sweetchun's Profile

呢間餐廳好靚，好適合女仔黎影相打卡食嘢傾計😚😚連個餐牌都設計得咁靚😍😍個龍蝦蟹肉包好足料，每一啖都係有龍蝦同蟹肉。唯一有挑剔嘅就係有少少腥，不過可以接受到。呢個就正常味道。不愧為網紅之選真係好好飲😋一啖入面有晒吾同口感，好幸福呀😍不過飲得多就會有少少漏，但都係飲到停吾到。相比起嚟呢個紫薯鮮奶就比較清爽，入口有陣陣紫薯嘅香味，另外亦都有紫薯嘅咬口。十分值得一試👍甜品時間到啦⋯⋯梳乎厘😍好鬆軟，一啖梳乎厘一啖雪糕真係十分享受😋心太軟都好好味😆…Read More

食完晚餐緊係要黎個飯後甜品啦，天氣甘熱最岩食雪糕。嚟到尖沙咀點可以唔食我心目中第一嘅抹茶雪糕呢😍😍😍平時都係食開抹茶雪糕，咁啱見到有買一送一優惠一於試吓新野。貪心嘅我緊係一次過試晒抹茶同焙茶兩種口味，抹茶依舊維持高質素水平，焙茶味濃郁。比較起來啲配料就相對比較遜色。小丸子有兩粒，初初以為綠色係綠茶味點知食落去原來係無味，配埋d紅豆黎食但係都覺得麻麻地。總括嚟講下次都係買返純抹茶味雪糕就算啦⋯⋯…Read More

係台灣返黎香港無耐又掛住台灣ge野食，係時候再去回味下台灣食物…見到night market環境乾淨企理，十分適合坐低食下野傾吓偈😚香酥雞扒配蔥油拌麵，粉漿有少少厚，不過雞扒都juicy。食得耐就覺得有少少咸，不過飲下珍珠奶茶就可以中和返。值得一讚嘅係依間餐廳飲管係用不鏽鋼，保護環境👍小食揀咗金牌小籠包，不過都幾失望。小籠包嚟到嘅時候啲皮已經有啲乾，一放落口已經好明顯感覺到個皮太厚😩另外單點左一碟糖心蛋。糖心蛋上面有合桃，出奇地合桃同糖心蛋意外地夾好好味😋另外仲叫左豬扒滷肉飯同埋酸辣花枝羹，不過唔記得咗影相。酸辣花枝羹都幾辣，食一啖已經覺得好辣，唔食得辣嘅朋友就千祈唔好點啦。豬扒滷肉飯啲豬肉粒係比起平時食開嘅大粒有咬口，但啲汁唔夠多如果再多番啲會更好食。…Read More

突然想食餃子，之前有食過龍鳳祥都覺得ok。之前都係食開外賣，今日試下現場食，吾知會吾會更好食呢⋯⋯鋪頭唔係好大，大約10張枱鬆啲。不過呢位有啲迫。叫左京蔥餃子麵，點知黎左牛犇麵。可能午餐繁忙時間聽錯左order🤷‍♀️不過算啦，懶得換就試下，還掂未食過牛犇麵。賣相都幾吸引，湯底好似好濃郁。試咗一啖湯底味道偏鹹，除咗咸食唔出咩其他味😞不過牛肉好淋一啲都唔韌👍麵都算彈牙。如果個湯底冇咁鹹會更加好…Read More

突然想食台灣嘢食，記起鐵牛嘅嘢食都唔錯就去食下台灣嘢食只下癮.......下午茶時段唔算太多人，坐得好舒服。睇好咗決定食乜嘢就要去收銀嗰度買單俾咗錢先跟住嘢食就會送上。肉燥湯麵配鹽酥雞，滷味豬耳同埋椒麻牛肚絲。肉燥湯麵清清地，麵條彈牙唔會煮得太淋。鹽酥雞外脆內暖，吾會太dry。滷水豬耳都算入味。牛肚絲食起嚟有少少似譚仔風味，不過真係好辣，唔食得辣嘅朋友就唔好叫啦⋯⋯每次食鐵牛佢哋嘅水準都可以維持到👍…Read More

