minminyu728's Profile

Kew+ Cake位於尖沙咀K11 Musea美食街，佢招牌產品係層層水果忌廉蛋糕同花漾果凍蛋糕。蛋糕用上新鮮時令水果，口感爽口，鮮甜不膩，層層堆疊嘅忌廉奶油質感夠輕盈唔會太膩，令整體味道層次好豐富。蛋糕造型都精緻得嚟充滿少女感，啱晒打卡同分享。勁多款蛋糕，賣相好靚，適合打卡，花漾果凍蛋糕搽上層層清澈嘅果凍，有啲微微酸甜，增添新鮮感，整體十分均衡。…Read More

流口水重慶麵館喺K11 Musea美食街，有好多枱凳，出餐都算快。餐廳主打重慶風味米線同麻辣湯底，配搭湯底嘅味道層次非常豐富，辣得過癮但唔會太搶味，辣中帶香，好惹味。我試咗佢哋嘅招牌麻辣湯米線，湯底鮮香且麻辣得宜，米線彈牙爽口，啲豬肉片嫩滑，入味夠晒啖啖肉，配埋麻辣湯，令人覺得好冧。另外，好推薦佢哋嘅酸辣木瓜金湯米線，湯底酸酸甜甜，帶有木瓜嘅鮮甜滋味，特別開胃。另外仲有好多重慶小食，啱晒鐘意麻辣口味嘅人。…Read More

位於尖沙咀K11的星巴克咖啡店，空間唔算大。座位安排方面，走通道夠闊.星巴克的冰拿鐵（Ice Latte）通常由濃縮咖啡（Espresso）同冷牛奶及冰塊組合而成。佢嘅最大特色係咖啡香濃而不苦澀，加入冷牛奶後口感變得細膩嫩滑，加冰飲落去啖啖冰涼，咖啡風味保持咗濃郁但不搶，伴隨牛奶嘅香甜平衡，入口有層次感。星巴克嘅冰拿鐵亦可客製化，例如換成燕麥奶或者豆奶，令奶味更加柔順滑潤。加咗糖漿嘅版本則多咗一層甜味和香氣，令口感更有層次。…Read More

Gontran Cherrier Bakery位於尖沙咀K11 Musea地庫，有名嘅招牌係牛角包，多款麵包同甜點選擇，味道層次豐富，麵包外層酥脆而內裡鬆軟，帶有濃郁牛油香，好有質感。蒜蓉包香濃但不過鹹，蒜香與酥脆麵包完美結合；綠茶牛角包帶有濃郁綠茶香，微苦中帶平衡，飽滿牛油香味，食落唔覺膩。杏仁牛角包面層灑滿香脆杏仁片，入面有甜度剛好的杏仁醬，鬆脆口感令人回味。榛子紅桑子朱古力牛角包果仁豐富，紅桑子醬酸甜平衡朱古力味，口感豐富有層次感。香腸卷以脆皮腸搭配黑椒加牛油丹麥包，咸香滋味大滿足。…Read More

G Bar 喺尖沙咀K11 Musea嘅B2層Food Playground，環境位置方便，氛圍輕鬆舒適，佢哋主打鮮榨果汁同特色飲品。赤肉蜜瓜汁，用上日本赤肉蜜瓜鮮榨，100%果汁無添加，甜度清甜得嚟帶有濃郁嘅蜜瓜香氣，仲有啲果肉粒粒，口感爽口令人回味。巨蜂粒粒果茶就麻麻哋，成陣藥水味，味道好假，果茶入面果粒豐富。價錢都係偏貴，不過勝在選擇夠多款，又比你見到糸新鮮生果打汁，在k11 musea呢個場都算係咁。…Read More

Tokachi milky通常都係好多人排，人氣旺盛，來自北海道十勝嘅奶香甜品店，有泡芙、雪糕、布甸，依家推出咗限定嘅黑芝麻布甸。布甸本身質感滑溜幼細，黑芝麻醬同十勝牛乳嘅結合令口感濃厚又入味，帶出黑芝麻特有嘅香氣同微微甘苦，平衡到甜度……布甸上面鋪有一層芝士奶蓋，鹹鹹甜甜嘅味道同黑芝麻碎咁配合，入口即融，層次感好豐富又惹味。整體偏甜，黑芝麻嘅香味突出，奶蓋嘅鹹味令整杯布甸更加有趣味同層次，非常適合鍾意芝麻控。…Read More

距離美孚港鐵站，行幾分鐘即到，裝修偏向傳統點心茶樓風格，環境麻麻，廁所衛生都幾惡劣，地板老舊，有人經過時會震動。一千零一部電梯壞壞哋，唔方便老人家上落。中午過嚟飲茶，點心方面，鵪鶉蛋燒賣都夠熱辣。糯米包一籠三隻，漲卜卜。蜜汁叉燒賣相幾好，食落冇渣，肉質都算唔錯啦。炒米粉幾上色，有炒蛋、蝦仁。鮮蝦菜苗餃，皮都幾厚，好在餡都算多，咬落有口感。服務態度冇笑容，個個都黑口黑面，冇鬧交算係咁，人多都嘈雜………Read More

暖心芝作太子分店，店面唔算大，但成日都好多人排隊。佢哋主打各種黑芝麻美食，今次試吓佢哋招牌特濃黑芝麻雪糕，聽個名都已經好吸引。黑芝麻醬帶少少光澤，一望就知芝麻比例十足。第一啖入口，黑芝麻香味即刻爆開，香濃得嚟唔會膩，味道層次好豐富！！雪糕質地好細滑，入口即融，芝麻香氣慢慢滲出，真係每啖都充滿濃濃嘅芝麻味。芝麻磨得好幼，冇粒粒沙感，反而帶出一種好順滑嘅口感，好冧又有少少堅果嘅回甘。其他仲有黑芝麻布甸都好吸引！…Read More

