Miyuki.kuromi's Profile

大閘蟹季節又嚟啦，今次我嚟到佐敦星聚軒享受佢哋嘅大閘蟹放題，$498一位就可以任食大閘蟹啦！真係好開心！🥳 首先，我試咗小米燴遼參，呢個係每位都有一煲嘅🥰雞湯香濃加上遼參同小米，口感豐富，食落去真係好滿足！跟住我又食咗蠔皇8頭鮑魚，呢個都係每位有一客嘅👍 鮑汁嘅味道鮮美，鮑魚彈牙嘅口感令人忍唔住想再嚐一口！如果佢再大隻啲，肯定更加完美！講到任食大閘蟹，呢度有兩種口味可選：清蒸or 花雕，清蒸能夠保留到最原汁原味，而花雕蟹帶有淡淡嘅酒香，食落去暖心暖胃！好新鮮好好味好食到震！我總共食咗15隻！😂除咗大閘蟹，店裡仲有任食嘅中式菜、手工點心同甜品，全部都係即叫即整。北京片皮鴨外表脆口，內裡嫩滑，味道一流；生炒糯米飯香氣四溢，份量都好足！甜品方面選擇相當豐富，有紅棗糕、椰汁桂花糕、黑糖糍粑、大良鮮奶卷、蘋果包、熱情果椰汁糕等等，當然唔好忘記薑汁湯圓，我一口氣飲咗兩碗，又好飲又可以驅寒！呢個大閘蟹放題優惠真係好吸引！😌 店裡除咗大閘蟹放題，仲有中式私房菜，價位適中，手工點心即叫即做，保證新鮮美味！而且，佢距離佐敦地鐵站好近，交通方便，適合同朋友或者家人聚餐。總括而言，佐敦星聚軒真係一個值得一試嘅好地方！…Read More

我份人有啲懶，好鐘意食韓燒但係又唔想自己郁手燒😂所以好想搵咗間有專人服務幫手烤肉嘅餐廳😝終於俾我搵到中環呢間韓式燒烤！@thejeju_hk 佢哋仲引進咗韓國嘅火山石烤爐嚟燒肉，仲要有店員幫手烹調，真係啱晒我呢啲大懶人😌呢間人氣韓式燒肉店新開分店位於中環的威靈頓廣場M88，主打168小時低溫熟成黑毛豬及空運濟州直送食材，特別引進韓國定製火山石烤盤，由韓國人親自主理，有侍應幫手燒烤，可以體驗到正宗嘅濟洲燒烤😋特別要同大家推介，今次我點咗「450G罈子五花肉」，佢哋嚴選嘅濟州島黑毛豬被喻為「豬肉界嘅和牛」，採用濟州傳統特製嘅熟成方法，經過168小時低溫熟成，同一般豬肉唔同，肥瘦相間嘅五花腩肉，紮實有嚼勁，且油花細緻香氣濃郁，有淡淡嘅煙燻味，仲有附着上柑橘、泡菜同雞脾菇呢！真係好食到飛起🥰另外仲有叫咗韓式炒飯，黑松露韓牛生拌牛肉，同埋造型好得意嘅芝麻甜品「濟州爺爺」，全部都好好食👍至於飲品方面都好岀色，我點咗漢拿峰百香果沙冰 & 芒果奇異果沙冰，即叫即打超級足料，水果味超香濃，完全飲到水果嘅原汁原味😎呢餐飯咁豐富咁好食，仲有咁靚嘅環境，人均都只係$500，喺中環嚟講真心超抵食！我肯定好快又會再返嚟食多次😌…Read More

而家喺灣仔食lunch 又多個選擇了！全新日韓兩餸飯，前星級米芝連餐廳厨師主理，抵食又好味！全部由星級大廚精心炮製呢！有齊日、韓菜式，＄68/2餸，包埋前菜同主食，真心抵食！本人最推介係佢嘅日式炸雞，加上柚子忌廉cream，真係好開胃，食唔停口，食完又想再食！仲有試咗佢嘅印度天多利烤雞腿大大隻啖啖肉重點係！！完！全！唔！乾！柴！佢連簡單嘅燒粟米菜式都又西京燒又蘋果木煙燻，真係勁有心機同考功夫，整體試左4款餸都唔錯 ，豚肉生薑燒都好好食！（唔好意思，啲餸食完先記得影，影得核突唔好介意😆)本身住灣仔嘅我，而家週末都會落去買兩餸飯做lunch！…Read More

