tingchun28's Profile

餐廳我都bookmark 咗好耐，主打食內蒙古百日羔羊，喺香港都算少見，今日終於有機會搵到啲志同道合嘅朋友可以去試一試佢😆😆佢位置好方便，去到上面夠晒舒服，空間感十足，呢度除咗涮羊肉之外，串燒都係呢度嘅賣點😉嗌咗啲串燒再打邊爐，而串燒不可不提係佢嘅白鱔同埋扇貝，真係好新鮮同埋扇貝亦都調味相當適合，十分彈牙😋打邊爐就叫咗個卜卜蜆湯底，每隻蜆都10分飽滿，而且每隻都開到口，證明咗係十分新鮮，佢嘅招牌就係羊肉，有唔少部位可以選擇，但我哋梗係嗌晒全部嚟試，每款肉類都各有千秋，而我最鍾意食嘅係羊上腦同埋高鈣肉，羊上腦10分嫩滑，奶香味非常濃郁係我食過所有羊肉之中最能代表羊嘅味道😚而高鈣肉就非常有趣，佢肉與肉之間有條軟骨，有＂脆＂有趣😉其他食物都非常高質，但不能夠詳細一一敘述，呢一餐我哋嗰個都非常滿意，可以閑時都嚟一次聚一聚😆😆…Read More

今日嚟到灣仔食間新開串燒店，位置都算有啲kick,喺條巷仔入面，不過裝修都幾有風格，主打酒吧MIX串燒，咁我同朋友都算早去，所以有happy hour套餐俾我哋選擇，咁就$88有一支啤酒同埋三寸自選嘅串燒，其中包括雞翼 雞頸肉 雞軟骨一啲都唔失禮，之後仲有啲優惠價嘅串燒可以選擇，性價比可以話係極高，首先就係個手工啤酒真係唔錯，有淡淡嘅果香味，而且入口亦都非常順滑，適合一啲唔係成日飲酒嘅人都可以飲得落😋而串燒方面亦都非常足料，而且樣樣都處理非常用心每一串都燒到金黃色，完全冇燶嘅感覺👍🏻 味道方面就調味適中，肉類就非常Juicy，可以話係串燒嘅天花板都不為過🤭而且店員非常 helpful 會主動介紹當日有咩新鮮食材，提供一種賓至如歸嘅感覺，今晚一串串燒一啖酒😆開開心心渡過一整晚…Read More

今次同朋友聚會嚟到蘇媽食馬拉菜～店內裝修好有馬來西亞特色，懷舊感覺～～菜式選擇非常多，每樣食啲叫到成枱野食～玻璃魷魚配通菜，鮮嫩通菜配上爽彈魷魚～椰香咖央多士，幾脆口，重椰香味～百吉爹肉骨茶，一字骨，香濃嘅藥材味，一字骨非常軟腍，點黑醬油好食，仲加配咗油炸鬼可以浸湯食，可以免費加湯，非常暖胃～叫咗蜜糖燒雞翼同馬拉沙嗲串燒，燒得唔錯，幾有風味～～辣死你嗎配烤雞髀，啖啖肉大雞髀，非常抵食！砂煲老鼠粉，幾有鑊氣，炒得香口，豐富口感！食到超飽，滿足嘅一餐～…Read More

Délifrance通常第一個俾人印象係一間麵包店，但其實佢仲有西餐提供，不過我都係朋友推介先至入去試1試😜呢間餐廳囉size都算大，坐得都比較舒服，同朋友食可以relax咁食，佢做緊一個二人set，都係三百零蚊到，所以就揀佢，另外再加多個意粉以防唔夠食😝上菜速度都唔錯，都一樣一樣嘢咁送到就唔會擺到成張枱都係，可以食到食材嘅溫度😚夜啲又set入面，我最鍾意嘅係羊架同埋香蒜海鮮炒意粉🤤個羊架處理得非常好，雖然佢唔使我哋揀熟度，但佢幫我哋處理得啱啱好，鮮嫩而多汁，啲羊味就啱啱好，加埋佢外脆嘅麵包糠，外脆內軟咁食真係唔錯😌而佢個炒意粉都炒得好，香蒜味十足，海鮮份量都唔少，我同個friend都強烈推介要叫呢一個😋呢個set仲包埋甜品同埋飲品，所以性價比極高，我認為如果食西餐，屯門區入面呢一間都係其中一個嘅選擇👍🏻😉…Read More

