YANXCKY's Profile

下午茶抵食又好味，真係好過去茶餐廳好豐富，最鍾意食丹麥吐司夠酥香，配埋薯條仲有沙律菜，夠晒滿足原隻軟殼蟹好驚喜，黑松露飯好好食，我自己就唔太鍾意太濃重黑松露味，呢個真係啱啱好西餐廳必定有卡邦尼意粉，但係唔係間間都整得好食，呢個醬汁濃度啱啱好，又夠芝士香，食多咗都唔會覺得膩呢款唔使多介紹啦，小朋友最愛…Read More

平時食大閘蟹都係清蒸多，第一次試西式煮法嘅大閘蟹，都幾特別！主菜：大閘蟹馬賽魚鍋大閘蟹好多膏，肉質鮮甜不在話下香煎盲曹魚都好出色，魚皮煎到脆卜卜，配埋海鮮蕃茄醬汁好好食，連啲配菜都好正蟹肉濃湯真心好味，飲到一滴都唔剩蟹肉燴飯呢個又係勁好味，超多蟹肉唔孤寒，配埋蟹肉濃湯汁燴飯，味道鮮甜食唔停口食完大閘蟹一定要飲薑汁酒，我個人比較鍾意熱嗰一款最後仲有薑味雪糕又係好好食，入面有少少薑粒，好有驚喜，可惜唔記得影相😆…Read More

綠茶餐廳喺內地已經食過幾次覺得好好味見佢開到嚟香港即管試吓啦！可惜餐牌冇內地嘅小鍋土豆，建議加入啊，真係好鍾意食😋龍井烤雞雞皮烤到脆卜卜，肉質入味，唔算太嫩滑粉絲裹蝦蝦肉彈牙，粉絲索晒啲汁好好味花膠蓮子白玉盅花膠都好大塊，蓮子軟腍，冬瓜粒好好味金栗煨白菜味道比較清淡，栗子略微硬身未煮得夠腍宋宴蟹釀橙蟹肉鮮甜配上醋凍帶出甜味，好特別雙椒焗黃魚微微辣味，魚肉嫩滑入味黃豆炆無骨雞腳黃豆夠稔夠入味，雞腳無骨方便進食，好味香鍋花菜少辣香口，必點東坡肉肥瘦相間入口即溶，配埋少少白飯真係超好味筆墨酥香千層酥皮入面包住芋頭蓉，甜味適中…Read More

🍢荃灣抵食串燒小店免收加一仲要營業到晚上12:00最平$10一串，款式都幾多選擇最方便係門口有得泊車，附近都多停車場🚗啱晒同朋友嚟食住串燒傾下計我夜晚7點未夠去到已經坐滿晒人👍🏻掛住食有好多都唔記得影相😆必點芝士流心蛋大啡菇🍄‍🟫一切開睇住啲蛋汁流出嚟，菇菇勁香好多汁好Juicy，真心好味😋其他種類串燒都好食，汁燒大蔥雞肉好滑唔乾身，牛肉都夠稔夠香，燒蒜芯勁甜一串唔夠皮，燒午餐肉係厚切好大塊，燒雞泡魚乾略微太乾太硬，過咗火少少。總結$10串燒真係抵食，下次會再去試埋其他款式！…Read More

限定嘅原條黃鰭吞拿魚即切環節，睇住師傅新鮮劏完即刻有得食，絕對滋味又滿足😌 另外每人免費贈送大閘蟹🦀同埋蛇羹🐍添吖～✨當歸燉羊肉·補而不燥✨鮑魚花膠濃雞湯米線·養顏暖胃✨紅燒鮑魚花膠排骨·肉質軟嫩✨即蒸新鮮生蠔·鮮味爆發✨烤鰻魚·皮脆肉嫩✨爆炒八爪魚·鑊氣十足✨香茅檸檬葉椰青水煮花甲·鮮甜無比✨辣酒煮花螺· 辣得過癮✨老乾媽小龍蝦·微辣惹味✨豉椒炒蟶子·鮮甜無沙🍰 甜品方面重點推介大熱抹茶甜品我第一次試抹茶朱古力噴泉，真係香濃好味😋仲有Häagen-Dazs 雪糕5款口味任食🍨食完飽到攬住個肚離開😂…Read More