中午尖沙咀食飯度度都好爆。但係實在太肚餓啦，吾想排隊…甘岩見到依間野食ok價錢合理又吾洗排隊，就入左去食😝環境都舒服，服務又幾好有禮貌👍午餐選4種魚生飯就$59，選5種魚生飯就係$69，仲有味噌湯。而飯可選白飯或壽司飯。價錢真係好合理…我就叫左帆立貝，鰻魚，松葉蟹棒，火炙左口魚邊配壽司飯。帆立貝有兩隻，一隻就正常size另外一隻就係細size，見到兩隻帆立貝大細唔一樣感覺上好似蝕左咁😞不過帆立貝都算新鮮。鰻魚就正常。左口魚邊比較碎用筷子一夾容易散，不過味道幾好。松葉蟹棒比較失望冇咩鮮味。不過係尖沙咀以依個價錢同服務同來講都算合格。…Read More

係附近做完野，順便食返個午餐。見到佢價錢合理環境乾淨就入左去…入到去侍應叔叔已經好有禮貌甘招呼，倒左杯檸水😮平時其他餐廳都係倒杯水，估唔到依間餐廳咁有心👍研究左一陣發覺下午茶同埋午餐嘅餐牌價錢係一樣，唯一唔同就係下午茶會送杯嘢飲🤣豬扒好淋又夠味，最有驚喜嘅係白蘿蔔吸晒啲湯嘅精華好入味😋嚟到泰國餐廳梗係要加佢個辣椒粉啦，不過加咗辣椒粉反而覺得冇咁好味。依間餐廳應該係泰國人開，我見大部份員工都係講泰文。…Read More

辛苦左一個禮拜諗住放工食好d,係OpenRice 見到超多好評，就決定今晚食佢啦⋯⋯禮拜五夜晚7點鬆d黎到，已經排緊隊。禮拜五預左周圍都要排隊。不過比想像中少人排隊，排左三四個字就入到去😍用ipad落order，方便有效率👍我地叫左北海道凡立貝松葉蟹丼😍😍😍賣相好吸引，好足料…凡立貝好厚身，食得出係新鮮。蟹肉有d腥，好失望😞由於本人好鐘意食蟹，原本充滿期待，腥都算啦，食食下蟹肉食到蟹殼，仲要食到幾次😭雖然吾係好大舊，不過食得吾放心…不過值得一讚就係料多過飯，$138吾貴又甘足料，食極都仲有好多料👍另外我地叫左超特選壽司拼盆$288，配埋味增湯同埋蒸蛋。食完壽司總括來講係比較失望，質素麻麻。特別係海膽壽司腥到不得了😱味增湯同蒸蛋就係正常水平……Read More

近排出親街都係食日本野，吾通食上癮🤣🤔定係追求更高質素⋯⋯一早已經聽聞德美好食，今日終於去會一會，睇下係咪甘得…拎飛係自己按機拎飛，黎到已經係晏就點半。吾算好多人等，等左一陣就可以入。睇完個menu 好多都好想試，但今日想食壽司多d!我同朋友都係叫左極上壽司set lunch $146Set lunch有沙律，麵豉湯，茶碗蒸.…沙律食完先醒起未影相🙈茶碗蒸有陣陣麻油香味，好足料👍甜蛋有德美兩個字，有心思😊三文魚油脂吾算好重，不過新鮮。三文魚子好味，三文魚子係口度爆開，除左有淡淡咸味仲有鮮味😮原本對三文魚子冇咩奇望，但反而有驚喜😋海膽好鮮甜完全冇腥味🤩帆立貝好厚身，食落有好滿足感👍蔥拖羅卷同其他壽司都好好味🥳食完仲有甜品，不過不失…值得一提ge係可能冇加一服務費，基本上冇咩服務…侍應吾會主動加水，叫佢俾份menu 黎睇，冇回應跟住就係耳機度話邊度要menu 。如果可以加強服務就更好…Read More

由於之前食壽司食到好失望，今次決定再去食過第二間。千兩裝修舒服，侍應都有禮貌。第一印象吾錯🤓叫左鰻魚，赤海蝦，三文魚，三文魚腩，帶子，左口魚壽司🤩由於我鐘意食鰻魚，所以對鰻魚要求都會高啲。呢個鰻魚只屬合格質素，有d失望…赤海蝦好鮮甜，咬落去蝦肉有彈性😋三文魚就正常質素，但下次再食我會叫三文魚腩，因為我鍾意佢油脂豐富啲🙊帶子好厚身，食落去唔會有陣腥味，食到帶子新鮮嘅味道，十分推介👍左口魚食咬落去有啲汁彈出嚟，有少少鹹味又彈牙爽口🤭原本想叫和牛卷，點知賣晒。最後叫咗個牛油果軟殼蟹卷，賣相好靚好吸引。食落去軟殼蟹要用D力先咬得爛，牛油果太薄身唔係好食得出牛油果味。總嘅黎講壽司質素中上，環境舒適，服務周到，侍應會主動過嚟斟茶……Read More

