Terencekmt的個人專頁

食物一般，職員不斷叫你幫佢寫好評，特別有一位女職員叫Jenny，全餐飯冇任何幫手，但係只會叫你寫佢做得有幾好。大家可以忽略呢間舖頭嘅好評。全部都係打手。Staff constantly asks for positive reviews, especially Jenny, who doesn't help with anything but insists on receiving praise. Ignore the positive reviews for this establishment. All fake.…查看更多

今日去深水埗食餃子，家後2.0，佢第一間總店就開左喺附近，之前經過大排長龍，今次一早去新開分店，好好彩唔使排隊有得食。-韭菜豬肉餃餃子夠飽滿，皮夠薄，韭菜味道十分突出，餃子係依然充滿肉汁。-雲耳椰菜豬肉餃雲耳椰菜一向都係最佳餃子組合之一，雲耳爽脆，椰菜清甜，加上豬肉相互調和，味道調味剛剛好。-小籠包豬肉煎餃非常有創意的餃子款式，利用小籠包的做法，用於傳統餃子上，餃子咬開，充滿肉汁，味道同正宗小籠包有9成相似，值得一試。-評分 : 6.5/10…查看更多

今日去太子食串燒，好燒式串燒專門店，餐廳位於太子大南街，附近就係太子地鐵站，非常便利。食物種類選擇多，海鮮，肉類，蔬菜，一應俱全。1664生啤仲做緊買一送一，食串燒必備。-黑松露雜菌包黑松露味道濃郁，整個墨西哥薄餅充滿芝士同埋各式各樣的菌類，味道非常配合，絕對適合鍾意芝士嘅人士。-串燒豆腐，豆卜兩款串燒外皮燒得香脆，加上搽咗濃厚嘅醬汁一齊去燒，兩款豆製品都吸收晒醬汁嘅香氣。-牛舌，五花腩，白鱔牛舌夠厚肉，牛味濃郁，咬落去口感煙韌，充滿肉汁。五花腩肥瘦均勻，油脂經過烹調之後，更加澎湃咁釋放肉嘅香味。白鱔非常厚肉，魚皮燒得香脆可口，火候剛剛好，唔會燒到好乾身。-燒生蠔，豬仔脾燒生蠔我哋揀咗兩隻味，分別係蒜蓉同埋煙肉，蒜蓉傳統做法，份量夠多，簡單帶出生蠔的鮮味。煙肉燒生蠔味道較重，鹹香可口。豬仔脾食落去啖啖肉，越黐住骨頭位置的肉，味道更加濃郁。-評分 : 7/10…查看更多

今日去旺角朗豪坊食台灣美食，滷水滷味。好耐之前去過其他分店，今次試吓朗豪坊分店，食物水準一樣咁出色。-自由配搭1蜂巢牛肚 - 份量多，厚切，口感一流，牛味濃郁雞翅膀 - 滷水味道濃郁，雞翼煮得夠入味，有鮮味而又有回甘百頁豆腐 - 豆腐口感層次非常好，充分吸收滷水味道，非常出色台灣王子麵 - 麵質煙靭，麵條粗幼度適中，吸收滷水汁非常有效，亦唔會太過淋-自由配搭2牛筋肉 - 牛筋牛肉層次分明，牛肉味非常濃郁，煮得夠入味夠軟熟，口感平衡做得非常好冬粉 - 冬粉一向都係減肥嘅良伴，屬於比較健康嘅一種麵食，吸收湯汁俾王子麵更加優秀，食落味道更為濃郁-花生醬火腿芝士蔥抓蛋餅蔥抓蛋餅非常鬆脆，配上花生醬火腿芝士經典配搭，口感同味蕾都達到至高境界。-評分 : 6.5/10…查看更多

今日去西環食烤魚，串燒，餐廳叫巴辣仔烤魚，餐廳地方夠大，空氣流通，有免費自助冰粉提供，非常貼心。-成都老冰粉先去自助區攞一份冰粉，解辣一流，有山楂同埋提子乾，甜甜酸酸都好開胃。-爆檬酸菜烤魚烤魚用上江團魚，肉質有口感，細嫩，唔會因為住得時間過長而爛，非常合適用來做烤魚，味道夠香夠酸夠辣，我哋另外點咗萵筍同埋薯粉，充分地吸收魚湯的精華，非常美味。-串燒選擇嘅非常多，特別推介牛肉小串，魷魚，生蠔，脆骨腩，串燒處理得好香口，燒的時間啱啱好，唔會太過靭。-另外亦點咗一份蒜蓉烤茄子，蒜蓉份量非常多，茄子吸收蒜蓉香味，味道層次絕對大大提升。-評分 : 7/10…查看更多