趁住兩個吃貨寶貝女都放假，最鍾意帶佢哋周圍食下嘢，今次就去咗土瓜灣嘅人氣高質Cafe☕️ 餐廳嘅菜色有啲真係好創新特別，另外甜品都係主打，好吸引我呢個 #甜品控 😍🤍 紅酒慢煮牛面頰配薯蓉估唔到都幾大份，經過慢煮嘅牛面頰好腍滑入味，薯蓉棉密順滑充滿牛油香，配埋紅酒汁一齊食真係食唔停口，另外仲配上炆到好腍嘅紅蘿蔔，直頭想食返碗飯😆🤍 手撕豬漢堡配薯條手撕豬肉都幾多，搭配酸酸甜甜嘅醬汁好開胃，最鍾意麵包經過烘烤，特別香脆，口感豐富！🤍 松露油忌廉野菌汁貓耳朵意粉好鍾意食貓耳朵意粉嗰種煙煙韌韌嘅口感，搭配忌廉野菌汁加埋松露油香氣，醬汁濃郁得嚟又唔會膩，唔覺意一粒粒食好快就清晒😋🤍 窩夫配髒髒曲奇忌廉朱古力雪糕原本想試下招牌嘅鴨仔造型Tiramisu，不過有咖啡兩個寶貝都唔食得，轉食小朋友最愛嘅甜品，窩夫配雪糕永遠都冇得輸😆🤍 茶漬橙朱古力慕絲千層酥見到茶漬橙覺得好特別，食落有淡淡茶香，搭配香濃朱古力慕絲味道好夾，佢個千層酥非常酥脆👍🏻…Read More

曾獲選米芝連推介餐廳，食物質素當然有保證啦！我哋6點去到，未夠7點已經全間餐廳坐滿！傍晚時分坐窗邊位置仲可以睇到日落靚景🌅🐟 椒鹽九肚魚天婦羅重點推介必食👍🏻一上枱周圍嘅食客已經望住勁吸睛，原條九肚魚炸到好香脆，魚肉滑嘟嘟，口豐層次豐富，乜都唔使點已經好好食，成條連骨都吞晒，隔離幾枱食客見我哋食到咁滋味即刻跟嗌同款😆🍤 冬陰海鮮湯食泰國菜點少得冬陰功湯，湯料好足味道香濃酸味適中，如果可以Keep住有火熱住就更好喇！🦪 魚露金不換浸花甲(熟)食落去質感好嫩，好似食緊生醃咁鮮甜，熟嘅就食得更安心🍤 生蝦刺身肉質鮮甜爽口，個泰式生蝦汁好啱我口味唔會過辣，酸酸辣辣好開胃🍤 泰式炸蝦餅小寶貝最愛，蝦餅夠厚身彈牙，炸得夠香脆，點埋泰式雞醬更惹味🍢 沙嗲雞串配烤多士雞串燒得好香，肉質一啲都唔會乾，沙嗲醬充滿花生香氣好好味，估唔到烤多士點沙嗲醬又幾好食喎🥩 和牛炒寬河粉和牛肉質軟嫩，寬河粉口感滑滑，似食緊粉皮嘅感覺，吸晒和牛同醬油嘅香味好好食，推介👍🏻🍤 粉絲蝦煲啲蝦大大隻，肉質爽口彈牙，份量都唔少，係略嫌淡口咗少少🍨椰子雪糕原本想叫埋芒果糯米飯，不過真係太飽應該食唔落，所以叫咗椰子雪糕，真係超好味，濃濃椰子香味又夠滑，食一球係唔夠喉架😂…Read More

#屯門友 都知道紅橋都幾多嘢食，阿女考完試即刻帶佢去食甜品慶祝下先🥳今次去咗嘆甜品，見到佢新推出限定 #開心果 系列所以想試下💚💚 #開心果雷沙湯丸 湯丸有兩款餡料選擇：芝麻/花生我鍾意芝麻餡，湯丸皮略微厚咗少少，拌碟滿滿開心果粒粒，用湯丸黐滿開心果一齊食，唔錯！另外仲有💚#開心果窩夫 💚#開心果西米露 都好吸引，不過今次叫咗其他嘢食，下次一定再嚟試下～🍮#法式焦糖燉蛋配有大大舊鮮忌廉、雲呢拿雪糕，食完成份好滿足，焦糖可以再燶多少少就更香脆🧇 #榛子朱古力石板街窩夫窩夫配有一球雪糕，可以揀唔同味，當然要配朱古力啦，加埋榛子朱古力醬、爆谷同鮮忌廉一齊食，食完即刻開心晒😄🍫#特濃朱古力碎冰阿女指定要飲仲一個人飲晒成杯，一定好好味啦😋☕️#生磨芝麻糊香濃芝麻味，絕對唔係用粉開，見到有其他食客專程坐低就係食一碗芝麻糊，就知出色啦～🍟 咸點就叫咗 #小食拼盤 同 #藤椒麻辣雞翼 ，估唔到個雞翼又幾出色喎，上枱熱辣辣，香脆得嚟唔會乾，肉質好Juicy夠入味👍🏻…Read More