嚟到九龍城，一係食泰國菜，一係打邊爐，今晚就嚟呢度打邊爐😚揀咗食呢間，因為之前食咗都覺得高質，值得再去食過😉呢次就揀咗鴛鴦鍋，一邊清湯，另一邊梗係火鍋必有既沙嗲湯啦😆一清一濃，夠哂balance肉就叫咗安格斯肥牛and西班牙黑毛豬，兩個雖然唔係呢度頂級嘅肉，但係都令到人讚不絕口，油香肉嫰，而且有厚度，食落夠滿足🤤而手打嘅嘢都好有水準，三寶丸粒粒肉味香濃，又足料😙另外蝦滑絕對一定要叫，相信係我食過最彈牙，媲美海底撈👍🏻👍🏻鮮蝦水餃勁大粒，入面除咗蝦之外仲有木耳同冬菇，非常有驚喜😍而呢度除咗一般醬料，每枱都仲一碟xo醬，拎啲肉點吓你都咪話唔過癮😂最後埋單每人$400度，性價比高，環境又舒服😌下次再嚟食都絕對唔介意…Read More

上個禮拜去完元朗食616牛肉打邊爐 ，今個禮拜又有另外一個朋友話想食牛肉火鍋，即刻帶埋佢去食😂😂不過今次係去荃灣分店，一個禮拜食一次都唔係好過分啫🤣🤣湯底叫咗雙拼，分別係呢度嘅招牌牛骨湯底同埋熔岩沙嗲湯底！😚聽講呢度嘅小食油脆魚皮好出名，所以今次都試一試，食落口感爽脆，食完一塊又一塊，味道非常惹味👍🏻牛肉方面，今次叫咗幾樣同上次有少少分別嘅牛肉，信州和牛赤身上次食過好好味，牛味好濃，所以今次再encore😌 另外仲叫咗雙層肉、牛朴肉、牛上肋、安格斯橫隔肌同埋每次必點嘅胸口膀！胸口膀睇落好肥，但其實口感爽脆，配合其他牛肉食，口感會再提升🆙🆙如果想試吓特濃沙嗲牛，打完牛肉嘅沙嗲湯底，直接落個面底落鍋，慢慢等佢煮一陣，如果真係唔夠湯，都可以加好少好少嘅湯，再攪一攪，大概5分鐘到就可以得到一碗特濃嘅沙嗲麵😍加埋啲牛肉食，就係好味到極點😚😚 最後飲番啖菊花桂圓露，解膩一流😜…Read More

呢個品牌都算全港最出名食牛既火鍋店，每個牛既部位都可以嗌，我基本上想食吓牛都會嚟呢度食😆今次見到有日本🇯🇵信州和牛，二百零蚊有一個拼盤，諗都唔使諗，叫番個一定冇死😂仲要送多個三花趾，超級抵食😍湯底就鍾意叫牛雜湯底，勁多料喺入面，牛肚處理非常之淋，非常驚喜😛最正係入面有肥膏滿滿嘅牛腸，甘香到不得了，不過食完又覺得同天堂又近多一步👼🏼，食一嚿都夠皮了🤤呢個日本和牛完全合乎預期，入口軟化，牛味清甜，唔使點醬汁都非常滿意😚而最估唔到嘅係佢份量真係多，足夠兩個食到夠皮😙值得之後再叫另外再叫咗基本上必嗌既牛胸膀，夾埋啲肉食非常無敵，又唔驚佢overcook🥰熟成加拿大牛肩胛係今次第一次叫，食落去比較有咬口，但牛味香濃，係唔錯嘅選擇最後真係值得講佢個醬料區，乾淨企理，而且種類又夠多，仲有啲推介俾你跟住混醬，每次嚟都覺得呢度真係值得讚許👍🏻👍🏻…Read More

