gummybearhk的個人專頁

喺香港，愈嚟愈多唔同款式嘅打邊爐，我覺得呢一間都係精彩嘅麻辣火鍋放題，帶俾我一個開心嘅用餐體驗，而係一個提供豐富選擇同高質素食材嘅放題。首先，佢嘅美國srf牛肉絕對係一個亮點。Srf牛肉以其優質嘅肉質同濃郁嘅牛味而聞名，每啖都帶來一種濃郁的口感同滋味。肉質鮮嫩多汁，絕對係肉食愛好者嘅天堂。而最令我驚喜嘅係佢嘅湯底選擇。有新推出嘅金湯雞窩，但友人都係鐘情佢地椰子雞湯，湯底帶嚟一股椰香，同時又有鮮甜嘅雞湯味道，令整個火鍋更加濃郁而美味。而如果你鍾意喝酒，佢仲提供清酒、梅酒同啤酒任飲，可以一邊享受美食，一邊品嚐美酒，絕對係一種享受。海鮮方面，佢嘅選擇亦非常豐富。蝦、沙白、帶子同小有的沙鯭魚都係新鮮嘅海鮮選擇，帶嚟豐富嘅海鮮味道同口感。特別係沙鯭魚，肉質鮮甜得嚟又滑。另外喺特色食材方面，大粒魚蛋、唔同款式嘅丸同餃，仲有蛋餃、同麻辣小龍蝦等等都係另一個亮點，帶嚟豐富嘅選擇。而如果你鍾意蔬菜，佢嘅新鮮蔬菜選擇亦絕對不容忽視。生菜，娃娃菜呢啲一定有，佢地仲有冰菜、豆苗、水蓮等等都可以提供，特別係豆苗，絕對係驚艷，因為係嫩同爽，無諗過係火鍋放題可以食高質食材。絕對令你可以享受健康又美味嘅火鍋體驗。最後，佢嘅甜品區絕對令人驚喜。精美甜品同埋雪糕櫃提供各種口味嘅雪糕，令你可以以甜品作為完美嘅結尾。無論你鍾意咩口味，呢度都可以滿足你嘅味蕾。重點係雪糕櫃，各式各樣嘅雪糕令到有一種童年望住雪糕櫃嗰種喜悅。總括而言，呢間台式火鍋放題餐廳絕對係一個性價比極高嘅選擇。豐富嘅食材選擇、美味嘅湯底、特色食材同新鮮蔬菜，加上精緻嘅甜品區，絕對可以讓你享受一個美味又滿足嘅用餐體驗。無論係同朋友一齊嚟，定係家庭聚餐都會滿載而歸。…查看更多

上星期放假遊閒咁叮叮嘅時候，經過灣仔，有一間主打漢堡號餐廳，開咗年幾都無試過，就不如落車試下啦裝修係好美式嘅快餐店，自助形式嘅。先叫嘢食，芝士煙肉漢堡，同炸雞漢堡芝士煙肉漢堡原來係煎香嘅煙肉碎混係穀飼牛肉入邊，做成漢堡肉，每一啖都食到煙肉香味同咬口，但個人會鐘意一塊夾係包中間，有番個脆口感。炸雞漢堡好脆但肉較薄，配上coleslaw 沙律一齊食，另到油膩感消失，非常配薯條方面，係幼身薯條，每一條都脆口，食多幾條就會覺得有啲硬，但佢薯條會跟一包幼鹽畀你自己落，細心！可以自己調整鹹度整體不過不失，個人覺得性價比較低…查看更多

香港周圍都係日式食肆，想係其中到突出從圍都唔係一件易事，專心做好一樣出品都係日本嘅匠人精神係炮台山地鐵站對面有一條小街，入邊有一間日式餐廳，表面上佢係一拉麵店，但入到去發現，食客食佢嘅炸雞多過佢嘅拉麵？？我就決定試一試佢！！店面細細，枱與枱比較近，我呢啲熊仔都坐得有啲唔係咁舒服，但係無阻我探究佢嘅炸雞叫咗個南蠻雞炸雞定食，4件大大舊嘅炸雞，大大舊，食起上嚟唔可以一啖一件，但咁樣反而可以保留雞嘅肉汁，第一啖咬落去就知道，非常juicy，加上佢上粉好薄，外脆而內juicy，果然係一舊出色嘅炸雞。白飯都係好重要嘅一環，選用日本米，有飯香而軟糯，慢慢咀嚼可以食到淡淡嘅甜味，配上炸雞一流，食完唔會飽飽滯滯…查看更多

呢間小店我自己覺得係香港入邊最好味嘅台式牛肉麵牛肉麵半筋半肉，冧得嚟唔會散哂，湯底濃郁，深透哂係肉入邊麵質都好掛湯而且彈牙酥炸雞扒麵雞扒厚肉外脆內juicy，同牛肉湯一齊食，好perfect…查看更多

