panpanlau's Profile

冬天最岩就係食碗粥暖下個身，今日路經黃大仙，就去呢間粥店幫襯下。店舖光猛，坐得舒服，唔似舊式的粥店，比我感到好乾淨。店舖用手機落單，但有D 老人家唔識落單， 我見店員都好有善，會幫手。狀元及第粥：口感滑順，軟綿綿，仲好足料，有豬肝豬片豬粉腸，仲配上香菇，蔥花，好味。北菇滑雞粥：雞件數量都唔少，而且雞肉不鞋口，是滑滑的；配上北菇的香味，便覺齒頰留香蝦米腸粉及蔥花炸兩腸粉：蝦米鹹香，腸粉滑溜，炸兩香脆；配上豉油、花生醬、甜醬，是去粥店必叫的小食。豉油皇炒麵及炒米粉 ：調味同份量都恰到好處，也是去粥店必叫的小食。整體來講，洪記粥品嘅食物質素高，CP 值高，店員服務態度又親切，係會再幫襯的小店。…Read More

同朋友黎到旺角行街，見到有間韓式燒肉，晚市都係$238/位！！位置又大又坐得舒服😌，張枱夠大，可以放好多野食😋橙色又顯得高貴優雅😌😌有勁多肉類款式🥩，牛、豬、雞、羊唔同既煮法都有🤭仲有海鮮都好多款而自助前菜/小食bar提供各式各類既韓式食品。任食唔嬲😂唔少得仲有雪糕杯，仲有好多隻味揀👍🏻店員都好nice，一入座就會提供9格既唔同肉類，想再食邊樣就掃code再叫。#韓燒 #韓燒放題 #韓式放題 #超級抵食 #旺角韓燒 #旺角美食 #旺角好去處 #hkfoodie #theonekoreanbbq…Read More

之前曾幫襯此小店, 對小店的拉麵念念不忘, 所以, 今日入元朗工作, 再次惠顧.入到店內，職員好親切，好有禮貌咁安排我坐下。入去坐低之後，店員好有禮貌問我食咩，我就即刻點左小食嘅《雞肉丸子4粒》😋、《辛之味噌餐拉麵》及一罐無糖可樂😋。環境都好舒適同乾淨，等左3-4分鐘，熱騰騰的拉麵就送到。餐黎到，小食嘅《雞肉丸子》，味道方面都吾錯，咬都去都夠彈牙，吾錯👍🏿。《辛之味噌拉麵》，一份量都算可以，夠飽，拉麵麵質彈牙，有咬口，不會太淋又不會太硬。原來都有流心蛋，都好好食，味道方面覺得都濃郁，d湯都飲左幾淡，吾錯💪🏿👍🏿。小店的雞叉燒依舊美味，如果有機會下次黎食，我都會介紹人黎食😌☺️☺️☺️…Read More

之前曾到訪此素食餐廳，ＣＰ值高， 所以再次到訪。店舖環境舒適、乾淨，而且店員都好有禮貌問我同朋友食咩。我同朋友點了《I餐》蜜汁素叉燒拼黑松露炒滑蛋配羽衣甘藍菜飯及《H餐》泰式鳳梨炒飯配沙嗲串燒。落單之後，等左5-8分鐘，美食便送上。《I餐》蜜汁素叉燒拼黑松露炒滑蛋配羽衣甘藍菜飯份量方面都好足，夠鑊氣同熱辣辣；素叉燒，但咬落去吾煙韌，都好松化，味道方面很香，真係好似食梗新叉燒，吾錯💪🏿👍🏿。《H餐》泰式鳳梨炒飯配沙嗲串燒份量亦大份，串燒辣辣地之如都夠入味，泰式炒飯炒到粒粒金黃，亦有鑊氣， 覺得都好好食，吾錯💪🏿👍🏿。如果來荃灣， 又唔想食肉， 呢間素食店係不二之選😊😊😋…Read More

餃子係雪櫃的常客, 通常我都會買定一兩包看門口.為左健康原故, 依家少左買超市餃子, 多數去街市買餃子.去開深水埗, 有朋友介紹呢間餃子店抵食又好味, 所以入手兩包餃子, 試下味道.四拼素肉餃 (紫菜+椰菜+香蔥+泡菜)$48🩷素食餃子味道清新、口感豐富；紫菜餃子為少見，所以我覺得幾特別，我家的小朋友都呢款口味。每粒餃子的餡料豐富，十分足料。麻辣旺菜豚肉餃 ($42)🩷店員推薦我買呢款餃子。豚肉用了麻辣醬料調味，加上旺菜為整個口感帶來層次；餃子不是太辣，不太食辣的人都可以試下。店員仲好細心，會比保溫袋及冰種。如果鐘情手工餃子的朋友可以一試。…Read More