今日要同大家分享一間超級好食嘅韓國餐廳——韓脈，簡直係食神必到之地！🔥 烤牛腸首先，講到烤牛腸，呢個係最近香港嘅大熱！400克嘅韓牛腸，價錢$588，聽到都覺得好抵！啲牛腸外脆內嫩，烤到金黃，咬落去，嘩！真係滿口香味，連我媽都忍唔住想試！而且，啲牛腸仲係用韓牛做，食完你會覺得自己好似去咗韓國旅行咁，真係太正啦！😋👍前菜任食而且，韓脈仲有前菜任食！咁多樣選擇，真係食到你唔想停！各種泡菜、韓式小菜，讓你食到飽，仲可以試下不同口味，簡直係食家嘅夢想！每一樣都好好味，食完主菜仲可以繼續享受，真係開心到飛起！😝👉必點美食再講講佢哋嘅醬油蟹，一隻只需$250，蟹膏爆到出咗嚟，根本就係海鮮界嘅「膏王」！每一口都係鹹香入味，簡直係蟹界的傳奇，再配上佢嘅牛油紫菜飯，食完成個人都滿足到飛天🤭再加埋50cm長的韓式雞蛋卷，只需$158，真係長過我嘅手臂！雞蛋卷鬆軟又香滑，啲餡料包到滿滿，再配搭啲醬料，食到你唔想停！😌飲品方面，我點咗Blue lemon ade同kiwi ade，清爽得黎又唔會太甜，真係幫你解暑！飲完之後，完全大滿足！🥰💡總括來講，韓脈真係一間多元化嘅韓國餐廳，BBQ、炸雞、豬手、打邊爐、湯、石鍋飯麵，應有盡有！無論係家庭聚會定係同朋友食飯，韓脈都係你嘅最佳選擇！快啲約埋你嘅食神朋友，去韓脈開餐啦！🥳…Read More

講到尖沙咀嘅日式海鮮餐廳，焱丸水產真係一個好有特色嘅選擇。入到去第一眼就見到巨大嘅魚缸，入面全部都係由日本直送空運過嚟嘅活海鮮——鮑魚、龍蝦、鱈場蟹等等，全部都可以即場揀即場烹調，鮮味保證。 餐廳裝修充滿日式魚市場味道，木箱、漁旗、燈籠，視覺上已經好有日本風情。難怪佢哋有「香港磯燒海鮮始祖」嘅稱號，真係好有代表性。📌必試菜式 👉黑松露蟹肉甲羅燒🦀 蟹膏、蟹肉加上黑松露，燒到金黃香脆，入口creamy又帶少少焦香。黑松露嘅香氣同蟹肉鮮味互相襯托，完全係邪惡美食。 👉牡蠣精選炭燒5種口味🦪 一次過可以試到唔同風味：芝士、三文魚子、蒜香脆肉瓜、海膽、明太子，每隻蠔都肥美飽滿。炭燒後外層帶焦香，入口爆汁，鮮味十足。 👉肉盛壽司盒🍣 唔止有魚生，仲有和牛，肉香同壽司飯意想不到咁夾，口感豐富，特別啱肉食愛好者。 👉鮭魚冷麵🐟 冰涼爽滑嘅冷麵配上厚切三文魚，魚肉肥美油潤，食落清爽唔膩。夏天食一流，擺盤仲好吸睛。 👉燒活鰻魚🐍 成晚最大亮點！！！由師傅席前即場用火槍燒炙，香味即刻撲鼻。燒完之後仲有餵食服務，可以試下「躺平用餐」嘅體驗，玩味十足，成枱人都笑爆嘴。肉質嫩滑，外脆內軟，真係食到停唔到口。 📌特別體驗 🖇️席前燒炙: 無論係燒和牛定係活鰻魚，都係由專人即場處理，火光同香氣令成個用餐過程有表演感。 🖇️發聲雞落單：「叫雞」落單方式好新穎，仲會有趣味互動，令氣氛更熱鬧。 🖇️互動式用餐：除咗食物本身，成個體驗都好玩，特別啱三五知己聚會，影相打卡一流。 總括嚟講，焱丸水產唔單止食材新鮮，仲將娛樂同美食結合，由巨大魚缸嘅活海鮮，到專人席前燒炙、發聲雞落單，全部都好有特色。食物水準高，體驗感亦超值。 如果你想食到最新鮮嘅日本空運海鮮，又想有互動式、好玩又難忘嘅用餐體驗，尖沙咀呢間「焱丸水產」真係必試！ 👍…Read More