係中上環半山有間良心西餐廳，好食好服務，食物質素高，價錢唔算貴，非常值得一試卡邦尼扁意粉配溫泉蛋香味撲鼻，加入咗洋蔥煙肉蘑菇等等嘅材料，令到更加有口感，意粉好al dente，溫泉蛋嘅流心蛋黃流出嚟，令到個意粉更加creamy黑松露什菌意大利飯非常creamy，芝士同忌廉嘅質感完全包住咗啲米同菇，每一啖啖都係芝士同奶白，鹹味較淡，但咁樣先可以突顯到黑松露嘅香味Cajun薯條一個非常惹味嘅香味，配上炸到外脆內軟嘅薯條，點一點個沙律醬，係會停唔到口🙈🙈仲有一支想介紹下，蜜月沖繩嘅峰蜜酒係一支用沖繩嘅青檸同苦瓜，仲有蜜糖去釀製嘅啤酒，好香青檸味，完全唔苦，感覺有啲汽水添，好易入口，真係唔好飲太多😅😅…查看更多

係尖沙咀入邊，有一間突然掘起嘅酒吧餐廳，每星期晚上好多人排隊食飯，點解咁多人？因為佢就係298嘅價錢，120分鐘入邊可以無限瘋狂咁食牛扒每星期佢地都會提供美國安格斯肉眼或者係封門柳，任食質素相當高質而且餐廳仲可以按你要求嘅熟度去準備，任食嚟講佢都算做得好細緻另外佢每一碟都有沙律菜同薯條，仲有雪糕雪條都係無限量供應架咁正嘅嘢，我都食咗6塊🙈🙈當然佢地係一間酒吧，唔同款式嘅啤酒汽水cocktail 提供，一邊食一邊飲，同埋啲fd，女朋友一齊去就最好啦…查看更多

係尖沙咀行街嘅時候，發現加連威老道有一個嘅foodcourt，有好多唔同款色嘅菜可以揀，所以決定去試一試啦泰國菜，英國菜，點心。港式應有盡有，全部都可以點菜一齊食，一餐可以食盡唔同款色。但係而家啲咁熱嘅天氣，食泰國嘢好似適合啲，所以決定食泰國菜款色以泰國粉麵小食為主，船河，串燒，小食都有泰式酸辣魷魚新鮮爽脆嘅魷魚配上酸酸辣辣嘅泰式汁，令到魷魚鮮上加鮮，加上魷魚煮到啱啱好，好腍唔硬，非常開胃串燒combo係集合咗豬牛雞嘅三色串燒，燒得焦無地，香噴噴，又腍又juicy，上枱嘅時候，沙嗲汁嘅香味係超香，絕對令你食完一串又一串豬頸肉沙律熊仔食泰國嘢必食嘅係豬頸肉，因為泰國餐廳好食唔好食，食豬頸肉就知道。今次絕對係唔差架。豬頸肉燒到脆邊但唔柴，配一啲爽口嘅甘荀絲同洋蔥絲同車厘茄，絕對啱哂呢幾日咁熱嘅天氣…查看更多

打唔成風就會不停咁落雨，落雨濕濕就係屋企附近食個麵啦，點知俾我發現咗間高汁車仔麵，一間由30年經驗嘅老師傅傳授嘅滷水汁同辣汁嘅車仔麵店車仔麵款色多就正常，但用靚料就唔係度度有，呢度丸類會使用振興丸同四州魚蛋呢啲香港製造，非常有質素。另外佢嘅滷水真係好食，滷水豬頸肉好入味但又唔會太搶，大腸又好腍，會清理一下腸入邊嘅脂肪，細心。滷水牛筋真係滷水中嘅天花板，好腍好滑仲入味，每一舊大細都可以一口，而且係帶少少肉，令到佢更加有咬口滷水之外，呢間小店嘅咖喱豬皮都好好味，炆到腍而唔爛，仲好爽口，咖喱味嘅比例啱啱好，配埋個清甜嘅蘿蔔就一絕另外個辣汁都好惹味而且都幾辣，絕對令到成碗車仔麵加添咗一個生氣…查看更多

