Sally Koon的個人專頁

每次食泰菜必叫的鮮蝦，唔點醬汁要試吓新唔新鮮，冇腥味可以一試。睇咗食評才試的生菜包，分量比想像中多，有10塊生菜，有1塊生菜有啡色，主動叫佢換都冇聲氣，好食。我係晚飯第一輪有8成入座率，啲侍應生嘅服務態度很好，我坐門口左邊，廚房的另一邊，很寧靜舒服。入座時溫馨提示90分鐘，上菜快侍應快回應不會趕，整體滿意。現上載晚飯Menu作參考。…查看更多

第一次去呢間食下午茶，朋友叫咗蛋撻，牆上倒數器顯示時間，蛋撻好味。座位舒適，服務一般。我叫咗咖央多排列得很有心思，以為好食，點知妹仔大過主人婆，牛油蓋哂的味，只有少少椰香，感受唔到斑蘭味，直情係牛油多，試1次就夠，不會推介。…查看更多

第一次嘗試Opera蛋糕切餅後，已成為常客，佢有一些特別的款是另外兩間店沒有的（其他食評已有推薦）。今次介紹係3D立體蛋糕，俘虜了我兩個女兒的心，$480/2磅人魚公主蛋糕。另一個是$380/1.5磅Hello Kitty蛋糕。…查看更多

今日收到傳單，價格在50幾至80以內，用此app落單10分鐘內便當可取。日式咖喱不是用粉開那款，牛肉好食，漬物是豆很好食，在中環可以找到五十幾元的日式便當算是物超所值，會下次再嘗試。門口在永吉街，店員態度友善👍🏽…查看更多

係依度搜尋日本菜, 要價錢又平又食得開心既, 於是選擇了這間, 3大2小去食, 位置比較偏僻, 不過遠處見到紅燈籠就找到了~~最後選了套餐D:1. 芝麻八爪魚, 有4舊, 中等size, 味道同壽司店差不多2. 6片魚生, 一般, 呢個價錢無腥味, 都算係o甘3. 8件軟穀蟹反卷, o的軟穀蟹係熱既, 代表即炸, 幾好食, 值得一試~4. 汁燒雞扒, 汁普通了點, 無甚特別5. 泡菜豬肉鍋, 泡菜同超市買既韓國貨差不多, 反而最驚喜係豬肉, 豬肉軟身, 咬入口唔鞋, 唔"un", 鬆軟得來並不是o甘肥"脷", 值得推介6. 三文魚炒飯, 係食評見到呢個飯, 於是試下, 真係好好食, 炒得不多油, 一粒粒飯, 鼓油混合得好好, 好香, 2個小朋友食到成碗炒飯, 真係值得推介, yummy6款只係$188免加一, 3大人當然不夠, 額外叫了三文魚反卷, 三文魚不太新鮮, 好一般埋單$240, 真係抵到暈!! 下次會再同家人一起來食~~…查看更多

係食評見到呢間新開的日本店多好評, 即管來試下~~食了2個晚套餐:1. 叉燒麥麵+栗米沙律+蘋果茶+士多啤梨馬卡龍叉燒都係一般拉麵既叉燒, 無咩特別好食, 湯底味噌湯不夠濃, 都夠味, 好食係麥麵, 有嚼口, 爽, 好食過喬麥麵, 當然麥麵味道清淡, 喜歡濃味既人未必合. 栗米沙律都係一般沙津汁同味, 無特別, 蘋果茶個waitress教我們要浸一陣才出味, 好香既蘋果香, 飲落就淡淡地既蘋果味, 都合格. 萬眾期待馬卡龍 不過比阿囡霸佔o左, 搶住食到少少士多啤梨味重, 少糖所以有點酸, 表層脆, 裡面軟身, 新鮮好食2. 溫泉蛋紫菜麥麵+栗米沙津+芒果茶+朱古力馬卡龍溫泉蛋溫度適中,合格, 芒果茶仲香過蘋果茶, 酸度適中幾好飲本人鍾意食朱古力味馬卡龍多過士多啤梨味, 朱古力味濃得來香, 表層脆裡面軟身, 值得一試阿囡霸佔馬卡龍, 另再叫香草蛋卷比細b食, 無香草味, 最出色係o的cream打得好滑, o的crean好食過東x堂, 不過價錢唔太值....總括來說最值得推介係朱古力馬卡龍綜合來說適合有機健康試食者或小朋友, 每樣野淡淡地清清地. 甜品不會很甜. 百多元1個晚餐不算貴, 可以一試但不要抱太大期望!!…查看更多