今日就去到觀塘既工業大廈入面試吓個私房菜，首先要講吓間野真係好近地鐵站，一出就見到棟工廈😆一入到去，環境都算唔錯，帶有啲古風，咁食咩就基本已經訂好，所以坐喺度等食就已經夠😉全晚大概有十樣嘢，由頭盤同主菜之後甜品都有齊首先頭盤小食有酸齋同雲耳，酸酸甜甜，夠開胃，之後就到小食三拼 個蛋燻過，好香 啲菜又夠哂fresh 好脆👌🏻碗湯我要咗海底椰鱷魚肉湯，好清甜，有驚喜啲花尾躉魚片夠哂大塊，食兩塊夠哂皮，魚皮夠厚，勁Q彈蝦球蒸水蛋隻蝦就夠彈牙，不過得一隻就有啲唔夠喉😂水蛋夠嫰滑士多啤梨排骨就第一次見，味道有啲甜，唔錯唔錯之後就到招牌茶皇燻雞，一上就已經聞到香味，同埋佢已經起咗部份骨，食起上嚟都真係爽😉差唔多到未聲，魚湯浸西洋菜都一樣帶到驚喜，未試過飲過咁有魚味嘅湯，我直接＂不＂咗一碗嚟飲👍🏻最後食咗兩粒芝麻湯圓就完成晒成個course 都食到捧住肚走🫢…Read More

時代廣場板長壽司個位開咗間台式火鍋放題，而且仲要係一人一鍋，咁可以試多啲其他湯底😂首先呢度環境幾好，而且好大間吓，連之前嗰間藥房都變做呢間舖👍🏻價錢方面有$399到$269揀，$399都係可以接受範圍，同埋真係好啲選擇，最緊要既係有得揀芝士茶飲，真係飲兩杯都係番晒度🤫而家呢個餐既m8和牛同伊比利亞豬肉真係好正，肉嫰油香，嗌幾多都唔會厭🤤🤤湯底揀咗麻痹鴨，即係麻辣鴨血，味道比較想像中清淡啲，比較冇咁一味得個辣字，食到啲食物原有嘅味道😚除咗火鍋配料，呢度仲有好多台灣小食，鹵水 雞排 鹽酥雞 滷肉飯 都有😆滷肉飯非常有風味 一個唔留神，已經可以爬晒成碗飯😂滷水亦都係合格之上，尤其是牛筋牛肚炆得非常之淋😆甜品就食個白桃雪糕，勁香桃味，啱晒我😍呢度用qr code落單 非常方便👍🏻員工亦都好有禮貌又幫到手，呢間都非常推薦朋友食👍🏻👍🏻最後都提提大家，呢度可以用App儲積分，有機會抽到Alan walker喺香港演唱會嘅門票（有mirror做嘉賓嗰個😛）都夠哂吸引了，而且仲有其他優惠😙😚…Read More

見到燒蝦店開到成行成市，但我想食都一定係揀食呢間，見到佢除咗佐敦之外，原來荃灣都開咗一間，咁呢次就試吓去開荃灣嗰間😙近啲🫣不過呢間近就近，不過佢座落於大鴻輝到，如果食晚餐時段，都要排一陣隊先上到去🫡上到去都好快安排到座位，坐喺個缸隔離，有辣有唔辣，一方面拎蝦好方便，但隻蝦夠生猛嘅話，就彈週圍都係水🥲一如既往，一入就有蒜蓉蝦同招牌鰻魚，呢個鰻魚真係勁正😚，夠哂肥美👍🏻出面都有熟食位，其中有醉蝦同避風塘炒蝦，兩者各自各好，絕對唔比燒生蝦差😆另外海鮮bar都係有好多選，扇貝，生蠔，大蜆同多款魚類出面自助區有齊哂蒜蓉牛油辣椒同埋仲有粉絲，呢個我有少少驚喜😝拎嚟燒海鮮就啱哂，而魚就放下面慢慢燒香，除去個外皮，裏面啲魚油超級豐富，魚肉亦都好雪白，再加上啲鹽，真係令我回味萬分🤤最後肉類同佐敦冇大分別，啲雞翼都係醃得好入味，燒香一流👻每位大概$400，呢個價位都算係咁啦🤑同fd眾一眾都非常盡興😚…Read More

