Kin_Kin's Profile

今日出左去做野成日，身心都好疲倦，決定約埋朋友一齊去放開肚皮任食！坐低姐姐會比個QR Code我地落單，有好多款火鍋配料任君選擇，另外，出面亦有自助吧，有蔬菜水果、海鮮區、熟食區同埋甜品區，而我最鐘意嘅區域就係生猛海鮮區，有花甲、蟹蟹、鮑魚、大頭蝦，而姐姐仲要好好地幫我地刷咗啲鮑魚，服務態度好好！湯底方面，我地選擇左花膠雞湯，金黃嘅湯底唔會搶左食材嘅原味，湯底吸哂海鮮嘅精華，愈滾愈鮮甜！食材種類實在繁多，每樣食一份都食唔哂，所以我較推薦食海鮮！另叫嘅羊片、生蠔同埋竹笙都係好值得無限Refill的，最後仲有自製水果冰粉同埋kitkat脆皮雪條任食！邪惡又滿足！！…Read More

今次我嚟到呢間充滿復古氣息嘅意大利餐廳，餐廳環境好有格調，從餐廳中好似穿梭到舊香港咁，感受昔日繁榮嘅感覺。講返正題，今次試咗佢哋晚市套餐～燒牛柳套餐。首先，前菜先上餐包同埋餐湯，今日嘅餐湯係粟米忌廉湯，口感濃郁滑順，質感係偏稠，粟米嘅清甜味好突出，感覺清新。另外，到今次嘅主角牛柳喇，五成熟正好，肉質鮮嫩，咬落去仲有肉汁流出。配上酸甜嘅磨菇汁，令牛肉增添咗好多層次，而薯菜口感唔錯，食落有好突出嘅牛奶香，同埋中間亦特登加咗薯仔粒，增加口感，味道真的很不錯！最後，飲返杯凍檸茶為今晚嘅燭光晚餐畫上完美嘅句號～…Read More

石門雞煲係朋友力推嘅聚腳好餐廳，話係石門一帶最出名嘅雞煲之一，今次我哋試咗走辣雞煲～雞煲本身夠惹味，雞件煮到啲汁完全入晒味。走辣版味道偏甜香，蒜香好突出雞煲嘅底汁用嚟撈料真係一流，食到尾仲可以加清湯繼續煮～水魷魚啖啖爽脆，吸晒汁嘅魷魚口感真係讚！不過要注意火候，唔好煮得過火變韌～另外，四寶丸（黑墨魚丸、墨魚丸、鯪魚丸、蝦丸）係丸類嘅大集合，每款丸都有佢嘅特色，但我個人最鍾意黑墨魚丸，咬落去啲墨魚味超香濃，口感彈牙，而鯪魚丸口感比較綿密，最重要係無細骨，老少都啱食！枝竹係雞煲嘅經典配料之一，煮到吸晒雞煲嘅精華，個汁滲晒入去，超滿足～芝士紫菜響鈴絕對係今次嘅亮點！響鈴炸得脆卜卜，個人偏好浸2秒，咬開入面嘅芝士配埋紫菜，口感好豐富，呢個真係必點！鴨血食落好滑，冇腥味，建議可以自己篤幾個洞慢慢等佢入味～最後仲點咗牛頸脊，牛肉質感好嫩滑，色澤新鮮，仲帶少少脂肪香，細份都已經夠食，啱晒鍾意食肉嘅朋友，幾出色～…Read More

終於試到網上超熱門嘅餐廳，劉興記！劉興記主打平靚正嘅上海菜！最吸引我嘅係任飲豆漿，一入座就有清涼嘅豆漿任你飲，豆漿嘅豆味濃郁，唔會太甜，飲幾多都唔會膩，真係一個加分位！首先，點咗一份必點嘅招牌生煎包，皮脆餡多，底部煎得金黃香脆，咬落去仲有好多湯汁滲出嚟，食落除咗有豬肉味，唔知係咪仲有啲牛肉係入面，肉味好豐富，好滿足！。另外，原味上海小籠包皮薄餡靚，上枱熱騰騰，一口啜哂啲湯汁，品嚐鮮味，終於知道點解依間餐廳咁出名。而麻醬青瓜雞絲粉皮嘅粉皮夠滑，麻醬濃郁但唔會太膩，配埋爽口嘅青瓜同雞絲，一啖落肚真係好清新又開胃，而且份量亦好大碗，兩個人食都夠哂！最後試咗佢嘅雞絲酸辣湯，酸辣湯嘅酸味剛剛好，辣味中等啱晒香港人口味，加埋雞絲更加有層次感，幾有驚喜！…Read More

