abtomy's Profile

荃灣新開左一間傑嫂食堂 午市做午飯 晚市做埋打邊爐 午市無幸幫襯 唯有幫襯晚市打個邊爐 環境舒服 唔會太迫 亦會播放九十年代歌曲 我係個個年代 所以聽住歌打邊爐都几正 成晚叫左好多野 有太多火鍋配料都好正 如果比我選擇 一定湯底 蕃薯卜卜蜆和魚翅雞湯湯底好飲到爆炸 唔係味精湯 好飲 。其次店員推介牛胸爽 我真係未聽過 第一次食 我講既 好食過肥牛 真係返唔到轉頭呀 整體我本人滿意 會再幫襯既 。…Read More

見之前都几多負評，我中立心態今晚去試，因為真係好想食日式放題。原本去荃灣好多分店大型藍店，之後老婆話要去黃店，所以出左旺角。先講食物質素。食物ok既，一定唔係難食，只係熟食食物一到枱，食落去有唔夠熱既感覺，應該係水吧等左一段時間先送到客人枱上。落單質素。我安排入座餐廳最入既一間房內，有四張枱，有時想落單又未必甘岩有服務員送上食物，為有自己行出去比單服務員。會有漏單情況發生，但服務員會問有無單之前落左係未黎，如果係現在落多次單，馬上跟進，跟進後好快送到上枱。服務員質素。我幫襯好多黃店，其實食十間只得兩間先係有服務，有時藍店服務總好過黃店一倍，不過講返今晚呢間服務員質素先，後生仔女為主，我今晚帶仔仔一齊去，仔仔只係十五個月大，入座後我無講任何野，等了几分鐘，服務員主動比左張BB櫈比我個仔座，好細心，讚。落單服務員態度好夠主動，讚。改善空間。漏單情況應該唔係一日半日既事，員工自己心中有數，希望你地會揾到一個解決方法，例如用QR code落單，甘樣成本大左，但漏單情況應該有好大改善。總結。我去過好多黃店，大多數都係後生仔女，好多都可能仲細，做事未夠專業。但今晚呢班後生仔女，我係比85分既，希望你地繼續努力。…Read More

三月頭同老婆諗住撐黃，大約六點九去到，門口女仔話如果用 openrice 訂枱，有几款小食可以用十蚊換購，甘我地就即刻訂枱，最快七點半，到了七點半，去到門口位置排隊，到我既時候，女會工問我堂食定外賣，我話堂食，堂食企另一邊，我就企另一邊，企左四分鐘，無人理過我，我亦唔知企係到做乜，裡面有位，叫我企另一邊既女會工見到我當睇唔到。呢四分鐘過後，我決定離開，因為好飽，一肚不受尊重既飽。店內都係年青人，可惜經驗不足。雖然我撐黃，可惜呢間黃我不會再撐，從未試過甘差既黃，有可能係扮黃，又有可能我自己睇錯顏色。…Read More

再一次比 YouTuber老點。見到You Tuber介紹得几好，就約朋友去試下，酒類的確多選擇，但食物就真係唔多選擇，燒烤食物少款式，收費甘既價錢可以唔洗去呢間，去返多分店個D放題仲值囉。餐飯我見到兩個畫面，我出門口食煙，甘岩有位女仕係條街pk，店長和一位女員見到馬上出門口慰問，我見店長仲攞張櫈比女仕坐，呢方便我讚賞👏👏第二個畫面我張台已經無位擺野食，一位男職員堅持要擺放，我唯有配合幫手騰空空間，我遞給碟子比職員，職員居然用不友善態度回應，呢方面需要改善。最後都係個句，youtuber信唔過，要信就靠自己去試會好D囉。…Read More