驚安燒肉商店係間人氣日式燒肉店，環境真係幾正，最啱同幾個朋友或家人一齊慢慢食肉兼傾偈。成間鋪裝修走日式居酒屋路線，一入去見到係開揚寬敞，枱同枱之間有啲距離，唔會太迫，配上柔和燈光，坐得舒服又冇壓力，每張枱仲有獨立燒烤爐，燒肉時成檯都圍住火爐好有氣氛。呢度最出名係和牛壽喜燒同招牌九宮格燒肉盛盒。九宮格燒肉盛盒裡面有齊A4和牛三角、厚切牛舌芯。特別推介牛舌芯，切得厚身，燒到外層微脆，內裏保持彈牙口感，每一塊都好爽口。一啲部位仲有醃製調味，燒完香氣雙倍，好入味。…Read More

麥奀雲吞麵世家喺K11 Musea都有分店，店舖在地下美食街區，面積唔算大，在但燈光充足，感覺乾淨光猛，牆身有啲懷舊元素，令人一入去就感受到舊香港嘅氣息。叫咗一碗淨雲吞，望落每粒都唔細，圓鼓鼓好足料。雲吞皮薄得嚟有彈性，入口好滑，唔會有膠感，外層輕輕吸咗湯底嘅鮮味。咬開係啖啖蝦肉，好彈牙又Juicy，啲蝦漿十分鮮甜，夾住微微韭黃香氣，同蝦肉比例啱啱好。餡料一啖落去，層次好豐富，有鮮甜味，又帶有少少胡椒提味，惹味但唔會太搶；鮮甜中又帶點鹹香。…Read More

El Cerdo中環店位於蘇豪區伊利近街，環境chill又有濃厚西班牙風情，室內設計簡潔而帶有濃郁異國情調，整體氣氛適合聚會、約會。餐廳分為室內及室外區域。門口位置有幅牆係可愛黑毛豬藝術牆畫，畫咗隻單眼托頭嘅可愛卡通黑毛豬造型，色彩鮮明又有趣。絕對系個打卡熱點。墨汁海鮮炒幼麵，賣相精緻，墨魚汁的鮮甜完美滲透麵身，墨魚肉及大蝦新鮮彈牙，黑色的墨魚汁包裹著幼細麵條很特別，但麵條口感偏軟，口感上有啲失望啦。…Read More

敘．小麵海港城分店嘅環境設計簡潔優雅，店內坐位安排寬敞，枱與枱之間保持適當距離，好有私人空間感。牆身以淺色木紋裝飾，加上柔和燈光，營造一個舒適而溫馨嘅用餐氛圍。清燉老雞白湯，湯底清而不油，麵條吸盡清燉老雞白湯嘅鮮甜，麵質爽口彈牙，湯底入味不膩，帶有家常滋味。口水雞，雞肉嫩滑，微辣。大豬扒外皮炸得香脆，豬扒肉質Juicy。薰魚帶有獨特煙韌口感，味道層次很豐富。豬肝烹調得嫩滑入味，保持住豬肝嘅鮮香味。…Read More

蘇式麵館，主打正宗蘇州麵食及蘇幫菜。k11分店餐廳環境設計優雅舒適，裝修現代簡約，坐位寬敞且座椅舒適，感覺輕鬆自在。佢哋嘅麵條係由蘇州產嘅手工麵條，細膩而富彈性，配以慢火熬製4至6小時嘅老雞白湯或者醬油豬骨紅湯，湯麵都入口鮮甜。冷熱澆頭，食客可以自由搭配，午市套餐非常抵食，78港幣起就可以享用「絕代雙澆」套餐。手工素菜包新鮮熱辣，餡料豐富。甜品薑汁湯圓好有誠意，湯底帶有濃郁嘅薑味，口感好Q彈，帶少少辣度，食完可以暖胃之餘。…Read More

餐廳環境開揚舒適，以簡約現代風格設計，廳內有大片玻璃窗，能夠望向維港景色，白天可以感受陽光灑落海面，晚上則欣賞到港島夜景的繽紛燈火，環境帶有一種悠閒且放鬆的感覺。餐廳主打正宗越南菜，番茄蟹檬是其中招牌之一。這道菜的湯底用新鮮番茄熬製，酸甜清爽，帶有蟹肉的鮮甜味道。湯裡有啖啖蟹腳和蟹肉丸，配合彈牙的檬粉。三文魚撈檬，三文魚肉質嫩滑，每片都帶有鮮甜感，配上特製醬汁撈勻，爽口又入味，撈檬粉Q彈煙靱。😁…Read More

主打正宗台灣菜，環境舒適寬敞，裝修以台灣鐵路及阿里山為主題，主調係綠色同橙色，天花花俏高雅，絨面椅子同型格天花板上下呼應。門口嘅卡位設計得似19世紀台灣豪華火車包廂，坐得舒服，氛圍好有特色。招牌牛肉麵，湯底用牛骨加香料慢炖，湯頭醇厚香濃，帶有淡淡嘅藥材香，唔會太油膩。配以手工製手工刀削麵，麵條厚薄均勻，煙韌彈牙，好有口感。牛腱肉燉得軟嫩入味，啖啖都係肉，入唔同配料如蟲草花脆脆、百頁豆腐，中午有套餐選擇，搭配三款台式小食，送貨埋湯水，加錢有嘢飲。…Read More