Dolphin115's Profile

星期日一家人去荃灣南豐中心既百好名宴食晚飯🤗， 海鮮好抵食呀！酒樓做緊一些特價，我哋人多可以叫一條兩斤沙巴龍躉，只係$38蚊👍！魚好新鮮，蒸得好滑， 又叫咗自選三寶，椒鹽鮑魚好正！鮑魚好冧！ 😋見阿拉斯加蟹腳都係$248蚊斤！ 不過屋企人鍾意食龍蝦多D，所以冇叫蟹。 上湯龍蝦伊麵， 龍蝦好新鮮肉質彈牙，個湯汁都好味道！其他餸菜味道同份量都正常 。侍應服務都唔錯，環境坐得舒服。 酒樓位置就係荃灣地鐵站一出來， 帶老人家小朋友去食飯，非常方便！👍…Read More

之前係The One呢間Odelice 飲咖啡 ，覺得環境幾舒服， 尋晚再同朋友去食晚飯慶祝生日，set dinner幾抵食😋😋， 有餐湯 、頭盤或甜品、主菜，好多款選擇。 頭盤樣樣都Ok，煎帶子同牛肉他他整得最好味， 主菜肉眼扒肉質唔錯 ，叫咗五成熟，煎得啱啱好，燒雞好大份，個黑松露蘑菇汁好香， 雞肉都算嫩滑，唔會話好鞋， 送上抬時熱辣辣！👍👍煙三文魚法式班戟都Ok！呢餐好豐富！值得讚餐廳職員都好Nice， 外國人經理識少少廣東話， 好風趣 ，仲幫我哋影合照時用手機打燈👍😁…Read More

收工同屋企人三個係太子揾地方食飯，近近地地鐵站就去咗呢間百好名宴，點咗四個菜：- 西蘭花炒蝦球， 蝦球大隻爽口！賣相幾靚，特價$18 超抵食 ！👍- 薑蔥焗台山桶蠔， 蠔都幾肥，味道唔錯👍，特別要讚個蔥真係炒得好香好爽， 全部俾我食曬😂- 菠蘿咕嚕肉， 豚肉夠冧， 新鮮菠蘿好味，唯一係個咕嚕甜酸汁唔夠，扣少少分🤣- 燒腩仔係小食，估唔到份量都幾多， 腩仔皮夠脆 ！😋另外叫咗白飯同啤酒。呢間菜式唔錯，份量足夠，價錢唔貴，見餐牌都做幾多款優惠同套餐，下次再去試其他。環境坐得舒服，服務都幾好，經理同侍應幾nice！👍👍…Read More

上個星期同屋企人去啟德商場行街，夜晚就係零售館呢間Grove食西餐😋😋， 晚餐唔錯， 尤其比目魚， 煎得好滑 ， 唔會過火，沙律菜新鮮 ，牛油果沙沙醬好味，牛扒叫咗五成熟，煎得剛剛好， 黑松露帶子意大利飯 ，飯唔會太冧，味道唔錯，平均百幾蚊一個，價錢唔貴 ，仲要冇加一！👍👍叫咗杯抹茶Latte，抹茶香濃！拉花都幾靚！😋😋環境簡潔，坐得舒服。飯後係零售館散步，有幾棵樹都掛上燈飾，好靚！好有心思！樹下有幾張木櫈可以供人坐低欣賞及休息下！值得一讚👍餐廳係寵物友善👍👍…Read More

星期日同朋友係馬鞍山頌安商場間百匯軒食晚飯🍚， 酒樓有好多海鮮優惠套餐，好抵食！👍👍 我哋叫咗個蒸紐西蘭蟶子皇餐， 有蒸魚同乳鴿 ，仲有兩個小菜， 揀咗咕嚕豚肉同炒菜！ 另外叫咗個上湯澳洲龍蝦伊麵$258， 海鮮好新鮮 ， 蒜蓉粉絲蒸蟶子蒸得剛剛好👍👍樣樣餸味道都唔錯！份量足夠 😋😋乳鴿肉好嫩滑，晤會炸得好乾，呢餐非常滿意！服務都好nice！👍👍見長腳蟹做緊$188一斤，下次再去食😋😋…Read More