自從杜生YELLOW OPENRICE介紹黃店後，呢間係專登去幫襯既首間。今日星期二平日，我都無book位，因為諗住家下周圍都係病，應該唔會爆既，點知我六點上到去，店員話full booking了，我馬上O咀。我老婆由於好想食既関係，就問店員快食得唔得，店員check過行話七點半前要走，我地當然無問題啦。讚!店員好好，好有耐性介紹食物種類，最後叫了一份卡邦尼意粉和M9牛扒，店員知道我太太有了BB，都會話牛扒要七成熟比較好，細心。讚!卡邦尼意粉份量真係比較少，但真係好好食，正所謂貴精不貴多。讚!M9牛扒上碟前已經切開大約十塊左右，牛扒好好好食，配菜好食。最最窩心係十塊牛扒裡面一半真係七成熟，而另一半係接近全熟，我就食七成，太太食全熟，呢一點係另我收左山唔寫食評已再去寫既原因，讚讚讚!呢一份體貼真係唔係人人做到，簡直好似日劇東京飯店裡面既員工一樣，食物重要，但顧及食客一樣重要。讚!首先多謝杜生無老點，因為本人跟過茂位 YouTuber介紹後中伏後，搞到我有陰影唔信網上既人，今次之後我只信杜生你介紹。然後要多謝餐廳職員和廚師，我欣賞你地。食物真係好食，不過價錢真心貴左少少。我一定會再去，五大訴求，缺一不可。…Read More

我上網訂了7:45pm，但朋友居然早到，甘我就硬著頭皮去問門口個位小姐可唔可以早點入座，由於當時7:05pm左右，對方回答我由於7:30pm都有一批已經訂枱，所以要等個批到先比到位我，我話無問題我企係門口靜心等待，大約7:15pm左右，這位小姐居然走出來有禮貌地同我講枱清潔中，執好枱就帶你入座，個一刻好冧丫。但除了門口呢位小姐之外，其他伙計就一般般啦，有改善空間。好講番食物先和飲品先，由於本人去了葵芳廣場掃街，掃到飽左六成既関係，在餐廳只叫了兩個併盤，有腸，有火腿，兩個人係食唔晒。重點德國黑啤好飲到爆炸，每人飲左兩大杯。。。。。正！由7:20pm吹到11:30pm左右，快樂時間過得特別快，兩人埋單七百，唔知算平定貴。大至上100分滿分，我比77分左右，一讚門口帶位小姐，二讚廁所乾淨。…Read More

生日飯。上openrice睇左兩小時，終於去左高麗軒食放題，一心對放題無太大期望，所以唔會失望。睇左好多食評都係話要加$38，加完之後食物提升左食好野，本人真心覺得值得，服務不用有期望，但唔會好差，一般水平。總結食物質素不錯，係蝦比較梅同埋細隻，牛舌可以不叫，因為雪得太耐成炸雪味。十分滿分，我會比六至七分。…Read More

第一次食呢間，感覺良好，服務員有兩，一種年青型，比較唔主動。另一種係成熟型，十分主動，十分細心，我好滿意。食物叫左個二人牛肉餐，就甘睇好似唔多夠，當食到一半已經開始飽，可能有前菜既關係，食物質素唔錯，味道中上。最後亦叫左隻醬油蟹，本人十分欣賞，咬住一件含係個口到，用力一吸，成舊肉入唒口裡面。。。。正。即是唔係好大隻，但已經足夠滿足。…Read More

我連埋今次幫襯過三次，今次再失望，六點入座點菜，成七點零五分先到齊，只叫了兩個套餐。鐵板廚師掛住同客吹水，拖慢進度之餘另食物質素更差，煎三文魚骨變成乾到食唔到，真係要多謝個鐵板吹水廚師。鐵板牛柳好食，但要等一個鐘。以往唔係甘囉。自問食唔少餐廳，預過几谷氣餐廳我都無出post，但今次唔出都對唔住自己。…Read More

一直都有去開太安樓食野，近期原來開左間新野，位置係機鋪門口。我當日食左腸粉和狗仔粉。腸粉好滑，唔係粗個隻腸粉，我曾經去過深水涉食過呢隻腸粉，真係無想過係香港呢邊都有得食。。。正丫。。。推薦大家一試。狗隻粉第一次食，初頭以為係粥，原來係銀針粉，再加埋菜圃落去一齊食，真係攞命，好難得有Ｄ甘特色野食。。。。唔錯。招呼一流，可能老闆係比較後生，禮貌一流。…Read More