蘇格蘭比目魚扒 (dinner set) $198比目魚扒肉質嫩滑，微焦嘅魚皮帶有鹽鹹香味，松露野菌汁味道頗淡，反而中和到魚皮嘅鹹味～ 薯仔粒以香草牛油焗製，黑醋沙律可幫忙中和油膩感～德國脆皮咸豬手 (dinner set) $248幾中意呢個咸豬手嘅鹹度，唔會過鹹～ 可能為咗要整到脆皮效果，肉質略為乾身，脆皮脆到有啲過硬😂Dinner Set 包是日餐湯和蒜蓉法包，紫薯湯真係好重紫薯味😂…Read More
黑白芝麻吞拿魚伴青檸雪葩 （$98）呢個配搭都幾fresh～ 青檸雪葩酸甜清爽，吞拿魚片被滿滿嘅黑白芝麻包圍住，芝麻香口，吞拿魚軟滑，成個配搭幾特別，係一個唔錯嘅開胃前菜～西班牙橡果黑毛豬柳西京汁珍珠麵 ($158)第一次試珍珠麵，口感好特別，有啲似食珍珠奶茶啲珍珠咁，煙煙韌韌～ 醬汁味道濃郁，香濃嘅芝味包裹住每一粒小珍珠～ 黑毛豬柳口感軟燜，幾好味😋燉牛肋肉寬條麵 ($148)呢個麵條味道就比較淡，牛肋肉肉質軟燜，適合中意清淡口味嘅人士～ 整體來講呢間餐廳嘅環境和食物質素都唔錯，而我個人比較中意西班牙橡果黑毛豬柳西京汁珍珠麵，味道濃郁好適合中意重芝味嘅人士☺️…Read More
香烤海鮮白醬啤酒薯條 （$98）話就話係薯條，其實係薯角🤣 炸薯角表面淋上有拉絲效果嘅白醬，再配上粒粒海鮮，薯仔控表示幾中意呢款口感豐富嘅「薯條」啊😛柚子漬三文魚半熟吞拿魚赤身珍珠飯（$148）幾中意呢種材料顏色豐富嘅魚生飯～ 味道都偏清爽醒胃，配搭蔬菜嚟食唔會話好膩～ 最中意入面嘅角切三文魚和吞拿魚片，口感柔軟～～薩他羊架配楓香乳酪醬伴蘋果玉桂藜麥沙律（$248）我地選擇咗7成熟，羊架食落冇咩膻味，係有啲位有少少過生，味道上都幾咸香惹味～ 未試過乳酪醬呢樣配搭，都幾特別，可以幫手解膩😂 至於藜麥嘅口感顆粒感好重，同羊架嘅口感都幾衝撞下～ 果然係行創新路線🤣流心菲達芝士撻 （$48）呢個芝士撻好好味，超邪惡啊🤤 芝味香濃，口感幼滑，流心效果又夠突出～～整體嚟講呢間餐廳行創新路線，雖然菜式選擇唔算好多，但每款菜式都好特別，係出面餐廳少見嘅～ 如果想試吓特別菜式不妨嚟試吓🤣…Read More
龍鳳松茸雙煎餃 ($86)咁多款之中我最中意食呢款，黑白松茸相拼，松茸份量一啲都唔慳家，有濃濃嘅松茸香，香口惹味😋大滿貫素餃（灼；中碗）($48)呢個素餃有三色豆、西芹等蔬菜，可能因為全部都係素菜冇肉，所以口感比較硬，呢款都係比較適合素食者食🤣壽喜燒牛肉餃（煎；中碗）($56)牛肉餃嘅肉質冇龍鳳松茸餃咁飽滿，但味道都唔錯，又幾鎖汁～龍鳳蛋(碟）($32)呢款其實係配上黑白松露醬嘅日本溏心蛋，呢碟一隻係溏心，另一隻偏熟，好明顯地溏心多好食好多😆蜂蜜檸檬薏米水（$20）應該係自家製，飲落甜度適中，舒喉暢胃，係健康解渴之選～整體嚟講呢間餃子店勝在多創新嘅款式，煎餃香口惹味，可以一試～…Read More