最鍾意食放題，聚會慶祝都好適合，唔使就嚟就去，自己鍾意食乜就叫乜😊今次同兩個寶貝嚟到牛大人荃灣店，揀咗「日本黑毛和牛A4+」吃到飽套餐，仲送海鮮拼盤同埋特色鮑魚，我哋19:30前離座$448一位，130cm以下小朋友$348！🍲湯底都有10款選擇，我哋就揀咗「魚白湯三文魚豆腐鍋」，魚湯鮮甜冇腥味，豆腐滑嘟嘟🐮 主角梗係日本A4+黑毛和牛啦，靚靚雪花紋非常高質，油脂分布均勻，淥幾秒就食得，肉質嫩滑口感一流👍🏻🥩 安格斯牛小排都好好味，牛味濃郁，唔少心淥耐咗都唔會韌！和牛牛丸超好味，大大粒牛肉味好香濃，一咬爆汁🤤🐟 海鮮拼盤有蠔、蟶子、鮑魚、扇貝，都算新鮮配料區乾淨整齊，飲品區選擇多，推介冷泡茶，配打邊爐一流！🍨 甜品有多款雪糕雪條，最好味一定係MÖVENPICK® 朱古力味，我食咗3杯😆仲有情人節限定嘅Dreyer’s® 心形雪條😍🈵 我哋埋單走嘅時候已經全店滿座，想去嘅話最好提前Book定位，仲有記得食幾多叫幾多，唔好浪費食物喔～😉🚗 大陂坊錶位停車場…Read More

位於元朗西菁街嘅咖啡小店，葡萄牙式裝潢、藍白花瓷磚，充滿異國風情，店面不大座位唔多，但都唔會好迫，坐得幾舒服😌今次我係衝住佢個 #挪威鹹香焦糖芝士 嚟嘅，網上見到佢呢個甜點真係好吸引到我呢個 #甜品控 ，加上我超鍾意食牛角包，一定要嚟試下🤤✦ 挪威焦糖芝士Croffle $88一上枱已經好震撼，面頭滿滿刨成絲嘅主角TINE® Brunost™ Caramel Cheese ，口感軟綿綿，鹹鹹甜甜帶點焦糖味，配上酥脆Croffle、鮮忌廉、蜜糖，真係非常邪惡，卻讓人欲罷不能、一吃上癮，絕對有驚喜☺️✦ 煙肉黑松露炒蛋Croffle $88炒蛋嫩滑，黑松露都唔少，切少少煙肉配埋Croffle 一齊食，估唔到鹹版嘅Croffle 一樣咁好味✦ 肉醬煙肉千層麵 $118吃得出的新鮮，唔同我平時食嘅肉醬千層麵，呢個肉碎冇咁多，加咗煙肉更香口，仲食到新鮮番茄，感覺更清新，份量剛剛好✦ 飲品🍵 Green Green 日本開心果配抹茶 $58🍫 Iced Salted Chocolate $42另外仲有老闆每日親手製作各款巴斯克蛋糕，見評價都好好，仲可以外賣，可惜今次我冇咁多個胃去試，下次再嚟試下！…Read More

見佢價錢都好抵食，第一次試佢哋嘅煲仔飯！我今次試咗 臘味片蝦醬蝦乾豬頸肉煲仔飯 ，食煲仔飯最重要就係啲飯，最怕食到煲仔飯嘅飯爛晒一pat嘢…呢個啲飯用水適中好爽一粒粒架👍🏻講下啲食材先～臘肉同臘腸片鹹香適中，油份滲晒入米飯，成煲飯都香噴噴！用蝦醬醃製嘅豬頸肉肉質嫩滑份量都唔少；再配上鮮味嘅蝦乾，仲有埋焦香十足嘅飯焦，加埋九十年老字號冠珍醬園秘制陳皮豉油，好味到成煲俾我清晒😋下次要再試埋其他款式嘅煲仔飯先得！…Read More

🎂早幾日媽咪生日帶咗佢嚟呢度食飯慶祝最吸睛一定係餐廳外牆壁畫啱晒影相打卡，餐廳內部裝修都好靚！而家天氣開始涼，建議坐戶外位置用炭爐燒烤，別有風味～必食炭燒窯雞，剪開嘅時候好多肉汁流出嚟，滑嘟嘟唔會乾爭爭。燒烤食物質素唔錯，牛仔骨大大條夠晒入味！豬腩肉都好味，燒好再用生菜包埋泡菜一齊食！佢哋嘅泡菜係自家製作，我覺得好好食😋老闆仲帶我哋參觀埋未開放嘅二樓位置，遲下應該可以Book場開Party，幾十人嚟玩都冇問題👍🏻…Read More