同朋友仔慶祝生日食buffet，剛好見到呢間網上做優惠就去試下😆海鮮豐富，尤其係蘇格蘭生蠔，肥美新鮮！😋 龍蝦 、蟹腳都Ok， 仲有蒸海鮮。熟食款式唔算好多但精緻， 燒牛肉、羊架 、煎鵝肝，肉質唔錯，好好味😋鵝肝好厚身，廚師煎得啱啱好， 內裏軟熟，唔會太油！👍飲品仲包括紅白酒啤酒、cocktail有特色！茶包款式多！值得一讚食物不停供應，侍應服務友善， 主動收碟 👍餐廳會提前聯絡確認訂枱，知道慶生會問是否需要訂蛋糕，而且有優惠， 所以就訂了一個，蛋糕好靚又好食，壽星好開心！😊有機會下次再去！小小意見係枱與枱之間距離比較近，當日平日去食冇問題，如果假期人多可能會有點擠迫。…Read More

星期日帶媽咪去官塘凱日宴會廳飲茶， 樣樣味道都唔錯，蘿蔔絲酥天鵝炸得好鬆化，燒賣同牛肉球大大粒， 鹵水鵝掌入味，幾大碟 😋😋 有好多部電視， 落地玻璃睇到觀塘景，坐得舒服，侍應服務幾nice， 又會主動沖水同收碟👍👍…Read More

收工約咗朋友係觀塘食飯， 近近地去鱷魚恤中心， 本來想去8樓百樂門 , 原來已經冇做，依家轉咗間叫凱日宴會廳， 酒樓新裝修， 粉藍色碗碟好靚😍😍 , 茶壺仲有燭台保溫 , 尢其依家冬天, 飲茶唔會涷 , 呢個加分👍👍我地叫咗片皮鴨例牌，賣相唔錯 , 仲有蝦片 ,  咕嚕蝦球 ，甜酸度剛好,  蝦球好大粒,  好多菠蘿 ,  梅子炆豬手好淋 ,  臘味炒苗，幾大碟 , 樣樣都好味道😋😋， 食得好飽，又坐得舒服！ 朋友拎咗個蛋糕仔手信食完飯一齊食,  果時已經差唔多10點, 侍應招呼唔錯 ,  仲好nice叫我地食埋先👍👍下次會去飲茶試下點心 ! …Read More

原本約咗開學日夜晚食呢餐生日飯,  點知遇著10號風球, 之後一星期又遇到黑雨, 最後在風雨過後順利平安同朋友慶祝生日! 一行8人,  叫咗九個餸四支啤酒埋單都係1400蚊左右 , 幾抵食!  呢間酒樓係食潮州加廣東菜式，叫咗個鹵水拼盤好大碟， 鹵水入味，唔會太鹹， 方魚肉碎粥好味，另外叫咗條魚同灼蝦都好新鮮 ， 蝦肉好實淨鮮甜。 咕嚕豚肉， 川椒雞球，豉油王炒麵， 春菜腩肉煲， 海鮮雜菜煲， 樣樣份量都好足夠 ，味道唔錯。 服務都Ok啦。唯一係酒樓收10點， 食飽同朋友傾多一陣，想坐耐少少就無咁方便。…Read More

係大角咀附近做野，連續兩個禮拜去呢間老當家食lunch， 叫個酥炸豬扒擔擔麵， 個豬扒真係好好味👍👍好鬆軟 ，又唔會太乾！ 炸得啱啱好！ 擔擔麵個湯底都好香，做得比好多大集團餐廳好食，另外一日試酸菜魚湯飯， 鱸魚好滑無骨 ，小辣，跟餐有埋湯及飲品，我叫咗柑桔蜜同羅漢果蜜，唔使額外加錢，估唔到小店都做得咁出色，而且地方坐得舒服，職員都好有禮貌同笑容! 所以真係要多支持小店! 😋😋…Read More

朋友想飲咖啡，就揀咗呢間K11 Ninetys食晚飯， 星期二大約7點半坐低，睇咗一陣餐牌叫野食， 8點半侍應走過嚟話last order， 因為之前一日打電話問過話係9點鐘截單， 當時我哋都未食完主菜， 所以同佢講返，佢就唔出聲， 朋友話算啦照叫嘢飲先， 點知過咗一陣 ，有個大叔坐喺我哋附近不停啤住我哋，講嘢又大大聲， 個樣好唔滿意， 好似想趕我哋走咁，令我哋坐得好唔舒服，無耐個侍應仲拎張單過嚟要求我哋埋單，當時才9點！ 我哋一起身走，個大叔就即刻走過嚟收碟。 臨走我忍唔住再問另外一個職員， 佢話餐廳係收10點！ 😨😨😨講番食物質素，只係一般 ，朋友叫左個波士頓龍蝦salsa， 味道麻麻，份量好少，收$228， 完全不值！😳😳 而牛和雞的味道Ok，份量亦正常，咖啡是合格。。。 雖然openrice訂枱食物有八折 (飲品沒有)，埋單三個人差唔多都要$800，咁既服務及食物質素， 唔會有下次！ 尖沙咀係遊客區，真係担心佢哋對遊客嘅服務係咪都會咁樣😥…Read More