原來啟德運動園已經開咗幕半個月，今日難得放假，決定去朝聖一下🤣🤣🤣商場已有不少商舖進駐，其中以運動同埋食肆居多～行過有啲肚餓，就入咗茶東西醫肚😋餐牌上面嘅種類好多，但係最近天氣凍凍，所以我哋嗌咗一個壽喜燒牛板腱鍋，仲追加咗一份牛同埋一份豬，個鍋本身都好足料，係豪華版嘅吉邊！味道亦係水準發揮！食完個人即刻暖笠笠😊另外，我哋仲叫咗個牛舌咖喱蛋飯，一上枱嘅時候俾個份量嚇親，牛舌亦係厚切，咬落十分軟腍，配埋甜甜嘅日式咖哩，好好送飯🥰我哋兩個套餐亦都加咗錢升級做套餐，會送羅宋湯同埋前菜，前菜係用火燒過嘅玉子燒，味道有驚喜正！最後，我哋亦都叫多咗個唐揚魷魚鬚同埋男爵薯餅，食落熱辣辣，應該係即叫即炸，好酥脆推薦！…Read More

早已聽聞袁記雲餃係內地十分出名，即叫即包好新鮮😝😝今次收工同同事一齊食埋先返歸首先，我地點左個蒜汁西蘭花，新鮮西蘭花，十分翠綠，配埋蒜汁十分惹味滕椒豆腐絲唔算太辣，食落口感好實在，十分開胃！泡椒魚皮係我嘅all day favourite，依到嘅魚皮好爽口，而且處理得好乾淨，又係唔算太辣，適合香港口味！另外，我地點左5隻招牌煎餃，固定係韮菜餡黎，外皮煎到好香口，皮薄餡靚，如果唔係想試下啲水餃，我會再叫多一份食😍😍另外我地都點左一份全家福水餃，配芝麻醬，芝麻醬是靈魂！一定要叫芝麻醬拌餃！而全家福水餃係隨機12隻唔同味嘅水餃，每隻味道都好多餡，多肉爆料，咬開有肉汁！有驚喜！最後點左杯鮮榨玉米汁，清空一下口腔，感受新鮮粟米嘅味道～…Read More

今日收工有朋友打黎問一唔一齊食晚飯，於是就即慶喺附近搵好野食，我哋最後揀咗一間充滿日式風味嘅燒肉店，呢間鋪頭叫銀座炎藏燒肉，喺來自日本東京銀座，主打日本和牛，店內提供多款唔同的日本和牛部位。為咗試吓唔同嘅部位，我哋就揀咗炎藏和牛極致六點拼盤:炎藏和牛極致六點拼盤 $588拼盤有上後腰脊肉、和牛龜之甲、和牛鞍下、和牛肋肉、和牛羽下、和牛友三角呢六個唔同嘅稀有部位😌每一個部位都有唔同特色，如果想品嚐肉質，可以選擇羽下、腰脊同牛鞍下；如果想試下油香，就可以試下肋肉同友三角，肋肉的油花豐富，肉感比較足😂。就算第一次食燒肉都可以燒到好好食，根本唔使落太多醬汁，只要點少少鹽同豉油就可以完全帶出肉嘅鮮味🥰另外，我哋再叫咗牛舌、豚肋肉同魷魚。1.上等牛舌 $98牛舌一共六片，都是用上牛舌芯的部位，燒完之後牛舌表皮會變得焦脆，內裡繼續爽嫩！簡直係爽脆得嚟又帶有軟彈口感～2.日本產豚肋肉 $88半肥瘦的腩肉，燒完會帶有油香但肥而不膩！。3. 魷魚 $68魷魚比想像中大份，燒完肉質仲保持到爽口彈牙，口感十足。另外就喺價錢！性價比好高，就黎同碟和牛一樣大！…Read More