今日去旺角食正宗成都串燒放題，餐廳叫串爆，近旺角油麻地，地點非常便利，120分鐘任飲任食，非常吸引。-成都老冰粉一坐低，先叫一個成都老冰粉，解辣一流，有山楂同埋提子乾，甜甜酸酸都好開胃。-棒棒雞，涼伴海帶絲跟住叫咗啲前菜，有棒棒雞，同埋涼伴海帶絲。棒棒雞即係麻醬雞，味道夠濃郁，雞肉夠爽滑。涼拌海帶絲味道夠香夠惹味，作為前菜一流。-串燒方面，先選擇湯底嘅麻辣程度，我哋叫咗一個辣一個唔辣，唔辣嘅雞湯都好夠味道，麻辣湯底亦都夠晒麻夠晒辣，食得非常過癮。串燒份量兩串起，每一串份量唔多，唔需要擔心會好快食飽哂，可以一次過試晒咁多款食物！-麻辣牛肉同埋孜然牛肋肉都好好食，牛肉味道濃郁，口感軟熟。豬皮充分吸收湯汁精華，非常正。粟米夠新鮮夠甜。鮮魷魚夠新鮮，口感彈牙。牛肉丸牛肉味都好濃郁，亦都係彈牙之選。整體串燒水準高，味道正宗，選擇夠多。-評分 : 6/10串爆 (旺角)📍旺角廣華街2-20號翠園大樓地下2號舖…查看更多

朋友話帶食鐵板燒，期待左成個星期，果然不負所望二人套餐 $2880/兩人前 份量非常飽足，味道亦高質素，性價比很不錯的一餐—牛油果海蝦沙律配料眾多，日本蓮芋、青瓜絲、沙律菜、車厘茄、牛油果等，海蝦厚身爽脆，加上柚子醋，很是開胃—蟹肉海膽松露溏心蛋十分精緻，鮮味滑嫩，啖啖鮮甜蟹肉配埋海膽同松露好正💯 仲有食用金箔做裝飾。黑松露味道唔會搶過海膽海水味，睇得出師傅好有心思—火焰黑松露汁煮帆立貝帆立貝肉上面有紫蘇花同三文魚籽，師傅即場喺我地面前做火焰效果🔥正好是打卡影相位，食完更可以享用埋個湯汁，鮮甜無比—青森縣蝦夷鮑鮑魚非常大一隻，鮑魚新鮮彈牙，入口係好濃郁牛油味，而鮑魚肝臟都無浪費，經過處理燒香，再配上旁邊唔同嘅食用花同埋雞冠草、海草整成嘅醬汁，又有另一種惹味—法國藍龍蝦藍龍蝦主要係食佢既肉感同埋口感，爽彈非常，龍蝦肉蘸配超濃郁嘅龍蝦醬，一個字滿足—日本熊本A5 和牛厚燒/西班牙黑毛豬柳A5和牛入口即溶🤤黑毛豬柳嫩滑，肥瘦適中～夾埋香脆蒜片既香口又有口感！配菜有牛油煎香嘅日本茄子﹑南瓜同大啡菇—黑松露三文魚子黑松露海膽炒飯最尾炒飯都依然咁豐富，鋪滿全層海膽及松露醬，飯粒分明，每啖都有蛋香味同埋黑松露香味—鐵板梳芙厘雪糕極有誠意又少有的甜品款式，梳乎厘充滿空氣感，配上雪糕更加美味，完美結束-評分 : 7/10虎鐵鐵板燒 (銅鑼灣)📍銅鑼灣軒尼詩道525號澳門逸園中心12樓電21649968…查看更多

今日去大角咀食正宗四川重慶麻辣火鍋，菜單選擇非常多，店內裝修整潔高級。一坐低，就立即出去混醬一番，醬汁配料配搭非常豐富。-豬骨麻辣鴛鴦鍋麻辣鍋味道非常正宗，又夠香又夠辣又夠麻，基本上唔需要再加其他醬汁都非常夠味。但係食麻辣火鍋，又點少得配上香油一齊食，味道更為香口。-日本A4和牛牛頸脊和牛油花十分澎湃，肉質鮮嫩爽滑，肉味濃郁。 絕對係入口即溶嘅級數，每一口都係牛肉牛油香味。-手工韭菜餃韭菜餃皮薄餡靚，韭菜份量非常多，外皮口感煙韌，每一隻都非常飽滿，韭菜餃並不會雪得過分冰凍，影響口感，非常出色。-珊瑚蚌珊瑚蚌非常新鮮，口感爽脆，食到有海鮮味，鍾意海鮮爽脆口感嘅你一定唔可以錯過。-舌尖上的牛舌牛舌處理非常特別，薄切，上碟的時候已經浸上麻辣醬油，給牛舌輕輕的調好味道，再經過火鍋慢慢的烹調，味道濃郁得來又有口感。-評分 : 7/10…查看更多