眾所周知, 尖沙咀美食林立, 今次去到山林道的西餐廳JUST’er Bar & Restaurant食lunch。聞到隔離枱食緊既黑松露意粉咁香。。。一於叫試一試。朋友就叫照燒汁配美國龍脷柳飯。黑松露牛肝醬卡邦尼意粉意粉軟硬度適中，不會煮得過硬或過淋。黑松露份量不少，食完整碟意粉十分回味，齒頰留香。照燒汁配美國龍脷柳炒飯龍脷柳勁大塊，成個手掌咁大塊；粒粒分明的炒飯，配上照燒汁香香甜甜，超好送飯。另外，我地仲叫左榛子鮮奶咖啡及士多啤梨奶昔，為呢一餐抵食既lunch 畫上完美句號。…Read More

捉緊暑假的尾巴，與小寶寶去深水场的玩具街逛逛～帶住小寶寶，自然想搵一間座得舒適的餐廳醫肚。呢間係一間田園風餐廳，行小清新風格，入到去十分舒服。店員見我有小孩同行，仲主動問我需唔需要BＢ椅，又安排我到一張較大的餐枱用膳， 十分體貼， 大讚。鐵板芝士焗蕃茄牛漢堡配珍珠飯 $92鐵板上，熱辣辣，有兩塊牛漢堡，漢堡有一定厚度，絕對有份量，配上香濃茄醬，芝士，呢個配搭，送飯一留，小朋友食得舔舔脷。雙層煙肉芝士自家製牛肉麥漢堡配薯條 $99第一次食麥漢堡， 有一陣麥的香味。都係一個好足料既Burger, 有兩片煙肉,兩塊牛漢堡, 加上芝士, 沙律菜, 蕃茄, 洋蔥, 配上漢堡醬汁, 好夾, yummy.呢間係一間回頭率好高既餐廳，特別係帶住小朋友～如果想座得舒服, 又抵食既, 呢間係首選.…Read More

同朋友行係朗豪坊行完街, 就去隔離朗晴坊醫肚。之前上網做過功課，話呢有間CP 值幾高既西餐廳, 今次就黎試下先。呢間餐廳可以用小清新來形容，裝修簡潔，座位闊落，好舒服。澳洲特選有骨肉眼配薯菜🐮$128牛魔王上身，呢個價錢食到手掌咁大塊扒，真係真心抵食呀。我地叫左7成熟，切落去唔會靭，有又肉汁，火候控制啱啱好，加上有唔少配菜，調味適中，清甜，令到食完咁大塊扒都唔會有罪惡感。自家製牛肉大啡菇芝士漢堡配薯條 🥩🍔 $99朋友大讚呀！漢堡多汁，大啡菇厚切，配上洋蔥生菜芝士，漢堡醬汁酸酸甜甜, 十分醒胃，加埋一齊真係perfect match。特別一定係個炸薯條， 每一條都炸到卜卜脆，真係好好味。我地都有叫到特飲🍹香蕉奶昔 🍌好Creamy, 香蕉味好香濃，電子落單可以揀甜嘅程度，好方便。榛子朱古力 🍫都係好香， 好滑，味道非常好。…Read More

聽朋友介紹，呢間專食花膠米線的米線店。經過太子， 就黎試下佢。我叫左蟲草花花膠雞米線、金磚豆腐。蟲草花花膠雞米線 $68米線的湯底真係好好飲，有別一般的米線店，即係酸酸辣辣果隻。我可以清晒佢Ｄ湯，真係好濃郁，鹹度適中，飲得出不添加味精。米線同湯底係分開上，湯底、雞件、花膠片、蟲草花放在一人邊爐D 鍋度， 好似打梗邊爐咁。用細火keep 住個溫度，熱辣辣，飲落去真係好正，如果冬天黎食仲正呀。雞件好滑，花膠好淋，米線分量好足，如果細食D 既朋友，可以叫佢小米線呀，唔好浪費食物。金磚豆腐 $28另外，叫左金磚豆腐小食。外脆內軟，炸分又唔厚，入口即溶；調味又不會死鹹，好香口，份量足，值得推介。食物質素高，店員小姐又有禮貌，呢間小店可以再回頭呀。…Read More

今天與一位食素的朋友到荃灣行街街~到了醫肚時間，呢位朋友二話不說介紹我去呢間新派素食餐廳🍴「天·悠蔬食」食午餐🍲。入到店內，餐廳裝修以粉色為主調，店舖寬闊，環境整潔，感覺好relax😊。午市MENU有多種選擇，樣樣都好吸引 😍:酸甜咕嚕玉配素滷肉羽衣甘藍菜飯素滷肉脆卜卜，酸酸甜甜，好開胃呀，飯都自然食多兩口😋。真係好似食梗咕嚕肉小菜咁🤭。和風素鰻魚炒飯炒飯粒粒分明，鰻魚汁調味適中，不會死鹹，又不會過甜👍🏻。配料有素鰻魚，炒蛋，紫菜絲；素鰻魚數量都多，絕對足料👏🏻。伯爵紅茶千層班㦸🍰呢個好好味呀，茶味香濃，又不會過甜。大讚呀👏🏻👏🏻！呢間素食店令我對素食改觀，再不是芋頭魚、齋鹵味了；原來素食都可都可以咁多變化，咁高質素👍🏻絕對可以encor😋😋​…Read More