諗住食個好d質素ge壽司，因為得一個鐘時間，最後都係係附近食板長算…印象中都覺得質素幾好🤔Lunch hour都好full,好彩等左一陣就有位！一坐低，侍應就放低個iPad 俾我點餐。真係吾鐘意用佢黎落order, load得好慢用得好辛苦…我見有人想叫侍應手寫落單，但侍應都係叫佢地用返平板落單。強烈建議板長換過批平板，一係就人手寫落單🙄叫左個牛肉烏冬同壽司set lunch…烏冬係扁，吾會太淋，牛肉份量都幾多👍壽司就正正常常…另外，追加劍魚南壽司。一黎到，失望到極點。吾係瓜，甘樣ge look都拎得出黎，爭鮮樣都靚仔過佢啦😤一食落去有根，d肉霉霉地😭如冇必要都吾會再幫襯😞…Read More

想試burgeroom好耐，今日係尖沙咀做完野即刻諗起食依間😋嘩…剩係睇menus d相已經流哂口水，樣樣都想食。研究左一輪，決定食煙肉芝士漢堡🙊🙊大家記住啦，決定左食咩就要去收銀度order野食…lunch hour加$30就有薯條同野飲，都幾抵下，食漢堡點可以冇薯條飲品😏好邪惡呀⋯⋯order完野食，俾左個感應器，放返係自己張檯指定位置就得…榛子朱古力，好濃郁好飲👍終於有得食啦⋯⋯煙肉芝士漢堡嘩嘩…真係巨無霸，一咬落去好滿足🥰🥰牛肉吾會太乾，切落去見到d肉汁流出黎😮生菜好脆，不過煙肉食到去尾就覺得咸左d。另外，食吾出芝士味，可以俾牛肉同煙肉搶哂風頭🤣薯條外脆內軟👍巨無霸真係當之無愧，自問都算大食ge我都食吾哂。如果細食，兩個人食一個漢堡再加d小食就岩岩好…值得一讚就係冇加一服務費…Read More

見荔枝角D2 Place d餐廳好似好好味好吸引，好多間都好想去試，幾經掙扎終於揀咗依間黎試下。希望唔好令我地失望而回啦⋯⋯我哋叫咗泰式手撕黑豬漢堡同埋軟殼蟹黑松露意大利飯。估唔到餐湯都充滿驚喜…看似普通忌廉湯，原來入面加咗黑松露，飲起嚟有淡淡的黑松露味👍啲沙律菜都好新鮮。一嚟到賣相已經好吸引。啲豬肉是有泰式嘅味道，配合埋漢堡包嚟食感覺幾新鮮又好味。完全冇諗過泰式嘅味道同漢堡包原來可以咁夾😮另外佢嘅薯條並非我哋平時食嘅普通薯條，而係用甜番薯炸嘅。食落有甜甜地嘅番薯嘅香味🥰同個手撕黑豬漢堡比較起黎，個意大利飯就普通左。不過都好好味…下次再嚟仲要試吓佢其他唔同嘅菜式😋…Read More

係西九龍想搵個舒服d ge餐廳坐低食野，心血來潮想食上海菜。行經寶哥，可能時間仲早入面一個人都冇🤣見環境都乾淨，就膽粗粗入去試吓…都佩服自己嘅勇氣😏全場得壹個侍應，個姐姐好好人招呼周到，可能冇其他客人🙈午餐跟一杯嘢飲同埋有例湯。例湯太鹹啦飲咗一啖就冇飲，我好驚飲啲蔗水一味得個甜字，呢度個蔗水味道淡淡地我反而仲鍾意。最後叫左糖醋魚塊…糖醋魚塊吾似糖醋魚塊🤣，算啦吾理啦⋯⋯不過魚塊炸得外脆內軟，幾好。…Read More

同好朋友行街行到攰，最岩就搵個地方坐下吹下水。但飲台式飲料飲到悶，甘岩知道The One開左間新式飲料，緊係要去潮聖下啦..…研究左一輪，我決定試下黑- 麻糬芝麻烏龍鮮奶茶🙊揀依杯好大原因都係因為佢充滿中國水墨風，俾佢外表吸引左…飲落去有芝麻嘅香味，但飲完之後芝麻嘅微粒喺喉嚨度有少少痕唔係好舒服。朋友叫咗杯黑糖珍珠鮮奶錫蘭紅茶，喺櫃檯度睇住佢真係即場用茶葉黎沖，茶葉淨係會用一次。感覺係認真，不過就要等耐dd,不過係值得。依杯就正常味道，未算特別突出……Read More