今日去大角咀食串燒，餐廳菜單選擇都多，應有盡有。-鮮甜花甲粉花甲份量好多，令到湯底非常鮮甜，花甲肉厚無沙甜美，加上粉絲，豆卜，完全吸收花甲湯底，好出色的配搭。-厚切牛舌牛肉味好濃厚，厚切食落口感特別好，有肉汁，外皮燒得夠香口，調味都做得好到位。-蒜蓉原條茄子蒜蓉一點兒都不吝嗇，加了海量，非常大方。令茄子完全吸收蒜蓉的香味，茄子熟透後口感更為一流。-焦糖燒菠蘿焦糖燒菠蘿甜而帶有微妙的酸味和淡淡的焦糖香氣，口感酥脆多汁，甜味相互融合，口感豐富、層次分明。-燒生蠔味道鮮甜且帶有海洋氣息，口感豐富而彈牙，加上蒜醬使味道更加豐富多樣，味道濃郁而又清新。-燒雞翼香嫩多汁，帶有微妙的燒烤香氣，雞翼的肉質緊實，經過燒烤後，表皮呈現金黃色，口感酥脆，內裡則保持了豐富的肉汁。-燒韮菜香氣撲鼻、口感爽脆，韮菜味道清新，經過燒烤後，香氣更加濃郁，口感更加爽脆。-評分 : 6/10聚椒 (大角咀)📍大角咀鐵樹街19號金堂閣地下17A號舖…查看更多

今日去中環食特色西餐，餐廳叫做好易食，位於中環蘇豪區，氣氛相當好。-Caesar salad凱撒沙律有羅馬生菜、脆麵包粒、巴馬臣芝士同靈魂凱撒沙律醬，羅馬生菜非常新鮮，爽脆鮮甜，配上凱撒沙律醬，好開胃。-Holy Fried Chicken炸雞炸得非常出色，外脆內嫩，雞肉夠嫩滑，同時充滿肉汁，加上自家醬汁，大大增加層次味道。-Seafood linguine 海鮮解凍得恰到好處，回復海鮮應有海鮮味，大蝦夠彈牙，青口保持獨有鮮味，意粉煮得剛剛好，al dente，充分吸收海鮮的精華。-Hamachi ceviche源自秘魯的菜肴，材料有油甘魚，檸檬汁，香草，洋蔥。油甘魚刺身肉質鮮嫩，味道清甜。Ceviche味道非常清爽，檸檬汁為其帶來了鮮明的風味，而洋蔥則為其增添了一份甜味和脆爽口感。-Sai-do-si非常有特色的西多士，配上濃厚的花生醬，西多士炸得夠香口，一小口，作為甜品結尾合適合適。-評分 : 7/10…查看更多

今日去銅鑼灣食日本菜，豐鮪，餐廳位於渣甸坊，鄰近地鐵站，交通便利。餐廳主打吞拿魚，唔同部位都可以食到，由赤身到大拖羅。非常欣賞店主專心一意只賣吞拿魚的精神。-夢之丼套餐分別有大拖羅，中拖羅，赤身，自創的魚蓉燒賣。套餐會包括沙律，麵豉湯，蟹味噌茶碗蒸。飯底可以選擇壽司醋飯，或豐漬香飯(配上黃蘿蔔，壽司薑，芝麻)。-吞拿魚刺身口感入口即溶，魚油香味鮮甜無比，尤其大拖羅，非常肥美，食落肥而不膩。中拖羅魚味最為濃郁，比起大拖羅稍為有咬口。赤身方面，肉質結實，魚味亦算突出，每一個部位都係取其最高級數，最出色的位置，果然日本新鮮直送藍鰭吞拿魚確實有保證。價錢合理，性價比非常高。-評分 : 7/10豐鮪 (銅鑼灣)📍銅鑼灣渣甸坊30-36號利發大廈地下5號舖…查看更多