大埔名物粉果佬，除左粉果同手工魚肉燒買出名之外，它的生菜魚肉亦值得一試。之前幫襯食過它的粉果，今次幫襯就食生菜魚肉、咖哩魚旦同手工燒賣。$22 🐟生菜魚肉 大大碗，生菜魚肉真係無得頂，真魚肉極少粉！🤤加上天氣凍，佢落左唔少胡椒粉、麻油；食落好香，又暖身，暖笠笠呀。$10 🐟8粒咖哩魚蛋魚蛋有煙韌既口感，醬汁辣辣地都幾惹味。😃$10 🍲粒魚肉燒賣 很喜歡它的辣椒油, 專登叫姐姐比多D🤤辣椒油絕對有畫龍點精的作用、令煙煙韌韌的燒賣更加惹味。#燒賣#粉果佬#手工燒賣#隱世燒賣#大埔美食#必食#香港美食#香港小店#食好西#食好西系列 #支持小店#香港食評 #咖哩魚蛋 #生菜魚肉 …Read More

元朗出名多野食，今次入黎元朗搵食，發現呢間隱世拉麵小店。🍜 門面比人一種好地道好日本🇯🇵的感覺，真係好懷念以前去日本旅行的日子呀。😌 入到店內，職員好親切，好有禮貌咁安排我地坐下。我地一行四人，叫左４碗不同拉麵。每碗拉麵都配上雞叉燒🐓、味玉🥚、洋蔥🧅、京蔥作配料。鹽雞白湯拉麵👍🏻雞白湯香濃得嚟又唔會膩， 比起豚骨湯拉麵，我更愛白雞湯。拉麵麵質彈牙，不會太淋又不會太硬。雞白湯-熱沾麵👍🏻同樣，都係熱辣辣的雞白湯，拉麵掛湯，每條拉麵都沾滿香濃的雞湯。翡翠濃湯拉麵👍🏻第一次食青BB湯底既拉麵呀, 原來呢個湯底係由菠菜醬和蔬菜混製而成, 吃落清新香甜, 少左一份油膩感覺.黑松露濃湯拉麵👍🏻勁香超香既拉麵呀, 湯底充滿黑松露味, 黑松露味配上日本拉麵, 估唔到都幾夾。我喜愛雞叉燒拉麵多於豚肉叉燒拉麵，呢間專做「雞」的拉麵店，真係大讚呀。🤤🤤🤤…Read More

抵食越南粉去開佐敦做野，想食粉麵，就諗起朋友介紹過既火五越式牛肉粉專門店。小店整潔，乾淨；坐位舒適。午市時段，仲有優惠，飲品可以半價。叫了火五火車頭牛肉湯檬配凍咸檸梳打。呢個湯檬材料勁多，有生牛肉、熟牛肉、和牛牛丸、牛肋條同扎肉；湯底清甜，帶出淡淡的牛肉香氣。最喜歡的就是和牛牛丸，粒粒彈牙，咬落去十分juicy，好好味。麵底份量足夠，如果係大食的朋友，仲可以免費加底，包你食得飽。原來，店舖用的醬料係自家製架，其他越南粉都係用外購的醬料。而火五的醬料係自家製，有辣椒醬、海鮮醬用XＯ醬，岩晒喜歡加調味料的我，咁就可以自調自己喜歡的湯底喇。總括而言，十分抵食，又大碗，再有下次幫襯。💯💯💯…Read More

去開荷里活，又想飲奶茶，茶癮起，就聯想到敏華冰廳。入到店內，地方整潔，座位都坐得舒服。依家會用掃QR code 手機下單，都方便既。但有時反光，唔係好掃到個code.叫左個沙嗲牛肉米拼炒滑蛋雙腸及歐式軟多士，配熱奶茶。常餐黎講，唔算平，都成五十幾。可能連所集團吧，定價都會貴啲。沙嗲牛肉都有4-5塊, 米粉軟硬適中, 炒蛋都炒得幾滑, 腸仔都feel 到佢煎過兩下既。奶茶香滑，真係一流。整體來說，都幾好。可以再幫襯。…Read More

之前大熱的煲仔沙爹牛肉麵，一直都想試下，因為太多人排隊， 所以打消左呢個諗頭。熱潮已過， 就黎試下。老實說，有少少名過於實，而且價錢偏貴，要成$68，仲要唔包飲品。😟的確，煲仔上的沙爹牛肉麵好吸晴，上枱時，個湯係好熱好滾，但係唔明白個麵餅為何硬到一個點😰？！？！？！可能真係要係個湯到浸一段時間啦， 但食落第一口個感覺唔多好。☹️個湯係好濃既， 都好重沙嗲味， 食到粒粒花生，但係我就覺得鹹左少少。奶茶比較苦澀，可能我鐘意較奶的奶茶啦。總括而言， 試過一次就夠了。…Read More