炭烤頂級美國肉眼扒牛扒 （$298）我地叫咗5成熟，肉質柔軟色澤粉紅，肉味香濃，配上咸香嘅黑胡椒燒汁更加帶出肉味～ 反而呢款黃芥末辣味偏重，沾得多會嗆鼻😂烤黑松露菌醬海鱸魚柳 · 貓耳粉 （$178）黑松露味好香，貓耳粉好可愛，口感亦帶微煙韌感，鱸魚柳唔會好重魚腥味，唔錯～ 如果醬汁再杰身啲就更 perfect 啦😚蘋果批 + 自家製雲呢嗱雪糕 （$75）熱辣辣嘅蘋果批配上凍冰冰嘅雪糕，冰火二重天咁食好正🤣 呢個蘋果批仲有大大粒蘋果肉，酸酸甜甜咁好好味😋朱古力爆谷厚鮮奶 （$45）冷泡烏龍茶蜜糖牛油果奶蓋 （$45）飲品都唔錯，唔會話太甜～ 淡香嘅冷泡烏龍茶配上微甜嘅蜜糖牛油果奶蓋都幾夾，清香怡人～整體嚟講呢間餐廳算幾高質，值得再去😆…Read More
Iron Grilled Flank Steak ($188)餐廳會預先幫我地將牛排切片呢點幾貼心，我地揀咗5成熟，牛排中間位做到5成熟，到邊位就熟啲接近全熟～ 醬料配搭幾好，有香蒜青醬嘅清爽口感，又有肉味濃嘅肉汁，味道豐富～ 我都幾中意佢嘅焗蔬菜，唔會焗得太乾，仲保留到蔬菜嘅水份☺️Cajun Prawn Aioli Chips ($59)其實呢款係香蒜蛋黃醬薯條再加3隻奇尊粉蝦，調味夠哂惹味～ 薯條嘅外皮有少少韌，可能唔係最新鮮炸起🤭Tiramisu Pancake ($112)呢個梳乎厘班戟好動L，瘋狂搖佢嗰陣超有治癒感～ 同埋個人中意食啲唔太甜嘅甜品，呢個梳乎厘班戟就岩哂啦～ 食落有蛋香，而且空氣感十足，再夾住一層薄薄嘅 cream，好味😋Baileys & Cream Milkshake ($65)Strawberry Milkshake ($49)我地試咗2款奶昔，分別係白利咖啡忌廉甜酒奶昔同埋士多啤梨奶昔，兩款都幾甜下，第一款嘅雲呢拿味仲特別重😆整體嚟講我都幾推薦佢嘅 Tiramisu Pancake，見佢仲有幾款Pancake 揀，下次要試吓其他口味先～😛…Read More
豬軟骨拉麵 (套餐 +$15）一碗拉麵有4大塊豬軟骨，肉量驚人，炆得幾淋幾入味😝 就算浸咗一陣啲拉麵都唔會話好淋，比起同價位嘅拉麵店嚟講算唔錯～吉列豬扒奄列咖哩飯 (套餐 +$10）佢嘅咖哩偏甜，吉列豬扒嘅炸粉唔會話好厚，新鮮炸起仲有少少脆口添，係豬扒口感硬實咗啲～ 滑蛋底下嘅係白珍珠米，配埋甜咖哩食唔覺唔覺就食哂～芝士年糕新鮮炸起嘅芝士年糕口感軟糯煙韌，一咬到中間位仲有流心芝士湧出嚟，幾好味😋燒牛舌佢嘅牛舌唔會 overcooked，仲有少少粉紅色咁幾好～ 我幾中意唧啲檸檬汁落去，食落清爽解膩好多～炒魷魚鬚魷魚鬚柔軟彈牙，味道偏咸，再加啲七味粉就更香口～整體嚟講呢間餐廳選擇都幾好，價位比較平民，晚餐嚟講係幾抵食嘅☺️…Read More
青水欖辣沙甸魚開邊多士 ($68)我地揀咗呢個多士做前菜，雖然話係辣沙甸魚，但食落都唔太辣都 ok 丫，配料質感清爽，整體口感都幾豐富～冬蔭公海蝦闊條麵 ($118)呢個係佢地嘅手工意粉系列，闊條麵口感都幾特別，帶輕微煙韌感，好掛汁😋 冬蔭公味唔係話好濃但已經足夠，海蝦份量都唔少，唔錯～慢煮秘制燴羊膝 ($148)大愛呢個燴羊膝啊，肉質軟腍，超輕易就離到骨～ 燜得幾入味又唔會話好重羊膻味，連好怕羊膻味嘅朋友都話 ok ☺️ 佢嘅蔬菜仲有微微嘅甜味，好解膩～整體嚟講食物質素都幾好，係餐廳舖面無大埔分店咁大，所以枱與枱之間嘅距離都幾近，剛好係一個側身嘅身位，所以都有啲嘈😂😂 …Read More
