littlecc's Profile

之前只曾惠顧龍閣晚市，服務及食品也不錯，一再光顧。今天是首次惠顧茶市，沒想到可一不可再。服務:3:30一個人去下午茶，茶市4點完結，即使大把吉枱及表示不想搭枱，也強制要搭枱，是趕客嗎？:(食品:鳳爪 味道不錯但過鹹燒賣粒粒飽滿又彈牙燒鵝米粉燒鵝乾爭爭米粉未煮熟曬就上枱，要再翻煮，而且湯底是強烈的味精，食完要狂灌水。…Read More

早前見到團購泰式自助餐，本身付出百幾蚊，對其食物沒有什麼期望，不過見到每人送生蝦刺身四隻，我和老公超級喜歡吃泰式醃生蝦，便買了兩張COUPON一試。19:45入座時，職員已經不多禮貌，仲要明明近落地玻璃一排好幾張枱都無人坐，又不會阻著大家取食物，但職員一定要把客人編入內部坐，使大家取食物時都要側側身行入又逼又窄的通道上，還要小心旁邊的食客忽然退後張凳起身，便會撞個正著。基本上食到21:00已經走得，因為已經無乜嘢好食，本身食物種類都唔多，仲要無乜添加，真係中伏。出得一轉的食物： 好味的蒜蓉包及椰汁雞湯， 普普通通的紅咖哩牛腩、青咖哩豬頸肉、炒通菜、類似大菜榚的甜品、西瓜出得兩轉的食物： 好味的海南雞， 普普通通的泰式鳯爪、涼伴粉絲、冬蔭功食到最尾仲有的食物： 好味的紙包雞、沙嗲、肉鬆生菜包， 普普通通的咖哩角、炒貴刁、無曬芒果的芒果糯米飯、魷魚、燒豬頸肉未食過的食物：賣相不吸引的炒飯、油淋淋的蝦餅、炸到燶曬的雞翼、乾爭爭的油酥餅&春卷進食途中，被告之生蝦刺身已售罄，會轉青口給我們，我非常失望，我說我並不食青口，並一心來食生蝦刺身，有沒有其他選擇？職員不禮貌地告之沒有，說生蝦只是送的，送完即止，然後走開了，再無跟進，最後青口也沒有到，老公看過另一桌的青口，也說算了，不吃了。回家後，查看了團購的COUPON，並沒有寫送完即止，這是否違反商品說明條例？如果在入座時被告之沒有生蝦，我情願下次再來，可惜已開動了，無辦法，唯有......無下次。…Read More

這間貢茶幫襯多年了，水準依舊保持住，可能是人流足的關係，在這裡買的茶從來未遇上過澀。我獨沽一味水蜜桃綠茶加珍珠少冰半甜，是我愛的味道，珍珠夠軟，有少冰少甜。現在搬到和小食店分租一個舖位，真的是聰明的做法，做到雙贏的局面。買小食的，又會想買嘢飲，等嘢飲時，又會心思思想買d嘢食。只不過係太好生意了，每每要等好耐先有，不過對比起旺角的貢茶，同樣要等咁耐，呢度水準穩定，值得等。…Read More

