潮媽媽's Profile

今日九龍灣收工 同朋友去左一間幾特別既餐廳食飯。餐廳係一間可以帶寵物一齊食野，而且仲分開左2邊，如果你想靜靜地食下野，都一樣可以滿足到。 餐廳地方都幾大，而且氣氛仲好好，今次我地就揀左係無寵物果邊食飯，氣氛好好，好適合收工黎呢到嘆下。今晚先食左個串燒拼盤，豬牛雞各2串，呢個串燒拼盤最崗色就係個醬，超級開胃，一定要試下。主食就叫左個低溫慢煮燒牛腹肉，賣相非常靚，牛腹肉慢煮後非常淋，而且非常juicy，另外仲為左令口感更好，牛腹肉慢煮後再燒左一次，非常香。配菜亦唔馬夫，翠肉瓜同薯蓉都非常入味。之後再叫左個龍蝦辣茄醬意大利飯，先講龍蝦非常新鮮，意大利飯亦煮得軟硬適中，最崗色係個辣茄醬，少少既辣味，令人更加開胃。餐廳除左食物選擇多質素高，飲品亦有品少選擇，真係非常適合放工後同朋友happy hour 聚下舊。…Read More

星期日，休息日，同老公撐下枱腳，行街，買冬天衣服，咁就渡過這假期，現在平淡平安就是福。來到冰室，人也不是太爆，可能荃灣廣場多食店，比起眾安街，這裏更舒服，更開揚。老公叫了極濃芝士厚cut豬扒煎蛋焗飯+熱檸茶，我就減肥中，就選經典奶油多+熱檸茶。嘩，豬扒飯真係好厚切，芝士味好濃，飯當然炒過，豬扒肉質Juicy, 味道適中，正，喜歡吃芝士的，這個真係無得輸，價錢$68，都算ok,如不用補＄加飲品，咁就更超值。原本想吃奶油豬，已賣完，只好吃奶油多頂上，一如以往，外脆內軟，我只吃了半個，夠了。這間翠華在商場內，行街買嘢，極之方便，下次下再來。…Read More

在銅鑼灣，想搵一間靜靜地的 cafe 傾下偈，都有D難道，見網友推介這間綠茶卷好味，就過來試下。他就選中呢一間銅鑼灣家具舖樓上的cafe。 我們點了一個咖哩雜菜飯。咖哩味道濃厚適中。十分可口。 還有一個牛油果藜麥沙律。藜麥口感唔錯。 同呢個牛油果沙律都好夾。 最後當然是我們的重點。就係甜品啦。 點了焦糖班戟同埋綠茶卷蛋。 綠茶味甜品是我的至愛。我當然絕不放過。幾乎成件都食曬。至於那個焦糖班戟。我的朋友就比較欣賞。所以大部分都給了他吃。 這間店D咖啡好香，吃甜品配咖啡好正呀。還有一系列的坐位望向街景。真的別有一番風味。 下次一定再來。…Read More

今日一田特價，行完見到有間次男坊，香味香到我未入去到聞到，入去發現佢地似足日本遠廳，又係先買票再有人送餐，我同屋企人叫左一個牛丼，豚丼同一個期間限定。睇相就知擺碟好靚，雖然疊得高，但係好易食到飯同肉。先講牛丼，日式牛肉味道夠濃，配埋紫菜同飯食，味道更昇華，肉質又鬆化，最令人難忘係佢地的飯底，好重米香。之後再講豚肉，豚肉就配有溫泉蛋，蛋味流落豚肉上非常吸引，再將飯搭配食，更是驚豔。再講期間限定，佢配上牛肉與菠蘿以及溫泉蛋，菠蘿味道酸甜，將整碗丼飯的油膩一掃而空，令人愈食愈昇開胃。總結而言，餐廳地理位置優越，鄰近多個購物商場，而環境舒適，價錢方面亦公道，食物質素亦不錯。…Read More

今日黎到荃灣搵野食，大鴻輝就最多嘢食。一入到去就覺得野食飲品多到眼花撩亂，揀唔到食邊樣先。真有選擇困難症。好多飲品可以揀 還有只須被多$58就有啤酒任飲。食物都有勁多選擇，包羅萬有，你講得出都有。食肉獸唔單止有牛肉，豬肉同雞肉 仲有好多唔同丸類好似墨魚丸，貢丸，牛丸，龍蝦丸等等而食素菜既朋友都有成個bar有油菜，生菜，娃娃菜。都岩d覺得食得太多肉會利既人，可以清清味。估佢唔到既係d串燒唔單止好多唔同款，整得都好有質素。甜品選擇都唔小。大食王最正。…Read More

今日去灣仔行街買野行了成個鐘，行到勁肚餓要去搵嘢食，灣仔出名很多食肆給選擇，都唔知食邊間好，行到見到有間好似係開咗無幾耐食燒味既專門店，叫「黃金燒味」，見價錢唔係好貴又好似幾抵食，就決定幫襯吓佢。一坐低就有啲開胃酸青瓜送，酸酸甜甜好好食，食完真係好開胃，之後就叫咗好多嘢，我們點咗黑炭肥叉燒拼燒鵝二人套餐，有老火湯跟餐送，我試了幾口，係幾好飲真係老火湯，唔係味精水，油菜菜芯都好嫩口，燒鵝和肥叉燒都好好食。另外還叫咗個燻蹄，大大碟認真抵食。至於個叉燒真的要推介吓，半肥瘦入口即溶，燒汁加了蜂蜜加重口味，送飯一流，可以叫多碗飯，食到很飽。…Read More

