Jasmine1cm's Profile

29/1 （星期一）幫趁早餐及下午茶，week day廳人不多。但照様冇侍應服務。店內只有一個女侍應真正工作一腳踢，落單，送餐，執枱。另外一男一女侍應（較矮）都長期逗留在㕑房出餐位前面。無論如何揮手示意都詐看不見（時運高睇你唔到？）服務完全失望。更好笑的是，較矮的女侍應是完全聽不到客人要落單，但就好靈敏地聽到食客傾電話內容（深圳買平野）並可以㗳咀。咁正明係選擇性失聰。唔知佢係咪店長？ 根本不是人多與少的問題，只係職員唔做野。希望該店的主管睇到留言改善一下服務質素！呢間舖D服務真係差到爆。…Read More

拜訪了兩次，第一次4pm到達，模門釘。（此店4pm關門）第二次終於食到港女塔。好正！最底層：公司三文治，有芝士，番茄，扎肉，蛋，生菜。有芝士的公司治，超like。中間層：炸物層，有咖喱角，春卷，炸蝦，粗薯條。炸得啱啱好，正。最頂層：甜品層，有啫喱，大菜糕，芒果布甸。芒果布甸最正，有芒果肉。其餘兩樣平平，唔係我杯茶，所以甜品層較為失色。三人份港女塔$156 另加每杯$2凍飲。平均每人$54，已經好飽好滿足。我估店內其他食物都好食，下次會試埋其他野食。另外，店員見我地狂影相，冇嫌我地阻住唒，仲主動幫我地楂機影相，真係好好人✌️…Read More