佐敦可以話係少數族裔聚居嘅地區😍😍當中泰國人亦佔不少！所以開得係吳松街，相信亦都係泰國地道風味！我地坐低就聽到格離枱慶祝生日，泰國版生日歌一響🤣🤣🤣真係好有生日氣氛！不過言歸正傳，我地點咗泰式酸辣無骨鳳爪，入口係好惹味嘅洋蔥味，鳳爪十分爽脆，辣道係適合香港人舒服食嘅😆作為開胃菜一流另外我哋都點咗個虎蝦冬陰功，飲落椰奶味好濃郁，酸道同辣度我覺得都適中，而且亦有好多菇菇同埋三隻大虎蝦，食落肉質彈牙～推薦😍另外我哋都點咗半打串燒沙嗲，串燒嘅味道本身已經好足夠，肉質滑嫩好有風味，配埋沙嗲醬一粒粒嘅花生粒，令到整體口感更加豐富！對於成枱都係肉嚟講，梗係要點返個菜去平衡返呢一餐啦，我哋點咗馬拉盞炒椰菜苗，椰菜苗好爽口，馬拉盞亦十分惹味，好快就消滅晒成碟啦😆最後我哋亦都嗌咗泰式雞肉乾炒河，味道亦係水準發揮，而且份量足料抵食！…Read More

同閨蜜係旺角行街行到累當然要醫下肚仔平時選擇困難既我地竟然異口同聲想食韓國菜餐廳環境闊落被安排到窗邊卡位真幸運菜單款式多元化我地決定任性一次想食什麼就點什麼😻❣️半半炸雞（蜜味乳酪粉+黃金蒜香）雞係即叫即炸 又熱又脆肉質嫩滑有肉汁配上兩種調味 將炸雞層次提升蜜味乳酪粉有啲似蜂味牛油味 喜歡甜的朋友可以一試黃金蒜香有驚喜甜醬汁裹住雞肉 再配上香口蒜片推薦！❣️八爪魚煎餅韓式煎餅類似中式薄撐加入爽口八爪魚🐙很有韓國地道風味值得一提 配搭香辣海鮮醬和麻油將味道提升味蕾更豐富❣️農家鮮泡菜非常入味 辣道適合新手辣之餘亦有甜味菜爽脆 送飯一流❤️❣️紫菜手抓飯看來平平無奇 加入麻油香味四溢呢道菜要動手製作握成紫菜飯團 可以順道練手握力呢😂❣️明太子芝士蛋捲滿滿嘅明太子同芝士係必勝組合配上蕃茄醬同埋沙律醬真係又邪惡又開胃6件一碟嘅份量十分足料推薦試下！❣️飲品（蜜瓜沙冰 海鹽焦糖沙冰）蜜瓜沙冰味道清新有點似韓國蜜瓜味雪條打成沙冰海鹽焦糖沙冰甜甜的消暑解渴！❣️雪冰很難選擇下選了朱古力雪冰黏糕沙冰朱古力沙冰打卡一流 朱古力味濃郁最後有甘濃朱古力味個人推介黏糕沙冰牛奶冰配上黃豆粉 估不到咁配合黏糕煙靭😻我倆都捧住肚皮繼續行街簡直大滿足😌…Read More

今日去咗大坑村搵朋友，發現原來村口有一間西餐廳，裝修光猛闊落，又有啲畫作裝飾，所以就入去坐下休息吓啦！未開始正餐之前，我哋點咗個餐湯，今次係龍蝦湯，飲落充滿龍蝦味，仲有啲蝦肉粒粒同八爪魚喺底， 十分足料！首先我哋點咗一道炸八爪魚粒粒，外皮好香脆，已經調好咗味道，不過配埋個沙律醬更開胃，一粒接一粒停唔到～另外見到呢度都好出名卡邦尼意粉，食落果然名不虛傳，每條意粉都包滿好Creamy嘅白汁，配埋半熟嘅溫泉蛋蛋汁，份量啱晒女仔😋😋我哋仲點咗一道黑毛豬鞍配豆泥，黑毛豬肉質好嫩口，切開仲肉汁流出嚟，十分Juicy！推薦大家試吓😍😍😍…Read More

