食佢就叻's Profile

我老婆幾like呢間d pizza，仲係要有菠蘿個種，通常order呢個菠蘿手撕豬肉pizza都食唔哂，正常3-4人份啦，餅底唔乾有麵粉香，醬汁同豬肉惹味，我都幾like。個Parma Ham哈密瓜沙律以前好似大份d？不過Parma Ham都有5、6大片，而且哈密瓜清甜，都係合格嘅。至於呢度嘅Baby ribs配薯條就一定好食，佢個bbq醬入哂味落個ribs而且肉質好淋，輕易離哂骨，薯條粗香美國薯味，半份都夠2人，唔錯的。…Read More

連加一二百頭就有嘅火鍋放題，環境Cosy，甜品、小食款式都幾精彩，例如Tiramisu 、碗仔翅、砵仔糕、Pancake、雪糕、雞蛋仔之類。喺Melbourne 酒店自助早餐見過嘅Pancake機同呢度同款，連texture都一樣。火鍋湯底大路同養生都有，醉雞鍋都幾香酒味。火鍋料係貴精不貴多，但想食嘅有就得：鮮蝦、沙白、魷魚、牛柏葉、脆骨腩、脆鯇片、墨魚滑、韮菜餃、豬皮、豚肉片、羊肉片、肥牛呢啲，樣樣都好食，唔係得個樣無味嘅料。個人魷魚食法係攞自取區嘅咖喱撈埋食，因為佢個咖喱辣辣地又有香料味，好地道超正。韮菜餃好香，韮菜控嘅我食左6粒咁多。脆鯇係真正脆鯇厚肉實淨爽脆。呢度仲食到好耐無食過真正有牛味唔韌嘅肥牛。甜品仲有豆腐花、奶凍、啫哩糖、Brownie、涼粉、糯米糍、果凍、限量梳乎里、各類雪糕、飲品等等，而且開到凌晨2點嘅食肆真係買少見少，同朋友當食甜品buffet都抵。…Read More

見而家有烤鴨易食餐咁抵先黎，叫個餐同甜品，兩公婆滿足食唔洗$500，算係咁。二食北京填鴨半隻，另加一樣3選1 - 鴨湯、鴨炒飯或者涼瓜燜鴨架。鴨架上檯夠熱係合格，香濃芡汁炒涼瓜清清地甘甘地，鴨架有肉有軟骨有皮，都幾香，每樣野做到恰到好處。北京填鴨份量都唔少，出名嘅一口脆係最油香，其餘鴨片好平均多皮少肉，餅皮、配料、醬料都足夠，2人食呢個餐都夠滿足。另叫左高力豆沙，有蛋白香，中間嘅香蕉肉同豆沙，有香味而且少甜，岩哂喜愛少甜嘅客，包括我。…Read More

黎啟德呢邊SOGO比較好行同舒服，呢間幫襯開嘅分店個景都較新同靚，價位亦算抵食。串燒一客6串，都係一般咁可揀豬、牛、雞，炭燒味尚可，最出色係沙爹醬，花生夠香濃，所以黎親都必點。一般泰式生蝦我都只會去有信心嘅舖頭食，呢間每次上檯都仲夠凍，個汁亦夠蒜辣味唔錯嘅。巴東牛展，個汁好濃稠、好豐富香料味，配印度酥餅、飯、蒜蓉包都好正，牛展夠淋。辣椒膏炒大蜆係我第一次喺度食，驚喜地係全晚最好食嘅嘢，帶甜，香而不辣，蜆肉多、算多肉。除咗泰式奶茶，呢度一般茶餐廳嘅熱飲都有，岩哂少甜控。…Read More

開始秋涼火鍋癮又起，一家人夾到時間一齊再黎幫襯，就叫左最貴個set，因為呢度個M5係最好食。除此之外，只係加$48就有鴛鴦鍋底，椰子雞窩拼胡椒豬肚窩，料多味都正。我地個餐超多野可以揀，特上牛小排、牛肩胛澳洲M5和牛、美國安格斯牛板腱、美國極黑和牛srf呢啲基本都好食，但要牛味最重應該係美國隻和牛srf 。揀呢個餐嘅原因，仲係因為食物種類包括好多海鮮，當中d蠔真係好肥美、海蝦（大頭蝦）好多膏回本回本、草蝦、鮮味爽口象拔蛘等等。特色嘅仲有竹笙蝦滑、超長蟹柳；任食乳鴿又係另一回本item、加埋芝麻雞翼；龍蝦仔、各樣前菜、炸物、沙律 。任食Haagen Dazs 雪糕仲有兩個熱門口味：綠茶同朱古力。朱古力布甸、軟雪糕、軟糖、芋圓仙草喺甜品區任攞。清酒、茶類、自家茶飲、汽水、咖啡飲到飽。…Read More

