natnat_C's Profile

最近去完日本旅行食好多拉麵同壽司，返黎香港就想食西餐。東涌依間西餐廳連酒吧，可以一次過滿足鍾意飲酒同食精緻菜色既朋友。先嚟一碟清新健康水牛芝士聖女茄沙律︰一大球水牛芝士舖頂，底下配香濃火箭菜加酸甜爽脆嘅小蕃茄，沙律汁輕微調味但又唔過濃，真心開胃前菜。香蒜白酒蜆肉意大利麵︰大隻蜆肉清甜幽香，入口爽身唔韌，鮮味十足。意粉質地偏煙韌，係我鍾意嘅厚實感。香蒜白酒汁清清地，唔會蓋過蜆肉鮮味，又可以令意粉吸收晒所有精華。…Read More

雞，全部都係雞~又食海南雞飯！香港今年真係熱得離譜，搞到經常都想搵D東南亞嘅餐廳，好似特別有feel咁。依間海南雞份量幾足料，望到啲黃皮已經加咗分。表面令面，雞肉、雞皮同脂肪比較夠平均。唔會肥膩，又唔會煮到乾柴，「鞋」肉。油飯色澤唔錯，乾濕比例好，算做到粒粒分明，唔似糊仔米飯咁濕淋淋。另上醬汁純粹當Bonus味道，因為主食本身已經入味，差在睇下個人係咪鍾意再重口味D。我就覺得唔沾醬都好OK~…Read More

近排街市多咗好多澳洲龍蝦賣， 不過自問唔識整得好食， 都係出街幫襯。  前晚落咗觀塘龍皇， 兩斤澳龍跟埋伊麵底都係賣$638, 上菜後覺得無揀錯地方， 啖啖肉， 唔似出面撈埋食淨果啲手手腳腳， 麵底份量都ok， 味道依然有水準， 值得再試.服務態度方面可以更好. 有進步空間.…Read More

呢排疫情橫行，好多時都係HOME OFFICE。真係好小出街，外面食更加小之有小。 見呢幾日確診數字回落，加上悶咗咁耐， 唯有畀個籍口自己出去食返餐。約咗舊同事去觀塘TEA， 佢哋話可以蛇落公司樓下間龍皇下午茶。我無乜所謂。以前去過紅磡間龍皇都無乜特別， 可能現在疫情關係，感覺上枱同坐位空間闊咗，坐得舒服咗。又有探體溫，酒精搓手液呢D例牌防疫措施。但我欣賞呢樣嘢， 起碼食得安心D。 咁啱又係下午茶，我哋可以盡情叫。叫咗好多嘢食點心食咁。出菜都叫做快，味道都算唔錯，都值七八十分。 雖然在疫情期間唔應該出街，但匿埋屋企咁耐真係好辛苦，希望疫情快啲過去，等我哋有返正常生活啦！…Read More

上個星期五要同老細去見個大客, 我就BOOK 左一間近我地Office既高級餐廳食中菜。我地叫左六個菜, 送菜都送得好快‧仲有好多茶葉俾我地簡, 有茉莉花, 龍井 同 菊花等等。我地叫左龍井, D 茶幾靚 沖左十幾次都仲有味, 茶味好香 D waiters 既service 都好好, 會分好一份份送俾我地魚米之鄉 - 舊魚好香, 好滑。 👍👍下面仲有D脆米, 夾埋落魚 令到成個感覺特別, 未食過尼個配搭味道層次好豐富😋😋整體上, 食物既質素都好好,  食材好新鮮。老細同個客食得好得愉快😋😋岩晒同客傾生意, 商務用途。…Read More

由細到大都住係粉嶺，近年搬走左之後好耐無入過來了。約左舊同事食飯，佢新屋入伙我就入尼粉嶺搵佢了成個粉嶺中心唔同矖，翻新左多左好多食肆！見到呢間有玻璃可以睇住入面整小籠包，好吸引咁價錢又唔貴就入左去try try總結都唔錯，值得一讚係員工服務態度，有禮貌又helpful！…Read More

今朝番工前經過呢間麵包店，係條街度聞到香噴噴既麵包味，就走左入去求其簡個麵包食完之後忍唔著上尼開心SHARE，個飽好香，同D芝士好MATCH重見到有個提子壯紐紋條(心心眼)，焗得勁靚，下次經過先試。…Read More

行過見到裝修幾靚就瞬間比佢catch到attention旺中一般好似熟食野飲比較多, 齋賣甜品就都係好似得一兩間見佢價錢都親民就一於支持下小店叫左個香蕉waffle, 佢既製成品係由兩塊waffle夾住d cream,一凍一熱好特別, 而香蕉就好似有輕輕煎到金黃色咁個waffle好足料,絕對唔係空心, 所以食落都幾飽肚, 性價比一流…Read More

對上一次黎食都成年前了, 最近突然有d掛住個味道就決定帶埋男朋友去食去到發現原來都多左好多新菜式, 唯一不變既係佢個靚靚裝修今次無嗌到小菜, 而係嗌左幾款點心, 點心上到枱係熱辣辣, 睇得出係即點即蒸而且全部賣相都好精緻, 打卡一流講漏左既係佢食品既水準都無點變, 絕對唔係華而不實, 依然高汁!美中不足係份量都幾少,  加上男朋友胃口都唔細, 最後要嗌多個飯先夠飽…Read More