今日去咗灣仔食pizza，餐廳叫The Pizza Project，雖然位於灣仔區，但係由金鐘Pacific Place行過去就近好多，餐廳裝飾氣氛都好好，透過玻璃可以見到廚師處理薄餅，專業得令人大開眼界。我哋兩個人叫咗tasting menu，可以試到各種特色美食。-Beef Tartare牛肉他他夠新鮮，配上獨有的醬汁，味道更加濃郁，配上烤好的麵包一齊食，非常配合的一道前菜。-Ham and Melon材料包括18個月的Parma ham, 哈密瓜，簡單新鮮高級的食材，已經可以做到鹹香鮮甜的配搭，開胃出色。-Carbonara Pizza主角之一卡邦尼薄餅，手工制的薄餅，口感非常好，夠鬆軟口感好，蕃茄汁醬做base，加上忌廉，火腿上再加一粒半生熟的鵪鶉蛋，口感層次非常豐富。-Gamberi Aglio E Olio蒜油大蝦薄餅，芝士份量夠晒多，大蝦份量一點兒都不吝嗇，爽口彈牙，薄餅做得非常正宗，大細及味道同我之前喺外地食嘅正宗薄餅非常接近。好開心喺香港可以食到正宗薄餅。-評分 : 7/10…查看更多

今日去咗尖沙咀K11 musea 食西餐，餐廳名叫CURATOR Art & Café，餐廳地點鄰近地鐵站，餐牌菜式選擇多。餐廳入面擺滿特色藝術物品，部份用作展覽，部份用作購物，非常有特色的藝術主題餐廳。-火炙尼斯吞拿魚沙律沙律顏色非常漂亮，紅紅綠綠黃黃，沙律菜夠新鮮，吞拿魚經過火炙之後，增添左一份香口的味道，吞拿魚味夠濃郁，半生熟狀態，色香味俱全的沙律。-橄欖油炒墨魚汁意粉配帶子帶子好大粒，餐廳一點都不吝嗇，足足有五粒，帶子係刺身級數，輕輕煎左兩面，增加香氣，簡單調味已經夠出色。墨魚汁意粉時間處理得啱啱好，味道濃郁，口感夠彈牙。-安格斯肉眼扒(10 oz)配烤薯牛扒要咗三成熟，時間掌握得啱啱好，粉嫩粉嫩，牛扒味道夠濃郁，好咁夠軟熟，廚師沒有浪費這塊級數出色的牛扒。-藝術打印咖啡/朱古力套餐只需加$48就可以升級飲品為藝術打印朱古力，我把心愛的毛孩打印到朱古力上，唔好睇小呢杯飲品，朱古力夠濃郁，絕對係上乘之作，集藝術及味道的出色飲品。-評分 : 8.5/10…查看更多

今日去尖沙咀食高級西餐，Royal INN。餐廳位於The ONE，地點非常便利，鄰近有地鐵站及巴士站，交通便利程度滿分。-餐廳裝修充滿法國風味，內裏氣氛非常好，一入門口就見到法國的凱旋門，猶如置身當地。餐牌選擇非常多，菜式充滿法國風味及創新的摩登風格。-西班牙黑毛豬鞍架黑毛豬鞍架厚厚的一大塊，再切成四片，份量非常充足，黑毛豬味道濃郁，煮得肉質粉嫩粉嫩，配菜非常好食出色，香氣四溢。-炭燒12安士安格斯西冷牛扒今次要咗西冷部位，三成熟，熟到煮得剛剛好，牛肉味唔錯，伴牛扒的配菜依然非常出色，焗薯及蕃茄仔煎烤得恰到好處，焗薯加上酸忌廉，絕對係天衣無縫的配合。-評分 : 6/10…查看更多

今日去尖沙咀食台式菜，茶木，餐廳位於isquare，正正尖沙咀地鐵站上蓋，非常便利。打開餐牌，食物種類非常多，小食，主菜，套餐，都可以選擇。-路邊攤小食鹽酥雞扒，鹽酥福州魚丸，台式烤香腸，小食拼盤有呢三款美食。鹽酥雞扒炸得鬆脆，充滿肉汁。鹽酥福州魚丸內裏有乾坤，咬開魚丸係爆漿的魚丸，非常有驚喜。台式烤香腸配上生蒜一齊食，完全係衝擊味蕾嘅美食。-台式麻辣半筋半牛拌麵麻辣味道夠惹味，半筋半牛份量多，煮得夠淋夠入味，麻辣味又唔會蓋過濃郁的牛肉味。麵條煮得剛剛好，有咬口，唔會太闊，用作拌麵掛汁一流。-鹽酥炸排骨麵炸排骨，即是炸豬扒，外面炸得鬆脆可口，內裏豬扒咬落口感豐富，充滿肉汁，配上濃郁湯底的麵條，絕對是最佳的配搭。-評分 : 7/10…查看更多