好耐無食鐵板燒比起自助餐更鍾意omakase或者teppanyaki望住個師傅整 咩都特別美味🤤☺️前菜有海膽天婦羅、炸豆腐同魷魚！日式豆腐有汁佐底 面脆內軟 清淡味鮮；唔講唔知，原來螢光魷魚沖漬係日本土北海道嘅名物料理，用咗醬油醃漬嘅沖漬料理，咬落去煙煙韌韌，好過癮😅沙律我揀了吞拿魚沙律份量唔少之餘仲要好高質睇住師傅煎完大蝦加炸蒜整出嚟香辣惹味！刺身都唔錯，夠晒新鮮蔬菜方面係蓮藕片 南瓜 香菇同露荀 師傅幾個客人份量一齊整影相好靚食落都好味 又健康主角我揀咗豬肩☺️豬肩有啲似豬頸肉係有韌性 肉味濃厚份量好多我已經開始好飽但茶碗蒸都同時上咗👍🏻食晒🤤仲有主食櫻花蝦炒飯你搵日本炒到喘氣😮‍💨好cute🤣我都專登同佢講句お疲れ様でした🥺食到一半加清湯 兩種食法！甜品吃了雲呢拿雪糕曲奇係精粹！兩者當然係好夾食完已經超級飽好滿足趁佢新張期間有特價諗住下個月帶埋父母嚟畀佢哋嘆吓😆…Read More

流水蝦喺香港都有唔少餐廳做緊，我一直都想試吓，所以就bk咗呢間試吓😆因為book咗枱關係所以就唔使等位，而呢間都好大吓，不過都坐滿晒人，所以都係bk定就穩陣啲我哋安排坐係啲蝦缸嘅隔離，所以夾蝦嘅話都唔使行出位就已經可以夾到新鮮嘅蝦😚一坐低，就會有蝦已經上咗爐同埋啲錫紙包嘅蒜蓉蝦，之後每位都會送一隻鮑魚同埋白鱔，枱面仲有一個桶俾你擺冰你整暈啲蝦😳呢度有兩個半鐘食，所以都可以慢慢食慢慢燒，首先頭輪啲蝦咗質素麻麻😅，可能餐廳都已經處理咗一陣新鮮度唔夠，之後我哋再喺隔離水缸夾啲新鮮嘅蝦嚟燒，情況即刻唔同晒☺️蝦肉非常彈性而且好鮮甜，用啲鹽燒一燒已經好好食😋不過成晚我覺得最好食嘅咪就係佢送嘅白鱔，呢個簡直入口即融既極致，一入口就已經充滿魚油香味，而肉質都好鮮嫩，真係啖啖肉🤤令人難忘除咗海鮮之外，亦都有好多肉類提供，一定會令你滿意，捧腹而回呢晚真係食得好盡興，希望下次可以快啲再嚟食過😚😚…Read More