完全真實自費食評！話說前幾個月前發掘太子美食時發現呢間潮悅，試過都幾好。前幾日朋友講起想食龍蝦伊麵，然後我決定帶佢去試試！龍蝦伊麵份量好多，每人都可以食到2-3碗。滿滿都係龍蝦肉，唔係個種龍蝦殼大但肉細嘅。蝦肉肉質好新鮮好彈，上湯冇蓋過佢嘅味道，反而令蝦肉多啲汁水。清蒸東星斑，蒸得剛剛好，肉滑新鮮。東星斑鮮味十足，配上蒸魚豉油同薑蔥，真係絕配，好滿意！豉汁蒸白鱔，肉質鮮嫩肥潤，口感軟糯，而且油脂均勻分佈喺魚肉紋理間，帶嚟豐富嘅風味！鹹菜胡椒豬肚湯，天寒地凍一定要飲碗湯暖暖胃，豬肚乾淨無異味，胡椒味香濃，餐廳更細心地用蠟燭保溫盤保溫住，每一口都熱辣辣。評分：（5顆星滿分）味道：5環境：4服務：5衛生：5抵食：4整體評分：4.5👍…Read More

完全真實自費食評！都好耐冇去太子行街，唔知係咪太耐冇去太子，才發現竟然這家寶藏粵菜館，好多人排隊，唔執輸嘅我要排埋一份，試試看，又幾好食！冰鎮咕嚕肉：冰火兩重天！傳統咕嚕肉玩出新花樣。外層炸得酥脆的咕嚕肉，裹著酸甜適口的醬汁，關鍵是用冰鎮過！入口先是冰涼，接著是內里的溫熱和酥脆，酸甜開胃，陳皮味若隱若現很解膩，非常適合夏天吃！泡椒魚皮海蜇：海蜇又大又爽口，用涼拌的方式做酸酸辣辣好開胃！份量可以大快朵頤了！主要是多吃也不胖薑蒽龍蝦：最好食嘅菜式，沒有之一。龍蝦肉非常新鮮，肉質彈牙且鮮甜，比起蒸焗，薑蔥粉絲更加香口，窩巴充分吸收了龍蝦嘅鮮味，勁好食！蜜椒薯炒和牛粒：愛吃到去哪都一定點，吃都會加好幾盤！是現炒的所以熱辣辣 香噴噴的 鍋氣特別足～薯仔軟糯的，但是裹了一層薄薄的脆殼，外層還有蜜糖汁！牛肉也很嫩，好吃！…Read More