計劃和朋友們在市區燒嘢食，到OPENRICE找尋燒烤場，看食評似乎這間不錯，便致電詢問能否攜犬進入，對方表示可以攜同手抱的小狗進場，便馬上訂了星期日7PM八位。其後在星期五有職員致電RECOMFIRM我明天7PM八位，我說我並非訂星期六，佢問我係咪轉咗？我話唔係，我一直都係訂星期日，仲同佢講話改成十位，佢話好呀！然後收線。星期日到達場地時，竟然說沒有我的訂枱？！好在有枱，可以讓我們進入，我已經嬲嬲哋，到職員帶我哋坐低之後，放低曬袋，打算去拎嘢食，有另一職員話呢張枱有人留座俾BOOK咗的人，我即刻發火問佢：又點呀？佢先話俾我坐，但都要俾說話我聽。我覺得有點委屈，我夠一早BOOK咗啦！係你哋安排失當之嘛！嘢食拎到返嚟都仲未有人開爐，要三催四請，我哋十個人，應該唔只一包炭，又係要追先有。不過除了叫我轉枱時態度唔好外，其餘時間職員的服務態度都好好，包括叫我轉枱的同一人，有溫馨提示我唔好用膠盤撥火，怕會溶掉。講返個場，交通方便，即使在美孚站步行過去都只係十幾分鐘，場內乾淨企理。好在係OPENRICE知道在另一個場旁邊，要沿小路行到紅燈籠處再轉入去，日光日白還可，到夜晚睇唔到紅燈籠，我有遲入嚟的朋友搵唔到，去咗另一個場呢！如果有多一點指示，又或者在紅燈籠處有發光的裝置，會比較容易引路。場內有許多把會噴水的大風扇，有人喜歡，有人討厭，喜歡佢帶來涼快的感覺，又把灰帶落地面，較少灰通處飛，有人嫌佢吹到塊面好乾，水吹到炭上會彈火屎。嘢食全自助式，衛生成疑，要其他人都用乾淨的手夾嘢食、塗麵包才可。無地方放夾，夾完唯有放在食物上，要拎又難免會碰到食物。麵包枱無夾用，大家都係用手拎，亦難免會碰到其他麵包。睇嚟果日大家都好乖，食完無人肚痛。夾太少，多人時要爭咁款，如果可以提供多幾個夾，有專門放夾的地方會更好。嘢食味道唔錯，無雪味，又唔會過咸等你買多D嘢飲，扒類、叉燒等細細件，易拮易燒又唔會食一件已滯咗。雞翼有許多味道，不過個冰櫃的款式介紹貼甩甩漏漏，完全睇唔到邊樣打邊樣，唯有樣樣拎一d，其中一款辣到飛起，有幾個朋友都中咗招。樣樣嘢都幾好食，除咗魷魚，un到無朋友，兩個朋友燒完都食唔到。喜歡佢有幾款麵包提供，仲有幾款牛油添，大家都食咗好多蒜香牛油法包。仲有粟米、茄子、翠肉瓜、蕃薯等等，唔洗加錢買，唔係一味丸呀 腸呀 肉呀咁。唯獨是以前去其他燒烤場會免費有卷廁紙，呢度要俾錢買，唔知係咪而家度度都係咁呢？入場位置有貼告示話限時4個鐘，每兩人包細炭一包，每四人包大炭一包，但無人會同你講，但其實4個鐘都夠曬皮，炭大大舊好耐燒，我哋最後都只係用咗包半。總括嚟講$148任食，包一枝嘢飲，其後都係十蚊八蚊，無其他開爐費，炭又夠大包，嘢食又唔錯，地點又方便，會再嚟，不過訂位方面要自己跟足d。…Read More

本人於21:33經網上完成訂單，其後沒有職員致電對單，以前訂都會有的，如果職員跟我說要等90分鐘，我會取消其訂單。最終23:00才送抵，我向速遞員反映在非繁忙時間也要等待差不多個半鐘才送抵，他表示我曾改單，故此最後預訂送抵時間為23:03。我沒有改過單，我不知為何有如此失當的安排？到進食時，所有食品連暖也談不上，難以入口，最後只食了兩個葡撻，吃了幾口飯，其他的只吃了一兩口便吃不下。雞粒是涼的，脆皮粒變成硬皮粒，乾爭爭又無味。薯格全稔，油淋淋，原本很喜歡吃也不想吃了。家鄉雞的皮跟雞粒一樣，硬到無朋友。脆雞跟磨菇飯還好，放得入口，不過最後要叮翻熱個飯先食。唯獨葡撻無出事，涼咗都食曬。過百蚊食D咁既嘢，無下次，同樣價錢有其他更好的選擇，難道要未餓就要叫定外賣？…Read More