禮拜五同幾個女性朋友係尖沙咀食完晚飯, 再去食甜品, 行吓行吓見到呢間韓式甜品店唔使排隊就入去試吓, 環境幾靚乾淨, 坐得舒服, 見到隔離枱叫熊貓雪糕, 實在太可愛, 我地都忍唔住叫左, 一黎到仲不停影相!熊貓其實係綿花糖, 下面就係一杯牛奶同朱古力雪糕, 另外叫左蜂密雪糕, 軟雪糕幾滑, 唔會太甜. 見餐廳有提供主食意粉同飯等等, 下次有機會要試吓先得!…Read More

同老公慶祝結婚週年, 搵左好耐餐廳, 最後黎旺角呢間試吓! 餐廳環境簡約MODERN, 訂左窗口位, 都幾舒服, 我地叫左鴨胸沙律, 羊架, 鵝肝漢堡薯條, 鵝肝比較小, 其他份量都夠  而且味道唔錯, 沙律新鮮, 羊架叫左五成, 煮得剛剛好, 有羊味唔蘚, 比我想像中好,  食完主食之後, 我地叫左兩個甜品, 一個叫CHESTNUT, 一個叫RUBY PEACH,  兩個賣相都好靚, 唔會太甜, 個人鍾意後者多D, 訂枱時同餐廳要求加上慶祝朱古力牌仔, 餐廳都樂意提供.最後唯一要俾意見係餐廳看來有點人手不足, 舉手多次才有WAITER過來招呼, 而且當詢問甜品的味道同材料, WAITER都不太清楚未能道出, 作為一間特色甜品餐廳, 這項是非常重要呢! …Read More

上個月生日好友為我慶祝, 去左呢間食燒肉, 我地點左套餐, 有好多野食, 除左燒肉, 仲有鮑魚同蝦, 石頭鍋飯, 沙律, 海鮮泡菜湯, 秋刀魚紫菜卷等等, 好豐富, 樣樣野食味道都唔錯, 泡菜蛋及芝士粟米仲不停refill, 生日梗係要飲番杯啦, 我地有幾個人所以叫左一台啤酒 , 好正! 部份食物無影相lu, 排住食!服務方面唔錯, 職員都好有笑容, 同佢地講我地慶祝生日, 仲特別送左個彩虹蛋糕俾我, 好開心! 個蛋糕好colorful, 味道出其唔錯, 唔會太甜. 小朋友都食得好開心!呢個餐廳坐得舒服, 有卡位, 食物好味, 服務唔錯,價錢唔貴, 而且燒完唔會有太大陣味, 值得推介!…Read More

上個月生日同老公黎呢間食BUFFET慶祝, 由於果日要返工, 去到餐廳大約七點九, BUFFET係半自助形式, 頭盤有沙律, 泰式生蝦等等, 選擇唔多, 有四款即開生蠔, 尚算新鮮, 另外海鮮區有蝦, 青口仔, 翡翠螺, 仲有蟹腳, 不過只有廖廖數隻, 而且擺放得有點亂   比較失望,  而且蟹腳一直無refill, 當我地同職員要求refill, 竟然係送上一碟俾我地, 如果想再食又要問過, 最後我地都無再叫了, 心諗當時唔算太夜, 為何餐廳唔係出面海鮮區refill呢, 其他客人可能都想食, 其他食物還有些刺身同壽司,味道都係一般,   麵包好硬, 反而即煮海鮮湯比較好味, 主菜我地揀左威靈頓牛及羊架, 味道OK, 份量都大份, 但羊架比較油, 食完主菜後, 我地就食甜品, 賣相一般, 我地只食左兩三款, 最吸引係有H字頭雪條! 如果鍾意食甜品既女仔, 呢度應該會比較失望,  以大約$500(信用卡優惠折扣後)既buffet, 雖然價錢唔算太貴, 但自助區款式少, 而且味道一般, 希望餐廳會加以改善, 唯一要讚係職員服務唔錯, 及樂意幫我地影生日相.  …Read More