今日食咗一間係旺角鬧市入邊，街市之中嘅隱世大排檔，門口有２個魚缸，又有龍蝦又有鮑魚，好似唔簡單咁喎，就要會一會佢啦，七味炸豆腐豆腐外皮香脆，炸粉夠薄，外脆內軟既口感好正，蒜香味好烈，而師傅係表面加番啲鹽花，香更加濃烈，份量都好多，作為小食特別開胃。黃金珍寶蝦球黃金蝦球一向都係我最愛，叫咗個黃金珍寶蝦球，蝦球炸得好香脆，大大粒，鹹蛋黃好入味，表面充滿鹹蛋黃蓉，口感沙沙，味道鹹香，蝦肉好新鮮食落去爽口彈牙，送酒小菜真係一流。啫啫通菜煲食咗咁多炸嘢要叫番個菜先，呢個惹味既啫啫通菜煲，上枱嗰陣已經係喳喳聲，聞到好香蝦醬嘅香味，加埋大條蝦乾一齊炒，肉碎又鹹香味十足，味道都好惹味，通菜仲保持到翠綠，口感鮮嫩爽口，鑊氣十足，送飯一流。豉汁蒸白鱔白鱔肉好嫩滑，而且豉汁味好濃，每一舊都被豉汁包裹住，而且皮同肉都充滿鱔嘅油香，送飯真係爬多２碗啦。…查看更多

今次去到元搵食食食～～～發現咁一間生酮人士都啱食嘅串燒店，就係正b仔隔離，一定搵到小店裝橫幾型幾有格調，入到門口就已經係一個開放式廚房，可以見到老闆準備緊食物坐底咗之後，店員會向我地介紹一下餐廳提供嘅食物，有酮學仔最鐘意嘅椰菜花飯，仲可以配唔同嘅主菜，和牛，三文魚腩，大啡菇都有架特盛和牛煎蛋配煙肉椰菜花飯炒椰菜花飯好香煙肉味，少少咸，配埋香煎嘅和牛同燶邊太陽蛋係真係非常好味架。和牛牛味好香，又有少許燶燶地，香口又唔會太柴既然啱哂生酮人士食，當然要試埋適合生酮嘅串燒燒雞皮，燒雞翼，雞頸肉，燒脆鱔，豬頸肉全部都用鹽調味，食本身嘅肉味，香口又脆口，外脆內juicy，另外都有2個醬汁，柚子胡椒同泰汁辣汁，棟子胡椒汁就酸酸地，幾香嘅柚子香氣，胡椒嘅微辣，泰式辣汁就比柚子胡椒強勁得多…查看更多

平時熊仔都好鐘意食日本菜，收工就約咗女熊仔去試下一間日本嘢，出名一啲特別嘅卷物。餐廳雖然細細間，但係坐位唔會好迫，值得一讚係服務員服務態度非常好，即使當日好多檯客都非常有禮貌，都好留意你需唔需要加茶，問下你覺得食物好無呀，好細心。介紹下佢地嘅菜式：相撲力士雜錦刺身嘅卷物，包住芝士同蟹柳，加上佢特調嘅醬汁，食起上嚟好惹味，但都保持到刺身嘅鮮甜同清新超級龍捲風芝士配吉列炸蝦同海鰻，加埋少少脆片，口感好得意，係軟糯嘅壽司飯中，有吉列同埋脆片嘅脆口，呢個配搭幾好食蜘蛛海入邊嘅蜘蛛，軟殼蟹卷物，包住蟹聊同青瓜絲，因為啲青瓜絲，令到個卷物好清新，完全唔油膩鹽燒三文魚頭鮫因為本身魚嘅頭鮫係比較多魚油，所以燒得好香好脆，啲魚肉好嫩滑，加埋佢個醬汁，甜甜酸酸，去咗個油膩感七味唐揚炸雞軟骨熊仔最鐘意食雞軟骨，佢仲要係大大粒，粒粒都波子咁大，外脆內軟，外層仲有啲七味粉，少少辣，好香口海蝦天婦羅做炸物嘅師傅真係有一手，個天婦羅好夠熱，隻蝦又大大隻，脆漿包住熟度啱啱好嘅蝦，好唔錯琦玉網燒牛舌熊仔覺得食過最好食嘅燒牛舌，本身好腍，油香好足，而且一入口，有啖黑椒味湧上嚟，令到牛味更特出…查看更多

荃灣有好多食米線嘅小店，我今次都慕名而來，排隊排咗20分鐘到，終於可一嚐佢啦佢有好多餸可以選擇，又可以食芽菜底，唔洗驚食到好飽，頂住個肚叫咗 腩肉，大腸，腐竹，小鍋 同埋 豬脷，豬膶，腐竹，小鍋佢嘅所有嘅餸都炆得好入味，不過大部分都係同一個味，比較單調，整體都係好味嘅 辣度係會愈食愈辣，夠香夠辣…查看更多