朋友生曰聚餐，旺角好多美食，但朋友是韓迷，熱愛韓風，佢生日，一定要就佢。去到已滿座，訂了位都要等。坐下先來啤酒，買2送1。有啤酒當然要叫炸雞。D雞肉好嫰滑，充滿肉汁。這𥚃炸雞，做得十分出色，有很多炸物伴碟，忍不住多叫一盆。跟住我們叫了一盆紫菜包飯，須自己動手動腳自己包，又幾好玩。再叫多了一盆豬手，嘩，好大盆，但又好好味，令我想起韓國的豬手。但這可能能身處地方不一樣，始終感覺韓國的更好味。壽星公話想試士多啤梨米酒，應她要求，必須試一下。來時是放木兜的，又幾特別，味道太甜了，我都是較喜歡原味。這餐在大家嘻嘻哈哈下渡過了。…Read More

看完戲後，就在圓方附近搵食，行過見到這間米芝蓮的海南雞飯，又不用排隊，就來試吓。因只得兩個人，便叫了少許食物作晚餐，圓方這個商場不是太好行，但免費車場可拍長時間，看完戲後再吃晚飯亦足夠時間，真係不錯。當然要吃招牌菜海南雞配雞油飯，跟住叫了海膽豆腐和炒聖子，再叫了兩杯花茶，一杯洛神花茶一杯香梨茶。兩個人的晚餐剛剛好。先來炒聖子，伴上手大量大蒜及芫荽，聖子肉好新鮮嫰滑，肉質非常爽口，配上特製醬汁好美味。海膽豆腐，有少許海膽湯，有10分好味，豆腐好滑溜。最後海南雞飯，雞肉一啲都不鞋，10分滑，雞是去骨雞肉，配上醬汁嘩好好味，當然雞有飯梗係更好味啦。…Read More

今日公司有野要要去荃灣工廈，做完野出返大街見到有間叫artco33好吸引，又有做$10隻蠔，於是諗都唔諗就入左去食。我同同事叫左蟹蓋意粉，澳洲牛肉眼，黑松露薯條加埋半打蠔，最後仲試埋佢個手工啤。首先先講個蟹蓋意粉，好creamy同好濃忌廉味，蟹蓋好多膏。之後個牛肉眼，廚師控制生熟得非常好，一啲都唔乾，塊扒又夠厚，啖啖juicy，配埋麥香極重的手工啤，一流。黑松露薯條足料，好大份量。最後個重頭戲生蠔，生蠔雖然$10隻，但海水味濃，肉質又飽滿，價廉物美。總結而言，artco33環境坐得舒服，食物質素好，價錢亦合理。…Read More

等待香港好混亂，多天不敢外出晚餐，今天難得一家人齊齊整整，決定吃餐好的，便駕車入深井吃燒鵝，避開人群。去到已有好多人訂枱，要等一陣，好彩不是太久就有位。我們叫了燒鵝，蒜蓉粉絲蒸聖子皇，冰鎮梅子骨排，豉油王鵝腸，啫啫貢菜煲，加多數支啤酒。燒鵝送來是熱騰騰，皮脆多汁，肉質嫩滑，好美味，真想多叫半只，但太多餸了，試下其他吧！冰鎮骨排，酸酸甜甜，用來送飯一流。再來係蒜蓉粉絲蒸蟶子皇，哇好多蒜蓉粉絲配上聖子，賣相已經好吸引，味道剛剛好。啫啫貢菜煲，因是煲仔菜，10分嘢味，味道濃郁，又係一送飯之選。深井有許多燒鵝店，這間應該是最歴史悠久。有機會一定再來，價錢合理，味道一流。…Read More

今日約咗朋友去九龍灣嘅牛陣食晚市火鍋放題。 朋友話出咗一個冬蔭功 火鍋 。咁就試下啦。這間店比其他店舗更講究。同以前的牛陣非常不同的風格 。首先有專人幫你起個鍋。將和牛的肥膏落鑊煎出牛油再放入大蔥洋蔥一同爆香。流香味四溢。跟著會有魷魚帆立貝生蠔。不過海鮮是一次性的。不過不失。和牛蔬菜豬肉等無限量任添食。最重要係汽水啤酒任飲 。跟著我出去攞 食物 。有雞肉。蔬菜。烏冬等。仲俾我發現佢有我至愛的羽衣甘藍 秋葵等 貴價蔬菜。 都是我十分喜愛的蔬菜。 跟著我們總共叫咗和牛豬肩豬腩等共約20碟。 食得非常之滿足。 最後還有六款哈根達雪糕任食。 仲要有我至愛的抹茶味。 我總共食咗八球之多。 今次放題真是吃得非常之滿足。期待下次再來光顧。…Read More