真實食評！全自費！真係抵食所以一定要介紹俾大家！灣仔彩羽壽司家嘅Omakase套餐真係好食抵食！只需$498起，就可以享受到無數精緻又美味嘅魚生同壽司！每一口都令人驚喜😉首先，套餐入面有大分縣嘅真蠔，配上黑松露蒜頭，香味四溢，口感滑嫩！隨後上場嘅係新鮮嘅真鯛，淋上梅醬，仲有左口魚包住海膽，味道層次十分豐富🥰另外，煙燻春魚同沙甸魚味道亦都非常出色，特別適合鍾意海鮮嘅朋友。而鮟鱇魚乾泡芙則帶有獨特嘅風味，真係唔好錯過😋北海道新鮮帶子係另一個亮點，鮮甜可口；再加上蟹肉春卷，每一口都充滿濃郁蟹肉香，令人食完意猶未盡🤤套餐入面仲有清新嘅紫蘇葉魷魚同紫蘇葉拖羅，味道清新，正好同壽司搭配。而漬海膽壽司更能讓你體驗到海膽嘅極致鮮美😌仲有一定要提嘅就係佢哋嘅招牌7龍珠卷！！！真材實料！啖啖都食到蛋黃同海膽！鮮味完美融合！一定要試呀！！！❤️最後，櫻花蝦左口魚同玉子燒，再加上一碗濃郁嘅魚湯，簡直係完美嘅收官，為整個晚餐畫上完美句號。食完呢啲，你以為完結了嗎？真係太天真了！佢仲有全晚嘅重點推介，係即叫即整嘅夏日刨冰！多款口味任你選擇，我就揀咗士多啤梨味，師傅會喺你面前即刻製作，眼球同味蕾都有滿滿享受😆如果你想體驗一個高級又美味嘅晚餐，灣仔彩羽壽司家嘅Omakase絕對係個絕佳選擇！👍…Read More

前幾日經過灣仔，見到呢一間坡椰坡囉咪，主打係食星馬菜，價錢都好親民，所以就入咗去試吓，坐低叫咗幾樣嘢食，點知樣樣都好食又抵食，真係一試難忘！🥰👉招牌豬扒包配鹹蛋黃醬豬朳相當大份，下午茶時間都咁大份又好食，性價比好高！豬扒配上鹹蛋黃醬香濃可口，加上脆卜卜麵包口感豐富😌👉 黑豉油撈岀前一丁配雞扒呢個真係好好食！嗰碗麵入面嘅黑豉油濃郁，麵條吸晒醬汁，口感滑順！雞扒外脆內嫩，肉質鮮美，配合豉油嘅香氣，真係一絕！👉 檳城椰漿飯配豬頸肉椰漿飯香氣四溢，米飯粒粒分明，夠香滑。而豬頸肉肉質嫩滑，味道鮮美，與椰漿飯相輔相成，簡直係無法抗拒嘅美味！整體而言，呢度嘅餐點真係唔可以錯過！👉芒果沙冰芒果味好天然，唔會假甜，啲冰打得好細滑，飲落去好清爽，解膩一流！👉美祿恐龍面層大量美祿粉，再加棉花糖，份量十足，香甜濃郁，美祿愛好者必飲。總括嚟講，呢間餐廳性價比極高，食物有質素，尤其係個招牌豬扒包，一定會再返嚟食！服務都唔錯，上菜快，環境乾淨！🥰…Read More

聽人講喺鴨脷洲有一間好食到爆嘅海鮮餐廳「蟹點」，媽咪一向最鍾意食蟹，趁住母親節，決定帶媽咪嚟食好嘢🤭嗰晚我叫咗幾味餸，全部都好好食呀！🥳 👉招牌白胡椒蟹（大蟹）呢個係佢哋嘅招牌菜，選用超新鮮嘅大蟹，配上香辣白胡椒，上枱時店員會將熱辣辣嘅白胡椒醬汁倒喺鐵板上，即時香氣撲鼻，聞到香嘅白胡椒味👍 蟹肉滑得嚟又鮮甜，蟹鉗同我隻手掌心咁大！仲有大量洋蔥伴碟，增添香味，食完一口就忍唔住想再食！簡直係海鮮界嘅明星！😎餐廳仲好貼心，俾埋圍裙同手套我哋食蟹呢，真係抵讚！🥰 👉冬陰功海鮮炒飯呢碗炒飯就好似泰國假期一樣，充滿咗冬陰功嘅香辣味，仲有新鮮海鮮嘅加持，每一口都令人心情大好，食完保證大滿足！🤭 👉炒通菜（泰式）呢道泰式炒通菜，炒得香香脆脆，加上香味十足嘅調料，健康又美味😌 👉清蒸沙巴龍躉仔最後，清蒸沙巴龍躉仔就更加唔可以錯過！新鮮到不得了，肉質鮮嫩，搭配少少醬油，真係好味到想唱歌！🥳 👉西瓜沙冰夏天嚟杯西瓜沙冰，真係清爽到飛起！西瓜味道濃烈，冰冰涼涼，唔單止消暑，仲可以令你心情好到爆！😘 👉芒果沙冰如果你係芒果迷，呢杯沙冰一定要試！香濃嘅芒果味，滑溜溜嘅口感，簡直係芒果界嘅夢幻之選！❤️ 講完嘢食，又講吓佢嘅環境啦，「蟹點」嘅環境好舒服，裝修時尚又靚，門口仲有露天雅座，啱曬同一大班朋友聚埋一齊食飯享受悠閒嘅時光😉 餐廳門口仲有好多個大魚缸，裡面有勁多生猛海鮮，入到門口就好似行入海洋世界咁，令人食欲大開！💪🏻 總括嚟講，「蟹點」真係一個唔好錯過嘅好地方，無論係啲菜式定環境都會令我同媽咪食得好開心，返到屋企都仲想再去多次！咁好嘅餐廳，一定要介紹俾大家啦😁🫶…Read More

