setlla_j's Profile

呢間餐廳有好多分店，之前都食過。今次試下比較特別嘅生雞蛋拌飯。三文魚生雞蛋拌飯 $65 （需要收服務費）生雞蛋拌飯唔覺其他地方有得食，一於試一試。一開始撈均試咗一啖，好滑，不過就比較淡口。加咗醬油同飯素之後，味道即刻唔同晒。三文魚粒唔係太多，飯嘅份量對我黎講啱啱好，男士可能唔夠飽。…Read More

想食中式粉麵，見到呢間粉麵店就睇下餐牌，見到價錢超抵，即刻買咗外賣試下。單或雙拼只係$24，三拼就要$33，而外賣再加$1。見到咁平，就叫咗三拼試下！覺得份量同其他粉麵店差唔多，但價錢就平好多！雲吞墨丸魚皮餃河 $33+$1外賣碗河粉有2粒雲吞、2粒墨丸同3粒魚皮餃，我覺得都夠晒啦！粒雲吞好好食呀，仲要大大粒！叫外賣時特別叫姐姐記住俾辣油我，辣油夠晒辣。碗粉加埋辣油更好食！…Read More

喺北角買外賣，呢間非常經濟。最抵食就係霸王雞或者沙薑雞配白飯，真係好抵！今次叫咗沙薑雞飯，呢個價錢食到咁嘅飯盒，好滿意！沙薑雞白飯 $31都有好多舊雞，有啲係髀位，亦有胸同翼位。雞配埋沙薑雞汁幾好味，但又唔會太鹹。雞飯配咗大堆芽菜喺啲雞下面，有菜食下。芽菜吸咗啲雞汁送飯一流！仲有，叫外賣好快就拎得！趕時間或者糧尾都可以再幫襯😝…Read More

呢間人氣日本料理餐廳喺北角開分店，次次都好多人排隊，今日經過終於有位！啲魚生同海鮮都好新鮮，份量夠！海宝丼［上］$125好多蟹肉、海鮮同魚生，啖啖都好豐富。尤其鍾意啲好鮮甜同足料既蟹肉！另外有一碟醋果凍，係鹹鹹哋既。撈埋落啲飯度，就變咗好似壽司飯咁，味道更好！日式凍辣番茄 $30酸酸甜甜，好清新好好食，不過就唔多覺辣。我見到其他人嘅前菜都有機會係有一小舊呢個番茄。總括黎講野食係好食既，會再encore！…Read More

呢日出開旺角，順便喺周圍搵食。揀咗呢間人氣拉麵店，去到已經見到有6個人等緊，我哋排排下，條龍就越黎越長，over 10人，好彩早幾分鐘到，等咗10分鐘左右就可以入坐。今次試咗1款拉麵同1款沾麵，2款都好正！白湯豚骨拉麵 $69食麵最鍾意先飲一啖湯。湯好香濃，但飲完唔會好口乾。叫咗標準硬度嘅拉麵，口感煙韌，好合我口味。2塊叉燒係厚身、燒過嘅，食落有陣好香嘅燒肉味。魚介豚骨沾麵 $79湯好香魚味，因為係沾麵用，比拉麵湯底鹹，湯入面有啲叉燒粒。啲麵見到一粒粒啡色，搵過資料話拉麵有用全麥粉，即刻覺得沾麵健康咗！總括黎講，呢個價錢食到拉麵沾麵，性價比高，有機會會想再食。…Read More

呢間餐廳平時lunch 都好熱鬧，應該係因為性價比高嘅原故！今日經過見到仲有位，即刻入去食。叫咗一個lunch set，lunch 時間仲要唔收加一，非常抵食日式蜜糖芥末雞扒飯 $58有茄子、菇、西蘭花、翠肉瓜、車厘茄做配菜，再加上一塊份量十足既雞扒！塊雞扒煎得好香口。啲蜜糖芥末係喺雞扒嘅皮度，唔係好多醬，而啲飯就有少少類似燒汁既醬。味道啱晒我，唔會太漏。有同行朋友想添啲汁喺飯度，職員另外裝咗一碟汁俾朋友。熱奶茶好滑既奶茶，又夠茶味，好啱我口味…Read More

平時lunch 時間經過都滿座，今次早一日book 定，終於可以一試！今次叫咗lunch menu 再加$38升級套餐，套餐可以四選二：餐湯/飲品/薯條/沙律雞絲菠菜野菌忌廉扁意粉 $128味道剛好，唔會太鹹或者太淡。意粉入面有一塊塊既菠菜，仲有唔少雞絲同菇，好足料。意粉嘅口感都好啱我，Al dente！而且份量好足，食唔晒…薯條+飲品 $38係粗薯條，外脆內軟。飲品可以揀menu上$38以下既。總括黎講係西餐既正常價錢，環境同味道不錯，會再幫襯。…Read More

同幾個朋友黎呢度打邊爐。大家都唔想食辣野，所以今次無食雞煲。番茄粟米湯底：湯底有粟米同薯仔可以食。番茄就溶咗喺啲湯入面，夠晒味。雪花肥牛：賣相好靚，味道都好。手打墨丸：本身好鍾意墨丸，呢款食到有墨魚粒。鯪魚釀豆腐卜：手工野，雖然味道唔會有咩特別，但唔係度度有。手打和牛牛丸：呢個好重牛味，好牛嘅人應該會鍾意以為食雞煲嘅地方會黐立立，意外地感覺上幾乾淨。平日晚上餐廳都唔少人，好彩有訂座！…Read More

平日約咗朋友喺呢度食午餐，環境唔錯，唔迫。可以同朋友靜靜地傾下計。午餐份量好夠，食到好飽，而且擺盤好靚。午餐叫咗lunch set，有餐湯同埋以優惠價加飲品。餐湯：係忌廉湯，啱我口味！國王全天早餐：用一塊五角形嘅雲石碟盛載，靚到嘩一聲！份量好夠，仲有個牛角包。飲品：叫咗杯咖啡，帶少少酸味嘅，我覺得ok。…Read More

喺北角返工，中午12點半左右打咗落去歡喜叫外賣，12點9左右就拎得，好方便。今次叫咗lunch menu 嘅番茄湯吉列豬扒烏冬熱鍋加熱奶茶。番茄湯吉列豬扒烏冬：番茄湯夠味，吉列豬扒一開始食都好脆，係後來凍咗就有啲硬熱奶茶：夠茶味，滑外賣自取8折，抵！睇餐牌見到凍奶茶/檸茶/檸水都唔使加錢👍🏻而外賣盒要$1。烏冬同湯分2個盒，所以要加$2。…Read More