同老婆黎撐枱腳，今晚食左個火焰骨同黑胡椒和牛糯米河都的確唔錯。火焰骨即點火酒香好濃，算多肉好淋，骨都啜埋，幾juicy。老婆話黑糖椰子雪糕係呢度最好食嘅甜品，望落材料係好豐富嘅，有啫喱同類似桃膠嘅野，有椰子乾，有黑糖漿，香濃椰子味同黑糖漿配搭住雪糕同淡口嘅啫喱桃膠，層次好豐富，濃中淡、脆滑爽。黑胡椒和牛炒糯米河有胡椒嘅辛辣，有和牛肉嘅肉汁，有糯米河嘅彈牙口感，似係中式炒法嘅泰菜，但又真係幾好食。椰子雞湯淡淡嘅椰香，比傳統嘅順口。小食拼盤當中嘅豬頸肉香而且爽肉，好正。沙嗲雞肉香濃，個醬汁好出色，其他沙爹類應該都ok?…Read More

竟然有間咁抵食嘅居酒屋我而家先知，喺SOGO附近、靚裝、好食又唔貴。今晚食咗個刺身秋刀魚，配上薑同蔥，濃郁魚油香，口感柔軟；松露油鯛魚薄切，清新有鮮甜，由於肉質較結實，師傅薄切刀工令口感剛好，加上黑松露香氣好好食。即使係芥辣八爪魚，都比一般高質，芥辣味刺激度恰到好處唔會太上腦，八爪魚滑嘟嘟。我認為呢度不得不吃除左刺身，仲有串燒。安格斯牛小排靚肉軟嫩夠juicy；自家製免治雞肉棒口感有軟骨有肉纖維感，蛋汁一流；雞肝熟度剛好唔會孩好粉好香。普通菜式例如炒雜菜都ok，三文魚頭鹽燒更係推介中推介，$88，又香又脆，魚油四溢，二人share都足夠。…Read More

好耐都無黎据扒聖地開餐，荃灣呢間坐得舒服d，同friend黎食又多野揀又唔會太貴，近我地黎親都讚門口部機，充滿懷舊味。食鐵板牛柳千祈唔好叫全熟，鐵板嘅熱會再令熟度增加。今晚叫嘅五成熟就岩哂，軟嫩juicy；加蒜蓉更加惹味，肉底仲有索哂汁嘅薯條，perfect。想講個豬扒都好食架，個friend 分左少少個鐵板雜扒比我，有鐵板香嘅豬扒香甜、仲有腸仔同牛扒，牛扒比我嘅牛柳薄，但都唔差，無咩筋有牛味。跟餐羅宋湯同餐包keep到水準，唔怪之得佢生意都唔錯。…Read More

唔係地膽唔識黎，呢間親民價居酒屋抵到爆。Promo $100/4 蒜蓉燒生蠔，即叫，都好大隻好厚肉下，面頭爆多炸蒜，有蠔鮮味，值得encore。串燒好似燒雞腎、牛肉肋肉、十勝豚肉蘋果卷，即燒好香，最鍾意食呢類串燒，有肉香又有水果嘅清甜；燒三文魚頭$68好大個，多肉。刺身都唔貴嘅，三文魚刺身（3片），厚切都係$48。餐點唔突出但勝在多元化，岩gathering - 拉麵、丼飯、前菜、沙律、日本料理。芒果米紙軟殼蟹沙律、韓醬燒紐西蘭蟶子、炒野菜呢類都有，個蟶子好大隻，爆多芝士好正！…Read More

放工想食台灣野，呢間餐廳有台灣廚師，主打台式野，有我想食嘅牛肉麵，麵仲可以加錢轉刀削麵。叫左一個牛肉麵、一個孖寶（牛筋，牛𦟌）轉刀削麵，湯底一樣，但麵有大不同！雖然本身麵條都好食，但刀削麵身粗又滑好多。牛筋好大舊，比牛𦟌淋，淆到個湯底好濃好香，幾正宗。煎韭菜餅1客有4個，煎香軟糯，餡料仲爆汁。至於台式飲品黎講，價錢尚算可接受，一杯珍珠奶茶$27，好多黑糖珍珠，甜度適中，奶香滑。呢度甜品都幾多嘢揀，窩夫、糖水都有，今晚食咗個紅豆紫米糖水加芋圓，料多，都幾好食，$40算合理。…Read More