今日黎到將軍澳行街，之後累累地就黎到呢間餐廳休息下，試下呢道既美食，店面都算大。坐得幾舒服。首先叫左個粟米豆腐羹，非常之清新。味道好好，飲完馬上好開胃。跟住叫左個黃金豆腐粒，呢個外脆內軟，非常之有層次，咸道適中，容易入口，一口一淡。而且唔會好油膩。第二款係千島醬蝦球，粒蝦好似手指公咁大，非常有口感，非常爽滑。我個人十分喜愛。值得一試。最後一樣係小炒王。呢款非常之有鑊氣。非常好味。最岩係配酒一齊飲。人間仙境。世界級享受。…Read More

講到食泰國嘢，一定第一時間諗起九龍城，但原來旺角都有一間高質泰國菜！首先，我哋點咗個生菜肉碎包，上到枱超多肉碎，食落去辣辣地，但同時又充滿青檸味，愈食愈開胃！另外我哋點咗個雞肉青咖喱，食落第一啖係充滿着椰汁香，不過食多兩啖之後啲辣味就開始湧出，配埋蒜蓉包同埋白飯十分惹味，簡直係白飯小偷！另外我哋都嗌咗半打串燒，三串牛三串雞，好欣賞個醬汁係甜甜地嘅花生沙嗲，咬落仲有粒粒花生粒， 十分有口感，個人比較喜歡牛肉多啲，因為有咬口啲～另外泰國菜必食嘅馬拉盞通菜都係水準發揮～最後我哋都嗌咗青檸梳打同埋椰汁三色冰，將我哋火辣辣嘅口腔降溫！…Read More

今日收工肚仔餓餓😆同同事食埋個晚餐先返屋企喇～今日天氣凍凍，飲返個肉骨茶先～一入口好香胡椒味，好似胡椒豬肚湯咁，飲完成個人暖笠笠😍，再配埋油炸鬼，正啊！另外，再點埋新加坡名物海南雞飯，雞塊入口啖啖肉，雞皮好滑嫩～😆😆最後推薦大家試下個咖吔多士，麵包係烘咗底嘅，食落脆卜卜，中間夾埋咖吔醬同牛油，甜絲絲又脆卜卜☺️☺️正！最後飲埋杯馬拉拉茶同埋檸檬茶～為今餐作個美好嘅句號～～…Read More

今日同朋友去尖沙咀行街，行到咁上下見凍凍地就想打邊爐暖下個人♨️，宮廷式華麗裝潢，而且店鋪十分闊落，枱與枱之間既空間好足夠，令人坐得好舒服！值得一讚🤤今日我哋試左藥膳花雕花膠醉雞湯，用料十足，有兩舊花膠，十分養顏😍，而且煲未埋枱就已經聞到陣陣既藥材味。另外，店員亦好細心教我哋要滾左個湯先落啲雞～我哋今日試左本地手切新鮮頂級牛吊龍，個人黎講呢個係必叫，因為牛味好濃，肥瘦均勻，口感一流，好食😋～配料方面，我地叫叫咗一碟卜卜蜆，打邊爐必要叫，湯底即刻會鮮甜不少，另外，我哋叫咗黑松露野菌餃，黑松露味相當濃郁，裡面足料，不過個皮比較厚實，以味道取勝～而且我哋亦叫左三色滑(墨魚滑、蝦滑、干貝滑)，三款都爽滑彈牙～賣相好靚，好似一個個冰皮月餅咁😆打卡一流！…Read More

聽講香港工業中心專賣批發價嘅女裝衫，今日特登去咗見識一下！雖然衫嘅款式唔太合心水，不過我哋都行哂成個場慢慢睇，最後行到都肚仔餓喇～索性直接係地庫個Food court到食埋喇！我哋點咗個薯仔沙律、南蠻炸雞咖哩飯同埋雞扒咖哩烏冬，出餐速度都幾快，好適合平時想快食嘅朋友，不過依到食物嘅味道絕對唔hea！先講講南蠻炸雞咖哩飯先，啲雞塊炸起好香脆，而且本身亦有調味，配埋甜甜地嘅日式咖哩十分惹味，簡直係白飯小偷！另外，雞扒咖哩烏冬嘅雞扒煎得表皮好脆，配上日式咖哩好開胃，好鐘意烏冬掛湯嘅感覺，而且份量亦都比較大份，cp值好高，大件夾抵食。而薯仔沙律就係我日常至愛，平時餐牌上有嘅我都會叫一份，咁依到都係水準發揮，係普遍日式餐廳嘅味道～…Read More