蝦味噌湯沾麵（配黑胡椒麵）$93🔹湯底由蝦味噌等幾種味噌，再加上豬骨湯調配而成，蝦味濃郁又唔會覺得油膩～ 湯底比較稀身，與其話係沾麵湯，我覺得更似一般湯麵嘅湯底😂🔸我試咗出面少見嘅黑胡椒麵，睇得出有黑胡椒，但食落椒味淡淡的～🙊🔹default 會俾冷麵你，口感偏硬身，一開頭湯底好熱嘅時候冷熱交融咁食都幾有趣，但慢慢湯底冷卻之後再放冷麵入去就會變微暖偏凍...我諗下次會試吓叫熱麵🤣🔸仲有一點，就係麵條嘅掛湯度唔高，如果就咁沾一沾就食會吸收唔到湯嘅味道，到後來我直情將麵條放入湯中浸1分鐘先食，一來可以略略浸軟啲麵條，二來麵條可以索哂湯嘅精華🥰🔹其實呢碗湯嘅底收埋咗隻溏心蛋，但我太遲先為意...然後佢變咗9成熟🙈🙊🙉 所以...大家記得早啲救隻蛋出嚟啦...🤣…Read More
黐線芝士黐住芝士治 （$78）佢無改錯名，呢個芝士治真係好黐線🤗 平時係出面食嘅拉絲芝士多數都無芝士香，而有芝士香嘅又無拉絲感喎🥺 但呢個芝士治一次過滿足我2個願望，有濃郁嘅車打芝士香，又有拉絲感，仲要係紅菜頭麵包面上放滿芝士碎，芝士控🧀表示好滿足啊💕💕 不過建議大家食得快啲，我食咗半個之後佢啲芝士就凝固咗啦...🙈皇者焦糖花生醬真脆煙肉 milkshake （$69）呢款 milkshake 又係極度邪惡，未攪拌之前就好似牛奶雪糕咁嘅 texture ，飲落就係溶咗嘅花生味牛奶雪糕，可想而知個甜度有幾高😈 佢加入埋煙肉乾粒，雖然味道咸咸地都幾特別，但口感太乾硬要花時間咬開佢，我唔太中意...🙈整體嚟講佢嘅食物都算高質抵食，見同事食嘅 burger 都好吸引咁，但佢嘅 milkshake 價位同食物差唔多，感覺唔太抵飲😂 btw 佢有用由大米、木薯粉製成嘅環保飲管，呢點好抵讚♻️💛…Read More
藍色螺旋藻乳酪碗 ($78)呢個乳酪碗賣相一流，乳酪之所以變得湛藍係因為加入咗螺旋藻～ 原來螺旋藻係超級食物，有豐富嘅營養素，仲有抗炎和抗氧化嘅作用～ 食完即刻覺得自己健康咗啊🤓輕煎帶子黑松露菠菜牛肝菌意粉 ($78)呢款意粉加入菠菜、牛肝菌等比較健康嘅材料，連醬汁份量都係剛好，黑松露味唔算好濃但足夠😂 整體嚟講係正常發揮😆招牌藍莓乳酪雲石芝士餅 ($58)呢款 cheese cake 以乳酪取代忌廉，所以食落質感輕盈帶乳酸味，就算食左大半件都唔會覺得滯👍🏻 (我以前試過食一件藍莓 cheese cake 滯足8個鐘啊陰公...🤦🏻♀️）cheese cake 表面嘅係竹炭，足見店主嘅用心💕焦糖鮮奶咖啡(H) ($44) (套餐價 +$25）一上枱就飄來焦糖香，甜度適中，咖啡味唔算好濃郁～Btw 室內嘅位置好少，大部分人都要坐出室外，雖然有太陽傘⛱️，但大熱天時食真係會好熱...😂…Read More