如果在大陸就可經常吃到湘菜，但在香港的湘菜選擇真是不多，今天朋友介紹我們三人來到佐敦道的《湘天睛》，我們19:30來到感覺人不太多，可能這𥚃地方夠大，還有一排包房，人多仲可以開間房，這點真是和大陸很相似，服務員安排我們坐的卡位也很寬闊，座底後服務員為我們送上餐牌和倒茶，我們點了四餸一湯，最快來到的是干鍋生態黃骨魚，雖然他不是一口一口的大魚肉，但魚肉是非常之鮮味，加上一點辣味很好味，再來的是每人一盅的雪梨百合燉豬展肉湯，然後來的是在大陸經常會吃到的街頭小食臭豆腐，他和香港的臭豆腐很不同，他是一小塊黑色的，臭味不夠香港的，但他一小塊容易一口咬入，加埋辣汁真是香脆可口又帶一點辣，再來的是墨魚煨大圍山笋絲，這個餸白飯是最好的，最後來的是虎皮扣肉，他有點似我們平常吃的梅菜扣肉，但他的帶皮位置有口感，相當之美味，這𥚃還有很多我在大陸經常點的菜也未試，真是要再來吃過。…Read More

近來大家各有各忙,都好耐冇見面食飯喇,難得今晚大家夾到時間,朋友搵咗一間喺銅鑼灣嘅型格酒吧餐廳,仲有live band表演添,但略嫌表演時大聲咗少少,如果想傾計嘅就要費少少力氣哦,哈哈~~~Nutea Punch(Mocktail)雖然有綠茶但飲落又冇茶嘅澀味,反而有一種清新味道,唔知點解覺得有陣班蘭味添。Noble Lady(Mocktail)呢杯好香椰香,我好鍾意,餐飯都未食完,好快就已經俾我K.O.咗lu。因為諗住叫生蠔嘅關係,所以我地再開咗支白酒,呢支比較dry,我個人口味都係喜歡fruity一啲。Menu上選擇雖然唔太多,但樣樣都好想食。飲埋個餐湯,首先有我最愛嘅生蠔登場,嘩....隻隻都好肥美呢。作為芝士控嘅我,當然唔會放過menu上嘅芝士菜式喇,呢個墨西哥辣牛肉粟米片簡直無得頂,芝士多到呢....正!反而個焗酥皮雞肉芝士卷好似唔多覺有芝士,但有厚厚嘅雞肉同菇菇。再嚟兩個健康沙律,海虎大蝦番石榴青蘋果沙律,清新開胃。而橙漬鮮吞拿魚芝麻無花果嫩菠菜沙律嘅半生熟吞拿魚,面層配上芝麻口感特別可口。今晚晚餐食得開心又滿足,下次會再嚟試埋其他款式。…Read More

今日去探朋友仔，他們極力推薦這間西餐廳。地點優越，鄰近大圍火車站，地方易找。坐下，看下餐牌，晚市套餐百幾，兩百元，十分抵食。我叫了帶子配意大利飯，朋友叫了豬肋條套餐。先來雜菜湯配熱騰騰麵包，湯的茄味濃郁，麵包點湯吃好正。先來帶子意大利飯，帶子外層包上煙肉，好有特色，意大利飯充滿黑松露味道，令人食指大動。跟着再來朱肋條，看見滿滿的BBQ燒烤醬，遠遠都聞到其香氣。送來後，一切開又估不到期十分之冧身，回想其他薯菜，十分好吃。這個晚上朋友無介紹錯，真是一個好地方又平，十分抵食。…Read More

近排睇facebook成日有人推介荃灣南豐紗廠打卡，所以今日趁星期六有假唔洗返工即刻約埋朋友去打卡。行完就係個邊食埋晚餐，今次我地去左間叫王牌冰室，裝潢好有本土特色 地方寬敞，坐得非常舒服。之後睇下餐牌，價格好親民貼地，最正係佢地開左飲品店係隔離，我地可以一邊飲一邊食冰室。我地睇完餐牌決定食佢地大推的沙爹牛同叉燒蝦蛋飯，仲叫多左個椒鹽豬扒。之後又過左去隔離買桂花凍配觀音王同水果茶。首先講常餐炒蛋同包，非常滑，麵包焊底但唔乾，時間拿捏得宜，非常好食。再到沙爹牛，湯底濃而不膩，咸中帶甜，麵可以吸取哂湯汁，十分滋味。之後正叉燒蝦炒蛋飯，蛋半熟，留有蛋汁，蝦肉厚身有大，叉燒味道好，蛋汁配醬油撈飯好食。隨後到椒鹽豬扒，豬扒味道夠濃，配飯食開胃惹味，不太乾身，留有肉汁。最後到兩杯飲品，先講水果茶，佢同外面台式飲品店大有不同，不甜但清新，解膩非常適合，而桂花凍觀音更是特別，桂花味超級清新，每飲一啖都有清香的桂花味。最特別的係兩杯都冇調整甜度，但甜度適中，清甜。冰室位置易找，坐得舒服，價廉物美，常餐更是特別出色，值得再光顧。…Read More