自從數年前沒有亞叔座陣後，質素已大不如前，以前亞叔一個人對住八部機也控制得宜，而家兩位亞姐會經常打開部機睇下得未？唔得再繼續烘，間中仲會見到過咗火要掉添~~數月前經過見加價加到15蚊一底，購買意慾又再減低了。今次見唔洗排隊，又口痕痕咪買一底過下口癮。可惜跟我回味中的北角雞蛋仔相差甚遠，只有香脆而沒有蛋味，失望！…Read More

幫襯了這間米線近十年，看著它的食物質素起起落落，雖然曾經有三段時期差咗，不過我仍然會返轉頭幫襯，可算是我的最愛。初初幫襯時曾吃過不同的配料，最後選定了炸醫、雞肉、腩肉米線小辣，一吃便是這麼多年。炸醫肉碎很多，即使放了湯仍香濃雞肉很滑腩肉不肥的腩肉，啖啖肉，很美味米線由於配料份量多，經常食到最尾無曬米線，仲有好多餸，很飽米線底配料芽菜和酸菜也是超多的湯底呢度的酸辣度幾高，建議叫小辣好了，湯底很濃味…Read More

在這裡幫襯了數年，喜歡這裡無味精的濃魚湯底和美味的古列豬扒，每次也是吉列豬扒米線膽拖其他配料。好味得我常推介此店給朋友們~~過去一年數次幫襯時已覺得大不如前，湯底稀和咸，米線內的菜和豆卜沒有以前般豐富，豬扒仍能KEEP到水準，但份量也是減少了，而價錢卻加了近2成。湯底肯定落咗味精，飲幾口已口渴米線口感大不如前米線底配料只有零零星星的菜雜菌份量又減少了吉列豬扒仍能保持水準這裡省招牌的是無味精的濃魚湯底，如欠缺了這個賣點，相信不能再引起我特意走到這裡食米線衝動了，這裡地方逼夾，服務又差，而家連嘢食都麻麻，以後最多外賣一件吉列豬扒，過過口癮好了。…Read More

我有怡東咭，兩個人惠顧，其中一個主菜免費，正價人均約$800。湯忘了湯名，只記得很香濃，湯中的大蝦爽甜西冷牛扒不過不失，反而以下的配菜更出色芝士焗薯薯仔切到一片片，連同芝士層層疊咁拎去焗，好香，咬落又有層次紅蘿蔔原條幼紅蘿蔔，好甜大磨菇很香凱撒沙律菜很爽脆，配以滑滑的流心蛋…Read More

首次惠顧是有團購優惠，但食到有水準的牛扒，不介意正價再來幫襯。去過一些西餐廳食二至四百蚊一個扒，都無呢度咁好食。凱撒沙律菜很新鮮爽脆意大利雜菜湯有很多蘿蔔和菜，不是只見茄醬，不見湯渣安格斯肉眼扒JUICY好味熱朱古力濃得飲到底仲有朱古力液在杯底…Read More

持團購COUPON數日前訂了6:45取PIZZA，仲叫我準時到，否則凍咗唔好，我6:35去到，搞完一大輪手續咪坐低等，諗住6:45會有，當6:45追單時，先知個批一早準備好，不過無拎去焗之嘛，唔明白點解收銀識叫我辦手續，唔識叫廚房焗批，又要等多20分鐘。個批出咗嚟，職員放入手抽膠袋，我咪諗住拎起手抽行，點知佢叫住我，要我打平放，用另一隻手頂住個底，否則啲料會跌，我即刻O咀對住佢，我另一隻手抽住嘢，而且得個紙盒和膠袋格住，熱辣辣點托住個底呀？之後職員先用繩幫我打個十字，咁就可以抽住行。乜呢度第一單做外賣自取嗎？雖然服務不太好，但PIZZA確實好味，價錢跟其他兩大PIZZA速遞公司差不多，相信仍會再幫襯，但一定唔會再自取咁苯。餅底很鬆軟，不是平時食開果種硬實實，呢款會連個餅底都想食埋用料舖滿整個批面，用料充足，比我想像中更容易飽味道味道惹味又不會過咸…Read More