1月1日假期, 開車入元朗玩, 夜晚試下朋友推介既金田, 呢間出名多人等位, 決定早o的去食, 7:00去到已有一半人食緊, 只係等5分鐘就有位, 3人2細要我們坐側邊.點了6樣野: 1. 刺身船, 三文魚, tuna, 赤貝好新鮮, 反而墨魚"鞋鞋地", 右上角既櫻花墨魚好喊, 差不多$200既價錢不過不失2. 鰻魚飯, 相比刺身, 鰻魚飯香, 鰻魚無腥味, 口感ok3. 壽司拚盤, 當然無刺身o甘大件, 都係一般既壽司味道, 差不多$200有o的唔值...4. 軟殼蟹壽司, 軟穀蟹即炸好香好脆, 值得一試5. 超大三文魚壽司(好似係火山卷, 唔記得個名), $30/每件, 嘩! 一件都差不多等於紙巾o甘大!! 最勁係勁多蟹籽, 2個細囡搶住食, yummy!!6. 最後點了芝士雞石頭飯, 芝士好香, 熱到香噴噴, 2個囡最鍾意食, 芝士撈飯, 正!! 叫既份量太多, 食到大人捧住個肚, 焗住打包個飯~~埋單$600, 呢個價錢係元朗隨時都找到其他日本餐廳...…查看更多

一年一度聖誕節, 我們打破傳統, 不吃西餐吃海鮮, 已3年未去過布袋澳, 當晚去到比較夜, 已有8pm, 揸車入去仍然找不到車位.再去海鮮島, 上次係碼頭食, 現碼頭是原居民拿來bbq的地方~~講番食物先, 上次食墨魚刺身, 今次帶屋企人再試下, 水準無變, 又新鮮, 又爽又滑, 同當年口感一樣, 正, 值得再食~~一家四口叫了唔係好多野, 炸墨魚, 好香好脆, Yummy蒜蓉蒸蜆, 又鮮甜, 反而係蒜蓉太多, 蓋o左蜆既鮮甜, 下次叫他們唔好o甘重手~~辣酒煮花螺, 太辣了!! 合喜歡勁辣既人, 辣蓋了螺既味, 狂飲水食了炒飯, 好一般, 最尾食糖水, 好正, 熱既荔芋西米露, 芋頭好淋, 唔太甜, 食到我2個囡再添食呢最後價錢勁上漲, 3年前平過流浮山, 現在埋單差不多$1000, 同流浮山價錢拉近好多, 加上搭車很不方便, 有選擇既話會選流浮山多過呢度, 起碼多競爭啊!!…查看更多

朋友推介, 難得又近, 決定來試下~~3大2細叫了5樣餸1. 刺身蝦, 好新鮮無腥味, 不點鼓油都好有蝦味, 蟹籽又多, 真係好正, 唔夠5分鐘食完, 真係超正2. 煙熏魚, 好大條, 唔記得咩魚, 外表好脆好乾身, 一撳起裡面o的肉唔"鞋"唔老, 好熱有一陣魚香味, 連配料一齊另一番味道, 當然spicy喇, 好食到唔識形容!!正!!3. 串燒雞同串燒牛, 一般貨色, 不及九龍城某間串燒店...4. 波蘿炒飯,可取之處是飯一粒粒,唔太乾唔太濕, 可以一試5. 串燒雞冀, 好食過串燒牛雞, 香好多, 好熱, 正6. 清湯(送)埋單唔駛$300!! 下次會再來食!!…查看更多

見到有團購, 即管試下啦!!去到間舖, 幾特別啊~~有別於一般既甜品店, o的牆紙好有urban feel, 同大角咀呢o的舊區格格不入~~叫了魔鬼下凡, 朱古力雪糕, 錦花糖, 朱古力脆卷, chip, 朱古力雪糕係我至愛, 好夠凍, 味道類似HD個種, 即係唔太甜, 很重朱古力味, 連小朋友都食到成咀都係2個人叫了心太軟, 全部都係即整, 見到朱古力流出來有煙出, 心太軟一定要熱先好食, 食了雪糕食心太軟反而覺得太甜, 於是撈下忌廉, o甘就無o甘甜, 再撈oreo雪糕, 又熱又凍, 正!!係天時暑熱食呢兩款租品, 真係賞心樂事, 舒緩身心~~我一定會再來食這店!!!…查看更多

見到有團購送$100餐飲卷, 於是問了餐廳此卷可否用下午茶, 然後訂檯, 17大7小當日侍應打來double confirm, 語氣態度都好nice, 唔駛等就入座, 個男侍應問我們要唔要分2張檯坐因舖了一行長檯, 語氣態度ok啊~~見了餐牌, 價錢真係幾貴, 好彩有$100現金卷, 點了Jumbo tea set三文治+薯仔沙津+薯寶+春卷+炸雞寶+串燒雞, 差不多2個女仔既食量!!三文治一般貨色, 薯寶, 串燒雞只有暖暖地, 即係之前已整定, 又係一般味道, 只有春卷+炸雞寶係即做, 好熱, 不過都係一般貨色~~最好食只有薯仔沙津, 薯仔好"淋", 連沙津醬係新鮮撈(無水出), 有酒店既質素 總括來講質素同價錢真係天淵之別~~呢度最值得只係個風景, 若用正價食, 絕對唔值...…查看更多