喺香港嘅街頭美食入面，雞蛋仔一直係我最鍾意嘅經典小食！最近俾我發現到呢間新野有「菠蘿包雞蛋仔」嘅岀現！呢個咁創新嘅組合，我當然即刻要去食啦😎呢間店唔單止以雞蛋仔為主題，仲融入咗街頭文化，打造咗一個懷舊又新潮嘅氛圍😌真心大推佢哋嘅「菠蘿包雞蛋仔」‼️每一粒上面都有迷你菠蘿包嘅脆皮，外面酥脆，裡面柔軟，口感獨特又好食！👍 除咗傳統嘅甜味雞蛋仔，仲有創新嘅鹹甜交錯口味，好似餐蛋治雞蛋仔同鹹牛肉雞蛋仔，等你喺品嚐中挑戰味蕾極限😁但係我個人就比較鍾意食甜味嘅雞蛋仔，所以今次就嗌咗菠蘿包雞蛋仔，朱古力雞蛋仔同埋原味雞蛋仔，決定要下次再食埋佢哋嘅鹹味雞蛋仔😉最後比我發現到呢度嘅雞蛋仔師傅又大隻又靚仔！唔單止技藝高超，仲識得拉咖啡花！真係好有驚喜呀🤩…Read More

完全自費！真實食評！可以比單據你哋睇！今晚同朋友仔嚟到灣仔嘅「彩羽壽司家」，喺呢度真係食得好開心，咪以為廚師發辦菜式一定好貴，呢晚我哋就揀咗個套餐「樁 Tsubaki」，每人都只係$880（另加服務費），裡面已經包咗兩款前菜、茶碗蒸、，四道魚生刺身、串燒五款/和牛壽喜燒SabuSaBu、六件壽司、魚湯同埋甜品💖仲要全晚有專人招待，好正呀！簡直係omakase界嘅黑馬！🎊**前菜：- 鱈魚片又脆又香，配上蟹籽沙律醬，好食到停唔到口- 還有個拼盤，師傅用高糖蕃茄、白蘆筍、仙人掌葉同鱈魚春整，個造型靚到可以入畫，味道清新又香氣四溢👍**茶碗蒸：呢個茶碗蒸有股清新嘅柚子味，蜆肉同海鮮一齊蒸就變得好鮮味，真係好似海底捞到嘅寶藏！😍**刺身：**- 師傅將真鯛切得好精緻，魚肉鮮嫩，魚油香氣四溢- 大分縣嘅蠔非常之肥美厚肉，搭配特製醬油，真係好食到暈- 鮟鱇魚乾泡芙，咬落去好似有隻小炸彈爆開，滿口鮟鱇魚乾香味，真係好滿足- 煙燻富士山三文魚，師傅將煙燻變成一種藝術，煙霧彌漫，真係好似睇魔術，食得又睇得，真心正❤️**串燒：師傅將虎蝦、雞翼、豚肉、冬菇同秋葵放喺烤爐上，外焦內嫩，啖啖都有驚喜，食到我忍唔住想大叫「好好味呀！！！」😆**火鍋Sabu Sabu：冷到入骨嘅天氣，嚟個熱辣辣嘅火鍋，和牛肉片香到飛起，豆腐滑到無朋友，暖心又暖胃，真係好想捉住個鍋唔放😛**壽司：見到師傅即場做手握壽司，我同朋友仔都眼睛發亮，拖羅、深海魚同鯖魚新鮮得可以參加海鮮選美😌大粒帶子一口咬落，口感爆炸，海膽軍艦軟綿綿，真係想再要一份，心裡想：「可唔可以一次過食十件？」🤪即使食到呢度已經飽到捧住個肚。