上個星期慶祝生日帶兩個寶貝去食自助餐，最鍾意食自助餐唔使驚選擇困難症，想食乜就食乜，大人細路一樣咁開心🤩講起自助餐首選一定係@mrsteakbuffethk ，性價比絕對係全港之冠，晚市低至$358就有和牛生蠔鴨肝鮑魚龍蝦任食，輕輕鬆鬆就可以食到回本😋✨刺身壽司區一入座就送魚生船，唔夠皮仲可以去攞刺身，必食紅蝦，大大隻肉質鮮甜，壽司都有好多款式選擇，啱晒小寶貝👧🏻✨凍海鮮區生蠔、龍蝦、蟹腳、凍蝦、青口等等生蠔雖然唔算大隻厚肉，不過好新鮮甜美，龍蝦爆晒膏，蟹腳肉質飽滿勁鮮甜✨熟食熱食區選擇非常豐富，重點必食各式和牛料理：佐賀牛鐵板燒，師傅即切即煎，薄薄一塊煎幾秒已經食得，包住香蔥蒜片一齊食，入口即溶勁好味火炙和牛壽司用火槍燒一燒增添香氣，肉質軟腍，滿口油脂甘香，每次限取一件，要攞多幾轉😋最愛極黑和牛壽喜燒，配埋甜甜蔬菜一齊食，好味✨甜品食自助餐我係有第二個胃食甜品嘅😆今次無緣食個Tiramisu，據說係好好味，不過我最後先食甜品所以已經冇晒，下次一定要食咗先！雪糕都有兩個牌子 Häagen-Dazs™ 同埋MÖVENPICK® ，仲有少量配料可以任加，Encore 幾轉夠晒滿足☺️💖 必點招牌心太軟，師傅可按要求喺碟上寫上祝福語，無論慶祝生日、紀念日、升職加薪，師傅都可以滿足到你，記得攞多球雪糕配埋心太軟一齊食，真係食完肥10磅都抵🤣…Read More

上個星期慶祝生日帶兩個寶貝去食自助餐，最鍾意食自助餐唔使驚選擇困難症，想食乜就食乜，大人細路一樣咁開心🤩講起自助餐首選一定係@mrsteakbuffethk ，性價比絕對係全港之冠，晚市低至$358就有和牛生蠔鴨肝鮑魚龍蝦任食，輕輕鬆鬆就可以食到回本😋✨刺身壽司區一入座就送魚生船，唔夠皮仲可以去攞刺身，必食紅蝦，大大隻肉質鮮甜，壽司都有好多款式選擇，啱晒小寶貝👧🏻✨凍海鮮區生蠔、龍蝦、蟹腳、凍蝦、青口等等生蠔雖然唔算大隻厚肉，不過好新鮮甜美，龍蝦爆晒膏，蟹腳肉質飽滿勁鮮甜✨熟食熱食區選擇非常豐富，重點必食各式和牛料理：佐賀牛鐵板燒，師傅即切即煎，薄薄一塊煎幾秒已經食得，包住香蔥蒜片一齊食，入口即溶勁好味火炙和牛壽司用火槍燒一燒增添香氣，肉質軟腍，滿口油脂甘香，每次限取一件，要攞多幾轉😋最愛極黑和牛壽喜燒，配埋甜甜蔬菜一齊食，好味✨甜品食自助餐我係有第二個胃食甜品嘅😆今次無緣食個Tiramisu，據說係好好味，不過我最後先食甜品所以已經冇晒，下次一定要食咗先！雪糕都有兩個牌子 Häagen-Dazs™ 同埋MÖVENPICK® ，仲有少量配料可以任加，Encore 幾轉夠晒滿足☺️💖 必點招牌心太軟，師傅可按要求喺碟上寫上祝福語，無論慶祝生日、紀念日、升職加薪，師傅都可以滿足到你，記得攞多球雪糕配埋心太軟一齊食，真係食完肥10磅都抵🤣…Read More

早排經過觀塘見到新開餐廳，又有機會試新嘢喇，即刻入去食個 Lunch 先😋餐廳唔算好大，但係座位都好舒適～✦ 烤加拿大穀飼肉眼牛扒伴燒新薯配黑松露菌汁牛扒都幾大塊，配黑松露菌汁好好味✦ 意式煙肉卡邦尼意大利粉小朋友必點，香濃卡邦尼醬汁加埋大量芝士粉，仲有好多菇菇，阿女話好好味道✦ 經典英式焗薯好耐冇食過，叫咗煙肉芝士酸忌廉法國細蔥焗薯，香甜焗薯配酸忌廉一定係絕配！✦ 阿拉斯加蟹肉伴香芒牛油果沙律呢個賣相好靚又好好味，我一個人清晒，推介必食啊！…Read More