Dodam dododam同女友食晚飯，韓式炸雞係佢首選，所以就去咗 dodam chicken🤣🤣黃金咸蛋脆雞 (半份）上枱嘅時候，陣陣咸蛋香味樸鼻，咬落去非常脆，而唔會油膩，炸雞好怕炸到老哂，但完全好嫩滑，好juicy。食完一舊係好想再食多舊咁吸引芝士雞蛋卷我食雞蛋又係好怕乾啲蛋又嚡口。呢個蛋卷啱啱熟，仲好濕潤，切開嘅時候啲芝士流出嚟，見到都開心，食咗更興奮，淡淡蛋香而芝士都無搶哂主角嘅味道，值得一試烤芝士牛排骨食過芝士蛋卷之後，再食多個芝士牛排骨。個人最鐘意食呢個牛排骨。佢切好哂一片片，每一舊肉沾上燒烤汁而且煮到骨同肉都好易分離，入口嘅時候，牛油香味而肉汁停留係你個口腔到，感覺好滿足韓式魚片湯食咁多重味嘅嘢，飲番個清清地嘅湯，又有我鐘意食韓式魚片，而且仲好多唔同嘅配料。個湯有一個大蔥味，鐘意食蔥嘅朋友可以試一試佢呀…查看更多

今日食咗一餐好豐富嘅泰國餐，同平時有啲唔一樣嘅泰國餐小曼谷係位於銅鑼灣呢個鬧市，佢嘅質素絕對同係泰國食一樣👍🏻👍🏻因為太多款色，餐牌上仲有啲必食推介，同埋海鮮添酸辣鳳爪個人最愛，有得叫一定食嘅嘢，但佢地好細心嘅係 可以走蔥走洋蔥，啱哂唔鐘意食嘅朋友。味道方面，少少酸但好夠辣，可以見到佢個汁係青紅辣椒仔都有，香辣俱備。海鮮孖寶 蒜蓉牛油燒蟶子/ 燒脆皮白鱔蟶子燒到啱啱好，juicy唔會老哂，而好香蒜蓉牛油味，另外仲有啲脆魚仔係上面增加口感叫得脆皮鱔，真係燒到外脆內軟，仲好滑，充滿油香，沾上少少汁，減低油膩感，帶起鮮味冬蔭功食泰國嘢必飲嘅湯，絕對足料，原隻虎蝦煲出嚟，蝦肉爽身彈牙，仲有蝦味，個湯少酸少辣，非常開胃蒜香雞可以叫半隻或者一隻，炸得非常脆，但仍然好多汁，好嫩滑，雞胸都好嫩，佢仲有淡淡嘅蒜香味，夠哂惹味鐵板馬拉盞炒豬頸肉通菜食咁多肉，都要食番啲菜嘅，呢個鐵板上嘅炒菜，最好就係食到最後都係熱架，而佢個馬拉盞炒得好香好夠味，豬頸肉都好入味…查看更多

終於可以出街食晚飯，終於可以約埋班朋友出去食飯啦。今次我哋去咗觀塘到食日式放題，一間性價比好高嘅放題，超多唔同種類嘅海鮮可以任你食係你叫嘢食之前，外面有個自助吧，可以自己去攞汽水啤酒，清酒，梅酒，同埋好多款前菜，小食都可以攞，今日有幸有豉汁燒鱔食，鱔嘅油香同豉汁嘅味道簡直係一絕，仲有啲凍海鮮可以任食，雪條雪糕都係自己攞，仲有軟雪糕都可以自己整架，性價比揀直係高！食放題，刺身一定唔少得，樣樣都好唔錯架，三文魚厚切，吞拿魚就好嫩，甜蝦都好鮮味。係時候食啲熱嘅嘢啦，sukiyaki，串燒，天婦羅，咩款色都有齊，真係多到唔知揀食咩先好。特別係推介佢幾款嘢，我食完又食，食完又食嘅蒜蓉蒸扇貝非常之惹味嘅蒜蓉，加係原隻扇貝上面，只係會不停咁encore醉鮑魚好多放題有鮑片食都唔係咩特別嘢，但係我推介呢個係特別唔同，因為佢係醉鮑魚，原隻鮑魚落去啲花雕酒到浸，食落去第一啖嘅時候就香直接衝入你個喉嚨，紙包魚嘅鮮同酒嘅甜完全溫和係一齊，非常清新而好味鮑汁花膠呢個都係非常特別嘅一款食物，因為個汁好濃厚但唔會太鹹，花膠都炆得好腍好滑燒羊架一般嘅燒羊架都會整得好硬好柴，但係呢度就一定唔會，食咗咁多舊，舊舊都好腍好juicy，充滿油香而且調味好足。Sukiyaki 牛肉鍋呢度嘅牛肉真係慢慢浸熟，咁一定唔會過火先，而湯底嘅味道慢慢入哂去啲牛肉到，昇華咗片牛肉，加上牛味足而腍滑，值得一讚酸菜魚時下興食酸菜魚，估唔到呢度都有，而且經理推介，所以一定要試試佢。經理就真係無推介錯喎，魚肉厚薄適中，好滑口，湯底又少少酸，少少辣，完全唔會蓋過魚肉嘅鮮味，非常好食咁多海鮮，同埋唔同嘅料理可以一齊試哂，性價比一絕👍🏻👍🏻…查看更多