獨自一人在銅鑼灣食飯，唔去茶餐廳，最好就係嚟呢度。嚟呢度我獨沽一味排骨菜飯，係最合我口味的菜飯，別無他選。呢度雖然坐位逼夾，但上菜奇快，基本上由坐低叫菜飯到食完都唔洗二十分鐘，無所謂啦！注意：兩人以上幫襯會俾碟酸菜你，要收錢架。菜飯底有很多白菜，比起小唐菜，我始終覺得上海菜飯是要用白菜才正宗和好味排骨從未在其他地方食過呢種味道，似是炸過，但外皮炸粉甜甜的，跟肉痴埋一齊，肉很鬆化但不是發粉造成的效果，仍然保持肉的質感要減肥的女士注意排骨用上半肥瘦，加上混在菜飯底的油，好邪惡架！…Read More

我知道店舖以團購價吸引顧客，這次的推廣是無錢賺的，純粹當宣傳，希望顧客再次光顧才是重點。為何這間店好像抹黑自己的招牌？觀乎下面的食評，跟我的遭遇一樣，我也不詳細敍述了。貨不對版魚生只有三文魚，我最愛的蚧子沙律換了中華沙律，雪糕變成雪米磁態度惡劣由訂枱到入座，以至落單，全程態度惡劣零招呼只著力招呼非團購顧客，坐吧枱頭的我們是自行清碟和加水的，追單和加水係無人理你的呃秤我們見要等半小時才出一ROUND串燒，而且仲要漏單，LAST ORDER咪叫多啲囉，每樣四串，雞軟骨(一串六粒)、鵪春蛋(一串四粒)、雞翼(一串兩隻)、粟米(一串兩舊)，出到嚟雞軟骨一串四粒、鵪春蛋一串兩粒、粟米一串一舊，雞翼來三串，經過三催四請才到齊的LAST ORDER，已經一肚氣了，無力氣同佢講，食完走人，保証永不幫襯。食物方面：三文魚刺身和中華沙律三文魚肥美、沙律無乜特別青辣椒無去籽，辣到飛起長蔥燒到乾曬冬菇都係乾曬粟米本身鍾意食粟米，對粟米無乜要求，本身甜就OK，不過每串都有啲燶大蔥雞肉過咸雞軟骨OK雞翼OK多春魚OK鵪春蛋加上個汁，好味…Read More

呢度最出名係粿，不過我對粿無乜興趣，選擇食炒麵線和清心丸綠豆爽。炒麵線好大碟，好多料，味道好，只是略嫌油咗啲清心丸綠豆爽唔太甜，好多綠豆，我喜歡，如果清心丸再多啲就更加好呢度由服務至食物質素，很有住家的味道，平實但會令你懷念~~…Read More

在上環區食茶餐廳都要3字頭落樓，呢度三十蚊個飯連麵豉湯，真係一個唔錯的選擇。買過幾次，知道想快的話就買三色刺身飯，即時拎得走。再唔係買佢貼住係門口的是日特價精選(-$2)，因為通常一堆咁出，否則其他款式要等超過10分鐘。以下是曾試過的款式：三色刺身飯($38)有三款刺身各三片加蟹子，第一次試唔錯，刺身也算肥美，但第二次就唔多掂，水準參差。豬軟骨飯($28)我覺得最好食係呢款，豬軟骨入味又稔燒汁雞柳飯($28)醬汁惹味，不錯咖喱豬扒飯($28)咖喱不香，麻麻地加洲卷($25)份量好足，好多料，不過唔知係咪太大舊卷唔實，一夾即散飯是珍珠米，好好食，而且每個熟食的飯內也有些瓜瓜菜菜，讚…Read More