第一次同5個家庭一齊係大埔食晚飯, 係呢度找食評, 終於找到呢間又平又高分既店, 好彩有得訂位, 已吩咐多小朋友比o的側邊位. 一去到, 嘩, 多人到嘔, 每張枱坐滿人 心知不妙! 會唔會流料架?? 即時講訂了位, 等了10分鐘就帶到側邊既位置, 終於安頓成班人....(17大7小)個姐叫我們一次過落單, 因太多人後補會miss單,係坐滿人既店, 叫人來即時有反應都算係o甘, 傳統地道既熟食中心的店說話粗聲粗氣,好有地道feel!! 有問有答算係有禮貌!! 終於餸來了!!1. 先來白切雞, 一般味道, 最緊要少肥膏, o的肉唔太"鞋", 合格收貨2. 薑蔥鮮魷, 魷魚軟滑, 好咬口, 好爽, 又大碟, 值得一試3. 栗米班塊, 多蛋汁同栗米混一起, 幾香, 比小朋友送飯一流!!! 班塊就一般, 無雪味, "林林地", 無咩特別4. 金銀蛋莧菜, 莧菜好嫩無渣好好食, 皮蛋喊蛋一般, 可以一試5. 籠仔蟹肉糯米飯, 超正!! 蟹肉大大舊, 好新鮮, 無腥味, o的肉唔"鞋", 蒸完後糯米飯有蟹汁味, 好好食, 值得推介, yummy6. 即炸墨魚丸, 熱到盪口, 真係即炸, 好爽口, 少粉, 唔點醬都好夠味, 值得推介, 好好食7. 即炸豬大腸, 好香, 好脆, 外表好似燒乳豬o甘, 好爽, 食完再添食, 好耐未食過o甘好味既豬大腸, 好邪惡呀, 下次一定再食 超級推介8. 蒜蓉蒸絲瓜, 一般蒜蓉味, 絲瓜有渣, 一般貨色9. 椒鹽九肚魚, 即炸, 九肚魚好香, 魚肉就一般酒家既貨色, 無咩特別10. 炸魷魚鬚, 熱到盪口, 唔靭, 好爽, 少粉, 唔點醬都好夠味, 值得推介, 好好食…查看更多

係黃金海岸游完水, 臨時決定來深井食燒鵝, 已經超過6年未踏足呢個地方, 已經忘記了燒鵝的味道, 所以當一個新生兒來試下, 見到裕x排長龍, 所以去能記試下, 記憶中未食過呢間, 不過他們既招牌寫自1962年?? o甘耐歷史睇怕唔會差得去邊, 見到地下已經坐滿人, 於是問下有無位, 2樓有位, 決定入去試一下!!全部都係散叫, 一行4大2細, 招待算係o甘, 有問有答尚算禮貌, 點了4個餸:1. 燒鵝半隻$200, 排得好完整, 暖暖地, o的皮唔脆但肉好軟身, 唔多肥膏, 好濃味啖啖肉, 適合我, 唯一唔好係近pet pet位有2舊醃得太喊, 好似含住o的鹽o甘, 整體上合格2. 蒜蓉蒸大蝦, 時價, 大概$180, 蝦有鮮味, o的肉唔"鞋" & 唔腥, 每隻都大大隻好多肉, 又排得好整齊, 配埋蒜蓉真係好好食, yummy!!3. 鼓椒鮮魷, 鮮魷唔老, 好爽, 薄得來又好咬口, 不過o的汁太"杰", 稍微喊了點4. 帶子豆腐, 比小朋友食, 帶子無咩味, o的肉好"淋"一整就散, 件豆腐好大件, 影得帶子好細粒, 好一般連啤酒埋單$600幾, 價錢算中等, 值得推介燒鵝同蒜蓉蒸大蝦, 可以一試!!!…查看更多

原本唔識呢間店, 係觀音灣小食店既老板介紹架!!3大2細入去叫小菜, 長洲海鮮正, 呢間只有魚食, 估計應該唔差得去邊, 即管試下!!叫了薑沖蒸黃立倉, 超新鮮, 成條魚o的肉唔老, 唔"鞋", 有魚味, 連"每事彈"既阿媽都係o甘盛讚條魚, 100分滿分!!!炸肉排, 好大碟, 至少有5塊豬排, 即時煎炸, 熱喇喇, 係新鮮豬肉無雪藏味, 可以一試!!第3個小菜係涼瓜炒魚鬆, 涼瓜有少少老, 即係有渣, 魚鬆係一般魚肉加粉, 無咩特別.最抵係3樣小菜套餐都係$150有找, 係晚飯快餐來講絕對超值!! 一定要比LIKE!!…查看更多

睇完龍舟去check-in, 問人點找間店, 去到附近已經見到條人龍!! 果然名不虛傳!!叫了4個紅豆餅, $18, 真材實料一粒粒紅豆, 軟硬適中, 連我個1歲半bb食到唔停!! 食落唔太甜, 証明無勁加糖, 份量又足, 食了2個已有滿滿地既感覺, 很滿足另叫了1個蟹籽壽司, 香腸壽司, 蟹籽就一般水準, 反而係香腸有驚喜 初時以為半條香腸, 點解食到一半仲有既!! 食到尾尖終於見到個腸尾喇(太肚餓唔記得影相添)埋單總共$39, 抵食!!! 下次來長洲再食過!!! 唯一唔好就係太多人排隊, 所以整定同包定4個紅豆餅, 唔係o甘熱~~…查看更多