ken ken tam's Profile

叫咗個生菜包、串燒、炒馬拉棧通菜、冬蔭公湯咖哩豬勒骨！叫完order不到五分鐘，全部菜品一次過上齊，好似煮好晒在廚房，一有order 就立即攞出嚟，我哋幾個都好小心奕奕，逐個菜去試，每個都係暖暖哋嘅，我哋都話有冇搞錯，個串燒剛燒的話，又怎會是暖的，大家食過串燒都會知；個冬蔭公湯又係暖的，通菜、咖哩豬勒骨也一樣，最好笑就係個生菜包，一般都係用西生菜或者用椰菜，佢哋居然用中式生菜，仲係細細塊那一種 ，怎樣包呢？😅馬拉棧通菜-甜甜地，，無理由架；生菜包嘅料又乾又冇油分，總之就好好食到暈😨😨…Read More

星期六要返工，見中環沒平時咁多人，一於去飲茶；之前星期日跟家人來過，咁耐冇試，試試質素如何，叫咗3個點心，叉燒腸、蝦餃和灌湯餃，腸粉和蝦餃一樣皮薄餡靚，很多叉燒，蝦餃大大粒-也不錯，不過有少少咸，但也很新鮮，最後灌湯餃，湯底餡料也很好👍，下次可再來…Read More

我和朋友不嬲都很喜歡食牛筋腩，今天計劃是去深水埗桂林街食腸粉，跟著去食豬潤麵，點知，食完腸粉行去食豬潤麵之際，經過銀河，見到裡面什麼事呀，咁多人嘅，行近D望望，哦，原來係牛筋腩麵，我和朋友見到咁多人、把心一轉，由豬潤麵變成牛筋腩麵，我哋叫咗一碗牛腩麵$30、一碗牛筋麵$30、再加$5有杯熱奶茶，牛腩、牛筋炆得好霖又好味，湯底又正，再加上佢哋嘅潮州辣椒油，夾到啱啱好，另外杯奶茶好有茶味，比很多店也好，今次真係誤打誤撞！…Read More

伙記以為自己間餐館好食到無得頂，我以為D食評係唔真實，純屬個人意見，點知試過才知道是堅料，雖然食物是過得去，但很過份，尤其係那收銀；這樣的，我哋一行6個人，而且其中之一人是生日，張枱又迫又唔舒服，已經免免強強坐喺度，因為張枱細，我哋叫住4樣嘢食住先，跟住就第二輪再叫4樣嘢，到第三次叫多一個手抓餅，個伙記居然說：吓，加單呀！唔係嘛星期二又唔係多人，又沒有人等枱，居然這樣說；最離譜是我埋單那一刻，佢哋餐館話收現金，但係佢哋餐館貼了一張大字標貼出來告示，收現金，如比信用卡會多收5%，我也肯多付那5%吖，我還跟那女收銀說，但她不理會，當聽唔到，這樣的態度對待客人，我永遠不會再幫襯。 我未曾試過九龍城的泰國菜館有這樣差的人員工；另外佢哋的冬蔭公湯唔好味，一啲酸辣感也沒有，泰式海南雞好味…Read More

今天放假，諗住出去食飯，舒服一下，放鬆一下，去家中附近的南朗山道熟食中心食泰國菜，我們打算去地面那間食開的泰國檔幫襯，估唔到居然休息，本想是食泰國菜，那唯有選擇很久已沒幫襯的在熟食中心一樓的青咖哩屋，雖然是在一樓，但比起地下那間泰國菜館還要貴很多，儘管去試試啦！殊不知，驚喜連連，叫了一支singha 啤酒（$30）、芒果沙冰（$30）、泰式蝦炒金邊粉（$63）、馬拉棧通菜（$58）、半打串燒（$72）。啤酒不用說，芒果沙冰（九龍城價錢）大排檔格局，最慘是一pat pat 的芒果，唔見有沙囉，唔好飲（中伏）；泰式蝦炒金邊粉，蝦只得三隻（勁少）上到枱碟金邊粉暖的，一點鑊氣、熱嘅感覺都冇，（再中伏），串燒雞和豬，都算熱還可以；最後嚟個碟馬拉棧通菜先至超級中伏，唔好食不特止，好似烚完D通菜和馬拉棧撈埋一起，冇味道、冇鑊氣，食到口擘擘，永遠不再有下次…Read More

出order慢，刺身質素差，加了錢食埋燒肉，但估唔到咁難食，只有串燒比較好。雖然食用的時間有4個鐘，但咁嘅食物質素，比你坐6小時也沒有用，最基本的三文魚壽司比市面上的爭鮮還差，都唔知佢做生意為乜，酒精飲品又要加$68+1，雖然紅酒過得去，但是我們想食物也過得去嘛，，真係好失望去了這裡，嘥錢嘥心機…Read More