但見到師傅為隔籬桌整嘅龍珠彩羽太卷，色彩繽紛，內有蛋黃醬、大拖羅、小拖羅、海膽同白石青瓜，外型吸引到我忍唔住要試一份！😝師傅熟練地將新鮮材料一層層放上壽司飯，真係好似睇表演，食材嘅鮮味一口吞落，真係好正到想唔想停！😚**魚湯：鮮甜可口，充滿魚肉香氣，味道高質！飲完之後返唔到轉頭，我唔想再飲其他魚湯了🙃最後，當然要來個精美甜品做總結！師傅用傳統刨冰機為我哋即場炮製咗兩款雪花刨冰，上面淋上蜜柑醬同果肉，仲有哈密瓜醬，甜得剛好，果肉鮮美，為呢餐完美收尾！🥳總括來講，我對呢間餐廳嘅食物質素同服務非常之滿意，成晚同師傅有講有笑，仲學到唔少日本食材嘅知識。環境清雅，裝潢簡單得來精緻，真係三五知己聚會嘅理想地方！食完之後，我心裡大叫:「我仲要再嚟啊啊啊!!!！」…Read More

完全自費，真心推介，絕無廣告成份，有單據做證！最近同好姊妹約食飯，我哋特別揀咗中環嘅一緒一番酒場，因為喺 OpenRice 上見到佢哋評價超級高，真係好期待！❤️今次我哋試咗佢哋嘅 Omakase Sushi Set，價錢 $880，以下就講下我哋嘅用餐體驗😉Omakase Sushi Set $880🩷餐前小食一開始先上咗三款小食，之後就係鯛魚薄切😋呢道菜嘅魚肉新鮮到不得了，切得薄薄地，入口即化，味道好清新，再加少少醬油同胡椒，咸香之間真係好突出，食完想再食多一口😌🩷壽司跟住就係十貫壽司，每一貫都係師傅親手做，每一件都好精緻又好食！特別係吞拿魚同大蝦，肉質鮮嫩，完全冇腥味，啖啖彈牙，搭配醋飯，酸甜得剛剛好，真係好正！仲有一貫係炙燒過，火候掌握得好好，仲有少少煙燻味，真係好有特色☺️🩷燒物燒物方面更加好味，肉質軟嫩，外脆內嫩，搭配特製醬汁，味道真係好獨特，令人停唔到口！每一口都可以感受到燒烤嘅香氣，真係食到心滿意足👍🩷特色湯一緒特色湯都係一大亮點，湯底清澈，但味道好濃郁，飲落去既暖心又開胃，為成餐飯添咗一種溫暖感，實在好味😁🩷甜品最後，甜品更加令我驚喜，原來係師傅即場人手製作嘅麻糬雪糕，外面柔軟，裡面冰凍香滑，味道清新又唔膩，完美為呢餐豐盛嘅晚飯劃上句號！每一口都好有驚喜，令人感受到甜品嘅細膩🥰🩷環境與服務環境設計得幾靚，燈光柔和，氣氛好舒服，真係好適合聚會，望出去個view都勁靚！師傅同服務員都好友善，對每一道菜都詳細解釋，令我哋更加欣賞每一口食物。👉總括來講，呢個 Omakase 餐點絕對值得，CP值極高！不論係食材質素、味道，定係服務，都令人好滿意。下次有機會，我一定會再嚟，期待再一次享受呢份美好！💕…Read More

