睇就知係靚貨，就算燒到乾身都唔會大縮水，保持到大大啖肉既感覺，味道就當然夠鮮味啦石鍋雜錦拌飯　齋燒肉係唔夠飽既，當然配一個韓式石鍋拌飯就最好啦！好足料，多料到可以蓋滿成個飯面，配上不同種類既配菜，熱辣辣真係不得了！好滿足！…Read More

謝斐道有好多不同類型嘅食店，今日朋友介紹麵包樹，地鐵站A2出口 3分鐘內就行到，好方便！一睇Menu真係好興奮，勁多選擇，主菜類仲可以揀意粉、螺絲粉、扁意粉、薯蓉等等，無論食量係大定細，總有一款啱你。先由職員安排座位，睇啱就喺門口落單攞牌仔，就可以等食😋公司三文治一上台真係嚇一跳，又足料又大份😜😋 烘過的麥包夾住新鮮嘅蔬菜、雞肉、雞蛋同午餐肉，味道亦很出色👍🏻👍🏻咖喱豬仔脾配薯蓉亦都係出色之作，咖喱汁香濃唔辣，豬仔脾亦醃得入味，食埋薯蓉真係好飽👍🏻仲跟埋兩杯飲品，$60 一個有質素嘅午餐喺灣仔區已經買少見少了讚👍🏻…Read More

今日喺旺角想搵間Cafe坐耐些，見Urban Cafe Lunch menu 好多選擇, 價錢親民，2pm 唔多人排隊，一於坐低慢慢食兼睇貓貓先😋天時暑熱，我哋想食得輕盈啲，叫咗一個意粉和一個Pizza，話咁快就有沙律同南瓜湯上枱👍🏻👍🏻今日係南瓜湯，甜甜地又足料👍🏻冰涼新鮮嘅沙律配上芝麻醬，係炎熱嘅夏天下即刻舒服哂💪🏻天婦羅蝦卡邦尼煙肉扁意粉🍝白汁做得好light, 味道好好，食完一啲都唔滯😋瑪格麗特芝士pizza 上真係好多芝士呀😂 芝士控真係不能錯過👍🏻跟餐加咗香橙檸檬菠蘿紅茶，有水果嘅清香下，唔落糖水已經好透心涼👍🏻👍🏻身邊有貓貓陪住，真係chill到唔想走😁然後再叫咗個芝士醬雞翼，雞翼炸得好入味，加埋芝士醬真好滿足☺️同行飯腳仲加埋雪糕棉花糖朱古力奶，簡直(身型上)圓滿😆…Read More

今日同同事一齊出去旺角做嘢，做咗成朝，lunch時兩個都餓腸轆轆，要狂食一餐慰勞吓自己！check下瓊華有咩食，check到12嘅樓八幡屋，諗住book最平嗰任食啦，點知reception話五月份做緊特價，經whatsapp 訂位，澳洲M5和牛set買一送一！咁抵我哋即刻訂啦！(之後問返買一送一時段係星期一至四全日，星期五六日同公眾假期前夕6pm 前離座都有呢個優惠)👍🏻八幡屋每張枱嘅空間好大，一啲都唔迫！食物放得好整齊，種類亦有好多，望埋去仲好清爽乾淨，比起一般任食火鍋店令人安心好多👍🏻任食150分鐘，想食乜都用app落單，肉類、海鮮類、天婦羅、刺身、燒物，app以外嘅壽司、蔬菜、甜品、雪糕、飲品類，隨時可以出去攞，任君選擇！先嚟一大盤刺身、海鮮同牛然後再order，每次點完都勁快上枱，亦無漏單甩單情況，我哋太餓咁狂食牛同海鮮，唔使幾耐就塞滿咗個胃🤣 幾款牛都係大大碟，M5澳洲和牛直頭一碟有成十幾塊，一疊咁放落去淥勁開心😂蟶子仔同蝦都好鮮甜，又不停咁re-order😂😂食食下又試熟食，天婦羅鬆脆好味，最後補埋甜品同雪糕真係飽到夜晚都唔使食！買一送一呢個優惠真係好抵，下次再約其他朋友嚟食先！…Read More

灣仔嘅日月星街多咗好多唔同類型嘅食店，我哋都久唔久上去尋寶，行樓梯/斜路上去當做運動💪🏻今日就訂咗位係鮨月lunch, 餐廳有室內或者室外位置，我哋準時到達就可以即刻入座。點餐後好快就有前菜食，配上芝麻醬嘅沙律好適合炎熱嘅天氣我點咗壽司十貫定食，坐喺吧枱隔離睇住師傅逐件壽司整真係好治癒😆😆因為即叫即整，所以都等咗一段時間，趕時間嘅記得提早點餐呀！食材新鮮，每款壽司都好鮮味但最早期搓個幾件到上枱時開始散開了😅 …Read More

約咗旅行腳食飯，大家都好掛住日本正宗嘅串揚，所以早幾日book咗位食Jan Jan串揚一去到見到呢個石像真係好有日本🇯🇵旅行嘅感覺😂職員好快安排我哋入座，今次坐tatami, 真係別有一番風味😉我叫咗lunch set，有六款串揚、前菜、麵豉湯、飯團同飲品！上枱時職員好有耐性咁介紹每款食物，仲教我哋配邊款醬汁👍🏻時令海鮮係炸生蠔，上面配有新鮮海膽，兩種味道夾埋真係正到暈炸年糕趁熱食非常煙靭中間嗰兩串係雞肉紫蘇卷同安格斯肉眼牛，左邊係茄子同冬菇😉雞肉同牛肉又淋又juicy👏🏻飯團轉頭就上枱，入面有醃好嘅配料，味道剛剛好唔會好淡，食晒兩舊仲好飽添最後配埋杯凍烏龍茶，簡直係完美…Read More

有一日行完Donki，落樓下就見到品穀，一路都想試吓灣仔店但係未有機會經過，入去買個包返屋企做下午茶先！本身想試生吐司但係賣哂了，見到呢個榛子之舞好靚好大隻，味道係令人流口水嘅朱古力配榛子，就算$29 都買返去試吓先👍🏻味道方面不會太甜，好難做嘅酥皮搣開有好多層，返到屋企都仲keep得好挺身，唔會食到成身都係碎，餡料係朱古力醬，入面仲有好多好多原粒榛子！呢個combination 真係十分好！雖然比較貴，但係比其他主打酥皮西式麵包店嘅質素高得多呢！…Read More

星期六中午時間的係奧海城搵食要注意，唔速戰速決揀定食咩，轉頭間間餐廳都會好多人等位😅今日揀咗PizzaExpress，平時都好鍾意食佢哋嘅Pizza，加上有小朋友喺度，更加需要搵間坐得舒服嘅餐廳😉兒童餐好豐富，一杯蘋果汁、一個白汁火腿螺絲粉、四粒麵包球配Nutella 朱古力醬，最後仲有一杯Babyccino🤣值得一題嘅白汁火腿螺絲粉好重cream又唔會太咸，非常適合小朋友，細心嘅做法我哋再叫咗個四式芝士pizza、蕃茄海鮮意粉加一份麵包球Pizza 一如既往重芝士，正宗薄餅脆薄餅底，食多幾件都唔怕同行小朋友都食咗三件👍🏻意粉主要大人食所以加辣，十分惹味食完呢餐，飽到夜晚都唔使食😂😂…Read More