vkfroggy's Profile

本身對素食印象麻麻，覺得唔會好食得去邊，抱住唔大期望去到，點知係改觀之旅！🔸黑松露蘑菇漢堡包作為一個burger控，一見到素食餐廳有西式burger即刻想試！餡料好正路，係大啡菇、蕃茄同沙律菜，入面嘅精髓係黑松露蛋黃醬同車打芝士，令成個包好香好juicy😋 好欣賞佢用番薯條而唔係普通薯條，唔係度度都有，整體質素唔錯，份量都幾大，一個女仔食真係飽到上心口🔸泰式香辣不可能肉碎意粉呢個更加surprise，impossible meat做嘅肉碎竟然有肉嘅口感，另外有唔少配料，例如菇、蘆筍、蕃茄仔等，調味做得唔錯，唔好睇佢冇乜色，其實幾香口惹味，唔會太辣，而且意粉炒得夠乾身👍另外隨餐都有飲品附送，我哋揀咗熱玄米茶，冇咩特別就冇影到相～…Read More

已經嚟過Morokok好多次，地點就腳，環境舒適，用app book又有折，今日就用Eatigo book左weedend 下午茶時段，有50%off (飲品同指定menu冇discount)，另外需要每人order一杯飲品。🔸泰式柚子大蝦沙律朋友揀咗呢款沙律，柚子鮮甜，好清新開胃，另外大蝦都意外地爽口彈牙，有驚喜！下次值得encore👍🔸泰式青咖喱意大利飯伴黃金軟殼蟹都唔係第一次食，但係再食都有心動嘅感覺！💕 意大利飯被濃郁嘅青咖喱包圍，綿滑香口，軟殼蟹有返咁上下水準，外脆內軟，不過加埋有點heavy，自己食一定好濟，同人share過下口癮就perfect！🔸泰式小食拼盤呢個次次都嗌㗎啦，對佢嘅質素完全no doubt😋 呢幾年佢都轉過幾次小食combo，宜家呢個cambo每樣野都好好食。泰式蝦餅香滑彈牙，雞丸卷juicy，香茅雞翼已經切開單邊好方便食，又脆又香，豬頸肉鹹香爽口，冇得輸！🔸Americano呢個正正常常冇咩特別，下次試吓其他咖啡☕️…Read More

今日係旺角做完運動，想揾個地方靜靜地坐底飲杯咖啡，上網見到呢間coffee shop近近地就嚟左，估唔到war game product集中地仁安大廈入面竟然有間細細嘅文青小店，位置唔係太起眼。去到環境靜靜地，叫左杯Cappuccino ($35)用Wolipay仲有$4 discount。咖啡都幾香，濃度中等，仲有拉花，整體唔錯，提神又relaxing原本想邊飲咖啡邊上下網，坐係最入嘅位置原來唔係好收到data，而且餐廳冇Wi-Fi提供，但係店員好nice好好人 幫手搵咗個近門口啲嘅位置，收到data，可以慢慢hea…Read More

平日係鰂魚涌想食韓國嘢，又唔想咁Heavy，每次都會黎呢間！比起鰂魚涌附近或者太古嘅韓國菜，呢間算性價比高每次黎都會食牛肉粉絲鍋($70)湯底清甜好飲，冇味精味，送飯一流！每次食都連湯飲埋鐵鍋上熱辣辣，天氣涼涼地食仲正～ 仲有好多鮮甜嘅娃娃菜同菇，牛肉唔會韌，吸收晒湯嘅清甜味，再加埋粉絲，好正！另附小碟泡菜，十分推介今次帶埋同事黎食，個個都話正其實佢炸雞都唔錯，可惜好似晚市先有，唯有揾日放工黎食啦！…Read More

最鍾意金桂花茶加原味桃膠(少甜)次次都係飲呢個茶味濃 好飲又唔怕肥😍😍😍買埋比屋企人飲 屋企人都好鍾意難得的良心小店 香港人以你為傲一定會多多幫襯 加油！！！！！…Read More