完全自費！真心食評！尋日去北角搵朋友發現咗一間好正嘅日式火鍋！我哋兩個完全自費㗎！因為太正所以要同大家分享！火鍋放題真係一個非常吸引嘅選擇，特別係對於喜歡品嚐各種美食嘅朋友，日式紙火鍋就更加唔可以錯過！無論你鍾意咩類型嘅食材，牛牛日式火鍋都可以滿足你嘅需求。日式紙火鍋係源自日本嘅傳統美食，依家你可以喺牛牛親自體驗到呢份獨特嘅飲食文化!🥳佢哋用嘅火鍋紙同傳統鍋具大有不同，佢可以有效地吸附油脂同雜質，令你可以享受更健康嘅火鍋體驗。只需$368，就可以任食120分鐘嘅日式紙火鍋！餐廳會首先為你準備六款特選有機鮮菌，佢哋嘅外觀真係靚到令人驚喜！我第一次試到咁高質嘅菇，尤其係金耳菌，佢被譽為「植物燕窩」，口感滑嫩多汁，仲有好多營養，對身體好有益處。肉類方面，選擇真係多到你驚！例如，澳洲M6和牛油脂分佈均勻，入口融化，口感無與倫比；黑安格斯牛肉味道濃郁，肉質緊實，絕對係回本之選。另外，西班牙伊比利亞豬同綠草原羊肩肉質素都相當高，試過嘅人都會讚不絕口。意想不到嘅係，連豬肉同羊肉都咁高質，真係值得你多食幾碟！海鮮方面，牛牛亦都好有誠意，扇貝、青口、鮑魚等等，全部新鮮現送，味道一流，呢個價錢實在難以置信，真係好抵食！小食方面選擇亦都唔少，最令我印象深刻嘅係佢哋自家製嘅韭菜餃，香氣四溢，食完令人回味無窮。自助區更加係一大亮點，有各式各樣新鮮嘅蔬菜同火鍋配料，仲有鰻魚炒飯，質素都好高！當然，甜品同飲品都係任飲任食，最開心嘅係清酒、紅酒、白酒、啤酒等酒品都可以隨你享用，實在係放題店入面非常少見，值得推薦！👍如果你想享受一個豐富又健康嘅火鍋體驗，牛牛牛日式火鍋放題（北角店）絕對係唔可以錯過嘅選擇。 …Read More

真心食評，完全自費！好好食！唔呃人！所有朋友都知道我好鍾意食大閘蟹！而我每年都會去 waitwaithea 度食”任食大閘蟹餐”㗎！今年佢哋仲推出咗一個全新嘅”食神瀑布陽澄湖蟹黃套餐”！咁我當然要嚟搶先試吓啦😌👉食神瀑布陽澄湖蟹黃撈（麵/飯） $168呢個套餐包括咗蟹黃鹽酥雞，蟹黃小籠包&蟹粉時菜🤤佢哋嘅蟹黃撈汁用 咗30%大閘蟹乸膏，20%大閘蟹公膏，25%蟹嘅身肉同25%蟹嘅腳肉！真係每一啖都食過返尋味！用嚟撈麵或者撈飯都超好食呢！記得加啲蔥油，再加啲蟹醋食就更滋味👍呢set 套餐性價比極之高😉👉食神蟹粉大灌湯包，勁大粒！入邊超多汁！用飲筒飲入面嘅湯真係勁正勁開心😆👉食神爆汁蟹粉小籠包呢個蟹粉小籠包，皮薄餡靚，粒粒分明，晶凝通透，一咬落去就爆汁啦！食到唔停得口！😋👉食神蟹粉三杯雞勁有創意！第一次食到三杯雞加埋蟹黃汁一齊食！雞肉本身已經爆香左，肉質又非常之嫩滑，再淋埋成碗蟹黃汁上去一齊食，真係好食到震！又香又惹味🤩真心推介俾大家！快啲嚟試吓啦！抵食又好食，真係要嚟試吓先得！💪🏻…Read More