之前食過旺角牛極估唔到油麻地又開多間哩間地舖一入去就見到日式裝潢😍入門口就有部機自助點餐牛可以揀牛柳、牛肩、西冷、肉眼我同朋友都嗌咗牛柳因為鍾意啖啖肉180g一個女仔食就啱啱好男仔都唔怕唔夠食因為飯、沙律同埋湯都係任飲白飯上面仲可以加飯素今日係麵豉湯 有豆腐、海帶、香菇我飯前一碗、飯後又一碗😋唔會死咸又夠足料！沙律菜有埋蕃茄，可以揀胡麻醬或者柚子沙律汁，10分開胃！諗住食多一碟嘅時候肉已經送到！好快手！牛柳好厚燒完一邊，就反轉另外一邊燒在切成薄片燒兩邊塊石頭嘅熱力好持久成餐飯又燒又切 好滿足😍…Read More

最近疫情已經慢慢穩定，有啲餐廳就推出優惠嚟吸引翻啲人嚟食，但估唔到呢間竟然可以做到半價，一隻蟹由$588去到$294🤑，就梗係嚟食吓啦🥴，都好耐冇食過🦀不過都好full吓，都bk到2030先約到👍🏻👍🏻蟹有多種整法，我鍾意有啲鑊氣，重口味就梗係揀避風塘炒蟹，再加幾樣小菜，每樣小菜都有半價，圍翻上嚟都係$50～$70，非常抵食😛😛呢隻都有番一定斤量，total分到6嚿，再加兩隻大蟹鉗🤩啲蟹拉過吓油，啲蒜焦香味出晒嚟，內裏就一梳梳純白既蟹肉，兩者相輔相成，簡直食唔停口🤩🤩黃金豆腐簡直多到俾幾個人都綽綽有餘，不過佢真係完全表現到咩係外脆內軟🥴啲豆又好香，豆腐又滑，真係完全係手工菜，每樣都好小心處理先做到呢個效果😆😆香辣炒土豆絲呢樣野真係比較少食，不過佢啲薯仔炒得幾爽口，帶啲辣味又幾過癮😛蓮藕欖菜炒雞柳呢個送飯一流，蓮藕又炒得爽脆，雞柳同欖菜炒埋一齊，增加層次感，唔會食得咁悶🥳食咁多香口野就梗係要杯嘢gur一gur，呢杯水蜜桃梳打真係飲到透心涼，啲果肉係真係鮮果肉，唔係罐頭貨，啲材料落足心機😚👍🏻…Read More

呢排成日都係食肉🥩，就想食吓清淡啲，就醒起新蒲崗有間人氣蒸氣海鮮店，晚晚都都爆哂座，所以都要預早bk定位😚😚夜晚去到果然係人頭湧湧😳，不過就有留番個位俾我地，我地坐到張四人枱，所以坐得比較舒服闊落☺️有兩款餐俾你選擇，咁我哋就食$399一位既套餐，有十款菜😆首先蒸既係越南大虎蝦，基本上所有時間，次序都係店家搞，所以就撓埋雙手食就已經得👍🏻，蝦夠哂大，有膏，夠哂香味😘分到兩大啖食，滿足再下一樣係蒸鮑魚同大元貝，樣樣都好新鮮，而且隻隻都好鮮甜，連埋貝殻入面啲汁一齊食，真係好正🤤🤤之後係龍躉片 紐西蘭大青口同韓國蠔，青口真係好大隻，同一般急凍嗰啲差好遠，一啖擺落口先知道原來青口可以咁鮮甜🤤🤤呢樣就比較少食，菲律賓潮式凍蟹，基本上凍蟹令到啲蟹肉再緊緻啲，會令到啲蟹味再出啲，呢個先真係可以感受到蟹肉既鮮甜味😍😍之後就係我的最愛—龍蝦🦞，大大隻，蒸完出黎，啲肉白雪雪，脹卜卜🤤🤤加埋金黃色既膏，口感彈牙，啖啖肉👍🏻👍🏻食到咁上下就食吓菜同粟米之後，就到食粥環節，入面有排骨同芋頭，再加埋頭先蒸海鮮既精華，確係味道豐富，口感濃郁😉而甜品係椰汁雪耳，好香椰奶味，而且雪到凍一凍，一個字：爽🥶🥶…Read More