上星期happy friday同同事去左亞萊泰食lunch,我本身就未試過, 係同事話食過唔錯帶我去的,去到等左一陣就有位, 最後叫左個海南雞飯,落左單無幾耐就有得食, 比我想像中大份, 由其碗飯裝到勁滿 , 但美中不足就係我嫌碗飯有少少太油, 同埋下次要叫少飯先得!而個雞都算幾多, 食落好滑, 配埋d醬都唔錯最後個湯雖然淡口左少少, 但解膩效果一流!…Read More

  因為公司係附近，我平時Lunch Time都會係Social Place食。尋晚東張西望講炒飯個陣，個背景禁熟口面，今天食飯是問問，原來真係係度取景。尋晚東張西望話炒飯無白飯咁肥，我地幾個女仔就叫左個“粉墨登場”（即係墨魚汁+薄荷葉炒飯）Share 。都幾好吃，食完牙都無變黑！靚女們可以放心！  包點係我地每次必叫嘅，以往都只係會食香菇包，今次就試試造型可愛嘅青蘋果包。拎起已經聞到濃郁嘅蘋果味，“Meet”開見到滿滿嘅蘋果餡，味道真係超出我預期！一定會再食！…Read More

上個月嘅某一個星期五放工之後約左朋友去尖沙咀食飯，食完飯之後仲好早，就話不如去飲杯野。行行下見到有間餐廳門口好多人排隊，望入去見到有好多鶴嘅裝修，同埋個個人都拎住隻鶴，原來呢間就係呢排好hit嘅Flamingo Bloom。成日o係IG見到d人杯野飲下面有隻鶴，好靚，點知竟然俾我偶然黎到呢度！雖然真係幾多人下.....但係我地都想試下，所以就決定排隊。好彩最後唔係排左好耐，仲俾我地等到位！本來我地諗住一人叫一杯野飲，坐低傾下計，但係見到咁多人，都唔好意思賴死唔走，咁諗住快快趣飲完就走啦。臨排到嘅時候，見到12月推出左新甜品，叫做綠嘢仙盅，成半個蜜瓜上面有四球唔同味嘅雪糕，我本身好鐘意食雪糕，而且我都唔係會影相呃like嘅人，所以就決定試下呢個甜品。之前o係韓國嘅甜品店食過都係俾半個蜜瓜你嘅甜品，幾鐘意。估唔到o係呢度都搵到。個蜜瓜都幾大下，佢已經幫你挖左D蜜瓜肉放o係面頭，食嘅時候幾方便。蜜瓜本身都幾甜幾多汁，雪糕球亦好大！佢有四種味，曲奇、朱古力、抹茶同士多啤梨。我係一個抹茶迷，都覺得佢個抹茶雪糕唔錯，茶味唔算好濃，但亦都唔會太甜。我朋友話最好味係曲奇，甜甜地但係唔會膩，配埋清甜嘅蜜瓜，真係享受！雖然係冬天食，但係雪糕球唔太軟亦唔太硬，唔會好難去食。最後因為我地兩個都飽飽地，所以食唔哂......其實都想繼續食落去，但真係飽到見肚。見到剩返嘅雪糕，都覺得可惜不過唔知宜家一月仲有無綠嘢仙盅呢？…Read More

行完D2 PLACE 要醫肚既時候，咁岩呢到呢間門面不錯的日本食店，就決定入來試新野！「鮨芸」食字「紙藝」，一坐低就見到紙同顏色筆，枱上面既紙可以填色，小朋友見到一定好開心！等緊上菜既時候，我亦都一路畫一路等～　我地嗌左個佐伯市海鮮丼同豐後牛他他燒，個海鮮飯貪佢有哂幾種魚生，魚食落去唔腥好鮮甜，仲有魚油分佈統一，我最鍾情魚生飯既柑橘鰤魚刺身，唔知係咪錯覺，食落去真心好似甜甜地有柑橘既果汁味道！！我都係第一次試呢種刺身，好值得一試！另外既他他燒係半生熟的，日本和牛既味永遠都是最好的，食既時候唔要點任何醬汁亦好好味！！另外值得一提同加分既係Staff既態度，佢地好熱情咁介紹食物的賣點，亦令我好好享受今日既lunch!…Read More

前日係我死黨個女，兩歲生日既大日子，身為契媽既我二話不說收工買蛋糕衝上佢屋企同佢慶祝生日，今次就買左呢個oreo cheese cake 。你知啦，小朋友口味好難講，買個oreo味既蛋糕就實無錯唔知係咪小朋友太興奮，佢好快手咁已經用叉插落個蛋糕到(導致我影唔切相)不過見到小朋友咁開心，拍哂手仔咁，咩到值得哂啦 haha幾個大人都讚個蛋糕好食又香oreo味，小朋友又食到lam lam利，值回票價！…Read More

早排去開荔枝角 經過呢間蛋糕店 就被尼個父親節蜜柑朱古力慕絲蛋糕吸引住! 蛋糕既設計非常精緻逼真 !! 而且爸爸對朱古力情有獨中 所以我就決定用尼個蛋糕黎慶祝父親節^^一打開個蛋糕盒 屋企人都非常興奮雀躍 全部都舉起相機 連爸爸都唔輸蝕立即影相 仲讚我簡得好^^ 哈哈~個蛋糕朱古力味好濃又唔會甜 食多件都唔會漏^^! 蛋糕入面有一層蜜柑果肉 海綿蛋糕既部分都算軟熟 整體黎講尼個蛋糕都唔錯 下次想試埋尼間曲奇 (因為去買蛋糕既時候 店內充滿住滿滿的曲奇香味 )…Read More