歐陸監獄鐵板三文治 （$54）原來呢款加入🍲玫瑰芝士燴通心粉、🧆普羅旺斯燉肉丸、🥔脆薯餅、🥗水晶生菜、🍳燶邊流心蛋、🧀熔岩芝士嘅三文治係仿製歐陸嘅監獄餐🙆🏻♀️ 神奇地咁多九唔搭八嘅材料配埋一齊又幾夾幾好味喎‼️ 尤其係通心粉，完全冇諗過可以夾落三文治度食🤣🤣🤣蝦兵蟹將鐵板三文治 （$62）呢款三文治加入🦀酥脆軟殼蟹、🦞小龍蝦沙律、大量紫椰菜絲、大量🥕醋漬紅蘿蔔絲、他他醬～ 超足料啊，有大大隻🦀軟殼蟹，小龍蝦沙律🦞亦都好惹味，配埋酸甜清爽嘅紅蘿蔔絲食可以 balance 到肉類嘅油膩感～ 呢個配搭唔錯☺️3日3夜自家手切薯條 (L) （$49）呢款薯條係連皮炸嘅，我幾中意佢嘅厚度，外脆內軟有薯香😆 不過單叫就唔係幾抵食啦😂酥脆牛油果配芒果莎莎醬 （$28）一份有3塊炸牛油果蓉，外脆內軟，我好中意佢嘅芒果莎莎醬，酸甜開胃仲有果肉咬下，用嚟點薯條食都唔錯☺️我呢個重口味人士比較中意歐陸監獄，而朋友就中意蝦兵蟹將嘅清爽感，結論係兩款都幾好😝 但食完真係會好飽飽飽🤰🏻🤰🏻🤰🏻最好多啲人 share 試多啲口味～ 我下次要試吓佢嘅拉麵叉燒鐵板三文治🍜🤗🤗…Read More
𝔻𝕣𝕚𝕟𝕜𝕚𝕟𝕘 𝕔𝕙𝕠𝕔𝕠𝕝𝕒𝕥𝕖 𝟟𝟠% (𝕀𝕔𝕖𝕕) $50本身是以牛奶調配的，我選擇加 $5 轉燕麥奶，有淡淡的燕麥香～ 𝔻𝕣𝕚𝕟𝕜𝕚𝕟𝕘 𝕔𝕙𝕠𝕔𝕠𝕝𝕒𝕥𝕖 入口先是微甜，後來就有可可的苦澀，最後是酸味，加上巧克力微粒，口感味道都很濃郁豐富～ 試了朋友那轉了杏仁奶的 𝔻𝕣𝕚𝕟𝕜𝕚𝕟𝕘 𝕔𝕙𝕠𝕔𝕠𝕝𝕒𝕥𝕖，酸味更為突出，但我還是比較喜愛燕麥奶那微甜☺️…Read More
沖繩 Taco 飯 （$98）🔸呢款有別於傳統嘅沖繩 Taco 飯～ 佢係飯面鋪上滿滿嘅墨西哥肉醬，佢嘅肉醬係真 · 肉醬，係完全冇肉粒咬到嗰種肉醬😂 加上鬆脆嘅 Nachos 和沙律醬，好適合拌飯～🔸呢間餐廳好多菜式都加入牛油果，連 Taco 飯都唔例外，估唔到個味又幾夾喎☺️🔸佢仲加入大量沙律菜，可以幫助中和一下個油膩感～原隻軟殼蟹配羅勒青醬意大利飯 （$148）🔹大大隻炸軟殼蟹，抵讚嘅點係佢嘅軟殼蟹醃得好濃味 juicy，但食哂成隻就可能會有啲膩啦😆🔹佢嘅青醬 risotto 濕潤可口，幾適合重口味人士😌柏士圖青醬雪糕海鮮意大利麵（$138）🔸呢個意大利麵賣相幾吸晴，所謂雪糕其實就係青醬，將青醬拌勻意大利麵就食得架啦☺️ 但其實我覺得呢個意大利麵味道偏淡，質素普通唔值呢個價🙈燒法國春雞釀牛油果意大利飯（$168）🔹呢個春雞大大隻，仲配埋牛油果 risotto，食完實好飽🙊 可能因為佢咁大隻好難醃得入味，所以春雞味道偏淡，肉質亦有少少嚡口～手沖玫瑰牛茶漬飯（$118）🔸呢個本身係配半生熟肥牛嘅，但因為朋友唔食得生野，所以我地要求餐廳事先煮熟啲牛先～ 呢點要讚下餐廳，連呢啲要求都肯 entertain 我地🥰 配上飯素嘅茶漬飯味道正常冇咩特別😂薯條配雙色醬牛油果松露蛋黄 （$58）🔹因為有朋友唔食得芝士，所以我地要求芝士碎另上，又要讚下餐廳咁貼心先🥰 呢間主打牛油果嘅餐廳連薯條都唔放過🤭 兩款醬料都好特別好夾，配埋熱辣辣嘅薯條食都幾正😆柚子蜜糖雞翼 （$58）🔸落左柚子蜜去煮嘅雞翼都幾酸甜醒胃，肉質都算嫩滑，好味🥰…Read More