Outlet買完嘢過左黎醫肚，都幾鍾意呢間，環境好似較開揚。佢地嘅招牌小籠包，有好多款。通常眼球第一時間就比佢餐牌嘅「八色小籠包」吸引，但今晚我地兩公婆，食6粒都好夠，所以叫左普通嘅原味。味道方面，質素穩定，皮薄有湯汁，點點醋當小點心食確係唔錯。我食上海菜經常會點嘅糟溜魚片，呢度件數不多，但每件等於平時一般食肆食到嘅大size d，而且好有酒香甜，好味。蝦仁酸辣湯拉麵勝在滿足飲酸辣湯同食拉麵嘅慾望，不過不失，但抵食。…Read More

而家先知呢個商場有咁抵食嘅小炒，仲要係有鑊氣無加一。可算係大商場極罕。蒜蓉粉絲蒸鳳尾蝦 - 辣辣地，粉絲墊底好香，蝦大隻爽。豉汁蒸倉魚 - 雖然size細，但厚肉，加埋豉汁無得頂。椒絲腐乳通菜炒牛肉 - 好有鑊氣，牛肉唔韌，通菜新鮮。干鍋花菜 - 豬油炒香，香辣帶惹味，超好送飯。加$12有鴨屎香檸檬茶，$9有例湯（好有屋企feel）唔滿意服務、點菜後30分鐘內唔上菜、對d野食唔滿意，都全單八五折。呢間冰室似乎一心想改變一般茶記冰室印象，幾有禮貌，上菜唔會亂掉上檯。…Read More

好少黎呢邊，同老婆行過見呢間川菜幾靚仔，入左黎食麻辣香鍋，揀5款餸，蓮藕片、四季豆、魚腐、椰菜花，仲有唔係度度有得食嘅田雞，夾埋一鍋大約$238。上檯好有麻辣香，煲住食更加入味。田雞真係必點，炸香加落鍋超惹味，而且揀少辣食落都仲好香麻好香辣。今日有啲牙痛都驚個烤樟茶鴨會太硬食唔到，店員話慢煮所以唔會硬就order左。果然皮香脆，d肉嫩仲有少少好似煙薰嘅味道，好好食。我地仲叫左炸饅頭同擂沙湯丸，做甜品，埋單唔貴又坐得舒服，幾好。…Read More

口呢間店原來都由長沙灣開到黎呢度。佢地最正係真心有服務、環境、氣氛、食物都唔錯。好似今晚我食左個招牌壽喜燒二人餐，店員全程服務主理，動手夾入口已食到煮到剛剛好嘅各樣食物。我upgrade左個牛，餐加$50岩手縣和牛西冷同美國頂級牛頸脊，個西冷軟嫩入味，入口即化。而牛頸脊好重牛味，點一點蛋汁入口更加好味！餐配手打漢堡同兩款小食，漢堡係新出，之前係關東煮，漢堡CP值咪仲高？🤩！跟餐嘅雞翼同明太子玉子燒都好食，尤其是玉子燒，咸鮮嘅明太子味好出，玉子香甜。雖然係居酒屋，跟餐野飲唔貴，特飲都只係加$38 - 薄荷話梅青檸梳打同菠蘿百香果乳酪烏龍，有創意嘅配搭而且好好飲，個人覺得乳酪烏龍酸甜中帶點清新好正。…Read More

新開嘅K場音響超正，要醫肚呢度仲有川菜食，超多歌，想唱嘅黑玻璃、無人之境、周殷廷、Eden d歌都有。杯Cappuccino 同熱檸茶樣靚味道不錯，Cappuccino 奶泡打得幾好，檸茶茶底都夠香濃，檸檬有幾片。口水雞、乾煸四季豆、大盆花菜都係少少麻辣，幾大碟。諗住叫個小籠包試下，估唔到原來個小籠包都係辣嘅😂，似生煎包同蒸包之間，好香麵粉味，裡面肉餡少辣有肉汁，唔錯。至於蔥油拌麵，爽身上色靚，有蔥油香味。全部即叫即整，上檯熱辣辣。…Read More